Three on Canton

質素比之前真心差咗好多以前有即開生蠔有即煎鵝肝熟既食物拎到返枱面就已經都晒凍種類亦都非常之少又唔新鮮，真係無下次仲有，咁大間酒店廁所竟然冇洗手鹼液衛生環境有待改善

以為港威酒店係港威大廈，搵到我身水身汗濕淋淋，人家人生路不熟。White wine，三人行每人飲支半白酒係正常不過的事，不醉無歸，飲勝﹗愛爾蘭石蠔、法國生蠔，掛住食忘記食前拍照留念﹗兩者味道鮮味質地達標，不過平庸悶象的沒什麼驚喜。細細薄薄滑滑嫩嫩，天然海水咸配鮮蠔的甜。小龍蝦，真身為淡水螯蝦，是活生生的真蝦，不是謠言所稱係蟲。小龍蝦都係麻辣烹週才吸引，白灼或牛油完全吸引不到我，食到沒精打彩不是味兒。冷蕎麥麵，坐低立即來兩碗冷蕎麥麵打打底。冷蕎麥麵沒冰鎮，接近室溫享用，麵條偏濕而發脹，爽彈度不足。只提供蔥花、芝麻、蒜酥調味，單調低沉的味道。我最愛豉油、蘿蔔蓉、紫菜碎、山葵、薑蓉混合，超級醒胃醒腦香噴噴﹗泰式燒牛肉沙律，硬掘掘乾爭爭的牛肉，差少少假牙都跌出黎﹗凍冰冰酸酸甜甜。海南雞，由七點望到九點都唔見有新雞再出場，已被強姦到體無完膚、亂七八糟，只有雞頭雞尾雞背脊。就算唔補貨都安排同事執返靚仔執返好個賣相，肉酸到好似人家食剩，完全唔會有食客有食慾去試。法式海鮮湯，懷疑係原條三文魚連骨連皮擱淺係個煲度，旁邊仲有龍蝦、青口、甘筍絲點綴。番茄味濃有少少魚腥味，其實離遠已聞得到腥味，淺嚐一呷微暖不

鵝肝冇了廚師廚師態度一般食物質素一般絕對不值呢個價錢大把選擇絕對唔會再去第二次，所以個場係唔滿的.地理位置好呢個價錢最多值$500一位已經係第二次消費如果去食過其他餐廳呢間餐廳絕對不值

數年前光顧過，印象都ok, 今次同長輩慶生，因地點方便再次光顧。經openrice訂座有75折。是日星期日自助午餐，食物種類唔錯。海鮮包括蟹腳及龍蝦鉗; carving station很多肉，有西冷，羊架，火腿，燒雞，燒排骨，脆皮燒豬肉及beef wellington; 甜品成張抬長既法式酥餅很震撼，又有haagen dazs雪糕杯及脆皮雪條任攞; 多款茶啡等等亦係任飲，有個薑絲檸密都好好飲。其他buffet常有的食物就不長編大論寫了。訂位時餐廳問生日需唔需要一件細西餅仔，包蠟燭及寫字牌仔。但另收費$25。我都要左，但我覺得呢啲嘢通常都係免費送的，不過少少錢就算啦。令我最驚訝既係雖然係週日，餐廳只得四至五成滿。呢個價錢呢啲食物種類其實絕對合理的。我估計都係因為今時今日香港已少了遊客，而很多港人亦北上消費。只能希望日後多番些港人留港消費，一齊幫手振興經濟。

海鮮基本上全部都好麻麻長腳蟹肉近乎梅蝦唔硬身，唔新鮮有啲失望加埋Openrice個折頭星期六近$400 一個午餐完全唔抵食熟食普通，未去到好好食呢度名大於實。下次可以唔洗再嚟。

我超過一個月前，已經在Openrice 訂座系統成功訂了座。昨晚準時到達，但餐廳說Openrice沒有通知電郵我的訂座記錄，前台說已經爆滿，只有一張高枱给我們，所以也沒有辦法只可接受。幸好，昨晚只是幾位好朋友敘舊晚飯。也不知是否真的電腦出錯（我自己收到電郵訂座確認及提醒）。所以，如果大家有重要晚飯訂座，要小心確認。𣎴過，除了前台，餐廳侍應的服務及食物是可以的。其實作為酒店餐廳，應該唔係用‘收唔到email’就可以打發客人，想改善就應該想想點解會收唔到客人或者OpenRice嘅email。

