V.W Vegan Cafe (已結業)

入左大埔, 去買醬爆小籠包打邊爐, 順道睇下呢間素食cafe有冇位先! (有一次專登去搵, 大排長龍, 結果掉頭走😂) 今日未夠12點就到, 唔駛等位!侍應妹妹好有禮貌, 講比我知午餐牌寫在牆上既黑板度, 飲品就係另外既menu揀 (我叫佢侍應妹妹, 因為佢叫左我幾次哥哥, 超尷尬, 人家明明係叔叔😅)講返正經野, 佢嗰日式便當聽嗰名已好吸引, 幻想會係類似定食, 用日式四方盒盛著飯餸, 再加上蓋子! 送上餐盤時非常驚喜, 超豐富喔！也放得很細緻, 前菜, 湯, 飯, 粟米餅, 關東煮, 甜品一應俱全, 滿足了我既視覺慾望。味道不用多講, 因為真係無得彈!仲有, 一定要試奇亞籽布甸, 睇佢咁多料就知道口感好豐富, 枸杞子甜甜的, 類似核桃既果仁, 配合滑滑既奇亞籽, 雖然賣相唔係太靚😉, 但食過第一次保證想再試的!

好難得大埔開咗間文青風Cafe，更加難得嘅係佢係一間純素Cafe🌾店外有黑板手繪畫，店內就有好多乾花植物好清新，加埋店員都幾nice，整體環境同體驗都令人感覺好放鬆🥰• • • • •🧚🏻‍♀️日式便當_Japanese Mama🧚 [$88]日式便當好豐富😆有好多前菜，又有麵豉湯，飯上仲要有啲紫菜碎，整體都好好味😋而個肉餅就好有驚喜，食落中間係芝士流心😍做下research先知原來係用咗新豬肉加埋Daiya嘅純素芝士整成嘅芝士肉餅嚟架🧀😽.🧚🏻‍♀️不可能漢堡_Impossible Burger🧚 [$108]漢堡用咗佈滿芝麻粒粒嘅Bagel🥯平時有啲鋪頭嘅Bagel會好乾身，甚至係硬硬地咁，但佢地嘅Bagel就好有彈性，食落好有咬口🤪入面嘅Impossible漢堡扒同埋佢嘅酸瓜好好食🥒不過唔食五辛嘅素食者要留意，因為佢入面係有洋蔥架🧅.🧚🏻‍♀️爆爆肉丸意粉_Meatball Spaghetti Bolognese🧚 [$88]爆爆肉丸意粉有3粒肉丸，佢地食落好似真肉咁嘅口感😳上面再鋪有好多素芝士同蕃茄醬🧀襯仲熱嘅時候撈勻哂佢地一齊食，啲味道好夾，酸酸甜甜好好味🤤仲要係有蕃茄粒粒架🍅.🧚

🔎V.W Vegan Cafe （大埔） 💛📍大埔寶湖花園商場2樓227F-06號舖-#素食是個好東西 一間素食嘅cafe要多多支持 仲有啲環保產品賣㗎♻️Tea set：🔹Avocado bagel $68（包$45以下飲品）老規矩 Iced Americano 仲要係公平貿易咖啡嚟 呢款易入口 都幾啱大眾口味 另外 環保得就當然唔會有飲管啦Bagel切左一半 有咬口又唔會太硬 牛油果唔錯 面頭仲加咗啲黑椒同鹽 不過我覺得鹽就多咗 有啲位食落都偏咸 可以淡口味啲都ok🔹榛子醬Bagel $68（包$45以下飲品）飲品揀咗Latte 有Oat milk同Soy milk揀今次揀咗Oat milk 燕麥味唔會好搶 整體都ok完全唔會有伏嘅榛子醬 配Bagel食亦都唔會好甜 連唔食甜嘢嘅我都覺得好味🍴搵返相關地區👉🏻 #90sfoodieshare_大埔#食在大埔

