祥記麵家

营业中

休息中

依間祥記麵家差唔多次次黎澳門都有食每次都必食依個「薑葱蝦籽撈麵」$35因為真係好好味都好夠蝦籽同薑葱不過真係純粹過下口癮因為份量唔多，四啖都食完（小妹可能口大😂）除左個薑葱蝦籽撈麵之外每次黎到都仲會食埋依個「薑葱灼魚皮」$18不過今次比之前差左了之前食的比較爽，今次食係「淋」而且係暖既反而覺得太子果間百利火鍋個魚皮好味啲玻璃樽裝大可樂宜家係街上真係買少見少大可樂$10，細可樂$8兩蚊之差，你地會點揀？.

Though its name may seem exotic, this is in fact a traditional Chinese noodle restaurant located in the old district in Macau, on the famous street for souvenirs. The restaurant specializes in the noodle made using the bamboo rod with the chef sitting on to repeatedly swing up and down to knead the dough, to get the dough to the right texture and chewiness.We ordered a braised pig knuckle and deep-fried fish ball as appetizer. The knuckle was braised sufficiently to allow the skin to easily peel

澳門祥記出名蝦籽無人不識、未食過不算到過澳門。今日落著滂沱大雨、無懼。。。！蝦籽撈麵上枱已聞到陣陣蝦籽香氣、隨即拌勻蝦籽和麵。麵質爽口有靱性、疍味香濃。　蝦籽的鹹香滲入麵中、確係平民的珍品。炸雲吞、炸綾魚球雙併雲吞入口咔咔聲、鬆脆可口、沒帶點油膩感、醮少許甜酸汁更加好味。綾魚球比較實、魚味欠奉、失望！桑寄生蛋茶清淡的茶味、不會過甜。蛋隻完全充滿茶香。

見人氣食店, 又近景點同手信位附近, 經過剛好有客人食完, 就立即上前入座.茶記麵檔風味, 坐卡位叫左支大可樂, 好耐冇飲玻璃樽裝可樂, 雪得夠凍夠氣.招牌薑蔥蝦子麵 ($35):個細碟份量比較細, 一人食都唔夠飽肚. 蝦子唔算好多, 而且都不太鹹香.勝在個麵冇鹼水味, 而且又加左豉油都夠味. 不過就唔彈牙, 只係有點咬勁.加左薑蔥更加香口惹味.香酥吞球 - 炸金沙鯪魚球拼炸雲吞($42) :2個人又想一次試多D, 呢個香酥吞球都幾岩我地.有炸金沙鯪魚球唔係好大粒, 外層米條炸得脆口, 鯪魚球肉質彈牙又夠味, 點埋蜆介醬更提鮮.而炸雲吞好夠皮薄香脆, 但太油膩, 炸得唔夠透, 餡料都比較少.桑寄生蛋茶 ($17) :估唔到麵檔有涼茶鋪糖水食, 就係桑寄生蛋茶, 而且仲俾埋叉方便食隻蛋.桑寄生茶好濃好夠味, 真材實料. 連隻蛋都一樣甘入味, 而且唔過甜. 食完麵唔夠飽, 整返個麵後糖水一流.

澳門之行第二天，第N次遊覽議事亭前地及大三巴牌坊。雖然，每次來澳門例必到此一遊，實在有點沉悶，但上一次來遊此地已經是威尼斯人賭場第一期開業，今次一遊最大的分別是：第一，這一帶已經成了世界文化遺產；第二，遊客極多，比假日的銅鑼灣或旺角西洋菜街更加擠迫。走了一圈，横過新馬路走到後街的福隆新街一帶，又經過了【祥記麵家】。雖然已經過了早餐時段，又未到午飯時間，但麵店已經擠滿了人。即使我們已吃過早餐，但既然來到澳門，實在很想再次品嚐【祥記】的蝦子撈麵，就當作是小食吧！即使【祥記】已經連續幾年登上了《香港澳門米芝蓮指南》的「車胎人美食推介」，但店東及伙計好像沒事情一樣，既沒有刻意宣傳，舖內更一張米芝蓮相關的海報、標貼都沒有，反而在門口玻璃上貼了幾張發黄的報章雜誌訪問、陳舊的招牌美食照片、及旅遊網站 tripadvisor 的推介貼紙。對上一次幫襯【祥記】，已經是八年多前的事情了，這次重臨，整間店舖內外依舊，完全沒有任何重新裝修或翻新，相信店舖仍然維持30多、40年前在這裡開業時候的模樣。店舖面積細小、座位擠迫、裝修基本簡樸，活脱就是一間非常老式格局的麵家。環顧現今香港，仍然維持這種格局、又薄有名氣

