Uncle Tetsu's Cheesecake (已結業)

下午行過看到不用排隊，以朝聖的心態買了一個回家。一打開，覺得有倒汗水，再切時覺得好像切緊吸滿哂水的海棉。用手拎起四分一件時，舊蛋糕是濕到令隻手都有芝士，但食落又無芝士味(絕！)完全不似食蛋糕，是食暖暖地，好濕的海棉。個感覺好差勁！一次便足夠了！

呢間芝士呢期好紅，本來想晚餐前去買呢間嘅芝士蛋糕，來到見到條長長人龍，問清楚店員2230關門！決定同肥髀食完晚飯先買！晚上九點多再來到，條人龍依舊咁長！等到差不多10點終於入到店！店面好細，大部分係廚房，客人最多企8個，見到店員話最後一爐（每爐10-12個，20分鐘一爐）就攞張卡去截龍！店員在我哋等待期間收錢，我哋攞住張單據繼續耐心等！ 10點我哋終於見證出爐，廚房所有活動都在透明玻璃見晒！店內只有兩款食物！芝士蛋糕（$59一個）同牛油蛋糕仔（$10一個，$18兩個）！廚師由焗爐攞蛋糕出來！步驟好流暢，蛋糕粉黃色好靚，一個廚師脫模，一個入盒！加埋牛油蛋糕嘅紙袋一齊入盒比我！一路搭車，芝士蛋糕香味慢慢由紙盒嘅窿透出來，好香！ 回到家即刻攞碟分享！用送埋嘅膠刀1開4，蛋糕微暖，質地好軟滑，像雪榚多過蛋糕！彈性好低！每一啖都淡淡芝士味，唔會太甜！1/4件都唔會膩！將未食嗰半個放入雪櫃，第二朝再食埋！雪凍之後實啲，但就更滑，更似雪榚！好味！ 牛油蛋糕仔做埋早餐！蛋糕仔較實，唔夠鬆軟！牛油味重！唔係好甜！不過唔係咁驚喜！店員有禮！我本想買一個牛油蛋糕，收銀會提我買兩個便宜啲！

之前o係台北食過日本Uncle Tetsu's Cheesecake, 覺得好正, 一試難忘, 知道香港開左專登黎買番個~ 星期6既晚上9點依然有好多人排緊, 同台北一樣, 每人限買一個~香港既定價係$59, Vi覺得係好平, 掛左30分鐘倒就到Vi了~番到屋企即刻開黎食, 一打開, 發現個盒好多倒汗水, 應該係蛋糕太熱既時候入盒, 而蛋糕表面亦焗得唔夠燶, 仲係黃白色既, cut開幾軟熟, 食落質感輕盈, 有淡淡芝士味, 但蛋糕真係太濕, 影響左口感, 而且芝士味亦淡左d, 比起Vi o係台北食過既差幾遠, 希望只係剛開店無耐水質未穩定ba~

今次已經是第二次光顧了.....雖然每次都要排半個小時以上,,,, 但也是值得的。因為我真是非常喜歡吃~礙於每人只限買一個, 上次無法多買一個給媽媽品嚐...這一次就跟老公兩個人去!!一人一個....等了又等.....蛋糕新鮮出爐, 香味撲鼻而來~看著店員為蛋糕燙上logo, 超興奮呢!!蛋糕口感超級軟綿、順滑, 蛋香和芝士香味配合得剛剛好~回家後不消5分鐘已經鯨吞了半個....放進雪櫃第二天再吃, 依然是軟綿綿的!!而且芝士味更加突出~才$59/個, 絕對是抵食呀....(第二次買的蛋糕一回家就已經K.O. 了半個, 所以沒拍照, 這是第一次光顧的蛋糕的照片喔!)

好朋友生日，唔想求其買美X聖安X蛋糕，由於相約係銅鑼灣食飯，於是拜託另一朋友去呢家新開日式芝士蛋糕店買蛋糕。日式芝士蛋糕已經唔係咩新鮮事，仲記得n年前伊藤家係威係勢，雖然威左一陣已經沒落，但我其實幾鍾意呢種cheese cake的，因為質感輕盈d，冇美式芝士蛋糕咁膩。Uncle Tetsu的來臨，忽然又勾起想食的慾望。一個$59唔係貴，據排隊朋友聲稱打左幾個蛇餅，但都好快買到。佢外表同logo都好似大阪難波果間餅店，所以最初都有點混淆。正常size，大概可以分8份，質感幾濕潤鬆軟（有點似梳乎厘），芝士味香但唔太濃，兼且有蛋香，食多少少都唔會滯。注意暫時每人限買一個。唔知呢股熱潮今次可以維持幾耐呢？值得去指數：