朋友上網見到呢間 cafe 話好想試下所以我地今日千里迢迢黎到大埔lunch 😂今日平日同埋尚算早 所以唔太多人(但坐底無耐就已經full house)Lunch揀咗”媽媽便當🍱”無他的，就係比佢個名吸引咗便當有飯，炸紫薯飯，有面鼓湯，技豆 & jelly 啱晒素人不過會有少少難”送”飯我覺得如果轉做烏冬會好好多~~ Lunch +25蚊就可以揀drink list 上面嘅飲品我就試咗個火龍果香蕉沙冰朋友試咗Ice latte~~ 我自己覺得沙冰會做得比較出色 唔會太甜Ice latte 正常水準Btw~ 呢到環境真係幾chill 同文青又有bar枱但坐落會有少少逼建議2~4個人黎都比較好值得一讚嘅係 佢地全日都無加一收費！有良心！讚！

早排見到有人介紹呢間新既素食小店，聽講係用新豬肉整既，口感好似真既肉。於是就同朋友搵一日黎左試下。而佢哋既咖啡係用本地公平貿易既咖啡豆，非常值得支持。仲可以揀豆奶或者燕麥奶。呢一日有個小妹妹喺到幫手，喺門口幫我哋探熱，好乖好得意。我同朋友嗌左︰不可能漢堡配胖虎薯條、檸檬羅勒長通粉、Caffeine-free Chai、MochaMenuMenu食物合照門外Menu不可能漢堡配胖虎薯條︰新豬肉食落真係同肉好似，唯一唔同係冇乜肉汁，不過都幾好食。個包幾好食，略嫌唔太夠醬。薯條好脆，有啲類似粟米片既野痴喺上面，令到佢比平時既粗薯條更脆更飽肚。檸檬羅勒長通粉︰望落份量唔多，但係食落都幾飽肚，羅勒幾香，配合檸檬汁幾開胃幾好食。長通粉煙韌有口感。Caffeine-free Chai︰冇咖啡因既同一般拉茶唔同，飲落有八角香味，幾得意Mocha︰幾大杯，好香，朱古力味足夠，冇乜酸味，啱哂我簡單總結一下，店入面唔算多位，但係幾好坐。如果女仔著裙就建議唔好坐bar枱，因為佢係對住街既，而且張櫈幾高，有機會走光。店員有禮貌，服務態度好好，野食唔錯，適合食素既朋友黎一試。

大埔終於有素食Cafe啦！呢間Cafe開咗冇耐我就已經係咁叫男朋友陪我去食，講咗幾個禮拜終於去得成。佢開喺寶湖嗰個轉角位，唔係因為開咗呢間野都真係好少行過去，不過原來呢個位方便之餘個景仲幾開揚。我叫咗個新豬肉漢堡扒焗飯，舊新豬肉比我想像中好味，你話佢好似豬肉咩，我又覺得唔係。但係食落又好似有啲肉味咁，幾神奇，我同男朋友都覺得幾好食。另外我哋仲叫咗一份日式媽媽便當，比較起來呢個餐就真係清淡好多。咁啱男朋友嗰日有少少唔舒服，呢個餐清清地就啱晒佢😂😂另外我哋仲叫咗兩杯咖啡，咖啡用嘅奶仲可以俾你揀燕麥奶或者豆奶，店員推介話用豆奶會比較香，所以我哋都揀咗豆奶。第一次是用豆奶沖嘅咖啡，飲落實係冇用牛奶沖咁香滑㗎啦，但係浸淡淡的豆味飲落又唔差喎，覺得可以返兜

難得大埔有一間純素Cafe可以Hea住chill 享受慢活人生顛覆咗一般素食店嘅感覺🍔不可能漢堡拼薯條薯條係肥肥嘅薯條外脆內軟熱辣辣上枱漢堡用咗bagel 加素肉配埋酸瓜+洋蔥+青菜+醬汁值得推介🍔自家製蕃茄醬薑黃焗飯配新豬肉漢堡一上枱就聞到好香濃嘅黃姜飯味漢堡用咗新豬肉比較乾身但配埋醬汁又好似啱啱好不過不失啦.🍔牛油果醬bagel ..........................$68記得要趁熱食如果唔係變硬咗就好難切牛油果醬好creamy ☝🏻可拼$42飲品可以選擇soy milk / oat milk 下次要試蛋糕好似都幾靚🤩