年紀大，新年總想避年，於是與友人相約初一初二到澳門玩，住吓靚酒店，食吓翅食吓蝦子麵。我嫌議事亭黃枝記人多，提議行多幾步食祥記，到步都唔少人呀，上次嚟就記得店裡好細，今日人多，檯檯都坐爆晒，感覺更細，好彩我哋早到一步，攞到個卡位，唔使搭檯。但一坐低，發覺要「加二」囉，咁話晒過年，一場嚟到，唔通唔食咩，新年在香港飲茶都要「加二」、「加三」啦。我哋點咗蝦子撈麵、牛筋撈麵，和金沙炸鯪魚球。點講呢，味道是一如以往好，鯪魚球是即炸，味鮮，而且熱到辣嘴，好正。但講真32蚊一個撈麵，得一個麵餅，真係好貴囉，在香港食個撈麵或者要36蚊以上，但大碟好多，係食到飽，或者價錢貴、份量少，才突顯到名店身價吧~麵已經少，四條牛筋仲幼尾尾（你可以話襯番個麵），真係唔足料囉，但牛筋又稔又滑，又冇咩好投訴。朋友叫咗支樽裝可樂，我飲維他奶，維他奶樽裝上，在香港樽裝熱維他奶飲得多，樽裝凍維他奶未飲過，它比紙包裝杰身少少，但好好飲。這餐，因為這支凍維他奶而滿足~臨走我仲想買多一樽蝦子帶返香港撈麵食，但居然賣到110蚊，貴過年幾之前來廿幾蚊，好乸脷，最終放棄~

今年新年去澳門兩日一夜去Studio city玩同住一晚。第二日中午想揾local 嘢食，所以來呢度食個竹昇麵。 今次第二次來了。我地點咗招牌蝦子撈麵，豬手麵同炸雲吞，加兩支大可樂。 豬手麵- 個舊豬手size 比較細，咬落口感比較多筋，豬手塊皮有點硬唔夠腍，唔係我最鐘意食嗰啲又腍又滑嘅豬手皮。成舊嘢食落去似食啲爽筋多過似豬手，而且唔係太入味，失望。好在仲有靚麵底，唔係扣哂分。 蝦子撈麵-果然招牌！本來我無諗住食，驚會太鹹。點知我見Mr A 撈起時聞到陣陣蝦香味，佢個樣又食到津津有味咁，我就試食咗一啖。噢！啲麵當然都係爽又彈牙，撈起啲薑蔥加蝦子嘅鮮鹹香超好味，完全無我之前擔心過鹹嘅問題，味道鮮鹹度perfect! 唯一要彈嘅係太細碟。所以我地又encore咗 一碟！ 炸雲吞- 諗住叫個小食送下麵，點知咁鬼好味！ 個皮超級鬆化呀！唔似啲酒家點心炸到硬脆嗰種，入口鬆化感係好有層次的。雖然入面嘅蝦細細地，但都算OK彈牙。下次再來澳門我會再來食返呢個炸雲吞

必須要聲明，祥記的雲吞麵水餃麵吃入口是可以的，但無論如何也不是可口。麵是蛋麵，一點也不爽一點也不彈牙，湯似麵水，沒啥味。雲吞是傳統細細粒的，餡就真不成，吃在口中，無法辯識是蝦是豬肉，惟水餃有點大地魚味，聊作安慰。這碗麵似我讀書時窮燶了，把冰箱僅餘的幾粒超級市場急凍雲吞滾個不知名的麵。我從來不信米芝蓮，但這次也忍不住要問，你究竟推介祥記什麼呢？

