Restaurante ESCADA

营业中

休息中

多年來一直無機會幫襯，休息、落場、滿座都試過，綠份到自然就食得到。望入餐廳靜蠅蠅想打洋一樣，幸好嬸嬸話仲有 1 個鐘先 last order 啫。將近收工所以樓上不能進入，坐地下都無問題，一個食客都無，包場任我地坐。寧靜舒服，談談心、傾傾計，甜到死。我做定功課，心中已有目標佳餚，隨時可以點菜，待美女批準便可。幾年無到澳門，對街道的印象已十分模糊，剛才兜去反方向，搞到大家行多十幾分鐘冤枉路，我真的非常內疚啊，so sorry。Super Bock，我最喜歡食什麼菜就配什麼啤酒，食葡國菜梗係飲葡國啤酒啦。勁重口味，麥味強烈，甘味突出，凍冰涼浸浸我都飲得到，但美女一試投降。餐包，完全係法包的質地，搽上牛油咬一啖，麵包味濃郁，我不喜歡凍而硬，再見。忌廉海鮮湯，姐姐推介此款較受歡迎。有點似牛尾湯底，食到有海鮮肉鬆，不知道是什麼海鮮，厚身湯汁，估唔到好好飲喎。火焰燒葡國腸，食其意境、食其有趣 ﹗猛火勁燒，姐姐不停將條腸轉動，腸皮燒到吱吱作響，鬼殺咁嘈，勁有氣氛﹗越燒越香，氣味已環繞四周，香就真係勁香喇，不知道味道如何。燒足 3 分鐘，切片上碟，完成。原來有血腸供應，有綠再試。姐姐叮囑有點咸，熱騰騰

在澳門2日1夜後, 想搵返間葡式野食下, 食完就順便行下崗領前地呀,戀愛巷咁, 咁就搵間喺附近既餐廳啦, 上openrice見到話會好多人等位, 有啲驚, 因為重要係星期日, 不過去到又無問題喎, 唔駛等, 直入, 佢分兩層, 地下就坐滿, 樓上就有位,叫左幾樣都幾好食, 燒葡國腸, 佢黎到再點火燒, 燒完熱既幾香, 不過擺左一陣凍左既話就差左啲啲跟住就叫左個好似人人都叫既馬介休薯波, 咁都幾有趣, 不過都飽肚之後到主菜, 葡式燒乳豬, 幾好食幾脆最後再黎個飯, 反而我覺得最好食, 葡式焗鴨飯,不過都唔平, 呢餐要成600蚊重有, 佢唔會提供水, 要另外叫, 呢樣就唔係咁好  

星期六過大海展開美食之旅，朋友推介下，我地三個人walk in，晚上六點鐘開門，十五分鐘唔夠，已經坐滿一層樓！可見人氣極盛！我地三個女仔叫咗兩度前菜同兩度主菜，每度菜份量都夠三至四個人食。「檸檬炒蜆」呢個炒蜆好適合夏天食，酸酸地好開胃，就算攤凍咗，都好好味！極力推介！「葡國炸蝦角」原本係叫咗馬介休薯球，但係侍應落錯單！（佢講葡文，自己唔識聽）結果意外地食咗呢個蝦角。 上檯嘅時候熱辣辣，好鬼正！外面脆卜卜，入面有少少忌廉伴住隻蝦，都唔錯㗎！「非洲雞」本唻諗住叫葡國雞，但係聽到隔離檯話非洲雞好味，朋友又話非洲雞難整！而且香港唔多地方食到呢度菜，所以就嗌！非洲雞味道有啲辣，味濃！唔會煮得好「鞋」！有機會，會再食過！「葡式燒乳豬」豬皮夠鬆脆，好似食梳打餅一樣，肉又夠味，唔會「柴皮」。仲跟埋薯條、沙律、炒飯！薯條上面落咗香草鹽，別有風味！建議約埋三五成群，可以叫多幾款菜！

