Solé (已結業)

行過Megabox 見到呢間九龍灣少有既法國菜餐廳，而且入面裝修幾靚之餘，價錢又唔貴喎😮 所以就入去試試佢！😋Set dinning for two $688🌝羅馬元祖蕃茄點餐後店員為我地送上餐前小菜 - 羅馬元組蕃茄，然後喺我哋嘅餐碟上灑上適量橄欖油、海鹽及黑醋，喺盤上滴上適量嘅檸檬汁調味之後，再將蕃茄切片食用，果肉多汁，味道酸酸甜甜，作為餐前小食相當開胃🤩Tarters (8選4)🌝法式醃製紅菜頭紅菜頭多汁爽甜，配上醋及洋蔥增加口感，更有微辣的餘韻，十分開胃🌝巴約納煙火腿火腿口感軟綿，略帶鹹香，好味😋🌝薄切吞拿吞拿肉質鮮嫩口感細膩，配上開胃醬汁令味道更具層次🌝蜂蜜烤南瓜軟熟嘅南瓜配上甜甜嘅醬汁，配合巴約納火腿食風味更佳Soup 餐湯餐包 (2選2)🌝經典法式洋蔥湯配有麵包同埋芝士，香濃嘅洋蔥味同芝士味道相當夾。麵包滲透了湯的精華，配上一條條的洋蔥絲，帶輕輕辣味食落更有層次🌝Dailu Soup是日餐湯係西蘭花湯，因為充滿粒粒嘅纖維，所以質地較濃稠，上面更灑上麵包粒，配上蔬菜湯感覺健康有營養Main Course (4 選2)🌝油封烤鴨配法式雜菜薯角伴香橙醬法國著名經典菜餚普羅旺斯燉

第一次同男朋友慶祝係食法國🇫🇷餐，係九龍灣 Mega Box 5 樓有間裝修優雅，以法式園藝風作設計，充滿浪漫氣息，好似置身於法國庭院嘅餐廳🍴裏面仲有小房間，私隱度極高，非常推介情侶👫🏻黎慶祝生日、紀念日等等坐低後，店員非常熱情地為我哋介紹主打的2人餐$688，性價比非常高，可以揀4️⃣款頭盤、2️⃣款餐湯、2️⃣款主食和2️⃣杯餐飲。店員服務很好，人手充足，絕對唔會感到怠慢，另外上菜時亦都會介紹番菜式嘅特別之處係頭盤上之前，會有超新鮮嘅蕃茄🍅🍅清一清味蕾，好refreshing🤩🤩🤩店員會喺碟上到上橄欖油和黑醋再加少少鹽，我哋可以切檸檬🍋吱少少落去，再點蕃茄食，原來係咁好味😮😮😮4️⃣頭盤🧡烤甜椒伴杏仁🧡蜂蜜烤南瓜🧡薄切吞拿魚🧡輕煎醃製劍魚我會推薦吞拿魚和劍魚，魚質爽口加埋沙律醬，口感豐富🧡椰菜花忌廉湯忌廉湯夠滑身creamy，可以點麵包食🧡經典法式洋蔥湯湯底清甜，洋蔥湯上擺片麵包，撒上芝士碎，然後焗至融化，味道香濃，勁多洋蔥🧅絲🧡慢煮了小時羊肩長通粉羊肩非常重羊味，份量好充足，唔驚唔夠食😂 出餐上枱嘅時候係見到出煙，夠熱辣辣，即使擺咗一陣影相📸️，都重熱熱地🧡油封烤鴨配法式雜茶薯角伴香橙醬烤鴨脾做得出色

今日lunch行過Megabox 見哩間法國菜環境幾靚 就諗住入去試下 點知食物比想像中普通😢服務都比較一般 上菜嘅速度都比較慢🤧香煎三文魚扒伴薯蓉 $112上碟嘅時候已經覺得份量好細😂朋友用咗五分鐘已經食完 比較適合細食嘅朋友🤭佢個三文魚扒好薄身 食落冇咩調味 個醬就辣辣地咁法式燴牛肉蘑菇飯🍄$98哩個risotto個飯偏淋身 菇同牛肉嘅分量都算多 牛肉係比較似牛展嘅肉🍄菇味都算出 但就唔係好食得出牛味卡邦尼扁意粉$92Carbonara嘅料偏少 得少少煙肉粒 🥓整體味道比較普通 唔係特別推薦以上lunch set 都有跟餐湯同餐包 可以另外+$20加飲品/ +25加甜品🍮紅酒燴梨🍐 跟餐+$25佢係一個比較迷你嘅甜品🤣酒味唔係好出 唔好酒嘅朋友都應該可以接受法式焦糖燉蛋🍮跟餐+$25正當我地咬住啖 creme brulee覺得已經係成餐飯最好食嘅item嘅時候 原來個creme brulee未熟曬 值得一讚嘅係店員好緊張咁同我地講話未熟 即刻話要幫我地換左佢🤣咁老實又善良嘅店員真係好少見😂本身唔想浪費諗住照食埋個面熟咗果d 但個店員又行過: 唔好再食啦 會肚痛🤣🤣🤣🤣🤣🤣之後就收走

