群芳 (已結業)

群芳一向都深得食客歡迎，食物款式多不在講，現時更做著「心品東北美饌」的主題，餐廳特地從東北三省請來了當地廚師製作東北菜式。 先來點東北大拉皮，感覺有點像滬菜的粉皮，不過就較粗糙；再拿來蔬菜拼盤，蘸上東北黃豆醬及東北辣椒醬，食得清新又健康。 其實東北菜真的少接觸，不過一些馳名的菜式也都見其蹤影，好像小雞燉蘑菇、肉丸海帶燉凍豆腐及東北酸菜燉白肉等等，這些燉菜做得真的不錯，深深感受到東北菜的濃厚韻味。 另外，也少不了極具鑊氣的小炒如木樨肉、京蔥炒兔子肉、香炒花蟹及東北地三鮮等等多款小菜，配合北方人喜歡麵點的習慣，以東北燒餅、餃子及酸湯牛肉麵配來吃，真是一絕。 除此之外，更特別設有燒烤攤檔，不斷製作具有東北風味的串燒，當中更有小芋、淮山及鹿肉等，正好與來自海洋的蒸鮑魚及青口互相輝映。同場更有不可錯過的燜海參木耳小米飯，好吃得差點兒乾了兩大碗。 基本上吃一遍東北美饌已捧著肚子了，依然還有很多美食沒有吃到，特別是新鮮即開的生蠔、凍海鮮、壽司刺生及燒牛肉等等。 大家飲飽食醉後，意興未盡下來到Macallan Bar暢飲一番。

系 Hopetrip 買左 1:45 pm 嗰段時間嘅 自助午餐，可以星期一嘅關係，1:40左右已經安排我們入座。凍蝦及青口，大大隻又新鮮。炒麵就一夾即散，可能是擺放時間太耐引致淋曬。义燒包放在蒸籠內，但完全吾熱。鹵豬手炇得剛好，入味得黎個皮仍有少少彈性。即灼刀削麵肥嘟嘟有趙頭，加配肉燥粒、炸菜及筍絲，食完一碗要再追加。燒豬腩肉帶點肥膏，好香口。香橙、青檸雪皅比較少見，青檸酸咪咪好醒胃。自助飲品取了可樂加了檸檬，變為凍檸樂，可能是因為食物太味濃的關係，所以飲了3杯。主要是中式餸菜，沒有太多西式食物，估計因為要就價位的關係。

去澳門緊係要搵間餐廳食自助餐，今次揀咗銀河嘅群芳。 喺網上買咗佢嘅餐券，成人一位300蚊， 而老人家只需要160蚊已經食到， 所以即刻帶阿媽去試下先。餐廳食物區好大， 座位都算寬敞， 出去巡下有咩食先 ，食物種類都算多， 一般刺身，生蠔，長腳蟹呢啲凍海鮮都有， 熱盤都有啲海鮮好似瀨尿蝦，焗扇貝，又有火雞，燒味, 大蝦球，即淥粉麵等等，湯就有南瓜湯， 佛跳牆 。甜品唔知係咪因為仲係11月南瓜當造，以南瓜為主題，我就覺得麻麻地，好彩都仲有其他嘅蛋糕。雪糕應該係自家製嘅，飲品都有好多選擇。如果10個讚滿分，我會俾佢7個讚好， 首先食啲凍海鮮先，生蠔普普通通，較細隻，無肉地，好彩仲有少少鮮味。長腳蟹就差啲，無味的凍蝦都ok,肉質都爽三文魚都新鮮有鮮味跟住食佢啲熱盤， 蒜蓉蒸扇貝非常好味，有粉絲墊底，粉絲吸哂啲蒜蓉味，good。 扇貝 肉質鮮嫩，正。另外牛仔骨都好味，佢燒到有少少焦，好香口。南瓜湯可以唔飲，因為太淡太稀，冇乜南瓜味。反而佛跳牆就一定要試， 每盅都有隻鮑魚仔，花膠，竹笙， 好足料，味道清清地，我都飲左兩盅。之後就食甜品，細細個嗰啲檸檬撻，焦糖 撻，好好味。 檸檬撻酸酸地，好開胃，

