Terrace in seaside (海運大廈)

营业中

休息中

現在這裡有活動，只要是叫了落雪了刨芝士系列就可以加３５元玩一下刨芝士，任刨的！愛吃芝士的一定要試試！另外性價比更高的是叫少少芝士黑松露油薯條，就包了玩一次刨芝士了，刨得蓋滿了薯條就送一杯綠雪奶蓋聖誕西柚綠茶（５８元），手快的可以刨到很多了！而且基本上努力一下都會送的，所以性價比挺高的！刨多了就是加餐！韓式奶油排骨鍋（１８５元）排骨鍋比想像中還要豐富，除了有主角排骨外，還有紅薯粉和年糕，配菜也有紅蘿蔔和白蘿蔔！排骨燉得很入味，肉質鬆化。紅薯粉吸飽湯汁，口感嫩滑多汁。年糕口感軟糯。白蘿蔔也非常吸湯！湯汁鹹鹹甜甜的，帶有一份奶香。粒粒八爪魚意大几燉飯（１３２元）上面放了一圈的八爪魚肉，再撒上芝士和一粒生蛋黃，吃的時候拌勻，口感奶滑，又有蛋香，既吃到粒粒的白粒，又有彈牙的八爪魚肉增加香味。少少芝士黑松露油薯條（６８元）芝士味道鹹香，黑松露油薯條外脆內軟！不會爬煙囪的聖誕老人朱古力窩夫（１３８元）很有聖誕節氣氛的窩夫，朱古力窩夫配上車厘子，草莓，樹莓和藍莓，再撒上糖粉和曲奇碎，旁邊的聖誕老人是不能吃的。朱古力窩夫外脆內軟，挺有朱古力味的，配的醬汁是奶蓋，多一份奶香。綠雪奶蓋聖誕西柚綠茶（５８元）

見到呢間韓式𝐜𝐚𝐟𝐞有得食開心果蜜糖窩夫，就即刻叫男朋友陪我去試下!! 因為係去食𝐝𝐢𝐧𝐧𝐞𝐫，我地仲叫咗啲主食黎試下，想推介下佢地個【烏卒卒墨汁八爪魚燉飯】，燉飯既墨汁比較濃味，上面既八爪魚好軟淋，撈埋飯上面既蛋黃醬一齊食好好味 想食𝗸𝗶𝗺𝗯𝗮𝗽既我仲叫咗個【極度惹味泡菜八爪魚紫菜包飯】!! 呢個𝗸𝗶𝗺𝗯𝗮𝗽好特別，平時韓式𝗸𝗶𝗺𝗯𝗮𝗽如果有泡菜都係用醃泡菜，但係呢度就喺𝗸𝗶𝗺𝗯𝗮𝗽上面加咗微辣既𝗸𝗶𝗺𝗰𝗵𝗶醬同埋八爪魚粒，呢個配搭既𝗸𝗶𝗺𝗯𝗮𝗽又幾新奇(ી( ･◡･ )ʃ )₎跟住就到我最最最期待既【開唔開心試左先知既開心果蜜糖窩夫】!! 𝟒件厚厚既窩夫外脆內軟，上面灑滿咗開心果碎碎同蜜糖脆脆，最頂仲有開心果醬同𝗰𝗿𝗲𝗮𝗺!! 窩夫既蛋香味好出，配埋果仁碎同𝗰𝗿𝗲𝗮𝗺食，一啖一啖就食唒成碟!野飲我地叫咗【人生迷芒的芒果沙冰】同埋【濟州柑橘乳酸梳打】!! 芒果沙冰竟然有半個芒果🥭，沙冰飲得出係新鮮芒果打成既，濃得黎但又唔會好甜!! 柑橘乳酸梳打就酸酸甜甜咁，比較𝗿𝗲𝗳𝗿𝗲𝘀𝗵𝗶𝗻𝗴，我個人就鍾意芒果沙冰多啲

