True House (已結業)

以前就係食學生餐啦，但係而家呢就要比正價食 其實我覺得如果喺鰂魚涌來講呢呢個價錢呢就差唔多。一方面啦佢啲價錢適中而且又大份之餘呢佢仲有嘢飲送。如果你外賣仲會減＄5。佢個餐牌呢都成日唔同嘅，佢最後個餐就係素食。 題外話講完啦首先講下環境啊佢個環境都係幾好幾舒適啦，跟住食物呢食物質素好似我頭先咁講啦係又大份又好味嘅佢芝士呢系有拉缐嘅後果添跟住佢啲配料啊都係啱啱好，而佢嘅嘢飲可以揀蘋果汁或者湯!完之後呢有嘢飲送呢真係非常好。同埋佢啲服務都幾好因為係老闆娘同老闆親自去經營。

今日喺鰂魚涌做完少少野見有啲肚餓就決定周圍行吓睇吓有冇啲特色嘅餐廳😁😁😁行過見到呢間餐廳嘅裝修唔錯啊，就膽粗粗沖左入去！😂睇得出你間餐廳係小本經營，會同唔同嘅食客影一張相😂😂😂至於價格與附近嘅餐廳差唔多～不過嘢飲就有限細，我最鍾意飲嘅咖啡不過佢灰財物個味道都幾適中，唔會太甜而且飲完有一種好舒服嘅感覺😁至於佢哋嘅肉眼扒意粉賣相同一般，同其他餐廳差唔多，但肉質唔會太鞋口，反而最令我欣賞係佢個配菜嘅白色蘑菇，真係好好食😋

今日過左鰂魚涌做野，順便係附近食lunch。經過一間小店被它以Tiffany Blue作主題色的門面吸引了。餐廳提供了5個set lunch和一個重量級什扒餐供選擇，供應時間爲11:00-15:00。本人最近進行了食肉減肥法，意思就係每餐只食肉、蛋和蔬果，份量不限去配合身體所需營養，但中間不攝取任何典粉質。基於這個原因，我對小店的重量級什扒餐非常感興趣，故決定一試😋店內亦統一以Tiffany Blue為主題，牆上張貼了老闆和客人既照片，感覺非常warm。嘩！我點的重量級什扒餐來了，非常豐富。三款扒煎得非常好，不會太乾，配以豬肉腸和煎蛋，非常滿足。由於食肉減肥中肉類份量是沒有限制的，所以這餐食得非常開懷，但薯菜我就放棄了。餐飲亦選擇了蘋果汁，完全配合了食肉減肥法。不用捱餓亦能減肥，OL以後在True House有此豐富選擇。什扒非常豐富，雞蛋煎得很靚👍🏻

今日自己一個食lunch,又遲咗出發去搵食，行行下見到呢間小店門口係Tiffany blue顏色加白色幾靚吸引咗，又仲有位就試下，有5個餐不同價錢，都送意大利雜菜湯/蘋果汁/菜蜜我揀咗B餐跟湯意大利雜菜湯有好多蔬菜，幾濃蕃茄味，加d香草同黑椒味，有自家煲嘅感覺葡汁豬扒煎蛋意粉(可揀飯) $58 - 一上檯，估唔到咁大碟，塊豬扒好大塊，係黑椒味，豬扒係即叫即煎，所以熱辣辣仲脆脆哋，伴碟有d椰菜，食咗咁大塊肉，食番d菜就均行dd，另外隻蛋煎得好好，係太陽蛋，脆邊，蛋黃無熟亦夠熱。意粉份量都唔少，葡汁夠晒伴意粉食，食晒食碟真係好飽！

當諗緊食咩之際，見到True House有位呀！終於可以試一試！食物：雜菜湯好飲多料，同埋都算大碗。我食鰻魚煎蛋飯，個汁唔太咸岩岩好，鰻魚配太陽蛋又幾夾喎！同事食肉眼牛扒意粉，佢話估唔到$62，但幾好味道，比普通茶記有誠意！服務：店內只有一男一女，男負責煮，女的笑容滿面，在外送餐收餐收錢，同事同我估佢地係咪兩公婆呢？ 環境：小小店，最多只可容納13-14人。bar枱係比較窄，同有少少熱家庭式經營，覺得好有愛呀！會繼續支持

在沒有任何心水下周圍行見到小街上的黑板上用粉筆寫了各款lunch set。最基本的牛扒﹑雞扒﹑素菜款配飯或意粉類都有。挑了個鰻魚煎蛋飯試試。Oh~ 一來個賣相有點「黯然銷魂飯」，重點在於那個煎蛋。鰻魚有手掌大小，而且鰻魚燒汁配白飯唔會好乾，白飯更加多到食唔哂 (下次我會叫少飯!)lunch set仲有嘢飲: 蘋果汁/菜蜜/意大利湯, 揀左最後者。湯雖然無咩料，但係就好濃蕃茄(蕃膏)味，完全唔係淡淡好稀嘅湯～以$65 一個lunch set食到飽飽質素又唔錯，可以回頭試其他款。