祥記麵家 呢間麵店在澳門都幾出名， 我哋去到人唔多，不過佢無大枱，婆婆店員好好咁叫我哋將中央圓枱拍埋旁邊卡位，等我哋7人可以一齊坐，人多叫食物可以好爽！ 柱侯牛筋（$38）牛筋炆得太淋！已經無彈性，柱候汁唔香，已經煮到啞色！一般！ 豉椒鳳爪（$38）好似酒樓豉椒鳳爪，改用碟上！可惜又係太淋！連咬口都無，無彈性！一般！ 招牌蝦子撈麵（$30）蝦子幾香！但竹昇麵有咬口但唔夠爽，比較粉，豉油汁鹹香！ 薑蔥蝦子撈麵（$30）蝦子幾香！加了薑蔥，味道層次豐富咗，無咁寡！ 白灼鯪魚球（$38）唔係我哋叫，佢上錯咗，點知我哋小朋友唔知夾咗，佢話我哋夾過唔肯收番，焗食，鯪魚味濃但唔彈！一般！無炸嘅咁好味！江南豬手（$38）我朋友好鍾意，炆得入味，豬手皮彈牙，好味！ 水餃麵（$26）水餃比較笨重，材料足，木耳爽口，豬肉蝦肉幾爽！麵一樣唔夠爽！ 雲吞麵（$26）雲吞爽口，唔會好大粒，一啖一粒！豬肉蝦仁爽口！湯底濃香！酥脆吞球：好香脆，好味！ 支裝汽水：用傳統大水冷雪櫃，夠冰凍夠汽！食物其實一般，價錢唔平！店員勤快，有時粗豪，有時又幾細心，小店風情！唔好太計較就好！至少無名店嘅氣焰！

翻桌很快, 食完10-15分鐘食客也知趣很快結帳離去。水餃麵, 麵一點都不爽彈更是糊口的.....個湯喝一口超鹹已不敢再喂了, 仲有食完不久已很口渴,對味道極度感敏的我, 也沒試過一出店就有口渴徵狀。水餃包的似糊的東西加木耳絲，估是把豬肉加水打到糊，沒口感根本不用嘴嚼，很怪里怪氣與香港食到飽滿餡料實在的差很大炸鯪魚球, ONE BITE SIZE, 一碟40元8粒,外層包了米粉碎再炸, 不再炸一口油就濺出成嘴邊都是油,不過米粉外層確是令到鯪魚球多了粉香脆, 但沒特別之處,原本朋友叫的一定要蘸那蜆蚧醬, 但水餃麵的湯已又多味精及鹹,不想吃後對身體有負擔就沒試了。每人本身可吃兩粒,但油膩吃了一粒已放棄不慾把第2粒送入口。蝦子撈麵應該比較正常吧, 但我沒試到 本身仲有生菜, 不過好油........

澳門真係好細，一行四人行到無野好行，0係福隆新街影完相就去去祥記食蝦子面。澳門近年食野，加價加得好西利，4個人食面都食到300蚊，遊客生意，一次半次豪比佢啦。MENU 細細個面30蚊，同香港有得輝蝦子面一人一份蝦子面，中間最遠一碟係魚皮，好厚好好味，食左會變靚女炆豬手豬手炆到好焾好入味，必點推介！炸雲吞＋炸鯪魚球點蜆介醬，一流！灼鯪魚球太清淡，普普通通桑寄生蛋茶好少地方有得飲，好夠味

