The Place

與久違的朋友聚會主要想找個地方悠閒聊天就找到這裡來tea 一tea 了環境方面，燈光比較暗桌椅比較小，可放食物的空間不大出入也容易碰撞到隔壁桌食物種類不多似乎是sell 貴精不貴多可是感覺食物也一般般炸物不夠脆，照燒雞乾身又嚡熠熠吉列豬扒少少硬日式小食主要是漬物、帶子群邊，冷麵等小小一碟像迴轉壽司那樣轉動可是又看不見輸送帶這裡覺得有點神奇😮沒有刺身...只有細細件的一口壽司看起來也是挺不錯的不過總是在排隊...就沒有去拿了，有點可惜甜品和沙律區都需由職員拿取甜品每款看著都很華麗打卡一流！而且小小的也不易吃膩雪糕配料超級多！有KitKat、即製牛角包、軟糖，脆片，朱古力...值得一讚是牛角包！酥脆好味！在openrice book 位有8折，折後每位$313這個價錢...感覺可以去吃其他lunch buffet所以大概不會再回頭，試一試就好

如果唔係公司搞活動我諗我都唔會再自費食buffet，因為自己根本就食唔多嘢，幾百蚊我寧願食得精緻啲，太多選擇我又唔想，唔食又唔抵。今次公司俾錢食呢一間我未食過㗎，之前評價都係一般般，就睇吓一個唔多食buffet嘅人有咩意見啦。而家折實價每人六百幾蚊有生蠔有鵝肝有麵包蟹有任食movenpick 聽落都似算係咁因為身體狀況其實我唔食得生蠔🦪㗎，不過我忍唔到口食咗三隻，質素都OK！見到同事食成隻麵包蟹、大蝦🍤同螺，我就覺得太麻煩同埋一向都唔”好”又唔識食。魚生方面我就覺得選擇少咗啲囉，因為我唔食三文魚，所以淨係要咗幾片墨魚同埋北寄背。熟食我試左糯米飯、燒牛肉、即煎鵝肝多士、片皮鴨⋯其實佢仲有好多其他嘅⋯例如咖喱薄餅、海南雞飯、蛇羹等等。食物嘅質素普通通，不過我將主力放咗喺甜品度，俾佢個movenpick 雪糕吸引住, 總共食咗4球雪糕， 佢仲要加埋我最鍾意食嘅人氣牛角包窩夫，真係不得了。最吸引係佢嘅甜品，最失望嘅就係生果同埋飲品啦！簡直可以話完全冇嘢俾我揀得落手，生果佢竟然成個蘋果上，其餘都係一啲好普通嘅哈密瓜、菠蘿🍍、西瓜🍉, 我至愛嘅草莓🍓雜莓全部都無。飲品更加唔掂，同事拎既果汁甜到漏，

超級爆場！#康得思酒店 自助餐，冷盤居然有阿根廷紅蝦食 🦐, 超級大隻 啖啖肉！一定要試～推介指數：👍👍👍👍仲有而家好少自助餐有嘅生蠔🦪（似係英格蘭石蠔）味道OK，唔鹹唔淡，同埋都算新鮮，不過就比較瘦，但係味道適中所以食多幾隻都冇問題推介指數：👍👍👍👍居然喺酒店食到超水準的北京片皮鴨，好香的油脂味，而且佢嘅包皮比較厚，有啲似食緊 #刈包 既感覺，配埋開胃的醬汁，10分match！推介指數：👍👍👍👍👍鍾意食沙律的朋友有福了，因為佢特別有個沙律bar 有好多出面好難識到嘅沙律🥗， 例如有韓國醃菜，仲有冇咁肥膩嘅韓國水果沙律醬，味道清香，而且冇外國沙律醬咁肥膩，幾特別！推介指數：👍👍👍👍甜品主題係一個外國卡通公仔，印象中有睇過呢個漫畫，但係唔記得咗咩名😹！甜品幾得意，上面癡住咗啲公仔個樣，小朋友應該好鍾意，味道不錯！雪糕就是瑞士牌子 #movenpick ～推介指數：👍👍👍👍飲品種類都好多，果茶真係好好飲，仲有咖啡同埋汽水提供，全部任飲！比起其他自助餐剩係得凍檸茶真係大方好多😋！鍾意食冷盤的朋友不要錯過，我阿媽已經食咗四五大碟，完全回本了🙀 不過聽講呢間自助餐好難book，所以想食嘅朋友一定

