The Lounge (香港JW萬豪酒店)

营业中

休息中

別以為5星級酒店午餐自助餐有好食材!今天去試此酒店的中午自助餐$368一位竟然全是低水平食品!甚麼亞洲食品只有滷水溏心蛋,豆腐,泡菜,咸菜粒，泰式豬肉串，炸蝦件，上海式醉鷄(翼部份多,薰魚(但太甜又沒水準)，金針烤麸(有油噫味)，泰式沙律。食品少之又少，甚麼海鮮，日式食品，燒牛肉等均欠奉!全場仲要分可以$238選食式部份,分只選吃麵(烚及捞伴雜蔬菜以及一般低價超市式配料如豆卜,芽菜，秀珍菇，魚,蛋，貢丸，雪藏龍蝦丸，老牛肉.或只可吃沙律部份或亞洲食品或甜品部份每樣也另加錢,所以一般都會以 $368吃full buffet才化算!但即使食全自助餐根本無樣似5星酒店的食品!擺設又差,蓋子拿下來没足夠位擺放,要套放在其他食品蓋頂上,水果放在最高架上,人矮些也十分難取!除非你只喜吃沙律一樣才會只吃其沙律吧，連一些高级少少的食材配菜也欠奉,全是一般大路貨式食材,擺放的枱又長又深,手短不夠高的就耍以身張就去取放最頂位的配料,衣服也會沾污!醬料很多瓶卻沒有標明是甚麽醬及醬油味!太沒水準!!全場見最多就係位在中心處的滚烚煱位,全部自選有限提供的蔬菜及配料拿去代滾烚再加上些不同湯味而已,若你只選吃湯麵款

The Lounge 第二回@Afternoon Tea set.上次同朋友食完Tea buffet, 見到隔離枱食T set嗰啲甜品好精緻，決定今日食埋佢個T set。食tea set最緊要係食環境同埋可以有個好嘅氣氛同朋友慢慢傾偈, 嘢食好食更加係錦上添花。今次冇令我哋失望，首先係鹹點，佢個大蝦春卷蝦好新鮮，點埋個汁去油膩酸甜開胃。鮑魚撻有驚喜，粒鮑魚仔唔會太硬，咬落彈牙肉汁香濃，撻皮鬆脆。鵝肝配蜜瓜同多士一齊食啱啱好，蕃茄沙律可以中和下其他糕點嘅飽肚感，非常清新。 巴馬臣火腿配芝士多士一齊食，配搭得宜。甜點方面，全部都好出色，所有甜品都攞到三個重點，1.唔會太甜，迎合港人口味。2. 賣相精緻，睇得又食得。3.層次感豐富，一個甜點唔會只得一種口味。我特別鍾意食佢個綠茶紅豆牛角包🥐，望落去賣相好似好甜，切開一半原來入面嘅紅豆都係低糖，唔甜之餘仲有紅豆粒係入面煙煙銀銀，絕對唔係隨便整就整得到的。餐前為我哋準備咗兩杯冰茶，清清味蕾，餐後亦包一杯餐飲，感覺完整。

超级喜欢这儿的下午茶哎！性价比很高 环境优雅 服务贴心 姐妹淘聚会首选！！套餐也很划算 然后不只有甜点 小食也很好吃 厨师水准在线 胜过只能吃甜点的店很多喔！和不同朋友连续来吃 无论盛装还是运动装 服务员都很礼貌 而且普通话都不赖！聚会和见客户聊天都推荐这儿的下午茶！其实整个jw的多间餐厅都很好吃 都值得一试 我很钟意这家酒店也很放心它的服务 以多年万豪大使会员的人品担保住客食客满意！如果住客能够使用行政酒廊 还可以预订下午茶送上来吃 或是订里面的会议室私密相聚 真的很棒！

The Lounge 下午第一回@Tea buffet一向都鍾意係平日食Tea, 喜歡嗰種忙裏偷閑嘅感覺，今日約咗老公試JW Marriott The lounge 的tea buffet. 因為鍾意佢嘅落地玻璃景觀夠開陽，要預早兩至三個星期先book到近窗邊嘅梳化位，如果遲book就要坐喺buffet吧枱隔離嘅bar 入面, 冇窗口景色，但就近buffet吧多啲lor. 我覺得食Tea buffet 來説，風景同食物係一個package嚟嘅，缺一不可，所以我當然唔會介意遠離buffet吧枱少少，但係景色就靚好多啦！食物方面，相信好多foodie 都介紹過食物嘅種類, 我特別想介紹自己印象較深刻嘅幾款，當中包括佢嘅中式湯麵，我哋一人拎住一個大碗，可以自己選取想食嘅食材，分量及配料全部係自己選擇，揀完之後就俾師傅同我哋整熟佢，只會比一個牌我哋，大概10分鐘之後再返嚟攞，返去攞嘅時候師傅再問我哋要咩湯底，師傅會係嗰陣時先會加湯底落碗麵度，保證湯麵唔會浸湯浸到軟淋淋，我揀咗佢嘅魚骨湯底，味道好鮮甜，特別揀咗佢嘅魚蛋，粒粒都係橢圓形，同出面嘅唔同，食落彈牙新鮮，另外揀咗鮮蝦水餃，好明顯啲蝦好新

