The Point (已結業)

週末和老公往銅鑼灣時代廣場shopping，買左好多野，就在附近揾餐廳食飯，登龍街有好多不同類的食店，突然望到一間好熟的The Point，記得之前在尖沙咀食過，味道不錯，而家在銅鑼灣又有分店，甘就要試試啦！地方雖然不大，但整體雅潔。食Pizza，老公當然少不了啤酒。煙三文魚.三文魚子.温泉蛋香草忌廉：上次試過龍蝦Pizza，今次要食煙三文魚Pizza，餅底薄脆，煙三文魚份量不少，每塊Pizza都有一大片煙三文魚，味道濃香，加埋個温泉蛋提升味道，特別美味！棒棒雞翼配蜜糖燒烤醬：單骨雞翼炸得好香脆，皮脆肉嫩，點些醬汁更惹味！海鮮意大利脆米湯飯：海鮮新鮮爽口，有大蜆、青口、大蝦、魚柳、魷魚。湯底鮮甜，加了少許脆米的湯飯增加口感，十分美味！芥末烤雞薯蓉芝士通粉：芝士味濃郁，通粉軟硬適中，烤雞入味，薯蓉creamy，好味！

1行3人，當日冇訂位，去到都有sofa 位叫左個pizza(辣肉腸）11吋，餅底好脆，好多料，黑松露煙肉薯條，夠熱夠脆有淡淡黑松露味,軟殻蟹沙律，菜夠新鮮脆口，脆脆雞翼，Green point 同埋 fruit punch環境唔錯，夠靜可以同朋友傾下計唔限時

難得放假我和舊同學到了銅鑼灣聚舊。 她比較喜歡吃西菜， 我提議到the Point, 因為之前在我住的區份也試過這間分店， 食物質素不錯。就在登龍街最旺場的地方， 店舖在街角兩邊都是落地玻璃， 通透有格調。餐牌食物選擇以各式沙律，pizza意粉小食為主。意式風乾火腿香腸水牛芝士拼盤 $148Parma ham有兩款，一款比較乾身， 另一款比較軟身， 唔算太鹹香， 但拼盤質素算唔錯， 擺得好靚，中間亦有我最愛的火箭菜沙律， 表面鋪上 許多碎芝士，旁邊還有水牛芝士和橄欖， 莎樂美腸也不算太多肥点，吃得過的小食拼盤。香濃野菌湯。果然是非常香濃， 野菌味很突出， 混入忌廉又香又滑。 還有大大隻野菌冇打碎原隻上。香辣烤雞烤茄子焦糖洋蔥醃安鰽魚$150另外order了一款特色pizza， 名字很長，就只從食材中取名。 有點辣的烤雞鋪滿pizza， pizza芝士唔算太多， 換來的是多款不同類型異國風情的食材。 薄餅餅底焗得很香， 看見餐牌描述示00號麵粉，發酵24小時。 食落面層比較煙靭， 餅底唔算太硬太脆。 焦糖洋蔥帶出其他材料的香味， 鹹香的 antrovy 也豐富餡料的味道。 再加上軟熟茄子

呢間餐廳 算係幾旺, 次次見到都滿滿地, 要係出面等先食得,環境唔算話好優美, 但地方位置 就係正人流旺既區~一定要講既係呢道菜, 用既係紅酒繪牛肉,汁黎講好好味, 份量雖不大, 但係牛肉同汁都十分配搭, 我每次去都必定點既食物!牛肉係有小小似牛腩咁既口感, 但比較軟身~肉丸都係呢到主打既前菜小食之一, 麵包反而我麻麻地, 但係肉丸就真係好食, 主要係個汁整得好, 酸酸甜甜的, 我有一次去係叫左2碟黎食!呢到PIZZA都係出名, 個餅係薄身, 和牛呢款係好似比較新出 我先叫黎試下,份量好大份, 2人食都會勁飽,有小小辣, 我自己覺得小小辣配牛肉會好味好多既~整體服務好好, 價格合理!