Dinner Buffet主要分幾區，大部份人都會先攻生蠔及凍海鮮，有虎蝦，麵包蟹，小龍蝦等。我覺得生蠔比較細隻，不過後期拎既大隻啲。之後有個魚生刺身枱，供應五款刺身。另一邊有個冷盤區，沙律，火腿，日式凍盤，仲有片皮鴨（冷盤？）當中我覺得個意粉沙律幾好食。熱食區有燉湯，鵝肝，羊架，脆皮豬手等等，當中海南雞飯我係推介既！呢個係要叫個職員整，唔係見到有人叫，我都唔知有…座位另一邊有飲品區，提供汽水，咖啡，果茶。旁邊有生果大雪櫃，原個蘋果之外，有切粒水果。之後有Movenpick雪糕櫃，八款口味任君選擇。最後重點係甜品櫃，賣相真係幾靚，仲有Kit Kat主題甜品，同時提供原條Kit Kat朱古力放題，不過我最愛個意大利芝士大福，煙韌軟心又唔會太甜。還有個即製榴櫣班戟，我就唔太喜好。

六點半前到達, 已有1X人排隊等入內, 時間1830-2145。環境中等大, 座位距離雖有膠板但仍略嫌太近, 不過座位係舒適嘅。一開波箭步去海鮮區, 有生蠔、麵包蟹、虎蝦、 小龍蝦、青口、海蝦、翡翠螺。紐西蘭生蠔味道淡了些但可接受, 麵包蟹有肉有鮮味, 虎蝦肉質緊實有咬口, 青口海蝦正常操作, 小龍蝦相信用加入香料的水勺過, 味道一般, 徙時間剝殼, 翡翠螺鮮甜飽滿完勝, 失望在無龍蝦同長腳蟹腳。刺身類有5、6款, 質素正常；片皮鴨唔錯但嫌皮太厚扣小小分。香煎鵝肝肥美, 羊架肉嫩, 燒牛肉若配黑椒汁太鹹, 肉質正常水準。印度香飯及咖哩雞水準之上, 冷麵有多款配菜及汁可供配搭, 芝士焗扇貝普通, 似白汁扇貝多啲, 其他熱葷類一般。甜品有馬卡龍, 榴槤班戟, 鐵觀音梅酒啫喱, 白桃啫喱同雪糕等, 但實在太飽放棄咗雪糕。整體環境:8/10, 服務質素:9/10, 食物種類:6/10, 食物質素:7/10, 價錢:5/10, 若在旺角行街可再光顧

今次要推介大家去這間酒店的自助晚餐，完全有驚喜。我們一行7位，被安排於幾級樓梯上的位置，雖然如此，但相對又較清靜舒適，分開兩張枱坐，我覺得出入更方便同坐得舒服。食物款式及種類很多，應有盡有，生蠔，鵝肝，麵包蟹，大頭蝦，刺身有三文魚油甘魚，熱盤有燉湯，印度咖喱，海南雞飯，羊架，牛仔骨等。沙律吧有專人幫客人執碼，方便衛生。甜品有M字頭雪糕，亦都一樣有專人幫你雪糕球，很好，另外榴槤班㦸雖然不是即叫即整，但整體味道尚可。最值得一讚有馬卡隆，還要有幾隻味道，好好味。最後飲品係自助任取，鮮橙汁，罐裝汽水咖茶檸檬水或茶都是任飲。值得我再次光臨。

七五折之後平均每人唔使330推介食物有生蠔同海鮮，沙律吧，即做壽司牛肉，海南雞飯，甜品款式多環境舒適，服務親切有禮，交通方便我閑日中午去食，全場爆滿，咁都係異常嘅原因

茶系列甜品很特別!茉莉茶茘枝蛋糕~玄米茶白朱古力蛋糕~烏龍茶熱情果凍~白茶白桃果凍茶香濃濃解膩不甜,不錯的配搭!蛋白杏仁茶也很好!滋潤降燥在這初秋的日子!冷盤熱葷中規中規矩大致可以~汽水果汁茶啡任添飲!暢快