又平又好味嘅焗芝士蛋糕駕臨銅鑼灣💓用黎做生日蛋糕一啲都吾失禮新鮮出爐！咬落去好有空氣感，好軟熟😍入口即溶化嘅感覺，芝士味又夠重👍吾會大甜，所以食完都吾會好膩食完上癮了，會再去回購😘😘

來自九州的徹思叔叔，最近又來香港加入戰團。人氣蛋糕選用澳洲忌廉芝士和奶油，加入新鮮牛奶、蛋白，和麵粉不停攪拌，再利用水烤法焗製而成。即用水隔著蛋糕模子才放入焗爐，這樣較能控制溫度避免烤焦。蛋糕新鮮製作，每人限買一個，加上定價便宜，勢必掀起一輪排隊熱潮。 <芝士蛋糕>利用特別的網布包裝，透氣度更高。蛋糕鬆軟綿綿，質感輕盈，有點像吃梳乎里的感覺。雞蛋味十分香濃，甚至蓋過了芝士的味道。反而凍食時蛋糕變得實了，芝士味更突出。

中意吃蛋糕既我，又點可以放過來自九州的uncle tetsu's cheesecake啦。佢地登陸香港既消息實在太令人興奮，去日本旅行好容會見到既店，但因為旅行太多美食選擇，未有機會買到，呢家就可以成個買反屋企慢慢嘆啦。星期六食完tea既時間，排左25分鐘，只限每人買一個既日式焗芝士蛋糕到手啦。佢地係出爐熱辣辣就賣，所以見店出面都有人即食。我就帶左反屋企先食既，盒上有建議雪藏食用，雪藏可放3天食用。但如果可以我建議熱食 😊口感比較rich,芝士跟一般焗芝士蛋糕差不多。所以一個hkd59要排隊既蛋糕，要睇下你有無決心食佢啦 😂價錢一般，質素ok其實日本有抹茶紅豆味，吾知香港幾時有得賣呢~

✨日式輕芝士蛋糕🧀🎂 (6" $59)✨開幕幾日長人龍 一日平日去排隊終於冇咁多人同朋友六點幾排半個鐘第三輪就到 唔算好耐😎一人只限買一個 新鮮出爐所以拎上手仲暖粒粒 👇🏻三個食法自己揀👇🏻🔥偷偷食一啖 暖暖地食蛋味香濃不過芝士味比較淡薄🔥夜晚食完飯忍唔住食左一件 室溫食感覺係質感實在芝士味比熱的食濃 飯後吃唔太漏 蛋糕黎講算清淡 🔥隔夜雪凍食變得更濃厚同組織比較結實細緻好似紐約芝士蛋糕同慕斯中間嘅質地 比伊藤家重味 忌廉同酸忌廉味比芝士味出 未必啱喜愛咸芝士的你🤔

綿密幸福@uncle tetsu銅鑼灣景隆街3號地下$59 元一個新鮮出爐CHEESE CAKE, 因熱潮都開始淡去, 今趟排了20分鐘已可取蛋糕。留意是一人限買一個哦。付了錢看到一個個金黃飽漲的蛋糕, 印上uncle tetsu的招牌卡通樣, 從模中取出撕去蛋糕紙,包好放入有小孔通熱氣的盒子內, 更附有小膠力以切開蛋糕之用。拿到回家仍是微暖, 急不及待切開, 吃下質地很濕潤, 就似是更綿密的梳夫里, 呈少許CREAMY流心的狀況, 聞下有淡淡芝士香氣滲著, 細滑無比入口即化的幸福湧上心頭。謝謝陪我一起排隧的友人

今日去咗極速行走銅鑼灣，本身其實未聽過呢間蛋糕店，係有一次同好姐妹食飯，佢借左呢間店個紙袋比我用，我先知!而又咁啱食完譚仔(12點半到)行過見到，有一個人入去買，以為好貴啦，再望望價錢，$59!!! 日本蛋糕喎，59蚊咁平??又唔洗排隊，買啦!!返到公司切蛋糕，嘩!!好軟熟!!一食，勁香蛋味!!但有啲失望係，佢個名叫cheese cake，但無乜芝士味!!不過整體嚟講，好味!!

