倫記軟滑腸粉

营业中

休息中

呢間超級出名嘅澳門小店 馳名雞蛋蔥花腸😃 今次決定試一試！店舖地理位置比較偏僻 都要用Google Map先行到去😂小店空間不算好大 較為舊式夏天去食真係比較熱 但好彩店內都有風扇仲見到唔少遊客都特登段搵好野食🤣———————————雞蛋蔥花腸 $27即叫即整😍 超級新鮮熱辣辣😍睇到成個製作過程都知道心機功夫認真唔少😌口感非常Q彈滑溜😋😋 點配豉油已經非常好味！香港絕對食唔到😭老闆仲特登拎住腸粉俾我影相

這個會不會是澳門式的蛋餅呢？我可唔可以加芝士？ XDD說起來即叫即蒸布拉腸粉在香港也買少見少，加雞蛋這個配搭更是前所未見，好神奇啊。超不起眼的小店，由早餐時間一直營業到凌晨，你來吃宵夜也是可以的。這裡招牌除了雞蛋腸粉還有一個鴨粥，台灣旅遊節目都有拍過，好像很厲害的樣子。(But我是不吃肉的早餐專科，你們去吃呀)那天我們上午九點左右到達，店內一個人都沒有，連店員也不見影，我們要大叫「有沒有人啊」才有人出現，蠻休閒的感覺。這裡即叫即蒸的程度，是連蒸爐都即刻打開，也熱得蠻快啊。布拉腸粉的做法是先在蒸爐上鋪浸濕的白布，然後倒腸粉漿，蒸熟定型後再加雞蛋。接下來連布帶腸粉拉起來，用刮板將成品刮下來，捲起再切段即完成。招牌是蔥花雞蛋腸，其他腸粉都可以加雞蛋啊，朋友點的就是叉燒雞蛋腸。蔥花雞蛋腸 MOP$27店內只有十個以內坐得不算舒服的座位，桌上有醬油、麻醬、甜醬和辣醬可供使用，我覺得雞蛋腸粉是應該配混醬的，所以甚麼也落就對了。好久沒吃過布拉腸粉，每一條都好飽滿，很彈牙很滑很好吃啊！原來雞蛋跟腸粉也很合得來，說都來又想再去吃了，很適合當早餐的食物啊！

舖頭位於沙欄仔，屬於澳門舊區住宅區，都幾難搵。門面並不吸引，店內只有2張摺枱，多數人外賣攞走，十六浦行過去不遠但要轉幾個彎。望住牆上面嘅餐牌，不同種類嘅腸粉同粥，叫左各傳媒推介嘅蔥花蛋腸粉，見十幾蚊唔好意思，再叫多個黃沙蜆肉粥。個腸粉15蚊好大份，鼓酒甜醬芝麻醬任落，夾起腸粉好軟好滑。黃沙蜆肉粥，好多料，有好多肉丸同蜆肉，食落冇乜味精味。咁熱天氣，食哂成碗，不過腸粉食淨啲因為真係太大份啦～下次一定再試埋有配料嘅腸粉。

在 Openrice Macau 找到這間小舖, 蔥花蛋腸美麗的色澤絕對 eye catching。剛好今次酒店在十六浦對面, 退房後向沙梨頭方向走, 很快便到。舖頭面積不大, 賣的不是花巧的裝修, 是食物的味道。叫來蔥花蛋腸, 看到店主利落的手勢, 是食味以外的另一種享受。蔥花蛋腸口感較香港腸粉較軟較黏, 蛋味亦不算濃, 但色澤鮮明亮麗, 加上醬料, 滑進喉頭, thumbs up! 再試粟米魚滑腸, 餡料不算多, 魚味亦不算濃, 但主角是腸粉本身, 亦不會計較太多。粥品我們叫了鮮牛肉粥及豬骨粥, 兩者之間較推薦豬骨粥, 粥底有一種香味。以後再住十六浦那區一定會再訪。

今次黎澳門，純粹係為左食一黎到就先去食個腸粉先！之前都未黎過架，係見有幾個朋友介紹，就黎試一試啦！地點都算易揾，喺十六浦附近。舖頭唔大，只係有兩三張枱。我地一黎到，就叫左個葱花雞蛋腸粉，係我地今次嘅其中一項必食食品。老闆現場即做，先落個腸粉漿，蒸一陣，再加蛋同葱花落去，蒸多一陣就可以卷喇！完成品！薄薄嘅蛋同腸粉交疊住，賣相不錯。先試下個原味先，個腸粉真係幾滑，又有葱嘅香氣，不過蛋嘅香同味道唔係好突出。食腸粉通常都要整色整水，加d豉油，加埋麻醬同甜醬，個麻醬都幾香。依間腸粉店原來仲有賣烤鴨架，下次叫多幾個人一齊黎試下先！