✨大埔新店🍃田園風純素cafe✨——————————————————-💛#littlefatwest良心小店 💛.大埔又有新cafe喇💕日系簡約style 咁岩坐左sofa位 環境舒服好坐 店員又幾nice平時餐餐食肉 驚食素會好dry🤣點知幾有驚喜估唔到素肉既口感又幾真 得閒食下素健康啲😌——————————————————-🍋Lemon tart (7/10)檸檬餡酸酸地好開胃 食落幾清新撻皮厚度適中 但唔太重牛油香.🍔不可能漢堡 配粗薯條 $108 (7.5/10)用bagel做burger🥯口感幾煙韌 漢堡扒用左而家好hit既impossible food 口感勁似真肉😍好有驚喜呀 不過始終冇真牛肉咁juicy最想讚下個薯條！黑人size🙊粗到嚇親☺️炸得幾香口 有芝士粉同黑椒粉任加好似shake shake薯條咁😆.🍵抹茶latte $48 (8/10)☕️Mocha $48 (8/10)兩杯都好飲！完！——————————————————-📍 V.W Vegan Cafe (大埔) @v.wvegan 大埔寶湖道3號寶湖花園商場2樓227F-06號舖

💛#支持良心餐廳💰日式媽媽便當$88雖然細細間但環境好舒服好寫意😗嘢食賣相都好得食落質素正常 關東煮個湯底甜甜地咁幾正 索左汁幾入味🥰因為平時食親多數都冇咩味 所以呢個位幾驚喜仲有個紫薯薯餅質感好得意 係有少少煙un咁 唔係乾身 不過味道係偏淡 總括黎講係健康的味道～

大埔既素食餐廳唔多，只有位於舊大埔警署既「慧食堂」同「多利民素食」。依家多一間純素既文青cafe，雖然唔算好就腳，不過多個選擇都唔錯。如果本身唔係住大埔，可以喺大埔壚站搭K巴去到超級城再行過去。雖然而過午飯時間，但店外都仲有人等緊位。等位既位置喺室外，都有啲熱，好彩好快就等到位。Menu唔算太多野揀，揀左個日式定食。份量比預期細，如果有食過佐敦MUM Veggie Cafe，依度既定食份量大概係MUM既2/3。味道唔算好有驚喜，如果下次黎會想試其他款。蛋糕櫃入面有幾款vegan甜品，當中Lemon Tart個樣最吸引。個餡酸酸甜甜都唔錯，不過個皮就略嫌過厚，食落有少少乾，有待改善。叫左3樣野，最滿意既係Mango Smoothie。好rich有好濃既芒果香，如果大杯啲就更好。總括黎講都有改善空間，期望佢地越做越好。

一直以嚟都覺得素食一定好難食或者冇乜味 今次 朋友帶咗我嚟VW vegan cafe度試 改變咗我對素食嘅睇法店舖面積唔係太大 不過裝修同環境 都盡量營造一個溫馨舒適嘅氣氛俾客人 呢度嘅 lunch menu每一個月都會轉 而每一次大概有五六款選擇不可能薑黃焗飯 $88芝士焗茄汁漢堡扒薑黃飯 作為全素餐廳嘅佢 連芝士都係採用素芝士 同一般芝士唔同嘅係佢比較煙韌 有啲似啫喱糖 漢堡扒方面唔講嘅話真係好難食出佢係素漢堡扒 唯一有啲唔同嘅係 由於佢唔係真肉 所以漢堡扒冇乜肉汁 比較乾身 不過配上茄汁食 一樣咁好味檸檬羅勒長通粉 $78羅勒味非常重 加上檸檬汁 食落去非常fresh 唯一有啲可惜嘅係佢嘅醬汁比較固體 可以再多啲 而一齊炒嘅西蘭花亦都可以淋一啲Maccha Latte $25 提供燕麥奶同杏仁奶兩款素奶供選擇 最後揀咗燕麥奶 同抹茶味非常夾 飲出嚟亦都同平時飲真鮮奶冇乜太大分別 推介~