登龍街以前係有日本拉麵街之稱,黎到銅鑼灣, 當然黎登龍街行一轉, 睇下有咩好野食啦!最近, 發現多左一間意大利PIZZA 餐廳，遠望好似一間玻璃屋，門面幾濶, 個名係The Point，主打各款薄餅, 而且價錢有貴有平, 於是入去試試 ! 見到枱枱都叫左唔同pizza, 所以事不而遲, 就選左香蒜辣椒白酒煮大蜆, 紅酒燴牛勒肉配蜆殼粉同埋原隻龍蝦薄餅 ~~ 原隻龍蝦薄餅Pizza賣相已經好吸引啦! 每塊pizza都有新鮮龍蟹肉, Pizza薄批底，又足料又熱辣辣又多芝士, 整體味好好！紅酒燴牛勒肉配蜆殼粉紅酒味不濃, 和牛肉質不錯, 再加上最喜歡的蜆殼粉, 份量相對細碟, 覺得有D唔夠 香蒜辣椒白酒煮大蜆香香白酒，有D酒香，再加好新鮮又香噴噴大蜆,有小小辣，好好味呀 ! 最後, 再加一個甜品~~ Banana Heaven Pizza烤香蕉, 棉花糖朱古力醬&雲呢拿雪糕 

呢度成日排隊等位，今次難得冇人等，即刻衝入去龍蝦湯龍蝦味濃，唔腥，牛油味唔會太濃而蓋過龍蝦味，唔錯ham platter食肉獸必點！ 火腿夠鹹香，開胃前菜carbonara～～～ 睇開我 d post 都知道我有幾熱愛 carbonara~ 幾乎次次見到menu有都會叫哈哈～ 呢個carbonara 夠 creamy , 唔太膩，ok~炸棒棒雞得一支骨，方便食Cajun chicken + eggplate pizzacajun 粉辣辣地好惹味！！！ 超開胃！ pizza 批係脆批！ 食落口好脆好香口拎起有好長好長邪惡拉絲～～～ yummy~Premium 熱朱古力果然係 premium, 朱古力味濃過平時d朱古力好多！ 

一家人出黎食飯，到了銅鑼灣的登龍街，呢條街真係好多野食，睇左兩睇家人決定食The Point。店員好快就送上水同餐牌，因為有bb瞓著左在bb車嘅關係，分左最旁邊的枱給我們，可以放車不用收，幾貼心呢。Arugula & pear salad （$118）點了呢款火箭菜沙律試試，真係全盤都係火箭菜㗎，配上啤梨片、核桃同芝士粒，醬汁係黑松露醋。火箭菜苦苦的，但啤梨片同核桃又甜甜地中和番，一齊食好正，芝士又香又滑，再加埋個酸酸地嘅黑松露醋幾正呀，個人就好對胃了。Antipasto platter （$148）有四款火腿肉、火箭菜、水牛芝士同黑橄欖，鹹鹹香香入口回甘幾好味，好肥食多兩塊真係有啲漏，要食番啲火箭菜去下膩，略微水牛芝士有點少呀，只有一人一口，哈哈，我們一家都好鍾意食芝士。Truffle mac （$132）黑松露的芝士通粉，好香呀，焗得乾身，芝士同雜菌都好多，好正！Four cheese mac （$126）另一款點了四色芝士，相比起來份量比較少呢，但超多芝士，入口全部係芝士，香香滑滑好正呀！芝士控一定要點，大滿足！！Smoked salmon （$172）Pizza要了三文魚口味，

帶著小朋友時間控制得不好，錯過了下午茶放題時段，晚餐沒了放題，但我覺得價錢還是OK抵食的，因為這裡的Pizza實在太令人回味，吃過就知道必X客有多不濟（笑）記得訂座，因為這裡經常座無虚席！今天是衝著pizza而來，不過也點了兩款沙律。喜歡火箭菜一定要點這盤火箭菜羊奶芝士沙律，當中還有青萍果片和蜜糖核桃，口感和味道兼備，火箭菜份量極多，一次過吃個夠～海撒沙律配雞胸肉，生菜爽脆，水份極多，大量芝士，煙肉碎和麵包糠。雞肉要加錢，份量豪不吝嗇呢！沙律新鮮是好吃的關鍵，The Point客人多，turn over快，沙律超級新鮮，兩款都好好味，下次也會再點這兩款（笑）四個大人吃兩個pizza老實說足夠有餘，但又心思思想試多幾款。Menu上大大話話20種pizza，有些更富fusion風味，今天試不了這麼多，點了兩款踏實一點的口味。老媽喜歡三文魚，煙三文魚加三文魚子她最愛！另外一款是素pizza，雜菌薯仔火箭菜～（對，又是火箭菜～）薯仔片意想不到和pizza挺搭配的，加少許辣椒仔，非常惹味，而且感覺非常「飽」（笑）四個人半塊也沒剩！Latte香濃，沒有過甜。順帶一提，餐廳加水超級勤快，服務殷勤有禮

