Running 燒 (已結業)

今次又黎幫襯running燒，上次試過將軍澳分店之後，今次就試下旺角分店睇下係咪一樣高質餐牌冇記錯應該係一樣咁多選擇，豬牛羊海鮮，最適合我呢啲食肉獸不得不說，肉類真心正，無論原味定係醃過嘅，口感口味都係一流，仲要有咁多部位揀。跟住就係海鮮，睇相都睇到，啲蝦真係幾大隻下，仲有帶子同生蠔，放題黎講一啲都唔馬虎。飲料選擇都算豐富，對於我黎講有茶就夠啦，方便消滯持續作戰啊嘛。最驚喜嘅都係呢度嘅炸雞同煎餃，認真推介奉勸各位食肉獸血戰嘅時候都唔好錯過，味道真係拍得住外面嘅韓國炸雞專門店，仲有呢個大大隻煎餃，真係叫佢做比韓燒耽誤左嘅炸雞店都唔過份最後飲飽食醉之後，舖頭仲有雪條送，有四隻味，芒果葉子草莓同柚子，我就揀左椰子味，好濃厚嘅🥥味，口感十分清新

今次介紹呢間餐廳食物同收費不成正比😏收費超低但係食物質素就超高喎😬朋友相約帶我去食韓燒😊5:30就開始啦⋯⋯而且仲有七折添⋯⋯跟住我哋就約咗朋友去飲酒🍻吹水⋯⋯啱晒😎⋯⋯📍 📍Running 燒📍📍食韓燒最緊要餐廳冷氣夠凍！這間餐廳就非常達標了！用手機落單方便又快！多款飲品最重要仲有啤酒添⋯⋯仲有多款醬汁供選擇⋯⋯最鍾意酸甜烤肉醬！能夠帶出肉類的鮮味！韓式炸雞🍗肉質鮮嫩！外脆內軟！保留肉汁！仲有多款韓式食品，其他都是唔到只係試左水冷麵！水冷麵做得非常正宗仲有啲碎冰圍住！超煙韌！肉類有多款選擇但係我最鍾意愛牛肉！肉質非常新鮮！薄切西冷片和牛肋骨最正😋豬梅肉都好正入口即溶⋯⋯雞俾肉喎好滑嫩！海鮮一啲都冇Hea住做！佢嘅帶子肉質鮮美又肥口！生蠔超新鮮！仲有海水味添⋯⋯大蝦肉質結實！又彈牙爽口！最後唔記得咗講大家一定要試吓雜菜沙律🥗⋯⋯超級爽脆而且仲係凍凍地添⋯⋯整體餐廳食物質素超高！回頭值爆燈⋯⋯

夏日炎炎🙆‍♀️行出街唔夠一陣就已經溶晒出晒汗⋯⋯最好就係搵一間冷氣充足🧊嘅餐廳開餐🥰⋯⋯同朋友去旺角行街！行咗一陣已經冇晒力啦⋯⋯朋友提議去食韓燒⋯⋯🎈🎈Running 燒🎈🎈這間餐廳食物質素高！價錢仲超抵添⋯⋯我哋食5:30果場⋯⋯買單兩個只係🤩$$$397飲品種類都好多！最重要連啤酒🍻都係任飲😏醬汁有多款提供！有韓式醬丶蒜蓉丶大醬丶甜酸烤肉醬丶烤肉醬丶鹽醬🤩勁多醬汁😋啱晒我🥰配菜我最鍾意大豆芽丶泡菜非常爽脆又唔會太鹹！海鮮帶子超大粒又鮮甜！好少有咁高質嘅帶子⋯⋯生蠔🦪都係超大而且好新鮮！有兩款原味和芝士蒜蓉味！肉質相當肥美！扇貝😋新鮮美味！大蝦超大隻！肉質結實甜美！魷魚鬚咖喱味⋯⋯好入味好正⋯⋯肉類有豬丶雞丶牛每一樣都相當有質素！味道剛剛好！而且非常新鮮！ 豬梅肉肥瘦均勻入口即溶⋯⋯五花肉仲有辣味原味添⋯⋯因為我唔食牛嘅！我朋友話牛肉超水準！我哋叫咗蔬菜沙律🥗呢樣野真係估唔到！沙律菜非常爽脆仲要保持冰凍！又有炸雞🍗又有水冷麵而且炸雞仲好正宗肉質鮮嫩！水冷麵仲有少少冰保持水冷麵的煙韌！🤩😋😋最後再每人送一條雪條😘呢次係我第一次來這間餐廳🍴但係我一定會再去😋🙆‍♀️仲會帶埋朋友去🙆‍♀️