一行6人為同行小朋友慶生，食物有驚喜！冷盤海鮮之中，長腳蟹非常鮮味！一定要食！其次係小龍蝦同龍蝦鉗，龍蝦鉗口感有少少鞋同實，但都鮮甜。刺身方面三文魚同八爪魚都好鮮甜。熟食方面個人最鍾意豬腳，炆得好淋好入味，濃濃骨膠原。其他都唔錯，款式都好多選擇。甜品方面簡直不得了，款式多之餘仲味道都好好，淨係個榴槤蛋糕已經值回票價！濃濃既榴槤味同榴槤肉，口感味覺都滿足晒！真係一試難忘！惟一缺點係啲螺有沙，中湯麻麻地，不過周打湯就有驚喜，好味！今次我地食得好開心好滿意，下次一定會再幫襯！

要講左D24  榴槤忌廉蛋糕先，因為真係太有驚喜！入口好香濃，底層仲有啖啖榴槤果肉，配忌廉口感幼滑細膩，相當高質。濕濕地又creamy 又香，好似榴槤味嘅tiramisu 呀！外型都模仿榴槤，確係幾有心思。見到隔離個牌先知原來有得就咁買一個蛋糕，$388🥸 如果用嚟慶生都可以考慮。估唔到自助餐食到如此高質嘅榴槤蛋糕，認真大方。其實甜品區有好多款式，多到一個counter 都擺唔曬，要每樣拎一件的話，要兩隻大碟先夠裝呀😍推介心太軟、麵包布甸、紫薯撻、綠茶類嘅糕點都好出色！刺身，蟹腳，麵檔同即切燒牛肉都唔錯👍🏻幾有誠意。呢度嘅staff都好friendly ，收碟都好有效率，坐得又舒服，環境寛敞開揚。甜品控表示會再返黎食！🥳

生蠔 (Fresh Oysters):Being a seafood lover, I couldn't resist trying the fresh oysters. Served on a bed of ice, the oysters looked exceptionally appetizing. The plump and glistening shells hinted at the delightful treat hidden inside. The presentation was elegant, and the oysters were accompanied by a zesty mignonette sauce, lemon wedges, and finely grated horseradish.心太軟 (Molten Lava Cake):Next up was the 心太軟, or Molten Lava Cake, which is one of my all-time favorite desserts. This indulgent trea

人人都唔想OT,唔通就真係人人都唔OT咩？聽日一定會OT既！OT在明天吖嗎！每次假期OT之後我就會黎度食步飛。近公司，食物質素正常，但最緊要係話俾自己聽，返工係有意義嘅。 🍖有時都OT到晚上，就會有生蠔，但中午就未有啦，長腳蟹脚同龍蝦鉗，都好結實，每次成功拆出一個完整嘅龍蝦鉗同長脚腳蟹棒，都有一種莫名的成就感。 🍖熱葷方便， 我中意食佢嘅咖哩，有雞牛羊同埋素菜。中式點心雖然會填飽個肚，但係依然值得一試。佢條洋腸，味道雖然一般，但係成條捲埋，好似蚊香，適合影相。我冇食牛扒，但係火腿扒就有少少乾。 🍖佢有好多甜品同埋生果，唔知點解次次都見到紅毛丹。其他甜品包括有適合小朋友玩嘅朱古力噴泉，同埋我最中意既哈根達斯。全部都顏色豐富。 🍺我叫左支酒，喺扭蓋既，後來我喺Vivino上面見到平均價。但係坐係度飲，配合佢嘅芝士同埋肉類，並唔差喎。有時候心態決定境界。 ✨️呢度唔知點解有茶葉蛋食，雖然喺一個迷思，但係非常入味。喺我喺呢度最鍾意既食品。  

1友人生日飯，約了假日去食Buffet，諗返好耐冇去Three on canton，食物多選擇又幾正，位置上又方便，加上係Openrice book 位有75折優惠，一於再戰。自助晚餐時間係時段係18:00-22:00，原價每位$738，有75折再加一，$627.3。餐廳面積頗大，型格設計，假日的晚上，竟然唔太多人。生蠔位。冷盤。壽司及刺身位置。有羊架，可惜當日冇鵝肝。片皮鴨，必食。熱盤，花膠鵝掌及海螺好吸引。西班牙乳豬，正!名物之一心太軟，都係呢個位拎呀。甜品位。雪糕位，Häagen-Dazs。飲品位。每次食Buffet都會去拎先。愛爾蘭生蠔，唔算好肥美，尚算鮮味。長腳蟹蟹肉鮮甜。刺身幾新鮮，仲有帶子，味道鮮甜。龍蝦冇乜味。羊架香口惹味少許騷味。芝士火鍋，本身係芝士控過下口癮，因為驚太飽只食西蘭花，芝士味濃郁幾好味。煙肉焗鮑魚，口感彈牙，煙肉味太濃蓋過左鮑魚味，味道一般。西班牙乳豬，豬外皮薄身十分香脆，肉質嫩滑鬆化好惹味。燒鰻魚，口感軟腍味道甘甜。片皮鴨，又係過下口癮秋列，餅皮夠薄，鴨肉味有嚼勁不算太香，正常水準。花膠爽口，鵝掌味道濃郁軟腍，幾好味。焗扇貝幾香口鮮味。螺肉爽脆。軟殼蟹