都有一排沒有來過澳門了，澳門酒店的自助餐可是花多眼亂，價錢亦有差距，是次特別在網上預定了群芳自助餐，因覺得以五星酒店來說，這自助餐價錢較實惠。已是第二次來到群芳，對上一次來已是二年前的事了。這裡位處銀河酒店的購物區內，算是中價自助餐，晚餐分為兩節，17:30~20:00，20:30~22:30，我們就選了前者，於網上某旅遊網預定，自助餐加來回船飛$665，算是實惠。除了基本自助餐的食物外，亦有任食即開生蠔。師傅會即洗即開生蠔，每人每次限取三隻。生蠔偏細隻，新鮮度中規中距，覺得部分不太新鮮，如開六合彩般，看看開中那隻是如何啦。壽司刺身新鮮度較高，特別喜歡三文魚刺身，也算是肥美，不過八爪魚刺身就略有雪味，味道偏淡。而壽司選擇以卷物居多。小妹就較喜歡這盅佛跳牆，都幾足料，而且熱騰騰兼味道濃。每次一出爐，個個都即去排隊取，正所謂手快有手慢無，所以要留意囉。另值得一吃就是這即煎鵝肝多士，師傅在場即煎鵝肝，以保持入口熱騰騰，香脆之感。每人每次限取一份，鵝肝雖沒有入口即溶驚喜的感覺，但尚算外脆內軟，欣賞的是熱騰騰，入口滿腔油潤，加上配以多士，吃落特別匹配且可吸收過膩之感。這個帶子也值得吃之一，也是即

在網上看到港人最愛的澳門自助餐，加上朋友生日便來試一下，環境很大，坐位不錯，但款式選擇不多，有龍蝦生蠔，還好。另外，比較多人排的是鵝肝，輪候時間比較長，熟食味道不錯，尤其是燒味部，推薦燒乳豬！

為左慶祝朋友生日，去左澳門銀河酒店食自助晚餐，價錢中上，選擇都多，熱盤質素較冷盤高，海鮮魚生不太新鮮，甜品方面似乎做緊榴連主題，雪糕雪巴也很好食，只是榴連不太適合我，整體質素不錯哦

原本中午後時間想去官也街行下街食下野，好死唔死比我行過呢間野因為未嚟澳門前都上fb澳門網睇的人評價邊間最好食最多野食系銀河行行下見到群芳，就話比令一半知，的人話最好同最多野食系呢間，咁令一半話行去睇下，睇到*會員*系300買一送一，咁8掛想知有咩食，問服務生我地行入去睇下有咩食先，行完都ok多野食，就行返出去問，點先做到會員，佢話好簡單，去出面服務台到申報就得（免費的）立即去開卡開始入場，開餐冷盤蝦，青口，蜆，三文魚刺身壽司-但麻麻地沙律吧幾種芝士+餅乾，火腿熱食印度薄餅+好幾種咖喱汁（但的汗唔好食）燒味部：叉燒、雞、鴨（冇食過唔知味道）牛肉（乾身左的）炒飯、炒面、菜、西芹唔知炒咩肉（唔記得）手打面，整好既面（識食緊系手打啦），的醬汁好食，芝麻辣椒油勁正白飯，白粥，雞粥糯米雞，奶皇包湯：南瓜湯，粉葛赤小豆生果菠蘿、橙、西瓜、紅毛丹野飲都有幾種，奶茶咖啡一定有要改變既地方，因4:30close要準備下一轉（晚市），我食完走人，行一轉壽司區，見到師父整緊壽司的飯，咁岩佢打左二個乞痴，佢系有小小姐住，但噴唔噴到的飯我唔咁講，應該要帶返個口罩（會衛生的）整體感覺良好，都坐得幾舒服