係旺角買完野 難得朋友想韓燒 早前見到朋友食完又見網上話好食就過黎試下😆😆😆 估唔到呢到海鮮肉類都有幾多選擇 平日晚上也座無虛席 環境好闊落 坐得舒服 任食110分鐘都係$278 用QR CODE手機落單 超方便😇😇😇 前菜有泡菜 酸酸甜甜唔太辣 好開胃 仲有芽菜同海帶 好清新😋😋😋飲品有汽水跟紙包飲品任攞 外面有醬料自助區 有6-8種不同醬料 肉點左薄切西冷牛扒、西施牛肉片、醬汁牛五花肉、五花肉、牛柳片等等 肉汁豐富 肉質嫩滑 好香肉味😆😆😆 熟食都有不少選擇 有大醬湯同辛辣麵 又有同炸魷魚鬚 即叫即炸 上枱熱辣辣肉質鮮嫩 仲有唔同口味選擇 淨係食都抵返晒 食到口渴想飲湯暖下腸胃口可以叫年糕湯 湯有紅蘿蔔同芽菜 比較清淡 年糕煙銀😄😄😄

突如其來想食燒肉，又非常之肚餓喎就揀咗旺角都幾出名嘅running燒，任食韓燒餐廳，喺彌敦道位置都幾方便去到服務員上一首先攞咗啲韓式前菜比我呢度最緊要方便總共有六種，當然唔少得一般嘅韓式大醬呢度嘅食物種類非常之多，牛豬雞大概都各有10款以上仲有好多唔同種類嘅海鮮，大大隻嘅芝士生蠔，扇貝，鮮蝦魷魚等等都有呢度嘅芝士生蠔超級足料，大大隻嘅生蠔配正常芝士😋有嘅話特別推薦牛肋肉，肉質口感非常好味西冷牛扒同埋雪花牛仔肉都okay豬嘅話厚切五花籃都幾好食幾Juicy另外我仲點左個韓式粉絲，同一般韓式粉絲差唔多,裏面嘅配料都好足夠另外仲試咗佢嘅炸物，先炸魷魚鬚同埋韓式炸雞都係即叫即炸，而且雞肉都好鮮嫩整體來講，依到係性價比幾高嘅韓式放題地點方便而且價錢都唔貴，仲有啤酒免費任飲

放工間唔中想食下韓燒或者打邊爐 食好多肉嘅感覺好滿足嘿嘿 ☺️☺️☺️今次嚟到呢間餐廳比較細上菜速度好快 基本上一落單幾分鐘就上菜了 1-4個人share一個爐 個爐係無咩煙 冷氣都好足 😇😇😇呢間餐廳價錢親民 二百幾蚊盡情任食110mins 有肉有海鮮 肉包括牛羊雞豬 肉類選用嘅部位都唔差 海鮮幾多選擇大多size唔細都好新鮮 蔬菜選擇都唔少 算好抵食😋😋😋熟食有 有得揀辣度 估唔到水準好高 尤其柚子味好出色 酸酸地甜甜地 調味恰到好處 食完清新柚子冇咁膩 😆😆😆估唔水冷麵食都有 而且質素ok 冰粒多食落都夠凍 食燒肉食到一半整返兩啖好爽😄😄😄飲品方面自己任攞 夠鐘前15分鐘會截單 最後每人可以限點一個雪糕或者雪條 😍😍😍

