The Lounge (香港JW萬豪酒店)

营业中

休息中

【香港JW萬豪•The Lounge】————————————————————————#港女HighTea記 其實間唔中做吓港女都幾好👗☕️𝒥.𝒲. ℳ𝒶𝓇𝓇𝒾𝑜𝓉𝓉 ℋ𝑜𝓉𝑒𝓁送咗張coupon J先生早一個月book位 #識揀窗口位值得加分💯😘落地大玻璃 影相打卡一流無論係住定食 我真心欣賞𝒥.𝒲. ℳ𝒶𝓇𝓇𝒾𝑜𝓉𝓉服務❤️一坐底staff就俾咗杯桂花冰茶解渴 清香桂花味 嘆住杯茶等個tea set出嚟英式地道鹼甜美食三層港女tea set由上層開始介紹🥗虎蝦春卷配酸甜汁（外皮脆卜卜 蝦肉較軟身）🥗鮑魚撻（煙韌鮮甜）🥗鴨肝醬多士配蜜瓜🍛芒果龍蝦沙律配魚子醬🍛日本桃太朗番茄配話梅汁（有驚喜 配搭好好）🍛西班牙黑毛豬火腿配鮮無花果芝士麥包🍰玫瑰士多啤梨荔枝朱古力蛋糕🍰雲呢拿白朱古力慕絲及柚子忌廉配香檳梨榛子脆餅🍰黑朱古力慕絲及香莓紅絲絨海綿蛋糕配棉花糖🍰香草杏桃芝士蛋糕🍰紅寶石朱古力雲呢拿芝士忌廉配藍莓朱古力脆撻🍰迷你綠茶紅豆牛角包🍪原味/提子粒鬆餅係我最愛😍自從去完英國🇬🇧愛上了𝓈𝒸𝑜𝓃𝑒口感鬆化 香濃牛油味好緊要 配上果醬/𝒸𝓁𝑜𝓉𝓉𝑒𝒹 𝒸𝓇𝑒𝒶𝓂外面硬 入面少少濕潤 食落唔會太乾身

本身諗住食tea,朋友話tea set選擇唔多又有局限性，不如試下呢間tea buffet，選擇又多，又好食，只要早啲book位就得啦。地理位置方便，一出地鐵站就搵到。餐廳環境闊落，有落地大玻璃，係有日光照住下進食，感覺都會愉快啲。食物種類都唔少，前菜有麵包，涷火腿，芝士。凍食有沙律， 刺身，壽司。 熱葷有雞翼，乳鴿，漢堡包，即煮粥同麵。 仲有個甜品corner. tea buffet有咁多野食揀， 真係唔係hea我喎咁多嘢食，緊係介紹下必食itmes. 蝦多士啱啱新鮮出爐，一口多士，大小啱啱好，蝦肉爽口彈牙，外層有麵包糠，香脆可口。Ban Chang Kueh即點即煎，煎起好似薄脆咁， 裏面加埋花生醬，砂糖， 好似香脆格仔餅，得意好味。仲有一款口味係榴槤餡，鍾意食榴槤嘅朋友可以一試。象拔蚌， 螺肉刺身爽口清甜，可以排多幾次隊呀。 伯爵茶tart伯爵茶味香，入口幾滑，tart底層有少少柚子肉，酸甜適中，2個味道都幾夾。tea buffet由三點半去到六點，食完之後非常滿足，晚餐都可以唔使食喇

貴精不過多來形容這間 buffet 食物就最啱不過了！當你試完哂所以冷盤熱盤甜品後，保證你會抱住個肚走！如果想要多元化又多款式嘅 buffet, 咁這間就不多適合你了！但以 <$400埋單，環境又坐得舒服，服務又唔差，食物又有中等質素，咁就可以考慮一吓！當日刺身得三款，冷盤有蝦，青囗，芝士，沙律，壽司，而熱盤記憶中有北京填鴨，鮑魚，炒蟹鉗 ，鮮蝦雲吞， 羊扒牛扒 ，海鮮泡飯等等，雖然唔係話上等貨式，但勝在味道唔差！甜品有成十幾二十款，最開心有榴槤軟雪糕食！

