Sixer Burger (已結業)

今日我同男朋友放假，又落雨，就近近地去咗荃灣行街，忽然之間諗到之前見到有人post過呢間漢堡包，個賣相好吸引，所以就去搵呢間餐廳出嚟啦其實個地點好就腳，餐廳近馬路邊嘅，幾開陽坐得舒服，今日又落住微微細雨，一路食望出窗外別有一番風味當然要叫鎮店之寶啦，，初頭我睇餐單都以為邊有咁足料丫，估唔到個漢堡一嚟到成大條龍蝦係上面，牛肉亦都好厚身，跟餐嘅薯條都炸得好香口，上面重放左啲子鹽粉加重口味，龍蝦肉亦都整到幾好，口感幾爽口同埋好新鮮，加埋牛肉一齊食，非常有滿足感。之後再叫多個all day breakfast ,其實我好鍾意食all day breakfast ，因為覺得有好多樣野可以食，佢嘅大啡菇整得好好食，一切落去有汁可以流出黎，煙肉煎得唔係好乾，有別於出邊餐廳，太陽蛋亦都煎到火候啱啱好，不往落住雨我都要過嚟食丫

Fusion漢堡-龍蝦牛肉漢堡($198)漢堡入面材料好豐富，真係有一隻完整既龍蝦肉同厚厚既牛肉😍，不過都因為材料太多，冇辦法將所有材料一啖放入口，不過整體效果幾夾，龍蝦新鮮，不過有少少煮過左龍韌左啲😂。-蒲燒鰻魚漢堡加蛋($88+6)司令不嬲都鍾意食鰻魚，難得見到鰻魚漢堡，梗係要試下啦，另外加錢加多份太陽蛋，咁先夠曬淫嘛😂，鰻魚超大條，賣相好靚。食起上黎好易會整到成手醬汁，不過整體效果幾好，有驚喜喎！-肉醬意粉($68)肉醬意粉個意粉底本身已經有茄汁，再加上大量肉醬同芝士係面，相當港式重口味！

因為之後連放4日假既關係,不得不在前一日處理好手頭既工作...結果要到8:00幾先收得工,收左工當然要去醫肚好好享受下...經過荃灣千色匯發現呢間burger餐廳,就決定試下牛肉啡菇芝士漢堡$88(加$26有沙律及朱古力咖啡):漢堡包烘到脆外身內軟,大啡菇肉厚多汁,菇味濃郁,牛肉肉汁豐碩配上新鮮既生菜,洋蔥,蕃茄,味道豐富,令人回味跟餐既沙律份量十足,沙律菜新鮮,配上醋汁,可中和肥膩感.朱古力咖啡:賣相唔錯,不過朱古力同咖啡味都唔太突出,可能太多冰既關係,令到味道比較淡.上面既CREAM好香滑,甜甜地.不過不失...

平時行開荃灣都留意到新開的漢堡包店，閒日晚上都較多人，難得今日早放工，約埋朋友來食，而且今次要食豪D，因為呢度有個好有霸氣既漢堡包。雖然店內面積不大，但環境舒適乾淨。裝潢以藍白為主，以水手裝飾，如大木筒，船掌舵等等。有十款左右的漢堡包，價錢由$68-198，還有數款炸的小食、沙律及湯，餐飲有咖啡、汽水及啤酒等，價錢合理。當然都可以配成套餐。晚市更有三款意粉，迎合不同需要的客人。友人點了朱古力咖啡，套餐加$26，還有沙律/薯條。賣相拍得住咖啡店精緻，厚滑忌廉加濃郁朱古力香甜，咖啡味慢慢出來。我點了檸檬可樂，是凍可樂及檸檬冰底一齊上，大大杯好爽喉。食漢堡點可以無可樂，套餐有埋沙律/薯條，才加$18，好抵食。芝士肉醬薯條 $48，滿滿肉醬很吸引，仲有中間的芝士，即叫即整夠熱辣辣。芝士拉絲夠誘人，芝士味唔算好濃，食完唔太膩，薯條脆卜卜，同樣也炸得不太油。特別在肉醬，是牛肉碎，味道濃郁惹味，牛肉味重又咸香，好好食。龍蝦牛肉漢堡配香草忌廉檸檬汁 $198，點了最貴的漢堡包，其實價錢合理，因為用了原隻龍蝦。套餐還有沙律，份量頗多，蔬菜乾淨，味道清新又爽脆，用油醋汁較健康，又可消除肉食後的油膩感。忍唔

