大良李禧記崩沙

营业中

休息中

After a rather full dinner in a nearby street, this time our metabolism concentrated on digesting the many noodles bowls we just ate and since we were pacing ourselves, we finally noticed that here they sell Shunde regional style Buffalo Milk dishes, after walking right past it for the nth time. A lot of original Cantonese Shunde milk dishes and desserts are made from real Buffalo milk but it cannot be found on Hong Kong side, perhaps due to logistic problems. The buffalo milk dessert

這間家庭式經營的薑汁撞奶、順德大良牛奶、自製薑片、陳皮和心形杏仁餅，只有這一家。亦見證著三代同堂在這間店鋪的生活。這份情已很難在香港找到。薑汁撞奶mop18; 自製薑片mop15; 陳皮mop20; 心形杏仁餅mop38/box/12塊。晚上九時打烊。

翻開旅遊書，才得知十月初五日街這條街名，既不中又不西，當真有趣。當然可通稱為十月初五街，但正確名字應為十月初五日街。香港有一套陳年電視劇，叫「十月初五的月光」，我當年沒看，所以不大清楚是故意還是有錯，但我也覺得「十月初五的月光」，來得順口有意境。這一間位於十月初五日街的大良李禧記崩沙，沿十月初五日街一直行，就會見到一個「奶」字的燈箱，十分易認。除了跟名字一樣賣崩沙外，還有賣撞奶。崩沙興趣不大，今次來，為的是一碗撞奶。從店裡招牌估計，「崩沙」正寫應為「虫崩虫少」，但看來這個字實在係又打唔到又無人識，還是叫回崩沙算了。店子只有一位婆婆，人流不多，和一街之隔的新馬路可說是有強烈對比。在門口有一車仔，就是「廚房」，奶都是有order才在這裡即撞，新鮮程度可想而知。就連薑汁都即磨，等多一點時間絕對值得。等了約十分鐘，薑汁撞奶 (MOP$18) 來了。暖暖的撞奶杰得黎厚身，薑味好夠，飲落新鮮，不枉特地行過來吃。雖然要MOP$18，但絕對物有所值。非常喜歡這裡的環境，和婆婆的態度，能自力更生更值得人敬佩。來澳門放假就是要這樣relax，香港實在是太繁忙，下次再來澳門也絕對會黎幫襯的。

去完大龍鳳茶樓，無幾遠就見到大良李禧記。朋友見到婆婆門口擺晒檔，好似用水牛奶即整薑汁撞奶同雙皮燉奶；香港幾何見到即席示範，於是分別柯打每樣一碗分食，攞張膠凳坐喺舖頭入面慢慢食。薑汁撞奶--婆婆好有心機煮水牛奶，用個碗先倒薑汁，再搵熱奶撞。第一次食水牛奶感覺好滑，奶中帶有薑汁既清香，落口非常暖胃。雙皮燉奶--婆婆一邊煮水牛奶，另一邊喺雪櫃攞盒預製雙皮奶出嚟，拎去微波爐翻「叮」，真係令我大感意外。不過，食落依然滑溜，夠晒奶香。呢間舖既大良崩沙同樣出名，仲有瓶裝大良牛乳，鐘意食既可以當手信買返香港。

食完"義順"之後去買手信. 點之經過見到呢間有薑汁撞奶再食多一碗. 真係比 "義順" 好 幾百倍. 至少即時撞, 夠熱又多薑汁. "義順" 那碗不冷不熱. 最怕呢d.

老遠行來買了蹦砂龍耳，都算叫鬆脆，但很油很油啊！如果佢少d油就好好多喇，因為油，不可能食得多，一件夠晒數還買了一樽水牛奶皮，想試下係唔係在鳳城食粥果種風味，下次食完再上黎報告，呵呵

