SUGAR 甜品屋 (已結業)

見厚福街兩間甜品舖都人山人海, SUGAR又擺左個易拉架响度就去揾下穿過條勁黑既巷仔, 落樓梯再行前就到間野好細, 佢問我坐唔坐出面, 剛好有陣雨, 咁我梗係話等裏面啦~一入到去就聞到一大陣窩夫味!! no.17 仲夏甜夢: 我一向都唔喜芒果野, 麻麻no.20 餅碎奇緣: GOOD~~ 下面仲加左好多脆脆~ 浸响朱古力雪糕度, 淋淋地幾啱我!朱古力雪糕涼粉: 朱古力雪糕外面一層冰... 一陣雪櫃味...

同屋企人食完飯~經過加連威老道街口有人派傳單~拎張睇睇係食甜品既天氣咁熱心諗去試下都好~有5蚊Coupon係傳單連埋既~滿50蚊可以用^^"去到10點到唔洗排隊因為去呢間鋪既途中經過唔少糖水同甜品鋪頭都要排晒長龍本身無咩期望話要好好食既,因為見門口無人等到去唔洗點等就入到,D WAITER好後生~服務幾好好有禮貌!我地叫左個餅碎奇緣~同埋椰皇雪山兩個都唔錯~不過唔太鍾意個餅碎奇緣有奶油同埋個底有D可可趣片如果下次經過會再去~食左70幾蚊抵!

這個「新」食評其實已閒置了一段時間，某晚在尖沙咀吃過飯後，口痕想會一會甜點就來到 SUGAR 甜品屋，甫坐下便鎖定目標 － 每晚九點前供應的心太軟，於是不用再想，剛好趕及在八點五十八分落單。我也不知為何店方要限定心太軟的供應時間，照理這道甜品可以一早預備好，只待接單時放入焗爐便成。等了約十五分鐘，即焗的心太軟 ($39) 不幸地一上檯已告穿崩，朱古力醬慢慢地湧出，實在是大煞風景，失去了滿心期待的趣味。味道方面，略為薄身的蛋糕做得鬆軟，本來沾醬吃應該不錯的，哪想到重點的朱古力醬味道調較失準，入口有點鹹味，這情況跟食友 Olivian 描述在長洲師妹嚐到的心太軟接近一樣，難得試到鹹味的心太軟，只能說是我的「福氣」 =[究竟心太軟點解會變鹹？看來要期待新一輯「謎」開拍，等羅蘭姐同 Adam 鄭去解讀才行了。

一到去聞到好香焗餅味，已經好吸引我環境都好ok舒服，係傾下偈既好地方~我地叫左四樣野，我覺得呢，都好似差唔多味道咁~最好食都係雪糕窩夫，窩夫焗得不單好香，仲好脆!!!一熱一凍個感覺好正~~同埋唔係太甜，岩哂我個軟飯就試一次都夠架啦~~haha~~我地坐左都成句鐘，之後先發覺，原來出面排哂長龍，侍應好好，無催我地呀

難得星期日放假就梗係唔好哂左任何食既機會，所以下午茶時間就去左Sugar試下。可能間舖真係兜左去利時後面加上唔係糖水peak hour, 入到去都係得一檯人坐左係到~我地叫左一個椰皇雪山，餅碎奇緣~好搞笑...係餅碎奇緣旁邊加左句Caption - 「小心噎親」餅碎奇緣其實係一個由唔同朱古力餅, 布甸同埋軟雪糕加埋既甜品。夫人覺得唔夠麻布茶房滑同香~呢個都係事實~~好似食落去有d實...不過整體都合格，$39蚊呢個價錢尚可接受。反而椰皇雪山就真係有驚喜，夠凍，夠清甜。有涼粉同紅豆既出現配襯住椰皇既刨冰~呢個甜品呢幾日熱到嘔既時候食真係成個人即時涼哂~但係令我有d擔心既就係呢類型既甜品舖實在出現得太多太多太多~~點樣令自己係呢個市場上生存真係要拭目以待，加油!!

在街上拾獲Sugar的宣傳單張，單張上有一張五元的coupon心想，既得coupon，今晚一試無妨記得這間Sugar在年多前，已開始在尖沙咀派單張、路邊掛宣傳橫額所以，這一刻我估這年多來生意一定沒有甚麼起色....... 同時，只是抱著貪新鮮的態度去光顧，沒有太大期望Sugar的舖面在一條比較偏僻的後街，若非刻意找尋，根本毫不為意有這間甜品店到達店舖後，嚇一跳，門外竟要等位，而且店內的檯還擺到店外做生意呢！等候了一會，入店內叫了兩份甜品------餅碎傳奇、朱古力香蕉窩夫先說餅碎傳奇，曲奇餅雪糕伴著忌廉、木糠碎、奶凍曲奇餅雪糕配搭木糠碎，好一個餅碎傳奇，也是一個幾新鮮的夏日消暑佳品可是，雪糕完全無曲奇味，應該係平價雪糕，仲要好細球奶凍直情食左都唔覺味道原則上唔太差，但如果份量大份一些會更好，又或者加上原塊威化餅，口感會更好，更能配合「餅碎傳奇」這名字相比下，雪糕香蕉窩夫算是這間店舖的招牌菜，水準更有保證窩夫是即叫即製，新鮮熱騰騰且香脆以切好數份的窩夫做底，上面鋪上雲呢拿雪糕、香蕉，味道也算唔錯略為融化的雲呢拿雪糕汁，溝在熱騰騰的香脆窩夫上，再加上點綴的香蕉，口感新鮮特別如果有忌廉伴著窩

