鳳凰餅家 (已結業)

6月12-13號進行2天密集式吃喝玩樂澳門之旅。可惜天公不造美，經常落大雨，尋日朝早趁住唔係好大雨，就由氹仔酒店坐的士去紅街市隔離嘅鳳凰餅家買手信。呢間舖頭係由當地朋友誠意推介嘅！經過窄巷見到一排老舖頭，已經聞到陣陣蛋卷香味，店員見到我地左睇右睇，便主動細心介紹各種餅點，呢度啲蛋黃杏仁餅好好食，又香又鬆化、而且一啲都唔硬。仲有蛋卷、鳳凰卷都好好食，今次仲買咗雞仔餅、金錢餅同黑糖/黃糖光蘇餅。我地響店舖逗留半個鐘，見到唔少當地人都去買餅，有個伯伯仲話呢度啲餅平靚正添！呢度啲店員又環保又老實，到埋單計數時，佢問我有冇係自己食，唔係送禮嘅，佢就幫我將啲唔易醉嘅唔入紙盒，佢話唔入紙盒唔駛收多2蚊。同埋，買咗2大袋嘢食都係$520葡幣，我用港紙找數，拎咗$500出嚟，正想再搵張$20紙時，個店員就話"唔駛咁多，仲有錢找添呀！"嘩！通常響澳門好多地方，都係港幣葡幣係1對1，好少計番個滙率比你！真係好老實！雖然係遠離市區一啲，但都值得推介！

由細到大，總是覺得澳門同手信是兩個基本上分不開的名詞。我簡單地研究了一下，"手信", 詞，是"信手捎来" 的意思，是出遠門回来时捎给親友的小禮物。廣東人就稱之為"手信"。以前，去澳門，亦稱過大海，可以說是好遠水路的，去到珠江口的西岸，當地流行的小食，杏仁餅同豬油糕，永遠是去完澳門，中山，珠海，江門，順德一帶會帶回來的特產。基於這一個傳統，杏仁餅這一個美妙的餅食，令到澳門同手信，多年來都是兩個分不開的名詞。好，說澳門的手信，十月初五街同大三巴街一帶的連鎖店早已經食到熟，食到厭。更有一兩個品牌令我覺得見到個名我已經想掉頭走。但，去一去澳門，點都要買包餅回去送家人，我就有一間多年來都鐘情的小餅店，此餅店位於紅街市後面的小巷內，名字叫《鳳凰餅家》。 幾年前，得知紅街市後面的踎凳仔大排檔要結業 (也有傳是清拆)，我及同樣喜歡此店的外家，及一試難忘美味的家父，都很擔心此店會因此而結業。後來，外父外母去澳門玩，回來報料說只是後巷某食店不做而不是把這兒清拆，也買了好幾包散裝的給我。這也直接地令我有再一次拜訪此店，再撰寫一文的決心。 小店有自家的工場，而且很傳統的用一 "jar jar" 玻璃樽去盈裝及

祖母N年前在鳳凰餅店附近開檔賣嘢, 而知道該店, 有自設工場及hand-made製作各式餅食, 中秋時節亦非常忙碌做月餅給客人, 我們由小至大每到澳門必會光顧, 我特別最愛是加蛋餅和鳳凰卷, 非常有蛋味, 曾經有試過放左兩個星期才拆開出來吃, 仍確保新鮮, yummy yummy...上星期四下午前去光顧, 得知附近收樓, 希望鳳凰餅家不好因為附近收樓而結業, 好唔捨得呀!亦不想手製的傳統餅食在澳門消失呀!

多次來紅街市都 missed 了幾間好名/特色店。今次一到，早已同家人說明了會來三盞燈。熟識澳門的他們早已落定order，要我們來紅街市後的排檔，買地道的杏仁餅。因為對紅街市的一帶印象很深，所以此餅店絕對不難找。一看就知道是美味的餅店，未到埗已經聞到香味四溢。不用想不用試，而這裡亦不會讓你試，美味，香味的杏仁餅。必定要買回家才安樂。行程完畢後，帶了一盒回公司給各同事分享。杏仁餅的色比其它的大店黃，識食的人都知道，白不一定是好，有時候賣相不夠美的黃色更是好味道。而鳳凰的杏仁餅，就是很黃很好食的杏仁餅。除了有重份量的杏仁味外，杏仁的香味，一打開包子就散發出來。我們特登pack了一半杏粒杏仁餅、一半是蛋黃杏仁餅。兩者都非常之香口，食落完全沒有硬的感覺，一咬，就是鬆餅的感覺。粉粒壓得夠實，是齒夾留香的好味道。下次再來澳門，當我需要買手信的時候.......也要指明 "紅街市的鳳凰餅家"。

四月中旬‧晴上次來，吃雞仔餅及牛耳，覺得很不錯。是次來，因為熱，買些「輕食」，就是雞蛋餅。脆口，不硬，幾鬆化，而且有蛋香，很不錯。買了「一個骨」，在酒店邊寫稿邊吃，不消一刻鐘已經吃完！12元，吃得過。

十二月上旬‧晴想找咖啡明，誰不知週六沒開門。順道來了這裡，買幾件雞仔餅。這裡的雞仔餅很有水準，吃起來外脆，內裡很煙韌。切粒的肥豬肉併發豬油香味，加上南乳，好吃。同場加映牛耳，反而硬硬的，不夠鬆。喜歡吃雞仔餅的，不要錯過這裡。

mar 01, 09,經過這條窄窄嘅細巷,發現咗呢間餅店,所以買咗10塊 :1) 芝麻餅-出爐無耐-幸好佢肯剷新鮮出品,而唔喺玻璃罐嘅貨比我-很鬆,唔薄,甜度唔強,只喺芝麻味未夠重,否則就好掂喇