韓國仁川過江龍海邊餐廳Terrace In Seaside進駐尖沙咀海港城都有一段時間，今次一如既往品嚐呢間精緻嘅韓國菜。餐廳同韓國一樣主打休閒清新為主，環境同樣以淺木色同植物元素為主調，好舒適。烏卒卒墨汁八爪魚燉飯濃郁嘅墨汁包住每粒米飯，新鮮足料嘅八爪魚喺燉飯當中，口感爽脆彈牙，帶有濃郁鮮味，飯粒加上芝士醬，好creamy，味道帶有鹹香，非常吸引。極度惹味泡菜八爪魚紫菜包飯紫菜包飯材料豐富，有口感彈牙嘅八爪魚、蛋絲、青瓜絲、蘿蔔絲，同埋泡菜等，味道微辣惹味，口感豐富。開心果蜜糖窩夫窩夫賣相吸引，口感鬆脆，蜜糖味香濃，加上濃郁開心果醬同埋忌廉，香滑軟綿，仲有粒粒開心果脆同埋焦糖脆脆，口感豐富。人生迷芒的芒果沙冰有半隻切開嘅芒果喺上邊，非常飽滿，芒果沙冰味道香甜，底部仲有足料嘅柚子，同沙冰好夾，清爽解渴。濟州柑乳酸梳打用上濟州特產柑橘，新鮮柑橘果肉配上乳酪打製而成，味道微甜清新，加上青檸，消暑開胃，飲品漸變紫黃顏色，加上花瓣點綴，賣相吸引。

講起新派韓式cafe🇰🇷Terrace in seaside總是榜上有名最近我終於同朋友慕名去試試🤤海港城分店位置近碼頭餐廳以白色和灰色為主 裝潢簡約時尚而店員都戴上了可愛的柑橘帽子🍊令人彷如置身韓國濟州島柑橘果園之中🐙極度惹味泡菜八爪魚紫菜包飯（$132）呢個紫菜包飯何止惹味 直頭係惹火🔥泡菜醬汁辣得過癮 加上八爪魚同青瓜等配料 好開胃🖤烏卒卒墨汁八爪魚燉飯（$115）燉飯調味濃郁 非常creamy除咗大大嚿八爪魚🐙 仲有入晒味嘅菇菌好快就清咗碟🤣🧇開吾開心試左先知既開心果蜜糖窩夫（$138）窩夫賣相吸引 共有4塊面頭放上味道濃郁嘅開心果醬同忌廉仲有大大塊焦糖脆餅底部鋪滿開心果碎粒以及杏仁整體口感味道層次豐富 值得一試👍🏻🥭人生迷芒的芒果沙冰（$68）嘩 呢杯芒果沙冰唔惹少！面頭放上切開嘅芒果 粒粒都好飽滿 勁吸引😍芒果清甜味美 沙冰味道天然 唔會好甜🍹濟州柑橘乳酸梳打（$48）飲品呈紫黃漸層顏色 非常美麗飲落既有青檸嘅酸澀 同時又有柑橘嘅甜味中和解喝一流

2024年9月15日 星期日終於難得係週末嘅時間可以family day，帶咗小朋友出咗尖沙咀周圍行，順便放下電，到晏晝見肚餓就決定喺海港城搵嘢食咁啱見到近期喺香港各個地方都開咗分店嘅大熱人氣韓國餐廳，仲要咁啱有客人離開，有一張空枱，所以就入咗去食餐廳原來做緊開學優惠，只要出示學生證再follow餐廳嘅網上平台，就可以飲品無限加添或者單點食物有七折優惠，對於學生嚟講真係好抵，可惜我已經過咗學生嘅年齡。。。雖然冇得用優惠，但係睇返餐牌，見到食物嘅價錢唔算太貴，而且有好多種類，仲有近期大熱嘅開心果新產品添，實在花多眼亂，所以我哋就決定點咗幾款新推出嘅食品由點餐至食物送到都只係十幾分鐘，送菜速度幾快，首先就有極度惹味泡菜八爪魚紫菜包飯，包飯上面放滿咗泡菜同大大粒八爪魚，食落去味道有少少辣，越食越惹味，但又唔會辣到入唔到口，泡菜同包飯裏面嘅配料都幾夾，仲有八爪魚一啲都唔韌，煮得啱啱好呢個係老婆點嘅濟州柑橘乳酸梳打，味道酸酸甜甜幾清新，乳酸同柑橘撈埋一齊飲又唔會覺得太甜，反而更突顯柑橘既味道至於我就要左人生迷芒的芒果沙冰，無諗到會有半舊芒果插左落飲品之中，仲已經切開咗方便進食，芒果幾香甜，沙冰夠

