群芳 (已結業)

海南雞皮滑肉嫩，腩肉同义燒都好味，葡撻吾夠鬆化，凍蝦鮮味彈牙，即灼拉面口感扎實，加左d雪菜鲜冬菇好好食，凍䙺冇乜味，燒三文魚扒外脆內軟，义燒包及奶皇包好乾，糯米雞個餡吾夠汁又冇味，但飲料款式多，連汔水也可以任飲的，現在銀河會員自助午餐$300/2位，所以系抵嘅！

訂左24號下午1:45 的自助午餐，可能系星期一嘅關係，未夠鐘已安排我們入座。凍海鮮青口、花甲冇乜味，蝦就好彈牙，义焼蜜汁豐富，腩仔肉皮脆非常，海南雞同口水雞肉質都好滑，配左d油飯，燒元貝好香口，韓式燒牛肉老左少少但都好味，燒豚肉有少少脂肪好甘香，炸雞亦炸粉好厚，义燒包同奶皇包不知可解完全吾熱，即灼油面個湯底冇乜味，煎堆仔淋淋的，千層寬麵熱辣辣好多芝士邪惡但又好味，蘋果慕絲青青甜甜，焦糖燉旦有層脆焦糖面但內𥚃有少許豆沙饀，有一點怪，士多啤梨雪皅好清甜又吾膩，果撻就淋淋地。果汁、賓治、凍檸茶等，好多款式，味道也不錯，港式奶茶、咖啡茶也是自己落 order 自取的，以上飲品都是無限量供應，相信也是這餐廳另一亮點。總括而言，食物和價位是合理的，可以再來！

會員有買一送一優惠，我們一行四人立即去申請一張，熱盤款式多幾好味，雖然有壽司睇落好似好靚，但其實大部份都係卷物，刺身得三文魚一款(夠新鮮),冷盤有蝦、青口、蟹(好细隻、冇食),仲有泡菜、沙律等都ok,生果居然有榴槤！有果汁可以自己斟，我飲左菠蘿汁(超甜),之後叫洒保沖咖啡味道ok,甜品好好味，可是款式很少。整體來説， 食物味道都很好, 可是款式真的很少尤其甜品， 不過這個價錢有飲品任飲很不錯會再來光顧的。

係天浪淘園玩完水，book左8點食自助餐，全場好多唔同既檔口即整亞洲食品，有新加坡肉骨茶，台灣蚵仔煎，串燒，椰漿飯，燒椰汁帶子等，好多款式海鮮有生蠔，蜆，蝦，帆立貝，青口等蠔細細隻都幾甜蜆，帆立貝都好甜，無沙，食左好多隻蜆，帆立貝到中途無再refill燒椰汁帶子係即叫即燒但肉質太韌，椰漿飯太林唔係太慣，但d魚仔幾好食，幾野味，仲有款蕉葉包住魚蓉加香料我幾鍾意食，甜甜地又辣辣地刺身食左三文魚，好肥美，又厚切有即煎鵝肝漢堡，都ok有即整甜脆薄餅，好脆幾好味戶外有即開原隻椰青，好清甜，前後飲左2隻，仲有即開猫山王，但就只可以係戶外食唔可以帶入室內，有台櫈俾食客坐住食，長期排長龍，最尾都食左4粒肉，兩轉都係甜中帶少少少苦，好creamy正仲有山竹即開即食，但每次只可攞1隻,都幾甜整體黎講都幾好食，好多款式，但西式就少左d無扒就失色左d

好耐之前食過午餐都好好。諗住今次同大少大小姐再試下晚餐，諗住有多啲花款。失望。食物種類差唔多，冇龍蝦，有啲失望，因為個價錢都唔平。當日做緊馬來西亞節所以有任食榴蓮同任飲椰青。訂座可在網上，但去到發現無論你幾點去都要8點交檯，我地訂左6：30，原來係5：30開始激死。。。。以後都唔會再去

