Three on Canton

性價比實在不高，龍蝦喺凍嘅，唔喺幾新鮮，攞佐半隻轉頭俾人攞嗮，又唔補番。飲品好少，可樂都要加錢，酒都喺加錢。呢個價錢，真喺唔抵食，冇下次。食材唔多。甜品咁大個位。質素好差。咩蟹都極度唔新鮮。打佐7.5折，都要600幾，實在唔好食。仲有生蠔都喺，又細。當時又冇鵝肝。好多甜品蛋糕供應。意思喺俾你食多啲甜嘢，主食，面飯，食飽你就得喇！！咁cheap 就咪做buffet喇，怪唔之得其他酒店buffet都book唔到位，得你先有。

尋晚同家人一行11人去食晚餐自助餐。座位安排咗係餐廳角落位，非常適合，因有小朋友。有驚喜嘅係準備咗一set 兒童器皿（杯，碗，4格碟），雖然叉同匙羹係即棄餐具。有新鮮即開生蠔，刺身👍🏻讚。服務人員款待都好好。甜點最值得讚揚嘅係心太軟，要準備咁多個portion而維持到有流心及有熱度👍🏻時間拿捏得非常好。飲品方面，又有無限order嘅咖啡/茶，又有2款果汁選擇。👍🏻餐廳無限食用時間。更👍🏻可以同家人暢談無拘無束。推介。

大家最快樂嘅時侯更係happy Friday dinner buffet 🤭🤭老友鬼鬼聚在一起基本上食物種類都算多 一般要有嘅冷盤海鮮🦞🦐刺身都有。熟食食物種類也算多。甜品就一般☺️見人見智啦☺️。雪糕種類不是太多選擇。最好嘅地方飲品無限添加。有專人即沖😃😃咖啡☕️奶茶都有。整體來講不過不失。都值得一試👍🏻

性價比不高 熱食像兩餸飯的質素 牛扒熟過龍 切又原又求其是但 魚生又係其求切, 色水和溫度都像放了很久甜品成個counter 完全沒refill 過 叫人refill 無人理海鮮 龍下鉗是空心的, 打開水汪汪, 長腳蟹稍為正常, 沒麵包蟹 waiters 話升級左做長腳蟹腳了, 唔知佢是否真心認為這個upgrade 係真係正到不得了粉麵檔選擇少 冬蔭功湯底特別些蒸點心3角型擺位 好危險 好易一蒸到手唯一收碟的人員還算服務到位 但擺枱好怪, 明明得6-7成滿偏要在通道口放一張枱收4百幾一位 市面上有好多選擇 海港城三間酒店Buffet都不建議了

放假瞓得晏最啱食個下午茶差不多 三點半嚟到已經好多人入咗食緊首先海鮮有好多款， 下午茶黎講算係好有驚喜有 龍蝦仔 龍蝦鉗 青口 翡翠螺 蝦蝦我冇食到 朋友話冇咩味龍蝦鉗一般般翡翠攞同青口都係正常ok仲有刺身 八爪魚三文魚吞拿魚 三文魚好新鮮好食基本嘢仲有沙律冷麵熱盤 其實有好多選擇不過食咗唔係太多有芝士火鍋 有火腿扒 pizza 小丸子 等等仲有茶葉蛋好入味甜品方面 選擇都好多 不過味道一般般飲品方面 有兩款果汁 橙汁同埋蔓越莓汁仲有水吧 又唔同咖啡花茶 檸茶嗰啲食完一個下午茶都非常滿足

第一次黎呢間酒店入面嘅餐廳食自助餐，抱住試嘅心態去食，竟然有驚喜冷盤有凍龍蝦🦞生蠔🦪翡翠螺🐚麵包蟹🦀，仲有八爪魚🐙三文魚🐟玻璃蝦🦑等刺身，刺身好新鮮，但生蠔好細隻，啲肉好薄，用隻叉一叉到落去時啲肉已經爛晒，龍蝦肉鮮甜，但就有啲鞋，翡翠螺大大粒，好厚肉，鮮甜熱盤有好多唔同種類嘅野食，有片皮鴨、燒乳豬、蒸魚、即切牛扒，羊架，煎鵝肝配多士等等，鵝肝味道好好，食落唔會好油膩，配埋脆脆的多士一齊食，美味到不得了😋encore 再encore🤤 ，片皮鴨啲皮好脆，食過番尋味😋最後食埋甜品，大滿足❤️ 埋單仲有8折添，好抵食👍🏻