很多朋友說尖沙咀沒有甜品店，但我知道的就已有2間，Sugar係其中一間。一直都無嘗試過，但經常在地鐵站口拿到她的"單張"沒寫價錢但有我愛吃的心太軟! 上星期一，o親男友放假，捉了他去品嚐一下。我們叫了...香蕉朱古力雪糕窩夫及椰皇雪山.香蕉朱古力雪糕窩夫($3x) - 正常, 味道不錯椰皇雪山($3x) - 紅豆及湯圓味道也不錯, 可惜男友不愛吃椰皇的味道 (但假椰汁的味道他很愛^^)味道是真的不錯，可惜價錢有點貴，食物份量亦較小；坐的位置亦較窄，但服務尚可，不過當晚坐在我們身旁的3位女士，不停在說我們的食品, 叫的一杯水，令到我們要反望她們及話她們，她們才停下來.......遇著這些人...真討厭。至於心太軟......暫停供應中.....

一行四人, 元氣後進攻甜品.是次叫了:朱古力堡壘 - 2 x 朱古力雪糕球 + 香蕉片 + 朱古力sauce - 頗漏又大堆頭, 一般, 朱古力雪糕亦一般.仲夏甜夢 - 全芒版, 2 x 朱古力雪糕球 + 芒果片+ 芒果sauce - 芒果好甜ok, 雪糕又是一般甜蜜軟飯 - 我想男生不會試吧.. ha.. - 2 x 曲奇雪糕球 + 生果數粒 + 意大利飯 - 意大利飯我感覺不太好, 凍食甜飯弄得不夠好, 而且好飽肚, 真的可說是一頓甜食正餐, 同行友人卻大讚好味, 不同人有不同口味吧.overall一般, 且價錢偏中上, 下次似乎要再試其他了~

很久前曾跟朋友同來一次，我們只吃了最普通的糖水，對這店的印象普普通通。今天跟老公突然很想吃甜品，想起這處，於是帶老公同來。來到這店時已有很多人，甚至門外有兩張臨時開的枱，就跟大排檔沒有分別。但天氣太熱，我還是慢慢等店內的座位好了。後來店員叫我跟老公入內坐，原來有一張細小的摺枱。嗅到店內有一陣很香的烘焙東西的味道，我便想叫一客窩夫試試看了。最後我跟老公叫紅豆沙涼粉($18)、榛子朱古力窩夫配朱古力雪糕球($32)。甜品上桌，十分失望也生氣。那個一點不算便宜的窩夫，份量少得可憐。窩夫給切成一小件一小件的，但我估加起來也不夠(或最多只有)一件窩夫的大小吧，配一個味道沒甚特別的雪糕球，加上一點朱古力醬。老實說，味道實在普通得可以，自己在家也可以弄到吧，收我三十二元實在太貴了吧，或至少給我多一點份量吧。紅豆沙涼粉的味道也不用多說，因為沒有什麼特別，大家也別奢想這兒的中式糖水會有什麼特別好吃的味道。看到鄰桌叫的雪糕新地杯，賣相好像很好的，但其實簡單得很，底部放些粟米片，上面放幾球雪糕便成了。我對老公笑說，我以後在家給他弄這店的甜品，收他廿元也有賺，因為實在太易弄、材料成本也太便宜了。跟老公一致贊成

四人麻甩下場：甜品。CK君推薦此處，就由亞士厘道慢步至此。吾妹要戒口，不讓自己吃生冷野，只叫了個雜果奶凍。我們三個叫了巧克力醬窩夫、名叫餅碎甚麼的新地／芭菲、和"夢幻組合"。那個雜果奶凍唔對路，奶凍無味無香，吃來無乜意思。吾妹唯有吃那些碎濕濕的西瓜、火龍果，芒果也要戒。。。巧克力醬窩夫，窩夫只是暖而且完全唔脆，和巧克力漿同吃只有一個"漏"字，只有芝麻味非常香濃的雪糕搶分數。侍應把兩個芭菲／新地所配的雪糕味道調亂了，唉。名叫餅碎甚麼的新地／芭菲，餅碎相信是來自Oreo，上面也插著一塊Oreo，感覺okay啦。我的夢幻組合配上紅豆和芝麻雪糕，杯底是粟米片，口感客觀來說是很豐富的，不過食落都是為了過雪糕癮，你說很特別嗎？又不覺得。我想此店是很有創意的，不過對我來說，可能是簡簡單單的一碗糖水或一件芝士餅更合意，真是各花入各眼。

