Wine & Dine 2016 5大主題區重點推介（二）廿四味酒菊花茶酒香港特色雞尾酒值得一試 (有片)

月尾嘅Wine and Dine有兩邊嘅入口，上星期同大家介紹過近中環嗰邊入口嘅三個展區：暢飲派對、國家展區同尊尚區，今次就同大家講下，金鐘入口嘅另外兩個展區啦，呢兩區嘅酒都比較新奇同特別，應該可以滿足到一班愛新鮮嘅朋友仔。

美酒佳餚新發現

呢區有個「香港吧」，係由幾間本地頂級酒吧合作，各自去調製咗好有香港特色嘅cocktail，例如奶茶酒、廿四味酒、菊花茶酒咁樣，新奇呀呢？

（左）菊花茶酒Smoking Chamomile、（右）醉羅漢（@Sohofama, 香港吧）【品酒券：3】

菊花酒用咗3種唔同嘅菊花，加埋vodka、蜜糖、檸檬汁、有機蘋果汁等嚟調製，飲落幾有層次感，先係煙薰味，再嚟就係果汁酸味、蜜糖甜味，最後就係主腳：菊花味，都幾適合初學者飲。

（左）廿四味酒Remedy24、（右）羅漢果水酒Luohanguo-Ria（@BaoBei, 香港吧）【品酒券：3】

廿四味味嘅酒，我都係第一次試，未飲之前以為會好苦，點知飲落又冇平時嗰隻苦味，但就有甘香嘅草藥味。原來係因為調製時除咗廿四味同vodka，仲加咗杞子、薄荷葉同芒果漿，係幾得意，值得一試。調酒師阿Kit話近年多咗好多人用茶嚟做cocktail，咁佢就想用啲有中國古代特色啲嘅茶去試，所以就揀咗涼茶嘞，而其實佢本身都唔鍾意飲廿四味苦茶㗎。

（左上）鹹檸檬七薑酒Cufflinks（@The Singleton / Angel’s Share, 香港吧）【品酒券：2】、
（右上）好立克酒Haig-a-Horlick（@The Envoy, 香港吧）【品酒券：2】、
（左下）奶茶酒The Velvet Wood- No.18（@The Singleton / Angel’s Share, 香港吧）【品酒券：3】、
（右下）椰子糖酒Pannama Hat（@The Singleton / Angel’s Share, 香港吧）【品酒券：3】

另外，一啲冷門地區嘅酒，好似克羅地亞、以色列、敍利亞等等嘅酒，都可以喺呢區度搵到。香港葡萄酒商會理事政策及市場研究委員會主席、前新聞主播黃大鈞推介咗幾隻紅酒同米酒，其中有隻克羅地亞嘅紅酒，原裝仲係用陶瓷裝住，好鬼精緻㗎。而3款法國米酒嘅甜度就由淺入深，最甜嗰隻嘅椰子味好突出，食住海鮮咁飲係幾夾。

Navis Mysterium 2012 （@克羅地亞特級紅酒, E607）【品酒券：3】

Le Guishu- Faguo Yellow Wine（甜度而排，左邊最甜）（@瑋基酒業, E706）【品酒券：各1】

專業美酒區

呢區嘅酒，叫得專業，就梗係唔簡單啦，大部分都係我哋平時比較少機會接觸到嘅著名酒莊或者產酒區所製嘅佳釀，到時仲會有專業品酒師同海外酒莊嘅莊主喺度，交流品酒心得。酒評人劉偉民就率先為大家推介咗幾款葡萄酒，都係以玫瑰花香同果香為主嘅：

（左上）RedHeads Studio Whip-Hand（@Bacchus Fine Wines, C905）【品酒券：3】
（右上）Pelassa Sot Nebbiolo d’Alba（@Bacchus Fine Wines, C905）【品酒券：1】
（左下）No Sex For Butterfly Rose（@Sommelier, C902）【品酒券：1】
（右下）Travaglini Gattinara（@Stilvino. C806）【品酒券：1】

（左）劉偉民、（右）黃大鈞

隨時接收最新資訊
讚好OpenRice專頁！