今日同朋友去左試金鐘JW萬豪酒店既下午茶buffet。我地入座時間係3:30至6點，諗住同朋友係下午茶有個地方食下野聚下，而JW酒店既The Lounge 就非常適合啦，因為佢環境非常寬闊，地方夠大樓底高坐落同朋友high 個 tea傾下計都吾錯。The Lounge既下午茶就真係吾多主食，種類都真係吾係好多，主要係集中甜品同埋少食多。佢哋嘅甜品幾好嫁！尤其是個英式鬆餅，非常之鬆軟同濕潤，聞落亦都好香牛油味！配埋佢地兩種果醬同德文郡奶油，真係非常之夾！甜品方便佢哋仲有細細盒嘅Häagen-Dazs雪糕任食，亦都有榴槤雪糕。

喜出望外afternoon tea 沒有抱太大期望買了這裏的afternoon tea coupon 來一試，非常有驚喜。鹹點的鮑魚撻和虎蝦春卷非常好吃。鮑魚煮得軟熟入味。春卷是鮮炸的，配甜酸汁很開胃。日本蕃茄配話梅汁，味道很特別，配搭的紫蘇很新鮮。甜點每件也很大，整體味道比較淡，不算好突出，但是不太甜，鮮度也很好。特別喜歡青蘋果忌廉羽衣甘藍，味道很清新。Scones 比較濕潤，牛油味也很香濃，不錯。食物整體很有驚喜，也坐得很舒服，有機會會再來。

早前以$484.2買左英式下午茶優惠卷，抵食。星期五早收1個鐘同男朋友去食。首先送上一杯welcome drink: 桂花香芬冰茶，幾清新。Scone有原味同提子味，配德文郡奶油同士多啤梨果醬。Scone唔太重牛油味，中等size，都鬆軟既，但未算係出色個種。6款鹹點第一層: 虎蝦春卷配甜酸汁、鴨肝醬、蜜瓜配提子無花果醬多士、鮑魚撻。春卷好好食，鮑魚撻都唔錯，撻皮夠脆，多士正常。第二層: 芒果龍蝦沙律配魚子醬、西班牙黑毛豬火腿配鮮無花果布里芝士麥法包、日本桃太郎番茄配話梅汁。龍蝦沙律偏甜，麥法包正常，番茄味道被話梅汁蓋過晒。6款甜點香草杏桃芝士蛋糕、迷你綠茶紅豆牛角包、黑朱古力慕絲及香莓紅絲絨海綿蛋糕配棉花糖、玫瑰士多啤梨荔枝朱古力蛋糕、雲呢拿白朱古力慕絲及柚子忌廉配香檳梨榛子脆餅、紅寶石朱古力雲呢拿芝士忌廉配藍莓朱古力脆撻。所有甜品甜度適中，只係白朱古力既部分會甜啲之外，整體都唔錯。茶係Tea WG既，我飲Waterfruit Green Tea，男朋友飲Graffeo即磨咖啡。

—如果想週末食到 大約要預早一個月去訂平日就會比較容易有位同平少少JW Afternoon Tea for Two($558/Sat, Sun&PH)桂花香芬冰茶Welcome tea 茶底幾香濃帶點桂花甜味有冰塊都冇溝稀到杯茶好似叫我哋由上至下食 鹹點到甜點鮑魚撻 有嚼勁但冇咩味芒果龍蝦沙律配魚子醬 虎蝦春卷配甜酸汁 新鮮炸起 蝦身彈牙鴨肝醬、蜜瓜配提子無花果醬多士食完個醬再食蜜瓜 幾refreshing西班牙黑毛豬火腿配鮮無花果布里芝士麥法包日本桃太郎番茄配話梅汁番茄同話梅幾夾 咬落好多汁當日3點半入座 食到咁上下4點鐘到就有新鮮出爐嘅scone英式鬆餅 原味及提子配果醬、德文郡奶油有d失望 個質地偏蛋糕嘅鬆軟而唔係鬆化嘅口感 甜點方面比想像中唔甜膩雖然每款都有唔同嘅配搭 但都圍繞住朱古力同埋分唔到邊款打邊款🤣玫瑰士多啤梨荔枝朱古力蛋糕雲呢拿白朱古力慕絲及柚子忌廉配香檳梨榛子脆餅黑朱古力慕絲及香莓紅絲絨海綿蛋糕配棉花糖香草杏桃芝士蛋糕紅寶石朱古力雲呢拿芝士忌廉配藍莓朱古力脆撻迷你綠茶紅豆牛角包Tea WG Earl Grey 一開始就會問揀咩飲品好彩揀咗熱茶因為最後食完 飽到連晚餐

