Sol House Oyster Bar and Restaurant

今日又發掘下荃灣區嘅餐廳，見個門口幾靚，就睇下呢到啲西餐掂唔掂Lunch Set 可以揀湯/沙律，同行朋友兩款都有嗌，可以試晒😆另加$30 可以食semi-buffet➿Daily Soup 🥣餐湯跟麵包，餐包Size迷你，烘得夠熱微脆。餐湯蘑菇味香濃，質感略為偏水➿Daily Salad 🥗鴨胸沙律，都算有誠意，配黑醋汁幾開胃➿芝士蕃茄汁焗美國豬排配炸薯條🐷$108豬扒唔建議叫，雖然幾厚身，但係肉質太乾，味道就似快餐店豬扒飯嘅味道🤣薯條灑左啲辣粉上去，調味唔錯。希望佢底下張餐紙可以改善下或者直接唔要，一切落去就爛晒，扣晒分➿烤美國雞胸配牛油果沙律🥑$108黎到都有啲驚喜，份量幾大碟，雞胸都算嫩，啱晒減肥人士➿意式蒜片辣椒白酒蝦意粉🍝$108意粉軟硬適中，黎到已經聞到好香蒜味，啲蝦都好肥美，微微辣味，整體唔錯➿香煎比目魚扒配西洋菜汁意大利飯🐟 $138比目魚表皮煎得香脆，魚肉厚肉，可惜係risotto 沒有煙韌口感，感覺似overcooked ➿Coffee☕️咖啡都幾濃，夠香👍🏻

朋友去食午餐 餐廳內人煙稀少😂得兩三格客人 應該係因為平日晏就先咁少人不過咁樣先好 夠靜👍🏻同埋啲餐出得好快-蘑菇湯 78.35/100好飲 睇個樣就知唔係平時啲罐頭蘑菇湯-牛扒 45.77/100真係Mamaday 好難咬。。。唔知係放太耐所以咁定發生了什麼事因為我地個湯飲左兩啖佢已經出左個main 所以都放左一陣-大蝦Risotto 72.34/100Very nice 除咗面頭個兩隻大蝦 好多蝦係個飯度 不過都係有所有Risotto 既缺點 就係食到後面會開始漏🫣不過已經算nice-生蠔 50.00/100唔係食開生蠔 見佢+$40有兩隻就試下 但其中一隻細到傻左 另一隻就正常 味道不過不失-不過要讚係店員態度好好 我地未飲完個湯 佢主動幫我地放個main去保溫 值得加許同埋價錢都相當抵玩 Lunch menu 都係below百五佢另外有得加$30可以食自助mini bar 不過見唔係好肚餓就無加到（有各款沙律、青口、蝦、芝士…）

SOL HOUSE Oyster Bar & Restaurant (Tsuen Wan)Lunch Set:Grilled US Flat Iron 10oz with potato vegetables.燒美國平鐵牛扒配薯仔炒菜牛扒很好味, 又嫰,  必試之選.湯也不錯.店員服務也細心禮貌, 我聽不清, 店員也耐心再說, 我揭不著menu內Lunch Set那頁, 店員也耐心有禮貌幫忙.

有驚喜值得分享嘅西餐👍🏻餐廳環境都幾闊落而且裝修都幾靚我哋兩個人都比左張四人枱我哋✨墨西哥烤蝦凱撒沙律沙律份量好大好足料入邊仲加咗啲提子乾同埋一啲脆脆 令到口感好豐富好清爽✨烤焗和牛骨髓配阿根廷香草醬和牛骨髓好香濃 配埋焗到勁脆嘅麵包 食落口一啲都唔油膩✨烤大虎蝦配法國蟹肉蟹膏意大利飯意大利飯入面全部都係蟹肉蟹膏 食落啖啖蟹味勁香濃 虎蝦都好彈牙👍🏻✨烤美國戰斧豬扒配烤菠蘿燒烤汁豬扒份量都好大 不過有少少肥但加埋菠蘿一齊食之後就冇咗種油膩嘅感覺而且有勁多肉汁 好好食🤭餐廳嘅食物其實價錢唔係好貴所以我覺得性價比好高值得推介👍🏻

今日同屋企人黎荃灣食飯，屋企人話可以食好啲，要我負責揀餐廳，所以今次我又黎左呢間舒服又高質嘅西餐廳啦。大家坐低之後已經好餓，所以一開頭就order左兩個主食。第一個烤8安士特級美國牛柳仔配法國香煎鵝肝，牛柳同鵝肝都煎到火候啱啱好，既有滿溢嘅肉香味，又唔至於太過肥膩，得到屋企人嘅一致盛讚 !!另一個主食就係意式辣椒蒜片澳洲藍青口蕃茄汁燴意粉。意粉彈牙爽口，番茄汁都非常濃郁，我唔覺意就食到成口番茄汁。另外澳洲藍青口都非常驚喜，鮮味十足～同屋企人貪得意嗌左個未試過嘅小食🦐傳統意式鮮蝦雞尾酒～做法雖然簡單，但因為精美嘅擺盤，充滿鮮味嘅鮮蝦，好吃隨意但可以擄獲人心。另外香煎太平洋半熟黃鯨吞拿魚腩牛油果沙律都令我印象好深，富有油脂香味嘅吞拿魚腩配上熱情果油醋汁，口感濃郁又豐富，牛油果同其他蔬菜組成嘅沙律令成道菜式嘅健康程度又提升左，真心好啱我呢啲食肉獸保持健康～🥗