又嚟到這裡食自助晚餐，星期二的晚上，客人不多，坐得好舒服。食物方面，海南雞雞肉滑身但醬汁不到胃，冬瓜燉乳鴿湯好清甜，炒辣蟹d蟹肉有啲梅，泰式牛肉沙律就辣左d但好醒胃，紅豆沙比較糊口。食下坐下，又一晩。

有一段時間沒有來JW 了, 剛好這天是課程最後一天完結。 天氣超好中午陽光普照。到黃昏來到金鍾依然係夕陽光照穿透大玻璃直入酒店cafe廳堂。那個看似屏風式嘅沙律吧同甜品區依舊不變。 蛋糕甜品款式眾多未必全部都好好食但好多都有玻璃罩罩住感覺衛生。這次發現自助餐有炸魚皮食同紫菜食算係有點創意而且炸魚皮都是新鮮炸出來的。主菜肉眼扒等廚師切至中心時才出去拿。肉的中心嫣紅。但牛肉味則一般的吧！羊架肉質稍稍偏硬但還是燒至剛剛好的。最出色的要算是蝦的食物。無論係普通嘅烚蝦凍食, 蝦球伊麵, 即煮雲吞嘅鮮蝦都完全ok. 但雲吞生麵係還未煮透身的是事實如果生麵能煮透身的話那將會是爽口彈牙的麵質現在是浪費了食材。甜品方面的蛋糕大部份唔太甜。蛋糕造型都算唔錯。

到過這裡幾次食自助晚餐，感覺吾錯，今次黎試吓佢嘅下午茶自助餐，原本系 waiting list，幸好後來都有位安排到，可能因為暑假嘅關係，都幾多人。講返d食物，蝦多士隻蝦好大隻又炸得香口吾油膩，炸乳鴿比較細小同炸得乾身左d，燒賣d餡嘅豬肉同蝦好澎湃，南乳豬手系彈牙嗰種，咖喱雞充滿椰香啖啖肉，燒肉眼扒半生熟帶點脂肪，迷你漢堡嗰包同件漢堡肉都好乾，雞翼就好厚炸粉。即灼了一碗雲吞魚旦牛丸米線，之前有食評提過佢嘅魚旦出色，所以今次試吓，果然彈牙有魚味，牛丸正正常常，雲吞就保持一貫水準，落左大量芫茜和蔥粒同食，吾錯。甜點方面，有款杯仔白酒啫喱甜甜酸酸好醒胃，鬆餅就原味比較出色充滿麵粉香，提子就好一般。食下坐下，加杯凍檸茶，埋單 $586/2位，在這地段，都ok 嘅。

這篇食評是在jw用餐時邊吃邊打如此劣質的自助餐真的令我大開眼界食物選擇少但品質也同樣低劣主打食物有酸齋油炸鬼雞翼加洲卷等刺身有三文魚加三款貝類選擇新加坡炒蟹又梅又乾拿海鮮泡飯時師傅又忘記給飯雲吞麵是生麵明顯還未煮熟羊扒西冷超薄切兼十成熟師傅把羊肉三文魚在客人碟上亂放一堆連最簡單的雞翼也沒醃過中間只有雪味再試試他們的麵包又是濕又梅惟他們的牛油非常幼滑香濃就連廚師也表現得沒禮貌完全沒有五星酒店的專業形象不清楚jw內部發生什麼事水準如此劣質實在令人震驚