今日要自己一個人食晏😓心情有點低落, 本來想買外賣行去鰂魚涌公園食, 但天氣真係太熱啦😥, 於是係到來來回回都唔知食咩好, 行到去小學附近見到了呢間小店, 望下個餐牌有無肉選擇🤗啱曬我； 佢地大部份既座位都係面向牆, 當一個人食飯時最喜歡就係呢種格局😜；我個無肉午餐係芝士西蘭花素蟹柳金菇飯加一杯蘋果汁, 個焗飯份量偏大, 餸又多, 飯又多, 一個女仔其實無咩可能食得曬, 焗飯最緊要係夠熱, 佢呢個焗飯不單夠熱, 面頭既芝士汁焗到有少少燶, 所以個面有少少脆👍🏻

上次約朋友search到呢間舖, 但因為舖比較迷你, 坐得唔耐就放棄咗。所以今日返學前冇人陪就嚟試吓揀咗A餐跟意粉。我知鰻魚配飯先係王道, 但我真係想食意粉, 不喜勿插因為每日會fine tune menu, 老闆用黑板仔做menu, 好得意雖然我11點就去食, 但都覺得佔3人枱唔係幾好。但老闆好貼心, 話我放袋坐吧枱唔方便。落咗單之後就聽到老闆下廚嘅"炸炸"聲~廚房細細, 但因為咁未食就聞到香味。即叫即整, 唔似茶記/快餐店一煲汁淋百樣餸菜湯端嚟濃郁茄香撲鼻~老闆提醒湯熱要小心~加咗香草, 真係睇到一塊捽爛嘅碎, 唔係常見嗰啲樽裝粉狀香草菜都好多, 但可能太早, 菜可以再軟身啲賣相手掌咁長嘅鰻魚~意粉係驚喜!彈牙有咬口, 滑身, 有落油烚~配鰻魚汁原來好惹味~流黃窿邊太陽蛋~~焦糖化, 雖油分可以再多啲,但都做到入口即化。見住有骨, 但食落完全察覺唔到汁好多, 但可以試吓撥開汁食啖, 魚油味會更出~

今日見工，原本打算去呢間店既左手邊個間主打健康既食店，但由於我1:30pm去到，有太多人等緊位，隔離呢間雖然細，但勝在咁岩有位，間鋪幾細下，不過就貪快去左呢間食。跟餐配左菜蜜，佢比透明杯，以為係熱飲，拎上手先知係凍飲，唔錯，口味似一般蜜糖水，但帶絲絲菜味，係消暑既。無咩期望之下，個飯又幾好食。煎蛋既蛋黃係流心既，鰻魚軟熟，醬汁味道鹹中帶甜，飯口感亦屬中等，唔會太硬又唔會太爛。我朋友食左豬扒餐，味道也不錯！推薦😋*但係作為一個窮人來講，$65 我覺得貴haha 所以間唔中食一次就好了。

由於轉了新工係鰂魚涌上班，所以未對附近的LUNCH點好熟悉，呢個時候就會想起用OPENRICE睇下有咩好推介，見到呢間叫True House 離開公司唔遠，最緊要係一致性好評，所以就約埋同事一齊去試下。 我: 黑椒肉眼扒意粉跟蘋果汁 – 雖然唔係靚肉，但係在無”乸”過既情況下(起碼食唔出)，塊扒一d都唔鞋，好香好易入口，意粉雖然唔係AL DANTE (我唔會o係小店入面追求呢d野)，但比起很多茶記已經煮得好好，唔會太爛或黐埋哂，食完飲杯蘋果汁即刻解決食左咁多肉既油膩感。 同事: 日式蒲燒鰻魚飯跟什菜湯 ，個飯外觀上已經好吸引，同事話鰻魚冇怪味好好食，隻蛋煎得岩岩好。湯也不錯。 如之前其他人既COMMENTS所講，店舖好細，但係感覺好HOMEY舒服，老板也非常親切。價錢更加係相當抵食。一定會再去~~~

話說公司近期由火炭搬咗去鰂魚涌，住新界嘅我，每日就好似要出城返工咁！最唔習慣嘅就係鰂魚涌幾乎每樣野嘅物價比火炭真係貴兩倍！搞到我要Lunch嘅時候左度右度唔知食咩好（打工仔食咁貴真係唔捨得）!今日就比我發現到一間性價比幾高嘅餐廳，絕對有做飯堂嘅潛質！門口嘅顏色俾我有小清新嘅感覺！餐廳嘅格局唔係話好大，但五臟俱全！坐低感受到自然光，感覺幾refresh!坐低就見到一塊小黑板，上面就寫咗唔同嘅午市套餐，今次我就揀咗E True House特色飯，配蘋果汁等左一陣先來左一杯蘋果汁！大熱天時飲杯凍野真係好爽！蘋果汁味道唔算太甜，唔會越飲越頸渴！之後特色飯上枱！入面除左有厚切午餐肉、太陽蛋、豬肉腸之外，仲有我最鍾意食嘅雞翼！特色飯配嘅醬汁味道特別，既有小小黑椒嘅辣味，亦食到有洋蔥同香草，送飯食就最開胃！＄56有咁多餸，仲配埋野飲唔使加錢，喺鰂魚涌來講真係算幾抵食！