登龍街既食肆愈來愈多，我地今晚都黎搵食發現呢間the point坐滿人，質素應該唔錯呢，而且仲有我好想食既pizza先黎左兩個小食棒棒雞翼，將雞翼起肉，反成棒狀，除左有創意，亦令食客方便食用棒棒雞不只香脆肉嫩，配合燒烤醬更惹味烤煙熏水牛芝士配意大利三角薄餅感覺有d 似芝士火鍋，將薄餅沾上溶掉的水牛芝士芝士濃度適中，但芝士稍為變凍左雖然發現好多人必叫龍蝦意粉，但我都無後悔要紅酒燴和牛勒肉配蜆殼粉呢和牛浸過紅酒入哂味，肉質軟腍非常食完小食 & pasta後，我地都等左好耐都未有posh hawaillan pizza, 應該係漏左單同左侍應講之後，pizza係幾分鐘之後就黎，同雜誌介紹一樣係短時間內就起到個pizzaPizza 啱啱焗起，特別香脆，餅底又薄配料有焦糖菠蘿好惹味，風乾火腿亦夠咸香雖然餐廳唔算好大，但都用個好大既火爐黎焗pizza，焗出黎既pizza 特別有風味飲品方面Mango tango, 係無酒精既，係芒果汁，橙汁加梳打，入口微甜Red sangri，酒精濃度不高，味道酸甜可口，最後浸住紅油香氣的水果都食埋

週末週末週末！週末就是逛吃逛吃逛吃呀！吃啊吃啊吃啊吃好飽啊！下午在銅鑼灣買了一下午、雖然是耗了很多時間但熱量卻不多、大概因為都在escalator之間移動、步子其實動得很少。然而，同行人中總有一位渴望吃pizza，whenever, wherever.搜索了下Point應該是最近的看了菜單覺得也不錯、直奔此處。點了肉肉的Pizza、肉肉的meatball和肉肉的Mac&Cheese。吃得非常開心、剛開始還怕兩人吃不飽但後面發現熱量擺在那裡啊根本就很多啦！味道也蠻好、尤其是meatball、配上麵包也很可口！唯一的遺憾是、因為身體原因不宜吃沙拉、蔬菜的選項受到極大的限制🚫。除此之外都蠻讚！推薦！

說起登龍街都離不開日本菜，拉麵之類卻在這個轉角有一間義大利菜質素是不錯的選擇非常多白酒clams，有酒香，有小小辣，肉有啲瘦軟殼蟹pizza味道可以，芝士如果多啲更好可惜的係軟殼蟹太小/太細隻係呢個價錢來講。大蝦意粉，呢到食pasta可以自己改選相食既意粉種類呢個服務係唔錯既呢個意粉個人絕對好食，蝦汁底夠濃，意粉都煮得剛好

較早前趁放假, 相約一排不見的友人食飯, 我地選了銅鑼灣The Point食嘢. 主菜選了原隻龍蝦薄餅和紅酒燴和牛勒肉配蜆殼粉. 原隻龍蝦薄餅. 賣相相當吸引. 我絶對沖着龍蝦而點. 整隻龍蝦放係薄餅中間. 薄餅當然要趁熱食. 龍蝦肉幾爽口和彈牙. 而薄餅除了龍蝦外, 當然不少得芝士, 食的時候, 滿滿芝, 再配埋車厘茄, 多重口感. 材料雖然簡單, 味道卻不錯. 這個是薄批, 所以餅底幾脆口. 紅酒燴和牛勒肉配蜆殼粉. 較少食到蜆殼粉, 加上我鍾意食牛, 所以點了. 和牛肉質鬆軟, 略覺得紅酒味唔多夠, 份量比較細碟. 最後, 點了甜品. 幾款我也想食, 揀了Nutella Orange Pizza. 平日咸薄餅食得多, 甜薄餅我也是首次食. 帶甜的榛子醬, 配上帶點清新的橙, 可以起中和作用. 甜度也適中, 鍾意食榛子醬的朋友可以一試.