千色店開了間burger 店，路過幾次後忍不住去試了！🤘🏻一睇menu，咦，價格好大眾化喎，唔係話好多野食，但款款都幾charm咁。於是我就叫左芥末籽醬牛肉漢堡，特色炸雞籃，綠意盎然的雜菜沙律，仲有兩杯橙汁。先上菜既係沙律，一黎到嚇親，好大盤既菜，基本沙律有的都有，好大碟，真的促進腸胃蠕動，其實好抵食啦！佢配意大利黑醋，呢個係純黑醋，比較酸，對於我呢d咩都岩的人而言十分醒神開胃，頭盤不錯然後是特色炸雞籃，佢係兩舊炸雞上胸及薯條伴碟，雞就中規中矩，反而薯條非常好食！比較厚身，上面d香料好入味，食落咸咸地少少辣好惹味！加埋茄醬就錦上添花。重頭戲的burger，雖然不是很大舊，但真的真的夠飽！佢係用安格斯牛，所以食落好香牛味同埋夠哂juicy ，加上個芥末籽醬好特別，為個包增添特色，真係好食。至於橙汁就是果汁先生，但十分大樽。整體而言，服務不錯，價錢很合理，份量夠，味道不錯。

今日同朋友好想食西餐，經過荃灣，見到呢間幾新幾多選擇 就入去食喇同朋友叫左2個set啡菇芝士漢堡-通常食得burger 都好heavy,呢個就過到burger 癮之前又light, 個菇大大塊 好juicy 好好味，最重要食完唔會濟又健康all day breakfast-超豐富 有腸 bacon 啡菇 黃豆 薯條 包 雞蛋 最岩有選擇困難ge 人，樣樣都好好食 可以單食或者mixmocha-好濃郁 一定要試ice mocha-熱比較好飲 不過天氣開始熱又真係好難忍到唔飲凍野番茄羅勒忌廉湯-呢個大推介 超超超好濃 好多蕃茄蓉 唔似一般餐湯 海鮮大拼盤-呢個就真係不得了 有蝦 蠔 魚柳 chip炸得有小小過龍 不過都唔差呀 好鬼足料 食完真係好滿足了

這次是頭一回試一下在荃灣開業了一段時間的sixer burger 🍔, 感覺不錯。 burger格價由68-98,屬正常水平。我點了芝士磨菇汁牛肉漢堡配蕃茄忌廉湯及薯條。 薯條很脆和溫度夠,不會有太油的感覺。 漢堡很有肉汁,包皮外層夠脆,內裡軟綿綿,帶有牛油香,挺好吃。 下次應該會再來光顧。

一直都好中意食Burger既我, 喜歡周圍搵特色Burger食, 今晚行荃灣千色匯發現左呢間burger餐廳, 一看門外既menu, 發現有唔少特色burger, 賣相非常吸引, 所以就入去一試!呢度除左有多款Burger, 仲有Hot dog、All day breakfast、小食同沙津。每個Burger都各有特色, 正當心大心細揀邊款burger時, 店員上前推介幾款新出既burger,最後就order左兩款新口味burger試試 【龍蝦牛肉漢堡配香草忌廉檸檬汁】 HK$198漢堡既食材一層層疊起, 很豐富, 賣相非常吸晴。 漢堡包表面稍為焗過, 略帶點脆, 但包既質感依然鬆軟, 啖啖龍蝦肉超級爽甜, 沒有被汁醬覆蓋, 牛肉很Juicy, 配上新鮮爽脆既洋蔥圈、沙津菜同埋蕃茄, 整個味道好match!!再伴上即叫即炸既粗薯條, 夠哂飽肚。 【蒲燒鰻魚漢堡】 HK$88日式既漢堡好少見, 仲要原條鰻魚做主角都係第一次見, 夾埋蕃茄同洋蔥食落去有唔同既口感層次, 如果鰻魚汁再多少少會更好+HK$26 加配 薯條+是日餐湯每個burger/hot dog都可以加配轉套餐, 今日既餐湯為