一早起床，踏入第二天，不過早餐食龍蝦未免過於浮誇，還是簡簡單單的吃個豐富的早餐算了。位處銀河酒店的群芳已不是第一次造訪，餐廳座位超多，而且空間感闊落，光潔明亮的感覺，令人精神一振。先去飲品吧檯，有菠蘿汁、西柚汁、豆奶、橙汁及凍檸檬茶可供選擇，款式真多。再來兩隻煎蛋，舀少許茄汁焗豆來配搭，以輕食作為前奏。在長長的熱食檯有香草炒蘑菇、香草焗蕃茄及馬鈴薯、豬肉腸、牛仔肉腸、煙肉、台灣香腸及薯餅，都是一些比較飽肚的食物，所以只取了豬肉腸及牛仔肉腸。可能住客多數是中國人，食物的種類都是以適合中國人為主，在食物檯另有菜肉炒飯、炒麵及炒菜，都是即炒的，炒麵夠乾身，而炒菜新鮮翠綠，本身質素好，吃起來亦帶自然甜味。中式點心當然不能少，一口氣將蒸鳳爪、蒸排骨、XO醬炒蘿蔔糕全都試了，其中排骨加入了南瓜，多添了一分甜美，而蘿蔔糕辣辣地幾惹味，不過似乎炒得太散了。至於蒸腸粉、奶皇包、燒賣及叉燒包，個人偏好燒賣及叉燒包，前者純是個人喜好，而後者包皮鬆軟，餡料又不會太多汁。在灼料吧可以來碗咖喱牛腩魚蛋麵，老實講，麵條沒有令人討厭的鹼水味，咖喱一陣辛勁，正。其實熱食仲有咖喱雞、森巴蛋、茶葉蛋、椰漿飯及印度香飯，基本

差差差，海鮮冷盤冇生蠔，蟹腳得鹽水味，蝦又細隻，連翡翠螺都冇，得D爛鬼青口同花甲，龍蝦又韌，熟食選擇又少，甜品又少，雪糕見到都唔想食。。。。。仲要差唔多成千蚊2個人，仲要限時間！服務又差，全場得果1個人換碟，大陸朋友素質又差，食食下野係隔離換屎片。。。都唔知點解會咁多好評，一定一定一定唔會有下次囖！希望大家唔好瀨野

5月28日去澳門看 Super Camp ，所以訂左28號的自助午餐（11:30-1:30pm)仍然是$300/2位。首先，海鮮有蜆，青口，蝦，各樣都好新鮮，但冇乜鮮味，燒味系即切的，叫左义燒同油雞，义燒肥瘦適中，油雞都好嫩吾嚡口，幾好。點心只有义燒包，馬拉羔及奶皇包，奶皇包個餡d味有d假，义燒包個饀d味鹹甜剛剛好，包皮鬆軟，吾錯，馬拉羔就切到好細件，夾起有難度，味道就一般。熱盤比較差，炒面冇味，蘿白牛根牛腩，d牛根吾淋，咖喱雞d雞完全吾入味，好似灼左d雞翼放入d咖喱汁入面咁，蠔餅找不到蠔的，XO醬炒回蝸肉味道怪怪的，燒雞冇味又嚡口。即灼拉面併冬菇肉絲，拉面彈牙，保持到水準。甜點朱古力泡芙好大個但又淋曬，綠豆沙得d水又冇豆，鮮果撻個皮又系淋嘅。飲品就好多完化，熱奶茶好香茶味又滑，多款特飲如熱情果、薄荷、什果、都好好味。

專登由香港搭船過澳門食一餐，失望至極。本來聽朋友講話呢間自助餐抵食夾大件，首推龍蝦，但去到連個殼都見唔到，問個服務員，佢話外面落雨燒唔到，都算啦。再講即開生蠔，個size細過我阿媽煲湯d蠔豉。之後說好的鵝肝由開始到食完都見唔到影。d魚生好心擺到乾晒水就唔好拎出嚟啦。D蟹唔錯，但可惜個size同蝦差唔多大細。食左成晚，唯一亮點係d咖哩，由於其他食物質數奇差既情況之下，個咖哩的確唔差。其他嘢食都係離晒大譜。又話食到11點，但係10點鐘鬆d就開始執嘢，生果都嚟唔切食就連個盤都搬埋入去洗，咁都夠膽收人幾百蚊。痴。膠。線。