是日同老公和朋友到登龍街搵食，結果被The Point吸引了。店員十分有禮地邀請我們內進The Point的裝潢風格時尚，而且座位十分舒適！首先我點了Lady Rose($68)Lady Rose混入了Vodka, 荔枝汁和梳打。而且還有有玫瑰乾花，十分清甜好姊妹就點了Red Sangria($68)Sangria有好香紅酒和水果味！而且加入水果更是完勝！小食前菜點了Chicken Lollipops 6Pcs($88)雞肉十分脆口，配上Bbq sauce一流！而且雞肉十分juicy！Truffle Fries($74)薯條滿滿黑松露香，而且芝味十足！Mustard Chicken Potato Mac($128)薯蓉配上忌廉一流，令整個macaroni變好creamy，令人食完再食！Carnivore Pizza($156)Carnivore Pizza辣得過癮，而且充滿幾款不同的肉腸和火腿做成，而且芝士味香濃，名乎其實適合食肉獸Linguine with Soft Shell Crab($142)意粉十分開胃，而且軟殻蟹炸得十分香脆，配上香甜的意粉令人食指大動！M5 Wagyu S

朋友想食西餐 銅鑼灣區唔難搵呀 見到呢間裝修好靚好有心思 就不如呢間喇好多選擇 一行四人可以叫幾個dish 一齊share 龍蝦湯-賣相唔算特別 普普通通 不過係非常足龍蝦味 龍蝦肉都好多 大讚！凱撒沙津-普普通通 無驚喜可言黑松露芝士旦黃醬薯條- 焗左既薯條好香好脆 配上芝士旦黃醬更加令人食完再食 好好食！香蒜檻欖油炒野菌配溫泉蛋-野菌炒得好香撈埋溫泉旦食口感非常豐富Green Neptune- 配料有蜆肉，鰽魚，蝦肉，芝士，檸檬，蕃茄，油魚，意大利香草 pizza 餡料成十樣 材料十足 唔洗好多醬已經好好味 pizza 皮烤得好香脆 Lobster linguine-係原隻龍蝦配車厘茄忌廉汁意粉 賣相一流 成隻龍蝦係意粉上面 唔係得個壳 原隻有埋肉 夠哂駕勢 味道好鮮好matchOsmanthur pear pizza-呢道甜品用桂花梨 杏仁片 蜜糖芝士 同雪糕 甜pizza外型 入口覺得好有驚喜 桂花梨令甜品好清新 配埋雪糕口感好豐富Tirumisu Affogato-有tirumisu, 咖啡，雪糕 鬆餅 咖啡要自己郁手淋上雪糕上 雪糕會始融化 鬆餅吸收哂精華 可想言之有幾好吃

一向食西餐嗰啲份量都會比較大啲，所以要多啲人食先至會使多啲唔同嘅味道，但係呢度除咗一份大大份嘅嘢食之外，佢仲會有啲細分為兩個人而設嘅。好似呢一個火腿拼盤，我哋就揀咗一個小型嘅size，兩個人食一日會有一片，而且價錢都係＄58，十分好。最值得我推薦嘅就係呢一度嘅Pizza，佢除咗有最普通嘅口味之外，佢仲有啲非常特色嘅口味，係出面未見過嘅。我今日就叫咗呢個水煮和牛Pizza，佢嘅味道真係同四川嘅水煮味一模一樣，食落去辣辣地配合埋Pizza嘅脆餅底，十分之特別。更加值得一提嘅就係佢嘅牛肉用上左和牛，令到成個Pizza嘅檔次高咗好多，味道亦都好好。但係如果佢可以喺Pizza上面加多少少唔同嘅蔬菜餡料，覺得會更加好食。卡邦尼亞意粉係我每一次食西餐都必點的，呢度嘅口味做得非常之好好，濃郁又有芝士香，又有忌廉香，好味。除左嘢食之外，佢嘅飲品都係非常之精美嘅，好似呢士多啤梨特飲，樣子已經吸引，又香甜又解渴又解熱。