最近生酮飲食, 最常可以食既就係燒肉!今日放工同朋友黎左旺角試下呢間叫running 燒, 裝潢整到好似韓國正宗燒肉店咁! 等我睇下味道係咪都似韓國咁正先!佢種類有好多, 牛 , 豬 , 雞 , 海鮮, 我地乜都叫d.先講下佢既肉類, 呢個真係要讚既地方係佢唔會好似其他韓燒店咁醃到得個死咸, 或者跟本食唔出係咩肉, 我想講好多旺角燒肉店都係咁.但呢度好好, 黎到既野食你一定分得出佢係邊款肉, 牛肋條, 牛柳粒, 牛仔肉, 而且全部都好味！豬我就推介五花腩同豬頸肉，用生菜包住黎食真係超正！！！最重要呢度係海鮮同啤酒唔洗另加錢，仲要有蝦，蠔同帶子！蝦仲要爽口！$278真係好抵食! 淨係食海鮮飲啤酒都回本~

呢日行開旺角，想食韓燒，就見到呢一間都幾多好評嘅韓燒店，就一於試吓啦地點就係喺旺角中心附近，好方便，地方都好大，韓燒店來講，個抽氣扇都幾夠風，都冇食到成身油。嘢飲都有好多款，有汽水，亦都有唔同嘅茶類，上面嘅啤酒都係任飲，呢個價錢來講都算好多嘢飲揀。落單係用手機落，介面都好方便，落完單都好快有食物送到食物來講都好多款式揀，有海鮮，有肉類，有蔬菜，有熟食同埋炸物，我覺得啲野食都幾新鮮，好啱一大班鍾意食肉嘅食肉獸，但最好食嘅係個辛辣麵，因為真係幾辣下🤪最後都會有一條韓國雪條作為甜品，令到成個韓式燒烤好完美。

旺角韓燒店都唔少，今次朋友揀呢間係旺角中心後邊，成棟大廈都係食店，呢間係9樓一出𨋢就係餐廳，味道唔算重，抽風都算唔錯落單就用電話QR code 落嘅，飲品醬料小菜就可以係雪櫃自己拎，飲品選擇都唔少，汽水韓國果汁啤酒都有菜單上有齊豬牛羊雞，仲有海鮮同小食同熟食，樣樣都可以試到啱哂風呢啲腰闊肚窄嘅人😆牛我就最鍾意呢款，薄得嚟有牛味，而且配堆大蒜燒完加燒肉汁超正，encore 咗好多碟🤪豬肉就當然唔少得豬亞花，呢度有齊原味辣味，我就覺得原味燒出豬油最正，嫌太油膩仲可以order 蔬菜盤包住食海鮮唔少得嘅就係帶子啦，燒到兩邊焦香就咁食已經好彈牙，咖哩魷魚都醃得夠入味熟食有炸雞炸餃子之類嘅，俾我都係留返個雞食多兩件燒肉🤓辛辣麵有就好正常，呢度竟然有韓式水冷麵😱😱 食燒肉食到熱辣辣，食返個水冷麵即刻令口入邊嘅油膩感冇哂，清一清味蕾又可以再食過🤗呢個都一定要order 呢，如果店家有鉸剪可以剪斷啲面就更加好啦最後仲有4款雪條，可以一人揀一條，全部都係韓國牌子嚟㗎，芒果好似食緊芒果沙冰咁，食完成餐就大滿足了😝

幾抵食17:30食到7:20, total $429 for two person都有唔少海鮮同肉類 都幾新鮮同入味牛最好食熟食都做得不錯 炸雞 水冷麵👍🏻最後仲有雪條一人一枝🤤🤤