餐廳位於千色匯商場地下轉角位，非常易找，晚上6時半，商場人流一般今日同肥仔食漢堡包!店內環境裝潢似扮船，藍白色水手配搭，牆上有船舵配合主題珍寶牛肉煙肉蛋漢堡$98點了必食的漢堡，開頭以為珍寶牛肉是大塊的，誰不知原來是雙重牛肉，一塊在漢堡外，另一塊在漢堡內，十分有趣。而且牛肉非常juicy，配上太陽蛋和煙肉，口感豐富，賣相吸引。牛肉啡菇芝士漢堡$88啡菇的菇味十足且好JUICY，大塊過牛肉!大啡菇和牛肉配搭非常合拍，喜歡菇類的朋友值得一試! 芝士肉醬薯條$48薯條即叫即炸，加上極多的肉醬和芝士，十分邪惡！　＄４８真係好值！份量兩個人剛剛好。藍青口卡邦尼意粉$88餐廳除了漢堡外每晚也會有幾款意粉給客人選擇。因為肥仔唔夠飽，帶住半點好奇試下係食漢堡包既地方點了個意粉，今次我們就選了藍青口卡邦尼意粉！藍青口有4隻，略嫌青口不夠水份，同卡邦尼意粉有小小唔襯，但只係食卡邦尼意粉都好CREAMY! 好正宗!如果你朋友帶你BURGER你唔想食, 我覺得食意粉都係一個唔錯既選擇!+$26 可轉餐，有餐湯／salad +野飲點了ice latte同ice mocha

今天與小a，於荃灣千色匯地下的 Sixer Burger 午餐，這裡主打漢堡包外，還有多款食物選擇。先來點個熱辣的周打魚湯，湯底濃稠幼滑，配著大量的洋蔥、薯仔及蜆肉，口感十分豐富。再配個全日早餐，份量有睇頭，賣相極吸引，色澤鮮明卜脹的太陽蛋、脆皮香腸、香脆煙肉、烤啡菇、茄汁焗豆、水潤翠綠沙律菜、烘得脆熱的牛油麵包，及新鮮即炸粗薯條，絶望令人滿足的用料，一早吃下如此多樣的美食，確實能令人精神飽滿，體力充沛。小a 當然要吃這裡的漢堡，點了辣汁黑豚漢堡，烘焗過的包身份外香口酥脆，微煎的黑豚，肉質結實帶著鬆軟的口感，搭配著飽滿的酸辣醬汁，夾著爽脆的生菜、蕃茄及洋蔥，清新又惹味。炸魚沙律，薄薄的外層炸得金黃鬆化，內裡肉質水潤嫩滑，蘸上沙律醬，更添滋味，伴著新鮮爽脆的沙律菜，蘸上黑醋，十分鮮甜。吃漢堡，汽水絕對不能少，點了凍檸樂，可樂加了檸檬，味道份外醒神解渴。這裡店員服務親切有禮，食物新鮮美味，加上實惠的價錢，要在荃灣區吃到有水凖的漢堡，這裡實在是不二之選。

蝦子餅年輕時，曾在麥記工作，或許是情意結吧！總覺得他對薯條、漢堡包情有獨鍾。 不過，經常惠顧麥記，難免會感到有點悶...... 最近，我們竟發現在荃灣千色匯I期地下開設一間以漢堡包作賣點的餐廳《Sixer Burger》，於是，我與蝦子餅便找來一個悠閒的下午前來享用。 店子雖小，長長的店內，搭配充滿海洋氣息的裝潢，步入店內，就有一種悠閒舒適的感覺，在這裡享用下午茶，實在猶如渡假。 先來一杯熱飲，熱朱古力當然是 BeautySearch，而蝦子餅點選的，則是熱咖啡，兩杯都非常足料，香味濃郁。 雖然已到中午時份，但其實剛剛才是我們的第一餐喔！蝦子餅二話不說點選了一客「全日早餐」 HK$98。明明是前來吃漢堡包的，為何最終他不揀選？莫非他真的這麼深愛『老麥』....... 原因是，「全日早餐」太豐富了，煙肉、香腸、啡菇、茄汁豆、薯條，還有大大的麵包，其實，正好自製一份漢堡包。而我最欣賞的是一雙太陽蛋，煎得很靚，蛋黃色澤金黃，連我也忍不住吃了一隻呢！ 一心前來，BeautySearch 當然要品嚐一下這兒的漢堡包。我點選了一客「牛肉啡菇芝士漢堡」 HK$88，漢堡包份量相當驚人，而且層次