1️⃣⭐️檸檬羅勒長通粉⭐️ $88 (8.5/10)Olaf大愛嘅長通粉🥳唔好睇佢個樣好似好普通，佢嘅羅勒汁好香❤️ 羅勒汁偏稠，好掛汁，條條長通粉都係羅勒汁🌱長通粉煮得啱啱好，唔會過淋，所以好有咬口🥰雖然成碟意粉都冇肉，但長通粉比平時食嘅粗啲，更加飽😱 食落會食得到淡淡嘅檸檬味，越食越開胃🤤2️⃣⭐️不可能黃薑焗飯⭐️ $98 (8/10)好食到傻左🥳 用左素肉Impossible牛肉做漢堡扒，個質感真到傻左😳Pooh到依家都唔夠膽相信我嗰日係食素😱少少酸嘅蕃茄醬，加埋芝士好正👍🏻雖然焗返自己嘅味道好食但未有好大突破，但加埋個好真嘅Impossible肉即刻加好多分💕 唯一可惜係叫嘅時候，咁啱冇晒黃姜飯，所以轉左白飯底😭3️⃣日式媽媽便當 $98 (7/10)一睇成個set就已經感覺到日本媽媽嘅溫暖🥰 紫薯薯餅質感好似韓式煎餅咁，煙煙韌韌幾得意😋 麵豉湯幾濃，似係用左紅味噌，夠晒日本😚 仲有幾粒甜甜地嘅蒟蒻做甜品，真係好似食緊便當咁🤣4️⃣魔魔餃子 - 新豬肉韭菜餃子 $58 (7/10)用omi素豬肉整嘅餃子，加埋韭菜，同平時食嘅真係冇分別😳唔講真係唔知佢係素食😍 餃子皮薄，餡料好豐

7月時來過此新開既素食店，但未得閒寫食評。呢間店好多食物都係素食所以同我食開想像中既味道係唔同，有個蛋糕好得意叫“猶如女人般既蛋糕”口感唔似蛋糕，有少少濕濕地又有d鬆軟。我仲係度第一次叫左燕麥奶飲，偏淡味既燕麥奶但幾特別。最推介佢餐牌上既light snack 小食麥樂基，個醬好食而且“雞塊”夠脆。以我所知我食過既日式媽媽便當就不定期轉換菜式既，所以係度都係講句，你可能下次去又會試新野，覺得店家係想保持菜單神秘同有新鮮感。

大埔對於我來說有點遠，所以這間純素小店 V.W Vegan cafe 開了這麼久我才有機會去。平日去食好似生意都唔錯，試左招牌日式媽媽便當，又真係幾家庭式溫馨味道喎。搭火車去的話在大埔墟站下車，行過去要十幾分鐘，這天在下雨所以找了架小巴，火車站出來過隧道行去最外面個站搭「28K」，落車行少少就到寶湖商場。行去到先見到寶湖街市，向左手邊行會搵到條扶手電梯，上去二樓右邊第三間鋪就係勒。餐廳剛好在轉角位，外面有長木檯仔都可以影下打卡相。入面唔大座位亦唔多，靠牆兩張四人檯、梳化位和一排六個向窗的高位。梳化位都幾有趣。主餐餐牌寫在黑板上面，有兩款用 Impossible Meat，有漢堡有飯有意粉，漢堡原來係用 Bagel 包都幾特別。水和餐具都採自助形式，無收加一。廚房對開有個層架，有賣手工肥皂和咖啡豆等產品。蛋糕飲品可以自己望下雪櫃有咩。 日式媽媽便當 HK$88 / 午餐飲品加HK$25 我見十個有八個客人都點這款日式媽媽便當，所以我都共襄善舉，一盤有飯有湯有甜品好似幾豐富。味道吃起來就是很屋企菜，唔會太油太鹹好健康咁樣，關東煮都幾入味。關東煮入面有白蘿蔔、豆腐、豆卜、海帶結和芋絲，汁好清

今次嚟到大埔嘅V.W. vegan~打算過一個悠閑嘅下午～試咗佢哋嘅Impossible burger ($108) 同埋加多$25 要咗杯Hazel Nut Latte~ 店員仲會好細心咁問你要Oat milk 定 Soy milk~個Burger係用素肉嚟整，外面嘅麵包仲要係Bagel， 十分特別💕 配上入面嘅酸瓜、生菜、洋蔥等配料，十分惹味👍🏻 薯條嘅份量亦十分慷慨～Haze Nut Latte 入口香滑，咖啡味好出，反而Hazel Nut味唔太出，不過唔太甜亦啱我口味～值得一讚嘅係店員都十分親切～ 感受到佢哋用心製作食物同埋招待客人👍🏻 希望之後再有機會去試吓其他食物啦～