今次到澳門玩，選擇了入住銀河酒店，套票雖然沒有包含早餐，但係聽說群芳的自助餐好有名，便來試一試。建議大家可先申請銀河優越會(免費的)，出示優越卡，會享有9折架。餐廳環境頗大，餐位都好多，可以容納很多食客。環境開陽，有落底玻璃，不怕曬可以選擇窗口位，欣賞室外風景。首先我試左麵包區。有普通方包或者麥包自己烘，仲有多種果醬、牛油、花生醬同芝士。唔鐘意方包咁齋，可以食其他麵包，餐廳有提供牛角包、提子酥等。早餐穀物有3種，分別係脆米、蜜糖圈圈同纖維條，有全脂奶或脫脂奶選擇，不過d奶唔夠凍，所以榖物早餐浸兩浸就林晒，而且無提供豆漿，對於不喝牛奶既朋友好似我咁，就不是太方便。早餐當然要有蛋，呢度可以煎太陽蛋，或者請師傅整俺烈，可以加芝士同洋蔥，超級滋味。早餐都有水果提供，例如哈密瓜、提子，竟然仲有紅毛丹，雖然不是好大粒，但係都幾甜，仲有無限refill，可以食多幾粒。最後我自己最鐘意就係有原杯乳酪，有原味、波蘿等味道，我自己就食左2杯啦。餐廳由730開始，食到1030，我食左2日，都係930後先去，所以不知道再早D是否有更多食物選擇。

上次食咗永利皇宮, 感覺良好, 今次跟屋邨旅行團再去澳門, 因為我覺得團都幾抵, 包來回船飛, 自助午餐再加埋睇百老滙表演, 單係來回船飛及自助午餐都值回票價啦!當天去完官也街自由活動完後, 下午1點去到群芳餐廳, 入面環境裝潢感覺不錯.海鮮方面冇長腳蟹, 只有蝦, 翡翠螺, 花甲, 青口幾樣.魚生只有三文魚一樣, 實在太少了熟食方面尚算可以的, 值得一讚係燒肉方面做得不錯, 有牛, 豬, 羊肉用鐵板來燒, 皮脆肉嫩多汁, 再加燒配菜, 鐘意食肉朋友可以一試!最後甜品方面就麻麻地啦!希望下次來會有改善啦!其實今次來時是星期日, 實在太多人, 好多食物係手快有, 手慢冇

家中的老友記愛吃自助餐, 每年總會吃 幾次。適逢除夕兼有人生日, 就來澳門二日一夜吃過夠吧！銀河酒店內的群芳自助餐兩年前吃過, 家中老友記非常滿足, 皆因熱盤選擇多、食品新鮮沒味精、而且長者食客有半價優惠, 所以非常抵食! 自助晚餐分2輪，頭輪5點半左右開始、第二輪8點半開始，是晚我們選了第二輪。再次光臨, 水準依然, 服務依舊好，食品種類依舊多！但食客減少, 難免令餐廳refill 食物速度下降, 以減少浪費食物，這也是可以理解及接受的。冷盤除了螺、青口、帶子、長腳蟹特、壽司刺身，還有生蠔！雖然 COUNTER 有牌寫著每人限拿3隻，但那一晚全場不是爆滿，排隊拿生蠔的人潮不算好多 (COUNTER 位罝較為隱閉，在刺身櫃對面)，所以工作人員一次過給我5隻。生蠔即開即食，有少少海水減味，不算厚身但肉質好鮮味既呢 ~吃過不少酒店自助餐，很少會有"煎鵝肝"的，難得到來一定要試！這道菜是要排隊輪候的。師傅會視乎排隊人數，而預備烤麵包及煎鵝肝，最後加一小塊桃及糖漿，就完成可以返回座位享用。每次排隊只拿一份，再想食就要再排隊了。烤麵包連鵝肝放入口，鵝肝很肥美，口腔內都被鵝肝及其油份覆蓋，糖漿及桃

優越會買一送一，昨天到群芳食自助午餐。因為有旅行團關係，所以人頭湧湧。刀削麵口有咬口依然出色，加左炸菜、冬菇、鳳爪一齊食好味，珍珠雞冇乜料糯米又硬，燒賣肉質爽口味道吾錯，白切雞滑身吾老，椰子雪糕有淡淡椰香。