在平日晚上，去九龍灣食飯慶祝朋友9月生日， 相隔一段時間再來megabox，網上找到一間西餐廳，而且是法式高級餐廳，有晚餐時間有2人套餐又唔算好貴，近近地慶祝生日之餘可以體驗下法國菜，就在網上訂座。 餐廳在商場中庭旁邊，全白色設計，簡約而整潔舒服，給人高貴氣氛。燈光偏暗，很有情調，感覺浪漫，見到不少情侶或老板級的食客也在吃，慢慢地享受寧靜優雅的晚餐，看來是九龍灣區，慶祝見客都好合適！ === $688 Set Dinner for two ===🍅新鮮蕃茄配黑醋橄欖油點完餐後，店員先送上兩個原隻蕃茄加檸檬， 另外有橄欖油和黑醋以傳統的法式做法，把蕃茄切片或切粒就可以配醋油食，想口感豐富街幾滴檸檬汁效果更好。餐廳準備的番茄甜美清甜，不喜歡番茄的朋友也吃了兩片。 Starters  (8選4)🐟輕煎醃製劍魚切片狀的劍魚刺身，經過少許調味醃製，煎過脆邊，配沙律醬食，調味上也去除了腥味，食到魚肉新鮮和煎香的魚油滋味🐟薄切吞拿常見的新派法式做法，吞拿魚刺身片經過煙燻，外邊香口，肉質肥美油脂豐富🐖巴約納煙火腿平時常吃到西班牙或意大利出口，有機會食到法國有名的火腿：巴約納火腿，是法國貴族的代表，也受

Sole在Megabox來説是一個異數, 因為這商場的餐廳主要係以中菜或較Causal的餐廳為主, 如此主打法國風情, 無論是在裝修或菜式上的餐廳, 真的比較少見, 就算是在整個九龍灣商業區也不多, 首選當然是Le Pan, 但已不復存在. 我會期望它能給我一點Le Pan的感覺, 但結果當然和其差得有點遠. 這家原來是富臨旗下的餐廳, 如果事後不查也不知, 果然夠蠱惑. (笑)先說侍應服務態度, 某些是可以的, 但有些也不太Attentive, 而且回應也偏慢. 餐廳裝修走法式庭園風格, 感覺還可以, 但不知何解我和太太坐在角落也有些飛蟎騷擾着我們, 失了點雅興. 價錢定位方面, Set Lunch平均一位二百元, 以這區域來説偏高, 但也非Unaffordbale的範圍.到了菜式, 前菜的炸魷魚和吞拿魚Carpaccio令我失望, 比一般港式西餐更為不堪. 前者炸皮和魷魚分離相當嚴重, 甩皮甩骨也許是最好的形容詞; 後者和Carpaccio的關係不大, 沒有薄切的元素, 就是厚切吞拿加沙律醬, 沙律醬蓋過了魚的鮮味, 不太感受到主理人的誠意.主菜表現比頭盤好的得多, 至少對得住其價

中秋節冇訂枱，行到Megabox 5樓，見門口幾靚，就去試吓。一入去見職員彬彬有禮，坐低未點菜就安排歡迎菜…重點係個經理叫我食咗前菜先…慢慢睇吓有啲咩嘢啱食…有服務有驚喜…. 點左個2人餐….我哋唔飲酒..個經理介紹咗兩杯特飲…真係好靚..好飲..之後再嚟的前菜擺得靚靚…相機食先…我最欣賞嗰個係炭烤澳洲M5和牛..仲有個馬賽魚湯..仲有嗰個乜鬼千層酥….性價比對於我來講拍得住好多一啲真正法國菜嘅餐廳…滿足開心的一個晚上。