下晝同朋友處理完公司事務，諗住係荃灣搵個就腳地方醫下肚，咁啱就睇中左呢間荃灣頗有格調嘅西餐廳哈哈～澳洲藍青口配辣根忌廉汁➕法式蒜蓉包🐚 $138青口嘅份量十足，性價比都好高。Creamy嘅青口鮮味十足，而麵包搭配辣根忌廉汁都非常好味，整體而言好抵食～炸西班牙軟殼蝦配辣沙律汁🦐 $188份量頗豐盛嘅軟殼蝦炸到香酥鬆脆，咬開蝦頭仲食到流心濃郁蝦膏，搭配少少辣嘅沙律汁，完全激發左成個味蕾！香煎太平洋半熟黃鯨吞拿魚腩牛油果沙律配熱情果油醋汁 🐟 $148吞拿魚腩魚油味濃厚，煎到啲油脂出曬黎，認真驚喜。另外配埋牛油果沙律同油醋汁，惹味又層次豐富，令我意猶未盡😍

Cozy restaurant. We ordered an oyster set with a bottle of wine. The oysters are fresh, amazingly that half of them are crispy while the other half are creamy. The wine is so so, rich mineral and white flower favour with hint of honey melon. An excellent starter for the dinner.We had a Pan seared foie gras as second starter and a spaghetti as main dish. The foie gras was perfectly cooked and the mango salsa well balanced the texture. However, the spaghetti was a bit too heavy for us. Redu

又到慶祝呀妹生日既時間，我呢個家姐緊係要搵餐好既滿足下呀妹啦！😜今似呢間享和街既西餐廳裝修有心機，環境舒服，一入到黎已經感覺唔錯！我地先叫佐美國黃寶石No.2 生蠔 $48/隻🦪生蠔大小適中，肉質肥美厚實，而且海水味適中，只係淡淡既海水味，岩晒食唔慣生蠔既人！食落生蠔好creamy敢好香蠔味，好令人回味！之後中意香口野既我地就叫佐酥炸日本珍寶墨魚咀配辣沙律醬 $78🐙墨魚咀一隻長碟放佐幾粒，每粒都金黃香脆，而且真係好珍寶，咬落去爆汁添，真係鮮炸！🤣加上沙律醬食好香口好好味，唔會油膩，我地爭住食添呀！😝主食方面呀妹生日緊係要食好啲，我地叫佐埋烤8安士特級美國牛柳仔配法國香煎鵝肝 $388🥩8安士牛扒真係好足料好厚好大塊，上面放埋一舊煎香既鵝肝，鵝肝油慢慢滲入牛扒，切開黎食岩岩熟既牛扒加上軟淋淋既鵝肝，口感好好，好香好好食！

今次黎到荃灣既一間西餐廳，位置唔明顯，但食物絕對意外地高質！我地先叫佐美國黃寶石No.2 生蠔 $48/隻🦪生蠔肉質肥美，海水味唔太濃，但口感好好好香，好滿足！之後仲叫佐傳統意式鮮蝦雞尾酒 $178🦐上到黎真係一個雞尾酒杯咁，好靚好打得卡😝雞尾酒杯有好大隻蝦，蝦肉好爽好味，加埋啲配料好好味！芝士火腿拼盤 $208都好抵食！🧀總共有兩款芝士兩款火腿，配埋上面既核桃碎同杏脯碎黎食味道好夾，口感好好！主菜我地就叫佐烤美國戰斧豬扒配烤菠蘿，燒烤汁 $298🐷未食已經被手掌咁大塊既豬扒吸引，加埋上面燒到微焦既菠蘿黎食真係好香好好食，豬扒又唔靭，好出色！最後仲叫佐blue moon黎飲，好靚，好香好好飲！

同男朋友約會間唔中就要食下啲好嘢，今次就揀咗呢間Sol House Bar and Restaurant ❤️呢間餐廳環境裝修都好高級😍見到香煎日本松葉蟹餅個賣相好吸引，就決定左揀呢個嚟試下❤️，蟹餅入口超脆，肉裏有香濃蟹肉味，不錯👍🏻，另外仲配搭左金蘋果蓉同雞尾酒汁，幾種不同的味道。跟住叫左個烤釀智利海鱸魚配地中海汁同樣好好食，雖然外表平平無奇，但海鱸魚有有非常豐富嘅油脂，每啖魚肉都雪白細滑，十分嫩滑，估唔到咁正🥰最後仲有黃寶石No.2 生蠔，鮮味無窮🤤好厚肉。整體而言，食物、環境、服務態度我都幾滿意🤩