每次有朋友問我「澳門有什麼必食餐廳」，我也會毫不猶豫地答「祥記麵家」！記得第一次來澳門的時候是十年前，那時候只會跟著大人走來走去，或是和身邊同齡朋友玩，對於自己人在何處、吃過什麼完全沒有印象，而祥記麵家則是唯一一個讓我印象深印的地方。因為很好吃？不，小時候吃東西都是隨便吃，更何況十多年前的味道怎麼可能記得。其實只是由於當時在店裡不小心打翻碗碟，將麵條、汁湯弄得到處都是，所以留下童年陰影，一直記在現在。自從那次之後，也有一段長時間沒有去澳門，上一次去已經是兩年前。時隔多年，再訪祥記麵家後深深被其吸引，其一是它的竹昇麵令人一試難忘，其二是順便回想小時候對澳門的唯一印象。祥記麵家位於福隆新街，在民政總署大樓後方。比起幾年前有加價，不過價格還算合理。晚上12點來吃宵夜，店裡幾乎沒人，白天的時候可是要大排長龍！竹昇麵是使用竹竿壓製的麵條，師傅坐在竹昇的一端，重複用力下壓竹昇另一端的麵團，壓薄後再切成麵條。店面牆身貼上大量有關祥記的報導，很多名人也是大推這家的蝦子撈麵。小小的廚房就在門口位置，可以看到煮麵條的過程。先來一碟豬手撈麵，豬手炆得相當入味，鹹淡適中，而且豬手口感軟綿綿，每一口都是豐富的骨

是次3日2夜澳門之旅，食完晏，游完水，返酒店沖完涼後再出去到處揾食，本身住氹仔，搭車過新馬路，再行入福隆新街，約晚上8點，經過祥記，居然一個客人都無，即刻飛身入去，點了招牌蝦子撈麵($30)及金沙炸鯪魚球併炸雲呑($40)。招牌蝦子(應該係用籽，不過我跟餐牌)撈麵，因為無客關係，所以淥麵只係淥一個竹昇麵，如果平時多人，就會幾個麵餅一齊淥，就係咁會水準差啲，所以我通常會揀閒日下晝3至6、晚上11時後就無咁多人先去，今次應該水準不錯，竹昇麵鋪滿蝦子，可聞到鹹香，麵條煙韌彈牙，豬油令麵質更爽，美中不足是仍有少少鹼水味，但以$30而言，仲想點？金沙炸鯪魚球併炸雲呑，金沙：即係用米通包住鯪魚球一齊炸，令到食落口更香口、更有質感，米通夠鬆化，鯪魚球是足料但偏鹹，不過味道是不差的；炸雲呑，餡料比較少，但清楚可食到蝦肉同豬肉，驚喜是雲呑皮鬆化脆口，有少少似蛋散，不錯。進食期間，店內由我一人而變成9成爆滿，真係#人滿之患，蝦子撈麵當然是客人首選，亦見麵檔將幾個麵餅一齊淥後分開放上4-5碟上......而相信包括廚房炸物一樣，質素一定無咁好，所以見到無人.....要即入......

話說有人盛讚澳門既祥記麵家既蝦籽麵,咁就去試下啦.去到真係不得了,超多人排隊,攪到我大熱天時排左半粒鐘.事先聲明,我本身唔係特別鐘意蝦籽麵.但係呢度既出品真係完全唔知想點,我呢個係薑蔥蝦籽雲吞撈麵$38.雖即是招牌,但係蝦籽落得好少,而且又唔香.豉油又唔好味,落薑蔥都無用.雲吞又唔爽又唔鮮,皮又唔夠薄.通常食撈麵都會有碗湯,佢地又無.乾爭爭,完全唔想食哂佢.小食魚球拼雲吞,唔足料又油膩,蜆芥都衰過人.加上地方又DIRTY,見到坐係卡位既客人遇上小強,真係無言了.我受夠了,有無人有好推介?

黎到情人節過黎macau la點知1樣咁多人不過無阻我再食魚皮既意欲當然都有叫埋蝦子撈la.不過我覺得太咸la...食完勁口喝主角 : 魚皮仍然有高水準好鬼正不過1定要趁熱即刻食如果凍d 就蔥味太多ga la小店經營, 當然無乜好好service不過希望keep 到d 野食水準la~