繼續恭喜發財、新春氣氛濃厚，當然唔少得吃個新春意頭好菜式🥢。趁住農曆年，出外走走行個大運🎋，來到尖沙咀海港城覓食👅，不如試試這家新派韓式fusion 餐廳 (在港有超過十多家分店）：以橙色為設計主調，在新年期間感覺很應節～寓意大吉大利🍊，作為傳統女生又滿有儀式感的我，就決定挑選這家餐廳吃個新春afternoon tea, 象徵豐盛的一年🎉。就算下午來吃都十分豐富，在傳統菜式上融入新年意頭食材，而且每道菜式名都應節滿有新春氣氛，味道也不錯吃、有些更有驚喜❤️，跟家人朋友都食得開心🥳！【飯卷】口感豐富～加上鮑鮑更顯名貴；而【韓式煎餅】一客拼盤有齊5款口味，最愛韓式大蔥煎餅，大量大蔥香口又滿有咬口。【年糕】以明太子mixed 奶油，帶咸香又惹味 口感十分煙韌，加上炸至香脆不油膩既(炸芝士豬扒），好吃！最後來個新春甜品【窩夫】 香酥滿鬆軟而外層香脆，加上柿子造型糯米糍，香甜又香糯；而2杯【應節特飲】 (清爽香甜 & 香濃啡香滲出柿香） 大滿足🧡🧡🧡！下午茶來開個年吧🎋🔸鮑鮑高昇飯卷 $128🔸⁠蛇年喜有柿你窩夫 $138🔸蛇麼都要韓式煎餅拼盤 $122 (翠玉瓜、茄子、大蝦、香菇、韓式大蔥煎餅）

啱啱去完濟州旅行，超鍾意橙色🧡Terrace in the seaside 就係來自韓國濟州島，裝修以木系質感做主調，成個環境企理舒服，食物一貫高水準👍🏻今年新年仲柿做主題鮑鮑高昇飯卷呢個飯卷好奢華上面真係有粒粒鮑魚😃內裏餡料豐富，而且配上韓國特色醬，好好食呀。蛇年喜有柿你窩夫份量超大超大夠三四個人食，窩夫蛋漿比例好，所以食落去乾身脆口，沾上小小士多啤甜柿醬已經好好食！側邊好可愛嗰個林柿其實係一大片麻糬😋麻糬帶甜香，咬落去軟熟好好食！蛇麼都要韓式煎餅拼盤超大份而且種類豐富，有蝦、冬菇、翠玉瓜、茄子等等，新鮮食材沾上蛋漿然後拎去煎，記得配上特色韓國醬汁酸酸地好好食。⁠明太子奶油幼年糕呢個係香濃明太子醬汁配上年糕，佢哋嘅年糕比平時嘅韓式年糕幼身，可以沾上更多醬汁。柿事連連柿子綠茶上面有滿滿嘅奶蓋同新鮮柿，配上清香柿子綠茶，飲落去口感順滑。橘子咖啡超可愛，去完濟州就會愛上韓國橘子，咖啡上放咗一片橘子🍊咖啡飲落去唔會太多牛奶，有種香濃嘅橘子香味道突出

聖誕節影完燈飾相 而家輪到去商場 揾春節backdrop影賀年相 今晚喺尖沙咀海運大廈影醒獅 跟住食韓式賀歲晚餐 咁先有儀式感😎-🫓韓式煎餅拼盤 拼盤嘅份量好大 除咗海鮮🐙煎薄餅 蔬菜🥒大蝦🍤都有 非常豐盛-⁠🥠明太子奶油幼年糕好鍾意食年糕 上海式日式韓式 來者不拒😜 呢款年糕條亦深得我心 成條啜入口 滑溜溜軟綿綿 口感非常好-🍘鮑鮑高昇飯卷每件飯卷上面有微辣包飯醬-🍊柿事連連柿子綠茶🍊橘子咖啡韓國富有柿清甜爽口 用嚟做飲品 效果唔錯 柿子汁溝綠茶 味道出奇地搭 咖啡就算飲到底部 仍然聞到淡淡橘子香-🧇⁠蛇年喜有柿你窩夫 窩夫現製即食外脆內軟 亮點係餐廳自家調製嘅甜甜酸酸橘子汁😘