之前有朋友食過之後介紹我去試下，由於好近公司於是約埋同事一齊去試吓，估唔到公司附近有間環境咁靚嘅餐廳 ，一入到去已經比環境吸引 ，坐低冇耐，就有位妹妹埋嚟介紹餐牌，禮貌加晒分👍🏽兩個人唔使諗叫咗個$688 二人set dinner 頭盤可以揀四個，當中我會推介薄切吞拿同輕煎醃製劍魚湯我哋揀咗椰菜花忌廉湯同法式洋蔥湯，湯嘅份量都幾大份，椰菜花忌廉湯夠滑身creamy , 法式洋蔥湯，高湯底清甜，洋蔥湯上擺片麵包，味道香濃 ，鍾意洋蔥嘅朋友真係要試主菜我哋揀咗烤鱈魚同油封烤鴨，試咗同事少少烤鱈魚，表面微脆，好有魚油香而我嘅油封烤鴨，份量好大，原隻鴨腿，肉淋且嫩香鴨味，唯一係配菜薯角好似烚薯仔可以改善下 最後甜品我哋叫咗法式焦糖燉蛋，蛋香味足，滑身👌🏻略嫌面層焦糖厚咗少少🤏單係主菜嘅份量同味道 ，如果喺出邊好多cafe 都起碼收百零二百蚊份，唔好話係西餐廳，會更貴，所以呢度環境服務我覺得$688 值

假期冇嘢做，走去MegaBox行街，這間餐廳冇乜人，網上評價又唔錯，試吓先。環境唔錯，裝修幾靚。中午價錢都係一百至二百左右，以法國菜來說，唔算好貴。麵包🥯暖暖地，普普通通，好韌。沙律配上黑醋，沙律都幾新鮮。炭燒盲曹魚柳配水果蕃茄，伴牛油燒汁，魚味道好淡，汁也非常淡。鮮帶子 、藍青口伴飯，配龍蝦忌廉汁帶子新鮮，藍青口雪味好重，有腥味。龍蝦忌廉汁味濃，意大利飯好大粒，口感煙韌。法國千層好細一件，有少少燶味。芝士蛋糕都係好細一件，芝士味都比較濃。Latte 同 cappuccino 就正正常常。兩個lunch加埋咖啡蛋糕，買單400多元。價錢唔算太貴，環境都好好，服務質素也不錯，但係食物真係普通，唔會有意欲再來一次。

今日嚟到MegaBox諗住試吓呢間新開嘅法國菜，見到OpenRice上面有好多好評，環境都非常之好，但啲食物質素真係好一般，價錢貴但係冇呢個質素！不可一不可再。🥖麵包 (3/10)法包偏硬有麥香，比較韌，牛油都比較淡。🥗蜜瓜沙律 (5/10)沙律菜都清爽，蜜瓜好甜，黑醋比較濃味同偏甜。🍴 炭燒盲曹魚柳配水果番茄伴牛油燒汁 $158 另收加一 (3/10)個魚肉肉質比較鬆散，好來，冇乜魚味，但都唔算鞋口，個醬汁有啲唔知點講，唔酸唔甜，好淡，連番茄味道都冇乜，入邊啲蔬菜煮得太淋，冇口感，真心一般🫥🍴鮮帶子藍青口燴飯配龍蝦忌廉汁 $128 另收加一 (7/10)意大利飯好淋，但食落粒粒飽滿都有口感，龍蝦忌廉汁唔算太濃，但都有香味，食到有龍蝦肉粒，入面仲有菇去增加口感，個人覺得蕃茄仔未算同龍蝦汁好夾，帶子煎得啱啱好都算鮮甜，唔會有腥味，青口有海水味都算爽口有口感，亦都唔會腥。🍴千層酥 +$36 (0/10)千層都香脆不過覺得太燶，有苦味，吉士醬都唔算好香甜，唔好食！🍰芝士蛋糕 +$25 (3/10)芝士蛋糕味道唔算好濃，好輕微嘅芝士味，質感比較濕同埋偏粉狀，不了。☕️CAPPUCCIO +$20

九龍灣優質自選！雖然九龍灣美食林立，但欠缺這類型的餐廳。走進餐廳門口，已經覺得裝修好靚，空間闊落。食物方面都很美味，由盛載食物的餐具，到食物擺盤，都看出餐廳主理人的用心。我們挑選了Deluxe lunch menu, 每人可以選兩款頭盤，我覺得吞拿魚，及粟米最好吃。主菜方面，我們order了豬，魚及鴨脾，鴨髀非常之好味。另外加錢點了甜品，甜品也很出色。是日午餐平均每位HKD300，雖然比平常嘅午餐貴了一點，但也值得推介的！

整體不錯服務員基本有禮環境優美有背景音樂餐檯有假花感覺舒適典雅食物質素中上份量適中平日下午人流不多價錢合理座位間隔寬敞舒適上菜速度較快稍嫌麵包牛油唔夠多兩個麵包先比一塊牛油