新春伊始帶老媽去 High Tea 嘆個靚靚下午茶，JW 萬豪酒店位於金鐘地鐵站交通上蓋，約老人家就方便得多。環境不用講當然高檔典雅，服務細心禮貌周到，我們座位在超大玻璃窗旁邊，景觀一望無際，悠然享受一個下午時間。層架式下午茶非常精緻吸引😍，用恒生信用卡仲有 -15% ，每位都係 $260。👍🍴先來個熱辣辣英式鬆餅，鬆軟可口正常開動。🦐酥炸大虎蝦，蝦肉爽彈炸皮酥脆。👍🦞千島醬龍蝦肉杯我最喜歡，肉爽勁重龍蝦味非常滋味。🥰鮑魚撻值得一讚👏👍🍅蕃茄漬物，清甜微酸清新又醒胃。😋🧁各款甜點精緻味美，香滑可口甜度適中，不過都有二款味道過甜。整體算不錯如果鹹點多兩款會較好。

🌺自從熊妹發現貓妹呢隻high tea 腳之後，就約定好每一個月都要食一次。📌熊妹心知《JW Marriott》的英式下午茶既出名又受歡迎👏🏻，實在係非常之難預約。所以熊妹係一個半月之前已經訂定亦都約定好貓妹呢一日黎試吓究竟有幾架勢💪🏻。📌位上到金鐘太古廣場3樓就有一個進入《JW Marriot Hotel》嘅入口，然後轉彎再上扶手電梯就去到酒店嘅大堂，亦即係享受英式下午茶嘅地方。📌大堂環境非常開陽，超強嘅落地玻璃滲入下午柔和嘅陽光🌞，令到成間酒店變得生氣勃勃🌻。📌一邊係悠閒舒適嘅下午茶區，另一邊係貴氣高雅嘅自助餐酒吧梳化區🛋。成個酒店大堂都非常寬敞，有型有格。📌JW下午茶加咗價嚕，舊年都仲係四字頭，今年年頭開始星期一至就五$538兩位，星期六、日及公眾假期就$558兩位，鹹點、甜點、鬆餅、飲品全部都有齊。桂花香芬冰茶首先，一坐低店員就會送上一杯歡迎茶，歡迎嚟到JW Marriot🎊！好味喎！冰茶甜甜地，涼涼地，淡淡地桂花香，清清地嘅茶味，如果可以直情大杯啲列入飲品系列，熊妹一定會揀。JW afternoon tea，$538📌嘩！期待咗好耐，book咗好耐嘅JW afternoon

同老公去拍拖嘆世界，去試下呢間酒店下午茶。睇返之前留言，酒店已經改善不少。接待位提供口罩袋及餐牌提供多幾款熱茶選擇。請注意，價錢都提高咗。 餐廳樓底高，地毯加梳化加開揚景觀已經令進餐環境加分不少。服務細心，收拾碗碟及加水勤快。三層下午茶靚仔，有6款咸點，6款甜點同2款鬆餅，不少人影相影足十幾分鐘先開始食。職員都有幫手影相。Welcome drink冰凍清新，TWG 茶維持一貫水準。餐具我都幾注重，如果有埋果醬刀就更顯酒店高級感覺。另外果醬匙羹係膠匙又扣咗少少分。鬆餅偏乾，如果奶油再重啲味就更好。蝦春卷趁佢微暖就要食，大大隻蝦誠意之作。鮑魚撻夠曬特別，但龍蝦沙律就少咗啲鮮味。 蕃茄超甜，肝醬，黑毛豬火腿充滿咸香。甜品好少變化，比較突出係煙韌嘅馬卡龍同朱古力味濃嘅貝殼蛋糕。另外有4件甜品都係有朱古力薄殼，入面有mousse，再入面有微酸果醬。其實仲有好多款式可以代替令整體加分，例如tiramisu，cheese cake，fruit tart。 總結係，咸點一流，甜點有待改進。環境服務一流，值得再次光顧。