之前都有去過食呢間韓式cafe，見到佢新年出咗新嘢食，所以就特登去試吓🎍叫咗上嚟嘅時候呢個樣真係好靚味道又好，連隔籬枱都問我哋係咩菜式，然後佢哋都叫咗🥳✨鮑鮑高昇飯卷飯卷上面有細細粒鮑魚，雖然細粒但係都幾彈牙。有其他飯卷上面會有韓式拌飯嘅辣醬，建議可以將啲辣醬分返開自己點，因為雖然惹味但係都有啲辣。✨蛇麼都要韓式煎餅拼盤有唔同款嘅韓式煎餅，包括最傳統嘅海鮮煎餅、蝦、茄子、冬菇、絲瓜。都煎得幾好食蔬菜類都keep到juicy。✨明太子奶油年糕明太子奶油年糕，上面會有芝士炸豬扒，入面仲係流心㗎。明太子年糕好creamy，份量都幾多。✨蛇年喜有柿你窩夫窩夫夠外脆內軟，上面會有cream、蜂巢同埋一個柿乾。隔離仲有一個類似柿子嘅甜品，但其實入面係cream🤣✨柿事連連柿子綠茶呢個清清地幾好飲。✨橘子咖啡橙味比較濃郁，上面嗰塊葉可以企喺度好得意。

Terrace in Seaside有好多分店，裝修得好韓，餐牌都整得好靚(`・ω・´)#### 1. 泡菜炒黑毛豬飯- **價格**：$88- **評價**：黑毛豬肉質鮮嫩，整體味道正正常常，無咩驚喜(´～`)#### 2. 香濃肉醬千層面- **價格**：$98- **評價**：千層面層層分明，肉醬濃郁，味道豐富，唔會過於油膩(・ε・)#### 3. 明太子蟹肉飯卷- **價格**：$88- **評價**：飯卷蟹肉鮮甜，飯卷包得剛好，唔會散，食多幾舊有啲濟，整體味道普普通通(｡・ω・｡)####總結整體味道一般，適合打卡，睇相覺得炸雞同窩夫都唔錯，有機會下次再試吓。ヾ(*´∀ ˋ*)ﾉ

今日同朋友去海港城海運大廈Shopping， 行到攰攰地又係搵食嘅時間，見到呢間新派韓國餐廳，之前都有見到好多區都有分店，於時就走入去試吓!我哋叫咗一啲蛇年系列嘅新款推介。食物有別於傳統嘅韓國菜，賣相非常精緻，而且顏色仲好繽紛🌈,望到都已經好開心💕🌟鮑鮑高昇飯卷$128- 粒粒鮑魚喺飯卷上，已經夠晒吸引，而且飯卷味道濃郁!🌟蛇麼都要韓式煎餅拼盤$122- 韓式煎餅再配以唔同嘅蔬，賣相已經埋夠曬colorfuI，食材又夠豐富🌟明太子奶油幼年糕$92- 奶油味勁濃再配以韓式年糕，配搭新穎，但味道出奇咁配合🥞蛇年喜有柿你窩夫$138- 4大塊脆口嘅窩夫，再配上季子性杮子醬同蜜糖，味道清甜，做飯後甜品真係一流，有得打卡，又有得影相!正📸☕️橘子咖啡$58🍅柿事連連柿子綠茶$58- 飲品賣相都極具心思，我同朋友望到都❤️❤️眼!餐廳整體真係一閒好有驚喜嘅新派韓國料理；餐廳座位又坐得舒服，職員嘅服務態度又好!下次嚟海運大廈 shopping🛍,一定再嚟食下!💕

🐍 蛇年將至，賀年美食相繼推出，大家知道韓國也同樣重視和慶祝農曆新年嗎? 韓式Cafe趁新年推出應節餐點，新一年大家一同柿柿(事事)如意行大運吧!🍱 鮑鮑高昇飯卷 $128韓式飯卷包入蛋、紅蘿蔔、牛蒡、黃瓜、青瓜，配上特調香辣醬汁，再放上原隻鮑魚，口感豐富好意頭，「鮑」你蛇年大吉大利，萬事如意。🎋 蛇麼都要韓式拼盤 $122韓式煎餅拼盤包括雜錦海鮮、海蝦、鮮菇、翠玉瓜和茄子，每款都煎至金黃，寓意蛇年黃金萬兩，賺個盤滿缽滿。✨ 明太子奶油年糕 $92明太子奶油醬汁白濃creamy，長條狀的年糕比平常吃到的較幼身，掛汁度高，口感煙靭。加上流心芝士炸豬排，寓意步步高升，事事如意。🧇 蛇年喜有柿你窩夫 $138柿柿造型的原來是大福，軟糯的外皮包住香甜柿肉和忌廉。窩夫口感鬆軟，配合忌廉、蜂蜜、鮮果和柿柿醬汁，新一年將會甜甜蜜蜜，生活美滿。🍵 柿事連連柿子綠茶 $58柿子綠茶加入柿汁和柿肉，面頭鋪上奶蓋，配搭得宜。☕ 橘子咖啡 $58咖啡加入橘子蜜，以橘子乾作裝飾，入口微甜，芳香怡人。🍽 餐廳：Terrace in seaside (尖沙咀)🌐地址: 尖沙咀廣東道3-27號海港城海運大廈2樓