這次澳門之旅, 總共吃了兩餐葡國菜, 先到Escada, 再到山度士, 我好慶幸自己先到Escada, 不然都不會突顯山度士的好.Escada 在Openrice 的排名名列前茅, 評價亦甚高, 自然令我十分期待! 但倒頭來卻令我失望而回. 是老饗們的過譽, 還是自己的口味問題, 就不得而知了.點菜後, 即送上麵包, 一人一個, 是澳門式豬仔包, 外面脆, 入面煙韌, 惟熱度不夠, 塗上牛油也不會自動溶化.馬介休薯球 ($68)外層炸得金黃香脆, 內裡有馬介休的鹹香, 薯蓉的軟糯, 味道不俗. 只是$68只有四件, 份量有點少.檸檬炒蜆 ($148)一道食完想回家自己試試煮的菜式, 因為材料非常簡單, 但搭配在一起卻有非常大的化學作用!吃得出的材料有蜆, 羅勒葉, 檸檬, 蒜蓉, 牛油等.羅勒葉, 蒜蓉的濃香, 檸檬的微酸, 牛油的鹹香豐腴, 五種材料加起來, 味道是極富層次的! 惟不少蜆肉都”金蟬脫殼”, 不知逃到哪裡去, 而且蜆有點沙, 吃的時候需要小心翼翼呢!葡式燒乳豬 ($218)有五件大大件的乳豬, 以葡國菜而言, 份量算是可觀了!乳豬的外皮是脆中帶韌, 不稀奇, 其實很多葡

今次來到澳門看演唱會，預先做了資料搜查，選擇了較有情調的葡國餐廳''Restaurante ESCADA''。餐廳很有情調， 牆壁窗台窗簾都是白色的，燈飾都好有歐陸情調，還有一個小陽台。侍應先送上餐包。Order了一柸Iced Latte，味道偏苦。鮮橙汁充滿果肉。聽說這裡的檸檬炒蜆很有名，檸檬汁香味，遮蓋不了蜆的鮮味， 開胃清新， 而且份量不少。焗鴨飯上面有數片葡國腸和煙肉，飯裡面滿載一絲絲的鴨肉，份量不少。唯一不足的是飯不夠乾身。葡國燒乳豬配上炒飯薯條，乳豬燒得好脆口，半肥瘦，好好味。最後因為吃得太飽，只吃了焦糖雞蛋布丁，布丁香滑夠軟身。

到澳門少不了一頓葡國餐。出發前左選右擇，最終選了 ESCADA。從食家們提供的相片，可知 ESCADA 是一座三層、髹上淺黃色的葡式舊宅，單憑其外形格調來判斷，還以為 ESCADA 位處於澳門離島，原來 ESCADA 就在繁忙的新馬路附近，不過還要從新馬路爬上一排樓梯，才可到達座落於大堂街的 ESCADA。爬上樓梯後，頓覺脫離了街道的煩囂。短短的大堂街更可直通往大堂前地，包括聖母聖誕主教座堂。ESCADA 地下與一樓為用餐區，當晚我們被安排到一樓樓梯邊的二人桌，接近晚上九時，餐廳基本是全滿。小黑板寫上當晚的厨師推介，主要以海鮮及肉類為主。花了一段時間挑選食物，點菜時要求菜式逐道送上，可是侍應回覆不可以。一看我們只有丁點空間的桌子，我便頭痛了，唯有再向她說明這小桌子怎能同一時間容納所有菜式，這麼一來，她便推翻先前不允許我們調到另一張食客剛離開的四人桌之決定，既然已沒有預訂，食客又相繼陸續完成晚餐，作為侍應是否應靈活處理客人的要求呢？轉到四人桌，感覺寬鬆多了！先選了一小瓶的 Sangria，它是葡國與西班牙菜的經典飲品。雖然時下流行創意，會選用白酒或啤酒等混出不同口味的 Sangria，但