鮮蟹及鮑魚都是十分受歡迎的美食, 以兩者為自助餐主題, 當然吸引不少食饗, 我也是其中一份子, 多款佳餚突顯大廚心思.  冰鎮海鮮有龍蝦、鱈場蟹腳、青口、藍青口、龍蝦鉗、麵包蟹等, 都算鮮甜.刺身有五款, 有我最喜歡的紅蝦, 爽口之餘有少少黏, 正! 八爪魚、北寄貝、三文魚及吞拿魚都夠鮮甜.   不想淨吃刺身, 也可選擇卷物, 例如炸軟殼蟹卷、火炙鮑片壽司.  賣相別緻的有蟹肉芝士墨西哥卷、輕盈清新的牛油果蟹肉芒果木瓜沙律、黑松露烤香梨水牛芝士沙律、藜麥粟米沙律等. 小件的有香檸鮑魚撻及炸墨魚餅, 不油膩.  粉麵區有清湯或喇沙湯底選擇, 為免太飽滯, 我就來一碗喇沙蔬菜魚蛋(走麵底), 好惹味.  我更拿了海南雞來搭配.  西式些, 可選黑松露巴馬臣芝士意大利粉. 中西湯各一款, 朋友說質數不錯, 但我要留quota吃主食, 例如星洲辣椒炒龍蝦鉗、黑胡椒炒蟹、椒鹽軟殼蟹. 蟹肉鮑魚炒飯、薑蔥炒鮑魚、超大鍋鮑魚蟹粥, 十分值得一食再食的招牌片皮鴨.   這裏還有印度美食、黑松露車打芝士火鍋等.  然而眼球被一系列西式美食吸引.  澳洲和牛、烤羊架、法式砵肝醬多士伴芒果甜酸醬.酥炸生蠔、

曾幾何時，筆者經常會吃自助餐。不是很愛吃，但唔使等呢個放工嗰個放學，無需諗呢個唔食乜嗰個唔食物，Buffet確是不錯的選擇。然而一場疫症，徹底改變了大家的生活/飲食習慣，近年我吃自助餐的次數，五隻手指數得晒。今次朋友相約聚頭兼食開年飯，我才再次回到久違了的自助餐。大時大節，除左外面既嘢食之外，仲有好意頭的三文魚撈起。青瓜、蘿蔔、中華沙律、薄脆及三文魚等，呢度特別在加入左蝦片，大家嘻嘻哈哈撈到風生水起。高高興興食完撈起之後，就開始真係自助餐時間。由凍海鮮說起，龍蝦、麵包蟹、青口等各吃些少，最中意大概就係蟹腳。友人就大讚小龍蝦甜美多汁。壽司與刺身，每樣拿一點回去，跟大家分甘同味。這裡的海南雞飯一向做得不俗，皮爽肉滑，但為了要保持食力，今次只吃了雞件，放棄了米飯。中式熱葷款式唔少，蒸魚、星洲辣椒炒龍蝦鉗、胡椒蟹、軟殼蟹等，都有唔少海鮮種類，不過最欣賞還是每次必吃的招牌片皮鴨，至少吃兩片才收手。見到鮑魚蟹粥好足料，即使平日不經常食粥品既我，也試少少捧下場。西式食品當然要食煎鴨肝，另外仲有酥炸生蠔、燒鴨胸等，食肉獸既我還要了澳洲和牛以及烤羊架各一件，大滿足！平時食自助餐，許多時會跳過粉麵一欄，不

今日繼續分享開年飯的喜悅，今次就約咗一班好友去食自助餐開年，高高興興聚首過了一個愉快的晚上。我們這天就是到Gateway Hotel中的Three on Canton，因為餐廳正供應*鮑魚 ‧ 鮮蟹*自助晚餐，最合我這個海鮮迷的口味。到達後先去自助區看看有什麼美食，喜歡吃沙律的我當然第一時間看看沙律區先，放在恆溫櫃內有新鮮沙律菜、紅菜頭、車厘茄，另配襯了多款醬汁喜歡什麼味道自己調配，這個蠱惑的沙律櫃原來是沒有門的，我跟好友也被欺騙了哈哈。往前走便是放置冰鎮海鮮的位置，這夜的海鮮包括有雪場蟹腳、青口、藍青口、開邊龍蝦、龍蝦鉗、小龍蝦及麵包蟹，喜歡吃海鮮的我看見已經心心眼了。然後來到日本美食專區刺身當然少不了，這夜的選擇包括有吞拿魚、三文魚、八爪魚、北寄貝及紅蝦刺身，看上去全也充滿光澤挺新鮮。還有多款壽司卷物如炸軟殼蟹卷、珍寶蟹柳壽司及火炙鮑片壽司等任君選擇，另外還有我喜歡吃的日式冷麵。來到前菜區先有這個給睛的蟹肉芝士墨西哥卷，接著還有牛油果蟹肉芒果木瓜沙律、黑松露烤香梨水牛芝士沙律、青口帶子沙律、藜麥粟米沙律及味付螺肉，款式選擇眾多用來打底一流。芝士當然亦是少不了的美食，這天有兩款牛奶芝

