香港人不嬲都鐘意打邊爐，連夏天都可以開住冷氣嚟火鍋，何況喺冬天火鍋就更加受歡迎！火鍋店成行成市，一般嘅火鍋已經滿足唔到香港人，要試就要試新嘢！
即將係2016年1月1號開始試業嘅酒鍋就係打正旗號賣新派火鍋。首先係湯底新，從有酒嘅清酒花甲椰子雞鍋到無酒嘅藥膳花膠雞都係坊間比較少見嘅材料組合。而且食客可以揀四款唔同湯底嚟嘅四合一嘅揚名四海鍋。再貪心啲嘅加多個秘製木瓜盅就變五合一嘅「酒火入鍋」湯底，叫得酒火，中間嘅木瓜盅可以加酒點火㗎！
另外打邊爐唔可以缺少嘅配料亦都有特別之處，招牌美食包括本地手切或入口安格斯牛肉同豬肉，見到都食指大動。刺身同海鮮亦係特別新鮮空運到港，精選包括阿拉斯加皇帝蟹、龍蝦、虎蝦等，喺港式火鍋當中增添「瀛」味。
令配料更加特別嘅係廚師嘅創意擺設，配料唔會好似普通酒樓咁一碟過攤喺度比你，而係經過擺盤，整到成件藝術品咁上枱。正所謂色香味，喺未食落肚之前先滿足眼球同相機。
餐廳叫得做酒鍋就當然唔少得酒，獨家引入的日本清酒製成清酒炸彈，除咗令湯底加入陣陣酒香，亦為座上客帶嚟更熾熱高漲嘅氣氛！另外特色食物仲有雙色湯鍋小籠包，有黑松露、蟹粉、墨汁湯、龍蝦湯、藥膳等口味，值得一試。
酒鍋
地址：尖沙咀天文台8號
試業日期：2016年1月1日
隨時接收最新資訊
讚好OpenRice專頁！
關鍵字
尖沙咀
打邊爐
火鍋
日本清酒
複製到剪貼簿