26-12-2009一直想試試呢度的雙皮奶, 食完牛什後又拉了朋友過來試試. Menu 上又燉奶又撞奶又燉蛋, 原本想燉奶燉蛋各一, 點知阿姐話無燉蛋供應, 唯有叫兩碗熱雙皮奶 ($15 each) 吧.Order 後無耐, 店後竟然傳出 "doot doot" 聲, 正奇怪發生咩事, 朋友一言驚醒夢中人 --「微波爐」 跟住就見到我哋嗰兩碗冚了蓋, 蓋內又勁多「倒汗水」的熱雙皮奶「新鮮出爐」... 天呀! 而食落又如何?我嗰碗(可幸)由外熱到內, 面頭有點皺皮, 食落都幾滑溜, 奶香都幾夠, 一定唔算出色或非吃不可, 係「都幾好食吖」的感覺而已.朋友嗰碗則面頭夠熱, 但食了一啖就出事 -- 中間係凍的 奶香都有的, 但我叫熱你用微波爐叮出個唔凍唔熱嘅俾我哋 , 唔係仲俾笑面呀嘛?後會無期 下次還是死 stick to 保健 (http://www.openrice.com/restaurant/commentdetail.htm?commentid=1977288) 好了.

我地食完「六記」之後，沿著下環，再轉入十月初五街一直往前走，途中大汗叠細汗(我最慘，著咗恤衫西褲，差啲溶咗)，终於嚟到我地食飯後甜品嘅目的地 - 「大良李禧記」食焞奶。聽朋友講呢度嘅薑汁撞奶是十分出名嘅。(註：到澳門搵食嘅朋友要留意，到舊區搵食最緊要就係要抵得熱，雖則澳門食肆都裝有冷氣，但唔好以為好似香港咁勁，行到身水身汗，入到裡面唔係一時三刻可以「冷卻」落嚟)由於朋友食過「薑汁撞奶」，佢今次轉食「凍雙皮奶」。「凍雙皮奶」份量唔係好多，我朋友仲講笑咁講，「雙皮奶」話明係雙，係咪分開兩盒嚟裝。另一方面，老闆娘攞咗幾舊薑去榨汁，同奶撞埋一齊，誰也搶不了誰嘅風頭，既有牛奶嘅香滑味，入口仲有一股薑嘅鮮辣，幾醒神可口，與馳名嘅「義順牛奶」可謂不相伯仲。雖然食到汗流挾背，但再有得選擇嘅話，我仍然會唔理汗水，到呢度食佢嘅「薑汁撞奶」。食飽之後，友人提出挑戰，提議再到令一間甜品店食多轉，我無懼挑戰，踏上征途。

末前來大良李禧記崩沙之前, 只是從澳門的旅遊天書才知道有此店的存在. 書中除了介紹燉蛋和雙皮奶外,還推介一些手信,如專誠由大良運來的崩沙、姜汁噹噹糖、南乳花生、大良牛乳及自製杏仁餅等手信. 對於旅遊天書的推介,我只抱著半信半疑的態度,於天上網搜尋有關「大良李禧記崩沙」的資料,發現背景很不簡單 .以下這段關於李禧記的歷史簡介是從互聯網上轉載以來:"具有170多年歷史的順德老字號———大良「李禧記」崩砂以其獨特的色香味而聞名於世。這一由麵粉拌和豬油、南乳、白糖等配料製成的傳統食品，形似金黃色蝴蝶，當地俗稱為「崩砂」（順德稱蝴蝶為「崩砂」），始創於清乾隆年間順德縣城東門外的「成記」老鋪，初為脆硬薄片，後經「李禧記」潛心研究改進，風味甘香酥化，鹹甜適度，品種有蚝油、蝦蓉、欖仁、南乳等，如今遊客嘗到的多為南乳崩砂。據瞭解，雖然崩砂只是一種不起眼的小吃，但如今已成為當地人飲食文化中一個永不磨滅的亮點，而到順德吃崩砂，很多人會毫不猶豫地首選「李禧記」。" 就是以上這一段簡介,促使我這一次到澳門遊決定前來這兒買手信及順道品嚐他們第四代傳人炮製的雙皮奶到達李禧記門外,真難想像此店是一間百年老店,門面看來

極力推介此店o既薑汁撞奶！用真正水牛奶造，老板娘話係每日新鮮由大陸運D水牛奶落o黎ge~~店舖其實只有一張for堂食o既摺檯 & 幾張膠櫈你order，老板娘就即席整俾你成個製作過程你可以親眼目睹(兼偷師)!!!做出o黎o既薑汁撞奶好香濃，口感像奶糊~~老板娘都幾好相與ga~~~but....就比較孤寒....(碗撞奶倒滿DD都唔肯)！