🏮Three on Canton🏮位於尖沙咀海港城裏面嘅港威酒店，位置都唔難搵，最好就係喺地下直接有個入口搭lift上去👍🏻，如果由海港城裏面穿過去的話就會耐少少，餐廳係融合左佳餚、美酒同生活藝術於一身的既型格概念餐廳😎😎，唔知佢哋嘅盛宴夠唔夠精彩豐富呢😆😆講到自助餐buffet超多種美食，首先由頭盤起包括有🦪紐西蘭時令生蠔，每次攞一份有三件，都係即開， size比較細，食落都幾鮮甜，海水味唔會太重，清清淡淡咁👍🏻👍🏻，其次仲有冷盤🦞龍蝦，小龍蝦，長腳蟹腳🦀等，龍蝦方面，每一件都有橙紅色嘅膏，新鮮爽口😋😋，其次就係🍣刺身同壽司等，有三文魚，吞拿魚，帶子，蝦同埋卷蛋，呢個巨型版帶子味道唔錯，一啖一粒，肉質夠晒鮮😋😋至於湯品方面，佢哋分別有🍲蟲草花螺頭排骨湯，呢一盅燉湯都非常足料，飲落夠晒惹味，除咗中式燉湯之外，仲有西式湯，佢哋嘅周打蜆湯配料都非常豐富，值得一試👏🏻👏🏻而冷盤方面想介紹嘅係呢一款🦀蟹肉芝士墨西哥卷，賣相好精緻，可以食得出明顯嘅層次，皮亦都唔會過厚，可以encore🤤🤤，其次會有沙律菜，各款芝士，Parma Ham，醃製嘅煙三文魚，雞肉卷等❤️❤️到咗熱食方面種類唔算太多，不過佢

餐廳位置十分便利，鄰近商場，供餐處呈「L」形狀，末端是酒吧餐廳，氣氛輕鬆。 (1)海鮮區生蠔雖不肥美，但有淡淡海水味及留有清香餘韻；龍蝦肉質鮮甜；小龍蝦則沒有任何鮮味。 (2)東南亞熱食區椒鹽軟殼蟹尚算出色，沒有多餘油分。西式海鮮如：黑松露芝士焗帶子、椒鹽鮑魚等不錯。 (3)皮蛋雞卷算是創意菜式？懷著忐忑不安的心情去品嚐，果真沒有驚喜，亦沒有帶來失望，口感與味道都很是一般。另外，海南雞亦是食之無味。 (4)甜品區有自家的甜品：檸檬蛋白撻、巴斯克芝士蛋糕。前者的口感像特別調製成冷包，味道卻像菠蘿包。後者則無緣品嚐。 由於平日，並不是座無虛席。對此，大部份菜式放涼而失色（例如心太軟）。比較受歡迎的食物，會在售罄後填補上其他近似類型的食物（油甘魚換成鮑片）。 總括而言，在款式上沒有太多選擇，而入座的先後亦會有不同的體驗，有明顯的反差。供餐人員在不太繁忙的空間下，態度也沒有十分好。 （首次體驗片皮鴨將片跟鴨完整分離，再進行組裝。）

今次係慶祝爸爸👨🏻生日而來，位置好近爸爸工作地點，lunch buffet都唔怕太趕時間。我們選擇了對著海防道的枱坐下，取食物有點兒遠，但勝在自成一角，全家人一齊傾下食下好開心。 以我們的食量是絕對不能試齊所有serve的食物，所以好多菜色例如：印度菜我們都少吃了。 還有更多甜品，我們一家人每樣取一件，然後分開一口一口來吃，才能把差不多所有甜品食過一次，哈哈！ 前菜、主菜加上甜品，咁先至夠perfect。 特別要提是切roasted beef 嗰位小姐，亂切一通，搞到片牛肉好硬、賣相亦唔應該係咁

我join 左做會員， 近期知道three on canton 出左榴槤忌廉蛋糕，所以用左$250 cash coupon 同埋會員嘅15%優惠加幾十蚊買個去慶祝我地班榴槤控生日。大家見到都開心到一個點， 最好係佢有一個專為呢個榴槤蛋糕保溫袋，帶去邊度都好方便。大家食完晚飯好期望食呢個榴槤蛋糕，經一輪打咭後大家開始品嚐，啲忌廉混合埋香濃嘅榴槤真係正到不得了。個個都好滿足。問我下次可唔可以幫佢地訂，因我有優惠同埋用了一張$250 coupon 後仲有7張未用。