話說早幾日你朋友係咁慫恿我食燒肉但係其他食開嘅燒肉店又full booking所以最後搵咗呢間舖頭食-首先第一樣嘢 要講一講服務態度☹️☹️☹️一去到嘅時候 店員問我有冇book位同埋我嘅訂座電話號碼唔知係我講嘢太細聲 定係咩事 明明我見到我個電話號碼係佢booking list度 佢都話睇唔到 跟住叫咗另一個人嚟幫手🙄🙄🙄跟住搞咗一輪 終於搵到我個booking明明我喺OpenRice book 6:30 我唔知點解個店員忽然間勁大聲同我講 下？ 你book 8:30喎後尾我俾返個openrice booking佢睇 先有得入座-環境方面地下比較痴如果有老人家或者小朋友要小心啲-食物方面豬牛羊海鮮都有都有提供熟食肉類方面我覺得冇乜特別 正正常常唔會話特別難食都唔會話特別好食牛舌係我會encore既豬頸肉 冇咩特別 唔太推薦海鮮方面個人推介芝士蒜蓉蠔雖然燒嘅時間比較長但係真係幾好食 有海水味不過注意返燒熟左嘅蠔會變得好細粒同埋我專登選擇遲啲寫食評就係睇吓有冇肚瀉😂😂利伸：冇事仲有熟食推介炸魷魚鬚 同埋 辛辣麵炸魷魚鬚上枱好熱辣辣 夠脆口辛辣麵方面碗嘢顏色唔算太紅但聞落好香同埋食落真係好辣係少

間唔中都想食下韓燒或者打邊爐，食好多肉嘅感覺真係好滿足。今次嚟到呢間韓燒，價錢非常親民，最平二百幾蚊就有交易，而且食物嘅種類亦都幾多。肉類來講，選用嘅部位都唔算差，呢個價錢來講算好抵食。海鮮都有幾多選擇，有蝦生蠔帶子等等，而且個size都唔細㗎今次最值得讚同最鍾意嘅就係熟食，除咗好大路嘅大醬湯同辛辣麵之外，竟然有炸雞同埋炸魷魚鬚，重點係即叫即炸，上枱嘅時候熱辣辣吹卜卜，拍得住出邊給炸雞舖，而且佢嘅炸雞仲有唔同口味選擇，淨係食炸雞就已經抵返晒。

多款抵食的燒肉放題，可以讓你盡情任食不同款式的肉同海鮮，大胃王可以放任飽食一餐。🍤🍳🥓🥩餐廳比較細，而上菜速度都快，基本上一落單就上菜了。🍽💫☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️☄️開心舒適的放題！

朋友聚會，梗係想食任食，我地5個人但得一個爐，個爐係無煙爐，但好細，每次燒得幾塊肉，時間又得90分鐘，同埋員工會準時趕人走，出面無人等位都要走😫感覺無咩隱，我地夠鐘都未食飽😂😂所以如果比更多時間食會更好。不過食物係唔錯既。有肉，炸物，沙律個啲，仲有飲品都幾好飲。另外，員工服務諗一般般，有啲幾好有啲就唔係好應機。推薦食蝦多士，肉類都唔錯。飲品就熱情果梳打幾好。賣單會有得玩夾公仔個啲，但係好難夾到🥲

一大堆人去食午市，每位都唔洗兩百，又牛肉又海鮮。但是環境有幾個大問題。首先張枱太細，太近爐，令到飲品好易變熱。抽油煙機吸引力好差，我一路比煙煙住雙眼，好辛苦。張椅冇椅背，坐得唔舒服。然後拎鼓油，得一個角落，好多人排隊，我等左15分鐘先成功拎到醬油。燒既野食外，另外有熟食，上菜上得都快。除了上菜快，侍應動作都快，人手都夠，好快咁幫你換鐵板。然後是衛生問題，睇個廁所，簡陋同時清潔不足。7個人任食係飲，每位唔洗$200，食物整體質素也ok, 不能要求太多。