喺不同社交網站都見到有介紹倫記蔥花蛋腸粉，所以今次嚟講澳門嘅第一站就食個腸粉做早餐！話就話早餐，但其實我哋差不多12點先去到。由氹仔落船，直接坐26號巴士，落車行2分鐘已經到，非常方便。門口一d都唔起眼，唔細心留意好易行過龍。由於係閒日，又係中午時份，直接行入去就有位坐。腸粉係即叫即製。製作過程可以好清楚見到。見到老闆先喺蒸爐舖上一塊布，再加入預先調好嘅腸粉漿，蓋上蓋子。隔一陣，開蓋加入已打發好嘅蛋液同蔥花，又蒸一陣。話咁快新鮮熱辣嘅布拉腸粉就出爐一開始，完全無落任何醬料，一心想試下腸粉的原味道。腸粉的確好滑，好軟綿綿，滑嫩嘅程度係平時酒樓嘅腸粉無得比。不過腸粉本身比較淡，而且蛋味略嫌不夠，基本上食唔出有蛋味。所以食完一啖之後都立即加翻䜴油甜醬麻醬。醬料絶對是腸粉的靈魂！加咗之後味道即時level up! 今次慕名而來食呢個腸粉可以話不過不失，腸粉係好滑，不過若果蛋味再加強，會更好！

※本文以用餐當日的環境、服務和食物質素為準，口味亦因人而異，文章只作參考之用。-2018年第一個美食遊就近近地揀左澳門，密密食既澳門一日遊，可惜咁岩遇到大霧同落雨，真係唔好彩！由落船開始不停落住雨，不停要開遮真是煩死了！第一站揀左近來網上大熱的「倫記軟滑腸粉」，由於揀左氹仔落船，坐的士過去都用左成$90。去到門口見到落半閘，心裡一沈，唔係咁黑仔呱...剛好老闆的女兒出黎話準備去送外賣，老闆出黎見到我地就話整埋比我地食先，老闆你太好人了吧，很感激！剛好有兩個內用位置，可以坐入去堂食。「倫記」以即拉即製既腸粉而出名的，有香港較常見既「叉燒腸」、「豬潤腸」和「牛肉腸」等；不過最出名莫過於較少見的「蔥花雞蛋腸」，大部分腸粉都係廿幾蚊，另外仲有小食同粥品等。一路睇住老闆手法純熟咁用米漿整腸粉，倒米漿後蒸一蒸，再倒雞蛋加蔥花蒸一蒸；老闆仲唔介意拎起比我地影（笑），三兩下手勢好快就完成一碟。另外仲叫左碟魚滑粟米腸同炸雲吞。終於有得食，醬料都係任加的，醬控一定好開心!蔥花雞蛋腸粉 $27加左雞蛋既腸粉雖然蛋味唔重，不過個腸粉真心滑又唔黏，唔會一夾就散，加埋大量豉油、甜醬同麻醬，好快就滑晒落肚。呢種地道

店內均是即點即製的布拉腸粉，不同的是腸粉的內餡。老闆倒下米漿，合上蓋蒸數分鐘，之後加上配料。腸粉是卷了足足4層，再切成小塊。老闆純熟的技巧，7、8分鐘已製出兩盒腸粉。腸粉夠透、夠軟，帶少許黏黏口感，跟平時水溝淡而無味的米漿差天共地。蔥花蛋加腸粉這配搭實在太完美，使腸粉更滑溜，入口順滑。牛腸選用免治牛肉，相對下牛腸較黏口，配上醬汁有點滯。醬料可自行加，有豉油、麻醬、甜醬。豉油偏油，倒下可看到一層層油浮在表面，更濕潤著腸粉。甜醬像燒烤醬般，甜甜酸酸，跟腸粉出奇的夾。店子位處舊區，店內裝潢簡單，仍保留上世紀的模樣。環境一定不如連鎖店的裝潢時尚、新淨，不過尚算整潔。

小妹帶大家黎到澳門【倫記軟滑腸粉】比較特別的蔥花雞蛋腸，別看小店簡陋，是很多人捧場的。 店內不大，堂食的話，只有2張小檯，多數都是外賣自取。  小店還有其他拉布腸款式有牛肉、叉燒、蔥花蝦米等等 還有澳門第一鴨粥是比較出名，不過要早一天預定，只好下一次再試。  小妹點完了才知道可以另外加豬肉，你喜歡材料入去腸粉。 腸粉都是即叫即整的，所以需要時間等候。  剛蒸好的蔥花雞蛋腸，整個過程都可以看著老闆娘制作。  用二隻雞蛋絕對足料  其實也挺大份的  蔥花雞蛋腸MOP$27 賣相非常開胃，整條腸粉都鮮黃色，腸粉質地嫩滑夾起時都唔會夾散 蛋沒有過老加上蔥花更加清香。 下一次會加埋豬肉碎，口感應該更豐富。 ———————————————— 餐廳名字:【倫記軟滑腸粉】 地址：沙梨頭沙欄仔街26號泉彩樓地下B號舖 電話：2895 6563 營業時間:07:00-01:00