叫咗一個無骨的 “唔食得唔好叫辣辣炸雞” 同埋菊花茶。上到枱嘅時候presentation 好靚，但係一睇就已經知道唔辣。 人哋辣炸雞係真係紅色 呢一間係灑咗少少所謂的辣粉。 新鮮炸物點都唔會唔好食嘅，咬開都有少少肉汁，質感亦都唔韌。不過好失望，因為一啲都唔辣，問攞多少少辣粉，我單獨放入口試純粹只係得鹹甜味，零辣度。 埋單嘅時候反映咗意見，佢哋話會通知供應商。P.S.：海港城多遊客人人皆知，但有一個女侍應完全聽唔明我對面枱嗰位遊客講嘅普通話。搞到人哋好尷尬，個個都望住佢雞同鴨講。 呢位女侍應served我嘅時候都係完全冇服務可言，要檢討一下。

呢間濟州過江龍嘅清新Cafe近排推出用蛇年同柿子做主題嘅餐點 啲名用咗’蛇’同’柿’做食字勁盞鬼 🤣🤣——————————————————————🐕 Main 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🧈明太子奶油幼年糕原來會配埋芝心吉列豚肉卷好鍾意佢呢一款長身幼年糕條 咬落軟綿之中帶有彈勁 口感超正可以牢牢掛住Creamy嘅明太子奶醬絕對會為咗年糕再翻叫！🍚鮑鮑高昇飯卷以辣醬拌飯做基底的蔬菜飯卷奢華地加入彈牙鮑魚仔伴以溫和嘅韓式辣醬 食完新一年就鮑鮑高昇lu🤣🥚蛇麼都要韓式煎餅拼盤除咗金黃色香脆嘅海鮮煎餅🐙仲有仿照韓國傳統市場嘅綜合蛋煎餅各式食材 沾上蛋麵糊後油煎上碟有冬菇 茄子 翠肉瓜 蝦仁⋯多到搞蛇麼飛機 真係什麼都有😳 建議3-4人分😳——————————————————————🐕 Drink & dessert 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🧇⁠蛇年喜有柿你窩夫次次黎呢間 都一定要食窩夫即叫即做 食落係有蛋香🥹做到外身薄脆 入面似軟蛋糕😚配搭嘅香甜柿醬有啲似果然系嘅桃茶🍑仲有粒偽裝成柿嘅忌廉大福 幾QQ🍵柿事連連柿子綠茶甜軟柿打蓉混入苿莉綠茶飲落稠杰帶有果肉纖維感配合

平時行過海運中心都冇留意有新食肆，今日朋友帶我去食一間新開的韓國fusion菜。成間餐廳以橙色主調設施。再以桔子食材cross over 不同韓國菜式為主，非常有創意。新年食過寓意大吉大利。鮑鮑高昇飯卷有七粒紫菜包飯其中四個有四粒細鮑魚。其他有韓式辣醬在面。紫菜非常新鮮好脆。蛇年喜有柿你窩夫窩夫夠熱夠鬆化，陪襯住一粒柿型的橙色糯米糍。窩夫與窩夫之間夾住好多cream。還有兩粒枇杷果伴碟。蛇麼都要韓式煎餅拼盤好大盤拼盤好吸晴，全部都用麵粉炸過好似日式天婦羅。有海蝦、翠玉瓜、茄子、花菇、薄餅，大滿足。明太子奶油幼年糕炸完嘅吉列豬扒入面釀入了芝士，芝士一絲絲。年糕幼細食落吸晒明太子嘅味道好惹味口感煙煙韌韌唔會覺得好滯。柿事連連柿子綠茶三粒柿肉送在杯上擺設，食落清甜。柚子綠茶上面有一層濃厚的奶蓋，飲落柿子綠茶清清甜甜好開胃。橘子咖啡估唔到橙同咖啡可以咁match，咖啡帶點橙香嘅味道好提神，重過香味。