夏日炎炎，中午食 lunch 唔想去咁遠食，就去到附近嘅「True House」。一去到「True House」，看到很別緻嘅裝修，招牌是用上了我最喜歡的粉藍色，圖案很特別呢！餐廳中午lunch 時段有A 至E 餐選擇，我今天就選擇了我最愛的好「蒲燒鰻魚煎蛋飯」，連一杯蘋果汁。餐廳牆上圖案很別緻啊！好味嘅蒲燒鰻魚煎蛋飯，鰻魚份量超大塊，成隻手掌咁大！蒲燒鰻魚肉片夠厚，食落很有實在感！蒲燒鰻魚肉入口唔會覺得乾身，且很有鰻魚嘅鮮味，so yummy 😋 ！

因為翻工同埋病咗既關係好耐冇食過好野啦始終都仲有d感冒未清朋友遷就一下我黎咗鰂魚涌食午餐咁見環境幾好就入黎試下啦外面既裝修令我啱起有d似以前facebook game restaurant city lolmeun選擇唔算多但都足而令我呢個有選擇困難症既人猶豫咗一陣本身想試下 C餐但始終黑椒汁對喉嚨唔多好我就叫咗個D焗芝士西蘭花金菇素蟹柳飯首先佢係奉送埋意大利菜湯出街好怕飲到味精湯呢度既意大利菜湯好夠味但重要係飲完唔口渴口淡淡咗幾日 飲完呢個湯刺激翻我味蕾成個焗芝士飯都好吸引芝士夠哂味但又唔會好搶最重要係佢份芝士既份量啱啱好唔會話食食下覺得好漏金菇同西蘭花既份量都好足夠如果多翻一兩條蟹柳就再好d啦朋友要咗鰻魚飯都贊好食所以下次都好值得再黎試下menu其他野

朋友住附近，就搵佢食個lunch之後去陪佢買菜，地鐵站一落過條馬路就到，勁近！😂呢度個門面裝修都好小清新，同附近餐廳好大分別。去到唔太知點開門，好彩有個女staff好nice甘幫我開門，先不至於出醜😂🙈選擇唔算多，有6個set左右，我就簡左openrice一致好評既鰻魚煎蛋飯配蕃茄菜湯🍅⭕️鰻魚前蛋飯 首先，個隻太陽蛋勁銷魂，搬上飯到再整穿，撈埋d鰻魚汁送飯，正到爆！可以好輕鬆甘吹哂成個飯😂鰻魚汁亦夠多，唔怕飯會乾巴巴😂到主角鰻魚啦，勁大條，好香，食落有油香味，撈有蛋汁既飯一起食，口感豐富又幸福！☺️⭕️蕃茄雜菜湯都幾大碗，飲得出係煲出黎，又多菜，正！店家怕我地會熱，仲有風扇係後面吹住，十分貼心！

今天去探朋友BB，這裡曾經被我地喻為食肆沙漠，一間食肆都無，現在則百花齊放，咩類型食肆都有，one-man band/兩口子 特色小店特別多，她提我記得走嘅時候去試一間藍色佈置嘅小店，這裡有大大條鰻魚中午套餐一落佢屋企，過條馬路就見到一間以淺藍色做主題的餐廳，門外餐牌寫著蒲燒鰻魚蛋飯，這還不是你我站左門外，察看餐牌，餐廳內一位靚女出來介紹餐牌，她領我入去時都坐左一半客人，不過她告知我熱賣的鰻魚飯已售罄， 哪唯有點焗葡汁芝士豬扒意粉套餐配意大利湯菜湯啦！接待是一位靚女， 而廚師竟是一位很man 的男士，收到我的order 後， 廚師溫柔有 heart 地即煎豬扒，炮製葡汁芝士意粉， 看著他用心地煎完又焗，，靚女接待員亦是服務生，她遞上意大利菜湯時， 發現剛埋單的客人漏左雨傘，立即溫馨提示，這就是小店的可貴之處，人情味濃又可以近距離睇住廚師煮野食講返食物，意大利菜湯： 酸酸的，香草味濃，勁多蔬菜焗葡汁芝士豬扒意粉：因為即叫即煎豬扒，熱辣辣彈牙，醃得入味，豬扒沾上蛋漿煎，蛋味香，意粉軟硬適中，因為夠熱，看！可以拉到芝士絲，葡汁味道適中