荃灣真係好多美食小店，早排經過千色薈已經見到一間以船艙為設計主題嘅BURGER舖頭，不過好多人排隊所以放棄左，今日行過見到有位就衝左入去😋😋班尼迪蛋 $58底層係類似豬柳蛋嘅包，中層煙肉煎到好香，唔會太硬，最頂係水波蛋，配上特製醬汁，一咬開，蛋汁爆開，都幾好味。👍🏻魚柳薯條 $68即叫即炸嘅魚柳炸到香脆可口，薄薄嘅炸粉配上嫩滑嘅魚肉，點上微酸嘅沙律醬，真係一口接一口。薯條夠脆夠熱，點上微甜茄汁，正！🍔牛肉啡菇芝士漢堡 $88手工漢堡之一，包底用左烘過嘅脆豬包，外脆內軟。厚厚嘅漢堡牛肉混合左洋蔥粒，好甜好juicy。配上新鮮大啡菇、厚切蕃茄、爽脆生菜，淋上芝士蘑菇汁，絕配呀！啡菇芝士漢堡+薯條餐湯 $68+26同牛肉啡菇芝士漢堡一樣，少左塊漢堡肉，感覺比較清新，好Fresh。餐湯係周打蜆湯，足料濃稠適中。

假期想睇戲，不過尖沙咀、銅鑼灣等戲院都滿座 ><，最後去左較靜的荃灣，因為我們想食burger，散場後就來到Sixer Burger!!裝潢好夏日海洋感覺除了多款burger外，也有熱狗、意粉等等。牛肉大啡菇芝士漢堡 $88，以簡單的木板上菜， 有大啡菇、牛肉、蕃茄、生菜等等，疊得很高，賣相好正，而食burger飲可樂是常識吧！麵包烤得脆又鬆軟，而餡料大啡菇夠juicy、牛肉鬆化多肉汁，還有牛油醬汁，整體配搭得很好很美味。不過太多醬汁，進食時很容易流出來，有點麻煩。炸魚柳漢堡 $68即點即製，只用一層薄薄的炸粉包著魚柳，好鬆脆，而這個比牛肉較矮小，所以進食都算方便。有炸魚柳、蕃茄粒、生菜等等，層次感豐富，而魚柳好鬆化又嫩滑。芝士煙肉薯條 $48芝士好快變硬，要趁熱食，而煙肉不是想像中的模樣，味道一般，我估一般薯條會較好食。

每次經過呢間餐廳都好想試下佢啲burger同薯條，所以上星期收工後，同男朋友去食。間餐廳唔係好大，但設計上用左落地玻璃，仲用船黎做主題，一啲都唔覺侷促或者小。等位時，店員都好有禮。坐低後，我叫左個啡菇芝士漢堡，而男朋友叫左個珍寶牛肉煙肉蛋芝士漢堡。原來每個漢堡都可以加$18就會有薯條和飲品。所以我地都加左！咁就岩曬鐘意食薯條既我地。先上咗男朋友既，一嚟到，就見到隻半熟蛋仲震緊，好正，男朋友第一時間吸啲流心蛋黃漿，佢話好creamy，見佢食緊塊好厚既牛肉，上面仲有蘑菇汁，我就流曬口水。佢話肉質新鮮，食到肉既鮮甜，配埋佢地既醬汁好夾！然後我果個都黎啦，但我想食得健康啲，所以食呢個大啡菇，個菇好多汁，配埋融左既芝士、番茄和生菜一齊食，好juicy，最後食埋啲薯條就好飽和滿足。下次我又會再食返呢一個啡菇漢堡包！因為真係好食，好岩減肥又想食漢堡包嘅人！

上一篇提到,前日(25-3-2017 Sat)同老公o係原味館食o左唔夠飽o既lunch,就要再搵多少少o野食,我o地行經呢o度,見有沙律覺得健康啲,於是就入o黎食,坐低後睇menu,見到加o左all day breakfast,最後我同老公揀o左$68.00o既焗薯皮拼盤(肉醬芝士/芥末籽煙肉),$48.00o既雜菜沙律,$17.00o既可樂同$25.00o既凍檸樂.落單時,老公問侍應焗薯皮拼盤o既肉醬芝士同芥末籽煙肉係味只可揀其中一樣,侍應答唔係,而係有四件焗薯皮,兩種口味都有,每樣兩件.原來係咁.落完單,兩杯o野飲梗係好快到,等多幾分鐘,雜菜沙律到o黎,黑醋另上,份量唔多已經預期,所有菜都新鮮,冇問題.而焗薯皮拼盤好耐至到,睇到,就正正只有四件薯皮,係咪我讀書讀得少,’/’呢個符號應該解’或’o既意思,如果一客有齊兩款味道,就應該寫’及’,或用豆號.而焗薯皮拼盤,四件薯皮都幾薄,我o地先食芥末籽煙肉,味道溫和舒服,薯皮脆.而肉醬芝士呢? 肉醬味道太搶,冇咁討好.味道: 3.67分上次食評: http://www.openrice.com/zh/hongkong/review/%E