來到澳門一定要食自助餐！原因之一當然係澳門的自助餐比香港價錢平好多，而且質素也不下於香港。而澳門的自助餐中群芳是首選，群芳係位於澳門銀河入面嘅其中一間餐廳，係以食自助餐為主要的食肆。環境與裝修方面都唔錯，地方寬大，感覺又帶點貴氣。群芳自助餐分兩個時段，一個是五點半到八點，另一段時間則是八點半到十點。如果選擇到群芳享用自助餐，建議一定要預先落Booking ,否則食到的機會便很微，當然是以假期及星期六日為主啦。雖然有分時段限制，但絕對可以令到人有足夠時間得到溫飽。首先介紹下冷盤，冷盤的選擇有很多，有常見的長腳蟹腳、原隻開邊凍花蟹、白灼蜆、白灼大蝦、翡翠螺…… 就是沒有傳說中的龍蝦，是有點兒失望的，但是卻有原隻即開新鮮生蠔。雖然不是很肥美，但是絕對是十分地新鮮、味美！ 生蠔的位置可謂是人流不斷，但員工開蠔速度很快，所以每次都不用等太久，為了其他客人着想，生蠔每次每人可取三隻。除了生蠔外，其他冷盤亦都很新鮮，質素也很不錯。 熱盤食物選擇也很多，咖喱炒辣蟹、炒雜菜、炒飯、原條蒸魚……很多很多，而最令人期待的是佛跳牆，佛跳牆十分足料，原隻鮮鮑魚仔、花膠、冬菇、響螺片……湯底清甜

優越會 $300/2位，所以訂了今天第一轉的自助午餐，差不多11點半到達，已經有很多人在等。刺生食了八爪魚及吞拿魚，呑拿沒有根，八爪魚又好爽口，海蝦好大隻好新鮮，燒西冷入口肉質鬆化，即拉即灼拉面加肉燥，拉面有口感，肉燥鹹度適中，保持到一貫水準，即煎蠔餅好多蠔，味道不太鹹，燒豬腩肉燒到脆脆地，入口鹹鹹香香，燒雞就好多香草，味好濃，中式點心只系試左糯米卷，糯米好少又吾夠味，紅豆包個味就奇奇怪怪，寫住有义燒包及奶皇包，但系又找不到，燒味現在要排隊叫師傅即切，义燒好肥，燒鴨就比左3件近鴨尾的部份給我，好蘇，甜品就好有驚喜，香蕉焦糖旦糕，味濃質地扎實，班蘭戚風旦糕，好香班蘭味，旦糕外加了些椰絲，好夾，杧果/士多啤梨雪皅，吾太甜又好清新，自斟飲品飲了個群芳特飲，應該系波蘿汁加了些什果汁，espresso 就叫水吧哥哥即冲的。有一排冇黎，某些位系進步左。

話晒都係五星酒店，早餐一定有保證！對不起，錯晒。西式食物唔夠多元化，hams 得一兩種又無註明是什麼肉。沙律菜也是一兩種，份量太少，紫椰菜太硬，而且有沙律沒有檻欖油和黑醋。乳酪是獨立包裝的小盒，籽類又唔夠，乾果欠奉，conflick 唔脆兼太硬。芝士，無註明係乜芝士。奄列，無味，濕的。中式方面，最正常係蒜香排骨、白粥。點心！哇！如果這是外國人第一次食點心，我估佢呢世都唔會再食第二次！蝦餃的皮，又厚又粘，蝦又細，味又怪，勉強吞下。腸粉，粉很怪，不像天然，是預製食物。食左都頂住，消化唔到。最受歡迎係湯麵。生菜、肉絲、豆卜⋯⋯ 清湯。仲衰過車仔麵檔。最驚訝是香草焗蕃茄，蕃茄是蕃茄仔，未切，無入味之餘勁酸！酸過醋。有幾味印度咖哩，無試。甜品竟然無葡撻，咁算點！？在酒店buffet 無當地著名食物！鬆餅值得食，最ok這個，但連丹麥餡餅都無，可是餅師水平有限。牛角包，無試。但我見到個餅師用手拎-_-#咖啡，不錯。我覺得個廚一定係唔識西餐。連中餐都做得衰過茶記。我覺得佢哋唔重視餐飲業務。員工倒也很友善。