本身好鐘意食芝士蛋糕，所以第一日專程排隊試吓。蛋糕濕潤，整件蛋糕味道很淡，冇乜芝士味，感覺名過於實。市面很多店做此款蛋糕做得比它好。另外說好於2015年12月24至25日買芝士蛋糕，憑收據免費換領madeleine小蛋糕一個⋯送蛋糕本來是令人開心嘅事。可惜送得非常小家，安排又差，遲遲才公布。於FB公布後五日內要客人去領取，又要限量，又要限時，銷售/推廣手法非常有問題。此店令人非常之失望，不推薦，也不會再光顧了⋯

知道左uncle tetsu's係銅鑼灣開左舖 今日出開去即刻要黎試. 8點半左右去到 排隊唔算多人 比錢既時候會講明幾點黎拎 因為真係個個新鮮出爐. 半個鐘後就有得拎 係銅鑼灣行半個鐘完全冇難度啦~ 問左職員蛋糕最多只可以放係雪櫃3日. 安排客人係唔同時間黎拎 唔駛係門口塞到爆真係安排得好好 而且每人限買一個 去到真係準時9:05分有得拎 而且睇住佢新鮮係個焗爐拎出黎！ 等到客人黎拎先續個係個模倒出黎包裝好 我重見到佢如果發現蛋糕花左會放埋一邊唔比客人 真係好好！外賣盒重有透氣口 唔怕啲蒸氣焗實個蛋糕. 不過一邊行一邊有蛋糕香味傳出黎 好想即刻放入口 哈哈～ 返到屋企終於有得試！ 真係真係好好食！好香好軟 真係超級軟綿綿 但又唔似有海綿蛋糕係入面 入口唔駛咬就溶左咁 真係超級讚 而且芝士味岩岩好 唔濃唔淡 食兩三件都唔會覺得膩 成家人一齊分享都有讚冇彈😋$59有咁既質素真係好低！排隊等下都值得！大家一日食唔晒唔緊要 就算係雪櫃放左一晚再食 味道依舊！一樣軟熟！

一嚐近期的大熱 由日本的Uncle Tetsu遠赴香港開店 開業若莫一星期左右 排隊購買是常識吧~ 慶幸於六時半下班時間排隊人龍也不算擠擁 約二十分鐘便購得'心頭好'了  親眼目睹一輪又一輪的芝士蛋糕新鮮出爐和包裹入盒 職員經已駕輕就熟 雖然店舖狹小 出入不太方便 但員工得以妥善安排排隊人群 應對途人問題時亦態度友善 購買過程因此也十分順利! 新鮮購入的蛋糕温度微暖 隔着盒子依舊一道道芝士香溢出 在歸家路途已深深感受到蛋糕的魄力 暖暖的入口 芝士味相對淡淡的而較為沉實 實在想不到置於冰箱冷凍後芝士香大為突出 所以大大推介此冷藏的食法喔! 芝士蛋糕質感十分十分的軟熟鬆軟 冷凍後濕潤的有少許黏手 切下一刀後些微蛋糕粒零碎凋落 亦非全然散開 輕咬小口的一瞬蓬鬆化開 柔軟綿密的口感簡直是最令我著迷的! '輕芝'的魅力在於芝士味香濃於味蕾四散 甜度點到即止且一點也不覺膩口 加上鬆軟質感 令濃郁芝士的味道都較其他芝士食品細緻無比 因此充斥芝味卻不過火 而且飽腹感不太重 更會一試上癮! 相信不太愛芝士食品的你會對它們有所改觀

有男友耳邊吵了幾個星期要嘗試的 Uncle Tetsu 芝士蛋糕，昨天終於在銅鑼灣四處遊走時，順道就去了景隆街把蛋糕店找出來。去到了蛋糕店的門口，人們堵塞了店面和門口。看到了隊尾，我馬上就站過去。誰知道那只是整條隊伍的其中一部分，蛋糕店的店員把隊伍分割了多個部分，令人龍擺佔了整條街道，遮擋了不少店鋪的廣告牌。結果我去了後面一條街開始排隊。在等待期間，我百思不得其解蛋糕店為何不選擇派籌給想要買蛋糕的客人，讓人們不要堵塞街道，影響其他行人。思緒混亂，糾纏在等與不再等之間的我最後在花了大概 45 分鐘的時間等到了蛋糕。可能是因為店內大部分東西都還沒 set up 好，所以蛋糕店只接受現金付款。去到了收銀枱，看到不可思議的一幕。收銀機的旁邊有一張佈滿手畫圓圈的白紙，每售出一個蛋糕，店員便會用筆刪掉一個圈圈，每一個圓圈代表一個蛋糕。在甚麼都科技化的年代，沒想到還會有人使用這樣復古的方法記帳。我想用 iPhone 打三百多個蛋糕的 emoji，賣掉一個就 delete 掉一個，好像更 effective 了。另外一點就是，這間聲稱是日本公司開的店，收銀機上卻滿佈塵埃，這實在是讓人費解。進入到店內，