荃灣一向多餐廳，今次就搵到一間好正既西餐！🍽餐牌好多選擇，好彩有店員熱情咁介紹😝首先就試個芝士火腿拼盤 $208都好抵食！🧀兩款常見既芝士加一款火腿同一款辣肉腸，全部放係木盤上，儀式感十足🤣食既時候配埋核桃碎同杏脯碎，口感豐富，濃味好食！另外湯都好好飲！🫕我地叫佐太平洋蠔周打湯 $78，湯上面有啲脆麵包粒，一齊食好好味，而且湯好濃蠔味，好正！主菜就簡佐香煎日本松葉蟹餅配金蘋果蓉，雞尾酒汁 $228同埋法式寶雲酥焗美國羊扒配烤菜，甜薯蓉 $328🦀🍴蟹餅又脆又香，同甜甜地既蘋果蓉一齊食味道都好夾😋而羊扒好大塊，焗到脆香既外皮加上嫩口既羊肉，絕配！

同朋友係荃灣行完街諗唔到食咩，行過見到呢間叫Sol House既西餐廳，中意食西餐既我地就決定試下！😆前菜先聽店員介紹，叫佐美國黃寶石No.2 生蠔 $48/隻🦪生蠔有淡淡海水味，而且都算大隻，都creamy同埋蠔味好重，好食！店員仲介紹佐小食炸西班牙軟殼蝦配辣沙律汁 $188🍤炸到香脆既蝦連埋蝦殼一齊食好香口，點埋沙律汁黎食口感更好！主食就係店員介紹下簡佐烤大虎蝦配法國蟹膏蟹肉燴意大利飯 $228，絕對係吸睛之選😍兩大隻煎香既虎蝦，蝦肉彈牙，加埋充滿蟹膏蟹肉既意大利飯黎食直頭係幸福呀！🥰最後我叫佐杯Sassy Lemon黎飲🍋🍹酸酸甜甜咁，開胃解渴！

朋友升職所以一齊約咗去荃灣呢間西式餐廳到慶祝同恭喜佢，餐廳嘅環境安靜得耐又好舒適，啱晒咁耐冇見嘅我哋一齊慢慢傾吓計。見到店員推介佢哋嘅生蠔，原來係美國黃寶石No.2 生蠔，生蠔嘅size啱啱好，而且10分鮮甜都幾高質。跟住呢杯傳統意式鮮蝦雞尾酒賣相都幾精美，爽滑鮮蝦配上走香味，味道同口感都配合得相當好。然後想食啲香口嘅小食，之後叫咗炸西班牙軟殼蝦，食落香脆之餘佢仲配咗個配辣沙律汁，配汁食汁冇咁乾，而且香辣味道就令到炸蝦更加惹味。仲有呢個澳洲藍青口，佢就配辣根忌廉汁，青口好有鮮甜味，再加上忌廉汁更加creamy，而且辣辣地嘅味道令人更加食到唔停口，再加埋法式蒜蓉包，不錯😋飲品就叫左杯Apple Flower，飲品用左高身玻璃杯裝住，令到賣相更加精美，加上香甜嘅蘋果味道，味道都幾唔錯。

琴晚同朋友一齊食飯，我地就搵咗呢間荃灣OpenRice都幾多好評嘅西式餐廳。我同朋友要左個芝士火腿拼盤開心share，芝士味道超濃郁，岩哂我呢啲芝士控😋。火腿都係薄切嘅，咸香味岩岩好。芝士同火腿永遠都係至match！跟住呢個傳統意式鮮蝦雞尾酒嘅酒味好香，鮮蝦隻隻都爽口鮮甜又彈牙，加埋酒香又昇華到另一個層次嘅美味。跟住呢個烤8安士特級美國牛柳仔配法國香煎鵝肝係我心水推介❤️，牛柳仔食落口感嫩滑，而且口裏面仲有一浸浸超香嘅牛肉味！香煎鵝肝口感綿密，兩款都咁好食，真係大滿足！炸西班牙軟殼蝦配辣沙律汁，辣辣地又夠哂香脆，做小食一流。Sassy Lemon飲品賣相好靚，岩哂打卡🤣酸甜檸檬味令人更加開胃又清新🤩

今次要介紹呢一間位於荃灣嘅Sol House Bar and Restaurant，係我最近食過最好食嘅高級西式餐廳。呢個烤焗和牛骨髓配阿根廷香草醬，牛骨髓經烤焗後油脂感滿滿，加上香草醬好有意式風味，再加上法包一齊食，超正。呢個太平洋蠔周打湯超濃郁，入口幼滑。呢係香煎日本松葉蟹餅配金蘋果蓉、雞尾酒，賣相好精緻，切開脆卜卜嘅外層，入面就係超滿嘅蟹肉😋 金蘋果蓉同雞尾酒酸酸甜甜帶點酒香，呢個調味好夾。呢個係法式寶雲酥焗美國羊扒配烤菜，甜薯蓉，賣相同樣吸引，本身好怕食羊嘅我意外地又鐘意食呢個，因為佢唔會有羊羶味，而且肉質厚切多肉汁，外皮酥脆香口。