當初係openrice 見到咁人氣，咁多人食走去book 最好食個幾間full左見呢間有位都心知不妙入去到，環境一般，場地細，座位勁近唔緊要，抱住希望，原價加左一話晒都7舊幾水，折左2個都要千3點知！選擇少都算，黎個總結！啲蠔難食片皮鴨個包皮成個菜肉包咁冷盤無龍蝦啲虎蝦肉係霉的，爛晒鵝肝真係好乾牛，算好啲熟食唔講，唔會值呢個價成晚最好食，竟然係個牛角包雪糕另一伴生日帶佢來食飯我同佢講，今餐當無食過！呢個質素只值4百幾蚊好無同價絕對食到勁高質既花月庭同紅磡海逸！何況7百幾？追求更高質的你，俾多百零蚊食the market 啦！

早餐用餐時間為75分鐘，check in 時已經book 左8:00am-9:15am，時間上有少少趕，不過扣返影相時間，時間應該啱啱好。遺憾點左男朋友去拎飲品，自己無行勻全場，如果唔係我應該唔會睇唔到生果section😂。食物款式都幾多，例牌嘅點心、腸仔、火腿、炒蛋、奄列、沙律、即煮粉麵、乳酪、包點等都有齊，特別啲嘅有菠蘿包、蛋撻、日式冷麵/蕎麥麵、水波蛋，仲有可以自己沖調嘅港式奶茶同鮮搾果汁，另外仲有益力多添呀！基本上有齊all day breakfast 嘅component，所以自己砌左一份，加返少少沙律會更加像樣😝。太陽蛋、炒蛋、奄列等就成日都有，水波蛋真係比較少見，如果有埋English muffin 又可以自制一份egg benedict 😂～(不過無左靈魂荷蘭汁！）點心部分有點失色，蝦餃燒賣欠奉，反而有好易塞飽人嘅珍珠雞。日式冷麵算係比較少見，仲可以自選配料。食左咁多樣，最推介嘅係即煮粉麵嘅魚旦，質感犀利無腥味，類似潮州魚蛋。一坐低就已經想食生果，但係搵極都搵唔到，離座出門口嘅時候先係鮮搾果汁附近發現咖啡同生果section ，咁就白白錯過左一次喪食生果嘅機會😂。

我10號晚先找食自助餐，找了數間酒店自助都無11號訂位，咁岩唯獨the place有得訂，咁就嚟呢度食自助午餐@@我們1145就到，門口已經企滿人，好快就入座@@我自小對海產蝦蟹敏感，就不會一開始就衝去海產區覓食，眼見有新鮮生蠔、藍青口、凍蝦及小龍蝦@@反而去了沙律區～自己撈～樣樣拿少少堆砌～旁邊有個玻璃樽放了無花果干～我都食了不少～唔知有冇人發現～，其實去其他自助餐食～我都會留意到不起眼位置都有玻璃瓶，但好多人都吾會拿來食，可能望吾到卦～今次發現有橄欖油蕃茄仔～醃蕎頭……仲有…留待其他食家發現@@壽司刺身區～壽司都系嗰啲～刺身三文魚八爪魚希靈魚～無乜特別～都拿少少食@@甜品區～榴槤斑蘭班戟～自選MÖVENPICK® 雪糕配牛角包～紅豆沙～豆腐花～麵包布甸～多款精緻甜品@@飲品區～有兩部咖啡機，我不飲咖啡～我飲了果茶～可樂～旁邊有生果～我無食～望到有火龍果西瓜@@熱盤有紐西蘭肉眼扒～泰式豬頸肉～烤豬手～煎鱸魚～海南雞飯～印度炒飯～印度咖哩@@食到中段～職員行來問～我聽到有冇老人家～用什麼埋單～七五折～有冇人生日～對話由太太負責～我無理會～但知道尾段有職員免費送上點了蠟燭生日蛋糕～蛋糕系

10月1日起連續三日假期。打算同屋企人即興去食buffet，不過好多餐廳都冇得即日訂位。上網見到康得思下午茶buffet，價錢合理，又可以即日訂位，於是就決定去試下。openrice有八折優惠：成人原價 348，長者258，連埋加一，三個人858。雖然係假期，但係都唔算好full，入座率大概係一半。 今次食日韓主題，食物款式不多，基本有沙律。日本嘢食冇刺身，得波波壽司、 章魚燒、大阪燒、吉列豬扒、炸薯餅、 豬肉串燒、蛋包飯、炸芝士薯條、 卡邦尼年糕、香煎蘿蔔糕、仲有好多小冷盤……韓國嘢有炸熱狗腸、韓式炒粉絲、韓式炸雞……壽司款式有六種，但係冇擺牌，唔熟識嘅都唔知自己食咗啲咩。赤貝好爽、八爪魚壽司都正常，飯有醋味，都幾好食。不過如果食哂六款波波壽司的話，都已經有成碗飯咁多，浪費胃嘅容量。如果係刺身就好啲。 其他熱葷都正常，唔算特別好食， 吉列豬扒算比較腍，不過啲嘢食唔係好夠熱。甜品櫃裏面啲甜品好吸睛，係kitkat主題，睇得出好畀心機去整造型。抹茶奇巧柚子慕絲吸引，外形成枝雪糕咁，好得意。不過個雪糕筒淋咗，唔脆嘅， 慕絲比層綠茶朱古力包住， 裏面都算順滑。黑朱古力奇巧咖啡撻一入口咖啡味好