平時多數都係食佢個Sunday brunch，今日難得下午有時間，所以就試吓佢個tea buffet，講真……係有啲失望㗎食物味道一殷選擇種類一般所以冇點影相law 不過見到有人食tea set又好似幾得喎 🤭留返下次試

🥢金鐘舒適環境嘆鮑汁鮑魚胡椒蟹自助餐#食好西金鐘美食#食好西任食自助餐放題  🥢一直有留意想去食下呢間自助餐，本想book 下午茶，但原來在疫情之下亦很爆滿，當日需要等22個waiting list ,所以唯有試下排後補位置，好彩比我地排到後補晚餐，當然要去試🥢晚市成人$468 (19:00-22:00)🥢凍海鮮當晚提供的是海蝦同青口，排列得整整齊齊，蝦肉夠曬大隻又新鮮爽口，青口亦是新鮮很軟熟又夠鮮甜🥢芝士盤有三隻唔同口味芝士提供，亦有不同款的餅乾可以搭配一齊食🥢牛扒羊架牛扒好軟腍夠曬牛味，邊位經過烤焗後食落有烤過的香氣🥢鮑汁鮑魚呢個係最受歡迎嘅熟食之一，一出好快被清光，值得一讚係好快又refill 返，鮑魚係細細粒 ,味道吸收曬鮑汁的鮑魚同大冬菇真係好正🥢蒜蓉蒸帆立貝呢個都係必食，即蒸出來的蒜蓉帆立貝，絕對是新鮮美味，肉質有彈性，味道同海鮮酒家食嘅差唔多咁高質，食咗幾隻即刻回本🥢新加坡胡椒蟹新加坡胡椒蟹係我其中一種最鍾意食蟹嘅煮法，呢度嘅胡椒蟹用了大肉蟹,超級口肉之餘個蟹鉗仲要勁大隻，隻隻都大過隻碗，黑胡椒味強勁香口，夠曬惹味，雖然食

如果問我邊間afternoon tea 性價比最高，我一直都會話係JW Marriott... 但係依家唔係啦🥲今次再食真係好唔掂🌚 $538 for two 貴左好多.... 質素差左....份量少左.... (以前食係400幾蚊兩位)鹹點7款: 鮑魚撻細粒左但係都好食，另外芒果龍蝦沙律都唔錯👌🏻其他鹹點都普通🤨甜點6款: 真心冇一款我覺得好食... 每款都係試一啖就算🥲 甜點全部都超甜，除左macaroon 同埋Madeleine之外其他都係mousse類甜品🌚真係幾失望Scone 又係麻麻地，一上台見到兩隻膠羹已經覺得好唔掂😅scone 好乾，好似食緊餅乾咁🌚 jam 唔好食，得甜味😣整體黎講食物質素真係差左好多，短期耐唔會再去😩

其實今次撇下子女😜，獨自去 #hightea ( #afternoontea)，享受 的時光💃💃。但我都會從媽媽嘅角度分析吓帶小朋友去方唔方便🧐。(較早前去的) 環境:⭐⭐⭐⭐(5⭐為滿分)樓底高，空曠舒適，沒有壓迫感。另外，設有梳化位，更顯悠閒，街境雖是馬路，但見到金鐘區不同的高樓大廈。因近聖誕，大堂添置聖誕樹🎄，在餐廳裡亦可影到。 食物:⭐⭐⭐.5 (5⭐為滿分)一人份包括十四款食物和兩杯飲品，包welcome tea(桂花香芬冰茶)和咖啡/茶。食物不錯，份量亦十足，食完好飽，晚飯亦不用食，但甜點似乎有點膩，尤其馬卡龍很甜。   桂花香芬冰茶很香甜😍😍。 Mocha 不過不失。價錢:⭐⭐⭐⭐ (5⭐為滿分)每位288元，兩位488元(另有加一服務費)，茶聚2.5小時。(平日價錢)5星級酒店嘅環境享受悠閒嘅下午茶，價錢算ok。 服務:⭐⭐⭐⭐(5⭐為滿分)店員有禮細心。鄰座的媽媽獨自帶著小朋友，但要去餐廳必須落樓梯，職員即時幫忙搬bb車。另外，餐廳提供口罩信封。親子度:⭐⭐⭐(5⭐為滿分)雖鄰近金鐘站，帶著推著bb車不算方便，要兜路找升降機。而且由大堂到餐龐必須要經過幾級樓梯。上洗