群芳自助餐厅已经开咗好多年啦喇，因為見到HOPETRIP上有優惠，前幾日先第一次到店食咗一次自助晚餐晚餐時段分為two round，第一輪係17:00-20:00，第二輪係20：30-22:30，MOP330（已包含10%嘅服務費， 係網上訂平好多，現場訂係MOP368+10%服務費一位）餐廳好大好舒服，食物區有好多嘢食，傳說呢度係一個好lucky嘅地方~係呢度食咗嘢嘅人去賭場都會贏飲品種類繁多，可以自己去水吧枱取或 order，即灼刀削麵有驚喜，中式包點吾夠熱，凍海鮮冇味，即做班戟質地好實好硬，葡撻皮鬆化中間就旦味香，檸檬撻酸酸甜甜好醒骨，义燒、切雞出色，珍珠雞糯米硬又冇乜汁同料，略兼西式食物比較少，真是抵食的！

第二次食呢度lunch buffet, 今次甜品比上次多好多款 最愛焦糖燉蛋好正 曲奇忌廉杯同葡撻都唔錯。 冷盤 的款式都0k多， 見到 好多人都攞 一碟碟滿曬嘅凍蝦, 本來我麻麻地鍾意食蝦， 不過見到咁多人攞去攞咗兩隻來試，d蝦夠大隻又新鲜，食完即刻返轉頭攞一碟其他d野食都好滿意呀！下次來澳門可能會再食

今日食 1:45pm 開始的一塲，雖然是星期一，但都有7、8成客。燒豬腩肉帶點肥膏，很好味但邪惡，燒鴨好乾，义燒就好香蜜糖味，糯米雞入面冇料又冇汁，牛肉千層濶麵，碎牛肉好多又好香芝士味，海南雞好滑但d飯就硬硬地，即灼了一碗刀削麵加炸菜，刀削麵粗粗肥肥帶點咬口，好特別，檸檬撻酸咪咪醒胃非常，麵包布甸吾夠熱同埋個質地好硬，反而即焗葡撻有驚喜，撻皮好鬆化，內𥚃軟軟又吾太甜好食，即製班戟，好難切開，椰子雪糕就吾錯，飲品選擇多，自己到水bar 落 order 或自取，espresso ，凍檸樂，群芳賓冶，應有盡有。埋單 $300/2位 （優越會買一送一）抵食！

2016年除夕去左澳門倒數，搵黎搵去見呢間咁多評語都應該唔差，又有生蠔又有長腳蟹，咁就book左去食喇，除夕收費兩個人計埋加一大約$1100蚊，但係質素就我覺得值係只值一半~ 先講啲長腳蟹同生蠔丫海鮮盤，見到啲人連排都無排，食buffet黎講係比較少見，因為一啲都唔新鮮~ 係無味得黎陣味好怪~ 失望！再講肉類，有烤牛豬火雞羊肉咁，只有得牛好味，但估佢唔到八點半開波，九點半就無哂牛囉~ 無 Refill 嘅！失望面包，沙律，就正常選擇，無乜特別中菜入面，例如菜得一款，魚得一款，另有一條烤三文魚，味道差又肉酸，食左啲豬手呢個不錯夠入味湯飯，有個龍蝦湯飯可以食，呢個我覺得好味，唯一有鮮味既食物，我排左兩次食。甜品賣相太差，無食~ 同行朋友有食不過都係三個字評價，唔好食。生果有四款，想食下西瓜啫，西瓜都無 refill 架唔好意思，食到十點咋喎！轉左出提子，啲提子係好多粒爛都照放出黎~ 無眼睇了最後有一個人人都派既所謂龍蝦包，入面有一小件龍蝦件，呢件Ok，係有鮮味同好味，跟住有啲無味蝦夾埋一齊~ 成晚食左少少野，行第二轉已經無乜選擇，首先少選擇，二來難食，三來無refill，如果佢價錢唔係呢個