先幾日去咗呢間Cordis酒店staycation, 最主要揀呢間酒店入住嘅原因係因為呢度嘅自助餐，因為之前都試過幾次覺得係性價比高，食物種類又多，有生蠔又有鵝肝，海鮮種類亦都非常多✨✨呢間buffet 餐廳可以由6:30pm 食到9:30pm, 足足食3小時，可以慢慢食唔使太趕，呢間酒店嘅安排十分好✨(⁎⁍̴̛ᴗ⁍̴̛⁎)佢地燉湯非常好飲，我都飲咗三個😳😆✨✨煎鵝肝又唔會好似其他酒店咁，比好細件，呢度嘅鵝肝大大嚿， 煎晒出嚟任夾，值得比讚👍🏻✨✨廚師又會不停咁煎鵝肝出嚟，真係一啲都唔失禮👍🏻✨✨而佢哋嘅生蠔就比較細隻，冇乜海水味，但係都9點嘅時候，接近尾聲，拎到嘅生蠔🦪係會比較鮮甜有海水味又比較大隻！虎蝦🦐必食，因為真係好大隻😜(*≧ω≦)仲有佢哋嘅熱食有好多選擇，不得不提就係佢哋嘅雪糕🍦係movenpick 有8隻味道😊✨最鐘意食呢隻朱古力口味嘅雪糕😋😋侍應們嘅收碟速度極快，見到未食完都會收碟😂😅

長週末，歎番個tea buffet，第一次 幫襯Codis，早一日上網預繳，折實$300左右，比walk-in 平$100大堂高樓底開揚舒服，多人都唔會太嘈。位位包一杯特飲 ，果汁咖啡奶茶任飲今次做日韓街頭小食主題，食物種類都豐富，前盤有日式TOFU同韓國泡菜，沙律就一般般啦，日式冷麵就無特別食啦。壽司有幾款粒粒細細件，無刺身比較可惜。熱盤日式有章魚丸即制幾脆口，亦有去日本必食嘅大阪燒、咖哩蛋包飯 (只係交行貨)、炸豚肉同炸薯餅都有、串燒係豬肉串，關東煮等等熱盤韓式有卡邦尼年糕(淡味)、泡菜餃子、炸薯條同炸雞(少辣)、炸熱狗同炒粉絲等等日韓熱盤內容符合番個主題，食個款式就好，始終唔係專家，唔好刻意同專門店質素比較開心。甜品櫃有專人服務，KitKat主題各式蛋糕，有少少過甜，試左幾款食完已經開始飽滯，順便歎埋個雪糕牛角包(Movenpick)，加多條KitKat，同食左碗豆腐花，快樂下午茶即劃上完美句號。

今年都食左唔知Cordis The Place第幾次，9月又再encore，因為我地覺得佢地自助早餐好值得食，有冷榨鮮果汁、不限時、性價比高。今日朝早8點半，我地就到左餐廳，餐廳環境基本都係咁啦。我地都係好欣賞佢地冷榨蘋果汁，呢款早餐真心正。蛋&奄列就有專人煎，所以預左要逐個逐個等，不過隻太陽蛋好靚，心情都正😉自助水果區有唔少切成粒既生果：另外，我仲自助搞左杯港式奶茶、蛋撻、烘片麵包搽下醬咁。自助飲品區都好多選擇，咖啡、奶茶、檸茶、檸水、果汁、朱古力都有。當然仲有牛奶、穀物早餐可以滿足大家需要。西式包點都好吸引不過最後埋單發生左佢左碌錯左我總數（4個人應該係$559.2），好彩我有check單，呢一點真係在我意料之外，大家埋單要注意下，即使係咩食店都好，人始終忙中有錯漏。