年頭訂左改期再改期，昨日終於一試出名好食的Sunday brunch。慶祝朋友生日，4人準時11.00到達。巧合地安排係上次食lunch在窗邊的同一張檯，需有落地玻璃全景但講真好熱下，上次陽光普照食到身水身汗，呢日未有太陽及雨陰陰但都有少許擔心 (後段証實我的憂濾係有道理)。凍海鮮有開邊龍蝦及蟹，非常大隻，蟹好似有2款但吳肯定，蟹超級甜美，比龍蝦還好食，青口都吳錯。其實我比較喜歡熱食，但昨天的凍海鮮及魚生都好出色，帶仔鮑魚好甜，唯獨無試魚子醬因從來吳覺得好食。鮮蝦雲吞上次試過今日水準仍然出色，鵝肝煎得夠火喉，起初好似5毫子咁大，到後尾已變成一塊塊，但不能多吃。有我致愛的乳鴿及填鴨，必食。carving station羊架好嫩standard粉紅色(無血)但見好多人要加煎？個牛朋友話OK。Iberico ham 幾乾及柴，鹹得黎無油香。cheese cube無甚特別，有 parmesan (吳係aged 的,麻麻), Edam, Brie 一般，其他點心熱食， salad 都無試 (個胃越黎越細)。細細枝樽裝apple and orange juice 吳洗飲好多。初食時人龍較長熟正常，

呢間自助餐一直都好出名，今次終於到我去喇😍 今次同幾個好朋友book咗一晚staycation, package包早餐同每人除返開三百蚊嘅餐飲券，仲有得late check out 玩足24小時🤣 每人一千蚊有找👌🏻我地淨係book到check out嗰日嘅下午茶自助餐，不過呢個安排反而覺得岩岩好🤣 第一日游水，第二日食完早餐再做埋個gym先check out慢慢食自助餐🤣 呢度嘅早餐JW cafe同自助餐嘅中式食物都做得出奇地好味😋 早餐嘅點心，雲吞麵，自助餐嘅生滾粥，同牛肉湯麵都好正😂下午茶少咗嘅係海鮮，除此之外都有好多食物選擇🤩 甜品尤其吸引，大家一齊分享每樣一人食一啖都飽到暈低🤣 其中白酒啫喱同黑森林最令人難忘😚望住個大落地玻璃，食住咁多美食，呢餐非常滿意🥰🥰🥰

你中意凍虾有肥肥黑黑既虾屎?你中意好似象皮咬唔爛既牛排?你中意又霉又淋既炒蟹?你中意座位好似坐馬桶既感覺?JW一定滿足到你!收得平真係有原因架,4百幾蚊位係食垃圾架啦!

一直對JW嘅buffet都冇乜好感，但大部分人都話ok，所以今次就嚟試吓。結果，差！！！我哋預先買咗lunch buffet。嚟到reception報到，我哋問佢細節問題，唔答，只係直接帶我哋去餐枱。原來lunch buffet有分幾種package。一個侍應只係放低咗一張buffet分類嘅package餐牌喺枱面，乜都唔解釋就走咗去，服務態度其差！只睇張嘢真係一D都唔明我哋嘅buffet屬於邊一個package。食物方面只是普通水平。全場只有自選餸嘅車仔麵和沙律。D牛肉仲要俾人搞到霉晒。咁嘅價錢食D咁嘅嘢真心唔值。服務方面，眼見全部員工好似好唔開心，好似焗住留低做咁，黑口黑面。仲有幾個經理級嘅西裝人，戴住耳機走來走去都唔知做乜，一D都幫唔到D下屬和客人。睇嚟JW真的名不符實。冇下次！！！

今晚一行三人又嚟食自助晚餐。餐廳樓底高，坐在梳化卡位，十分開揚舒服。食物方面，凍蝦好大隻又彈牙，甜酸炒蟹幾特別，义燒有d系半肥瘦邪惡但好食，酸齋多汁得黎個味又調得幾好，海南雞好滑，肉眼扒比較生但都可以，羊架就真係一般，燒賣大大粒食肉獸一定喜歡，即灼雲吞麵保持一貫水準，後期有潮洲粉果，但個胃已經無位啦。甜點方面，葡撻、檸檬慕絲、甘筍旦糕、日式芝士旦糕好味，斑蘭戚風蛋糕吾系好覺有斑蘭味，New York 芝士旦糕味道有d怪、麵包布甸焗得over 左d所以有點乾。埋單 $1305/3位，都可以嘅。但希望餐廳可以轉下食物款式，因為6月尾食嗰次同今次d食物有8、9成是一樣的。