午餐有分兩個時段：11:30-13:30，13:45-16:00我平日去都唔太多人，早左10分鐘去到，首先會安排坐位，可以係門口area 有梳化坐住等安排入座。5分鐘後就有職員帶位，還幫我地拉座位，服務好體貼。 有5款特飲，港式奶茶，人手即沖咖啡，5款果汁特飲，有晒冰同唔同種類糖。 即叫即煮，還會詢問我地要既份量，絕不浪費。 多款不同種類熱食 印度食品，有3款咖哩，有印度廚師即場介紹有不同辣度同口味，有客人要求還可即場特製合適自己味道既咖哩多款特色包點 還有西式蛋糕，甜品 即場炮製pancake, 還有chocolate ，raspberry ,vanilla, cream 自行配搭 德國食品 多款好好味既甜品現場還有中式點心，西式料理，刺身，冷盤，燒牛肉，火腿，燒味⋯而且味道亦好好，食物選擇多 ，誠意推薦！服務員都好快速收好客人既食完既碟，亦有為我地推薦食物，十分友善。 最欣賞係食物質素和服務都非常好，價格便宜，值得再去！

群芳自助餐好像頗受港澳居民及遊客歡迎，可能是因為價格相宜(有優惠時或購買餐劵時)加上用餐環境不錯吧。某日中午來吃午餐，只能說一分錢一分貨。食物種類雖然多，但未見得精緻，大部份都是粗飽的食物如麵包、炒粉麵飯、燒味、冷盤甚至連魚生都沒有，沒記錯的應該只有蝦仔，只吃了一隻，還算新鮮蝦肉爽口。熱盆的味道算可以，炒飯不油頗香口，還有燒味的油雞及叉燒則較肥，沒甚麼用味。因個人頗愛吃飽，而他們的面飽有很多選擇，咸的甜的、脆的軟的、中式的西式的，而最特別的是香菇造型的香菇包，裡頭包著冬菇等素菜為主的餡料，香口不油膩。另外有多款印度小吃頗特別，印度烤餅的麵糰烤得算香脆有牛油香，點咖喱吃不錯。

過黎跑馬拉松，訂左銀河住一晚，包群芳早餐。差不多8點到餐廳，人不多，分配了沙發座位。果汁試了西柚汁及紅莓汁，西柚可以，但紅莓就只有色，沒有味。其他有蕷果汁，橙汁及凍檸茶。窩夫吾夠旦漿，所以好脆，法式多士加了些肉桂，鬆軟好味，班戟外微脆內軟不俗，3款加了些糖漿及蜜糖😘。牛角包夠鬆但吾夠香，水果丹麥酥個酥皮好鬆化。稍后自製了一件奶油麥多，好快又KO 左佢。炒什菇，一如以往，炒得好香好好味。煙肉，炸到好乾好硬，雞肉腸及豬肉腸就又凍又乾，雞肉粥冇味，麥皮粥是鹹的，中式點心有义燒包，燒買，金錢肚，排骨，蒸腸粉，炒面，大致都吾錯。炸餃子就皮厚兼凍冰冰，熱豆漿甜度剛好，灼了一碗生菜幼面加肉燥，炸菜同吃，好味，油條比上次進步，微溫，好快一條食曬。水果品種多，波蘿好甜，密瓜、哈密瓜好生好硬，叫左特濃咖啡，好香好醒晨，吾錯。今次個早餐，大致都比上次進步！