飯後甜品由朋友帶路黎呢度，其實係源住厚福街的甜蜜蜜繼續直行就係。服務態度非常好，又唔會食完催人走。不過我地都差唔多 last call (11:20pm) 先去到。心太軟要 9:30pm 前 order 再整，奶凍都無晒。結果我地 ordered：餅碎奇緣 - corn flakes, coco pops, chcoclate pannacotta (奶凍), cream, marie biscuits pieces, oreo cookies pieces, two scoops of cookies ice-cream, soft vanilla ice-cream and chocolate sauce (溶得好快，果然係木糠新食法，加埋oreo的餅碎，底底有 corn flakes...都幾得意..不個食唔出個朱古力奶凍呢)仲夏甜夢 - corn flakes, coco pops, vanilla pannacotta, pomelo, mango, sago, two scoops of mango ice-cream, soft vanilla ice-cream a

下晝幾個人係附近行得攰攰地就嚟食下甜品，都算OK。坐咗一個鐘左右，都係得一兩枱人，傾下計都幾好。甜品味道偏淡，唔算係我杯茶，但係有個朋友唔鍾意食甜就啱啱好。最唔好就係唔肯畀杯水人飲，好孤寒。

吃罷海鮮…心想應該是吃點甜的時候了…不過尖沙咀好像沒有很多甜品店…最後想起這裡….幾個月前跟莊友來吃過…印象中不錯的…我們點了香蕉朱古力奶凍和椰皇湯圓…其實我心裡是想吃creme burlee…可惜這裡沒有…結果選了奶凍…這裡的朱古力奶凍寫明了是用Valrhona朱古力的…我也曾經買過這個牌子的朱古力整truffle…味道不錯…所以就點了一個來試~不過這裡的奶凍全部都配搭雪糕…事實上我覺得雪糕和奶凍格格不入了….奶凍根本不需要雪糕的點綴啊…最後決定cookie n cream的雪糕另上…這個奶凍…外型像奶凍…但口感完全是另一回事…我覺得稱它為mousse也不為過…就算不直接吃…只要用調羮一切開就感覺到這個物體不會有奶凍的口感了...可幸的是因為店家用上了Valrhona的朱古力…味道很香很濃…而且不會太甜…椰皇湯圓幾特別…至少我還未看過這款甜品的配搭…湯圓是麻蓉湯圓…軟軟腍腍的不錯呢~湯底是椰青汁…清清的帶點淡淡的椰奶香…是一款不錯的熱吃甜品呢…我不是甜魔…所以晚飯後不一定要吃甜品…不過是晚的這個甜品第二場卻替這次飯聚畫上了一個完美的句號呢~

一直都想試下呢間甜品，但成日去開海港城那邊，唔就腳，今次搭火車前走過黎試試。到左都差唔多full，有張靠牆四人檯只係坐左兩個人，不過我地唔想同人逼埋一齊，就只係得番一張伶仃雙人檯0係中間，怪怪地，我地叫左甜蜜軟飯+椰皇湯丸。過左幾分鐘，4人檯0個兩個人走，我地即刻移位，以為坐靠牆sofa位會舒服d，點知張sofa好「un」pat，好硬，一d都唔舒服，點解會揀d咁差0既位俾客人坐架?店員0係餐具箱分別拎左一隻叉同一隻匙羹俾我地，之但係佢唔係放落檯，而係凌空扔下(離檯大約半呎距離)，我覺得佢好冇禮貌囉~然後，甜蜜軟飯先黎，我地想share食，想要多一set餐具，個店員就好似好唔情願咁再fing過黎，講真，我覺得張檯一d都唔會係乾淨，根本應該係甜品黎到時先遞餐具俾我地先0岩我地都覺得個甜品外觀幾好，不過其實好簡單，所謂賣點0既意大利飯只係得一啖飯咁多(即係相中白色那一部分)，真係矜貴，食落口又唔凍又唔熱咁好怪，加埋兩球雪糕、中間有朱古力慕絲，最底有粟米片，組合係幾多元化，但逐樣食之下，都係同普通0既甜品屋差唔多，味道冇話特別唔同，食完一次已經夠。而椰皇湯丸入面有d珍珠，不過煮到比較稔，同埋d

同友人們又再去食甜品, 上次食左甜蜜蜜,今次就食埋sugar先..不過9時多就開始等位啦...好彩等左一陣就有位..今次我終於試左個唔知咩熱既椰皇湯丸..不過我覺得麻麻地個湯丸都叫OK不過個椰皇入面既糖水超甜..真係好耐未食過咁甜既甜品啦..記得上次食既WAFFLE覺得好正, 但今次來食又覺得差左好多..唔通真係一出名既甜品店會相反地差左.