今晚去到位於金鐘萬豪酒店入面大堂lounge 食自助晚餐，一入去量體溫掃左安心出行，因為早到了要等到6:45分才可以入座7:00取食物，到取食物區發覺擺位十分陝窄和人多時空間擠迫食物種類不多，海鮮只有蝦和青口，長腳蟹都冇，刺身也很求其hea 做，最離譜是炒蟹是死蟹肉質梅的肯定不是活蟹，同待應反映居然同我講話人哋隔離枱食得好滋味喎！好似被譏諷！四百幾自助餐好食過它的大把啦，服務態度又差這樣的的自助餐一次就夠！

朋友話JW tea set出名想試好耐嫁喇，於是我就早左成個月打去book位，唸住滿足下朋友，到時又可以幫佢影下靚相~ 不過可能期望太大所以食完之後都有點失望... 餐廳員工服務好好，坐低後好快拎左welcome tea比我地，係桂花香芬冰茶。飲落清甜冰涼好舒服，不過要襯d冰未融好快d飲左佢，隔耐左比嚿冰溝淡左就會唔好飲淡mou mou嫁啦。Waitress 相隔一陣都好熱心地主動走過黎幫我地order埋野飲，我同朋友都想飲coffee，於是就揀左ice cappuccino & ice latte。Tea set 方面，我地覺得鹹點整得好食，比較出色就係虎蝦春卷 & 芒果龍蝦沙律 鴨肝醬配蜜爪多士&鮑魚tart亦不錯，其他鹹點不過不失但甜點方面就覺得比較遜色，覺得都係用黎影相比較合適。而有d顏色既野食食落味道都比較假。唯一ok既就係綠茶紅豆牛角包Scone 方面有兩款，分別係提子&原味。比起出面既tea set，呢度既scone 確實唔錯了，微温而且口感幾soft，加上果jam & cream幾好食。食多幾啖難免有點乾澀，我唸如果配搭熱飲會更加舒服消濟呢~ 不過餐廳景觀都不錯，幸好被

JW酒店餐廳水準高好多人都知，到過好多次 The Lounge 都係食Buffet。但最近睇完兩位馬拉食家係vlog 大大力推介JW呢個正宗既皇室Malaysia Tasting Menu，搞搞新意思去試一次。.Malaysia Delights Tasting Menu 💲428/pp⭐️4.6/5.肉骨茶 Bak Kut Teh ⭐️4.2/5唔太鍾意中藥味，所以一向都避點肉骨茶呢類菜式。但JW呢個做得好好味，湯底好清得一枝有份量既骨，中藥味唔濃仲帶點清香。配埋香脆油炸鬼非常助湯，我自己可以飲哂全部。.怡保芽菜雞 Ipoh Nga Choi Kai ⭐️4.5/5怡保係馬來西亞既第四大城市，而芽菜雞係佢地街頭美食代表作。怡保芽菜外表短短、粗粗、肥肥，比一般芽菜多汁清甜有咬口。而放面雞肉其實極似去骨海南雞，一樣咁嫩滑有雞味。健康之選一上檯就極速被清碟。.印尼椰奶咖喱雞配油酥餅 Kari Ayam ⭐️4.9/5呢個咖喱雞不得了，咖喱好香甜好重椰奶香味。上檯時覺得佢好似細細碗，但原來內有滿滿既雞件，雞質素同前一道芽菜雞一樣咁嫩滑。佢個塊Roti Canai都係無得輸，秒速連汁全清，仲要向向行者