好耐冇fine dine過啦🥂想fine dine但又唔想食咁貴？去Megabox嘅Sole就啱晒😌環境舒服好適合去撐枱腳🫂特別適合觀塘九龍灣嘅上班一族Friday Night去Chill下～😙Set Dinner Menu for Two 🤎 $588◍「Appetizers - 法式香蒜焗蝸牛」🐌前菜可以揀一款 揀咗最中意食嘅法國田螺😙特別中意底下嘅薯蓉 夾埋一齊好好食！🥹◍「Soup - 椰菜花湯 / 經典法式洋蔥湯」🥣湯就要咗一款daily同一款classic嘅洋蔥湯 2款都好好味🥹椰菜花嘅一款飲落比較健康🫶而洋蔥湯就好足料🧅高質！◍「Main Course - 菠菜蘑菇烤鱈魚 / 油封烤鴨配法式雜菜薯角伴香橙醬汁」🦆Main Course方面都好吸引！要咗一個Cod Fish🐟食落好juicy 加埋龍蝦汁做底 帶出魚嘅新鮮～另一款就要咗比較少有得食嘅烤鴨 特別推薦下個伴菜 靈感來源係五星級大鼠入面嘅「普羅旺斯燉菜」呢！🤩夠晒有gimmick！◍「焦糖燉蛋」🍮 $58最後額外叫咗個crème brûlée作結🤤完美結束美好嘅一餐！🥰📍Solé (九龍灣) #lala_foodi

中午做完嘢嚟開附近突然間想食西餐🍽 睇下邊度有羊扒🐑食 上網搵就搵到呢度 環境大坐得舒服 不過中央冷氣關係有少少凍🥶坐低開支紅酒🍷食住頭盤😋😋之後就諗下食咩先😊😊😊白酒煮藍青口 有少少酒味同忌廉味 青口 煮到啱啱好唔會熟到冇曬肉 個汁同青口味道好平衡唔會互相蓋過😋😋😋😋😋今餐係為咗羊嚟食嘅又點少得羊扒 仲要係炭燒出面好少有 好味😋😋😋😋😋最尾叫咗個油封鴨 皮滑肉嫩好味😋😋😋😋😋

餐廳以灰白色為主調，有不少掛畫和白色乾花襯托，優雅浪漫有藝術氣息，仲設有獨立房間，私隱度🆙ᴀᴘᴘᴇᴛɪᴢᴇʀ 法式焗蝸牛一客6隻蝸牛，有好重的香草牛油味，配合薯蓉好滑溜sᴏᴜᴘ 法式洋蔥湯 & 甘荀湯洋蔥湯的洋蔥炒至熟透所以食落不會辛辣，仍然保留到洋蔥本身香氣👍🏻甘荀湯將甘荀打至軟滑，無草青味之餘仲有點香甜😊ᴍᴀɪɴ 油封烤鴨腿 & 烤鱈魚烤鱈魚都幾嫩滑，唔會太濃味所以侍應提醒我哋要食鱈魚先，鴨腿後😚底下是菠菜同蘑菇。油封鴨腿鴨味濃郁，肉質酥軟，岩我口味🥰ᴅᴇssᴇʀᴛ 雜莓芝士蛋糕芝士蛋糕綿密細滑，質感做得唔錯～餐包熱辣辣送到配牛油前菜有Parma Ham配黑醋沙律，火腿唔會死鹹，有啲鮮味👍🏻

周年紀念，想搵間供應 fine dining 嘅餐廳同另一半好好慶祝，友人提議我試下呢間主打傳統地道菜餚嘅法式小館「Solé」。餐廳坐落於九龍灣 Mega Box 5 樓，店舖地方頗大，佔地甚廣，裝修優雅，以法式園藝風作設計，充滿浪漫氣息，好適合情侶約會談心。餐廳主打經典法菜，另外亦有一些歐陸及 fusion 菜式供應。我哋點左個晚市二人餐 ($588)。點完餐後，服務員便隨即為我倆送上餐前小食，今日嘅餐前小食係蜜糖烤南瓜，南瓜肉香甜綿密，配上蜂蜜，入口即融。旁邊嘅沙律菜食味亦不俗，新鮮爽脆。Appetizer 二選一，揀左法式焗蝸牛，蝸牛用香蒜嚟焗，大大隻、熱力逼人，入口肉質好鮮嫩，帶濃郁蒜蓉牛油香，再配以底部嘅薯蓉，多重滋味，令人齒頰留香。餐湯點左 Daily Soup 同經典法式洋蔥湯各一，是日精選湯為甘筍湯，湯身熱辣辣，纖維幼細，入口濃稠香甜，很不錯，用嚟配餐包吃，很美味。洋蔥湯以三種洋蔥慢煮熬成，入口散發住陣陣洋蔥嘅自然香甜。面頭嘅法式麵包吸滿了湯汁，配埋頂層塊芝士一齊食，味道咸咸香香，惹味又有營養。主菜點了菠菜蘑菇烤鱈魚 同 油封烤鴨配法式雜菜薯角伴香橙醬汁。鱈魚扒有兩大塊