農曆新年剛剛過去，大家都各有各忙，新年過後終於有日子可以跟食友一聚。在沒有特別喜好下，就不如來個新年自助餐聚會。Three on Canton一直都係食友鐵膽，今晚就在這聚一聚。冬天都係飲碗湯先 ，今晚係蓮藕唐排湯同英式海鮮周打湯。海鮮周打湯夠濃郁又多料。海鮮就食下半邊龍蝦、龍蝦鉗同麵包蟹，重有鱈場蟹腳、藍青口及龍蝦仔等。另有各式日式焗海鮮及椒鹽軟殼蟹、星加坡辣椒炒龍蝦鉗及黑胡椒炒蟹。刺身如象拔蚌及刺身蝦都幾新鮮。唔食刺身既可以試下壽司同手卷。海南雞飯其貌不揚但食落幾夠雞味。沙律菜既專櫃好搶眼，沙律菜入口爽脆。呢度既即煮湯粉麵用料十足，而且有美味喇沙湯底可選。肉食方面牛扒同羊架都不缺，跟上黑椒汁惹味。鮑魚片蟹粥煲得幾綿。甜品方面都幾多選擇，令人眼花撩亂。雙色朱古力噴泉睇落都吸引。中間既甜品及生果檯異常搶眼，未開始食甜品都會想兜個圈睇下先。除左時令水果，甜品選擇有朱古力慕思、珍多冰、Lemington Cake、咖啡瑤瑤、黃梅撻、麵包布甸配雲尼拿汁及南瓜西米布甸。旁邊凍櫃另有芒果熱情果慕絲芝士蛋糕、石板街朱古力蛋糕及美式芝士餅。不過任食Häagen-Dazs哈根達斯雪糕及雪條更吸引。食友

當晚同女朋友去食buffet 環境唔錯，個裝修幾靚，服務亦好周到，去到拎野食，湯品又熱又夠味，感覺唔錯，刺身亦都好好，但係開始食熟食覺得唔夠熱又冇咩太多選擇，最多反宜係咖哩..雞牛羊豬一大堆，當晚冇鵝肝 ，換咗鵝肝mousse多士，個mousse有陣怪味，塊多士勁硬好似紙皮，到拎生蠔冇肉細隻到不得了，凍食開邊龍蝦唔新鮮唔乾淨，起碼唔新鮮都整熱食.. 最後食到2個人都腸胃炎，幾日又屙又嘔，下次真係請都唔去。

同朋友慶祝生日打算食中午自助餐，第1次來這間Three on canton, 打電話去訂位，問得好清楚中午有冇生蠔，接線生清楚表示有任食生蠔，後來去到點知話原來中午冇生蠔，嬲到我飛起，非常失敗的前台。及後出去取食物，熱食係唔熱，煮麵意粉個檔係經常冇人，我等咗10分鐘先有人行返去，煮完個師傅又走咗，我想問咁樣點會係自助餐？刺身蝦已經乾晒，唔新鮮，其他食物求其，蒸豆卜都叫一個餸。聽到其他2枱食客都話冇嘢食，款式少，話食物唔夠熱。非常差的第1次經驗，100分中我同朋友完全分別比分係25-30之間，永不再光顧😡😡😡😡

食物種類多, 但熱食就好HEA, 食物唔夠熱, 鵝肝沒有煎香生蠔好一般, 肉很薄生果選擇只有3種, 西瓜, 哈蜜瓜及熱情果甜品就只有椰汁糕及CHEESE CAKE比例好食

一如對上三年，今年慶祝聖誕嘅節目又係自助餐，順便同外母大人慶祝生日，今年揀了尖沙咀海港城港威酒店的【Three on Canton】。今年各大酒店的平安夜及聖誕日自助餐價錢（無論午餐或晚餐）都較平時日子貴了最少30%，回復到疫情前的正常情況；記憶中，過往兩年的自助午餐只是平日價錢，或者只是象徵式貴少少。餐廳位於酒店3樓，直接簡單的餐廳名字已經反映所在位置 - 廣東道3樓。要影到下面這個餐廳招牌可不容易，如果從酒店大堂搭𨋢上3樓，就會見不到這個招牌；一定要從海港城商場3樓入去，才可以找到【Three on Canton】的招牌。對比其他五星級酒店的咖啡室，室內裝修及用餐環境只是一般。幸好聖誕節到了，甜品區的聖誕氣氛擺設總算為平淡的裝修增添了一些色彩。由於聖誕節關係，實在太多客人，員工比例未足夠應付，侍應收拾碗碟的次數未夠頻密，影響了服務質素。食物款式多元化，所有自助餐應該有的都有齊。凍海鮮冷盤有麵包蟹、鱈蟹腳、藍青口、龍蝦鉗、綠青口及凍熟蝦，味道一般，尤其麵包蟹甚至可以形容為相當難食。以龍蝦鉗稍為好味，海水味唔會太鹹，亦有蝦肉鮮味。日式食品區有冷麵、壽司、刺身。壽司只有卷物，欠缺手握壽司

話說去咗食中午buffet，唔知點解食中午buffet連蝦都冇得食，竟然奇怪到嗰啲服務呢埋一二邊講啲客人是非，都唔知依家乜嘢酒店，啲員工質素非常之差，啲嘢又少又唔好食，非常唔好的體驗，下次唔會再去啲糕點除咗個檸檬蛋糕仔之外，其他全部都好難食