一虎

營業中

休息中

小編終於出拉麵post了🥹 咁啱經過灣仔就去呢間人氣小店"一虎"食拉麵了🍜一虎拉麵 $103價錢係少貴，但係佢個豬骨湯好濃郁，飲落都少少creamy同埋個拉麵掛到汁，淨係個湯已經Feel到呢碗拉麵唔簡單🫴🏻 叉燒偏瘦但係唔嚡🥹 隻流心蛋平時上堂一定好乖，因為佢好流心！賣相：⭐⭐⭐⭐⭐味道：⭐⭐⭐⭐⭐CP值：⭐⭐⭐⭐🥹好彩嗰日唔多人排隊，最貼心係佢店入面係有冰水比你自己斟嚟飲(好似正宗日式拉麵店咁)，預算多嘅朋友仔真心都幾推薦食呢間。 #Foodporn #Foodie #平民 #小資 #灣仔美食 #拉麵 #灣仔

好受歡迎嘅拉麵店 午餐時段要排隊不過唔算耐 大概10至15分鐘最特別係餐廳職員好有活力咁😝去一次就明 鮪魚拉麵🐟 $108 湯底清澈 但味道足 好鮮味 唔會太鹹😍飲咗好多溏心蛋熟度剛好 筍爽甜 叉燒大塊😋麵質方面 朋友揀軟 有比普通嘅軟少少 不過仍然有咬口👍本身有蔥 不過朋友唔鍾意(好奇怪🤣) 就冇加 一虎拉麵🍜$103湯底較濃郁 鍾意口味濃 呢款就啱呢碗有木耳絲 好鍾意😝整體配料同上 一樣高質 整體係水準以上嘅拉麵 會為鮪魚湯底回訪🤤

前排去利東街打卡影相，行到五點半左右，見到廈門街有間叫”一虎拉麵”已經有十個八個食客排緊隊，行埋去先發現拉麵店晚上六點先開門，所以諗都唔駛諗，肯定係好嘢，於是衝去龍尾排隊。等緊期間，望到入面大概有二十個位，都算坐得鬆動。晚上六點一到，店員馬上安排入座，啱啱輪到坐bar枱，可以望到師傅淥麵同準備食材。拉麵款式都唔少，但限量既檸檬拉麵沽清，咁就試下海老虎拉麵啦。等左大概十分鐘，見到碗麵有個蝦干山，粒粒香脆可口，然後就聞到濃濃既蝦香。湯底濃郁，基本拉麵配料都有，麵條可以自選軟硬度，亦有廚師推介可供選擇。食完成碗都唔口渴，連湯都飲埋，而我朋友就試左”一虎”，賣相亦非常吸引，豚肉不會又硬又乾，同樣十分高質。不過當日天氣十分熱，餐廳的冷氣不足, 令到我同朋友邊食邊流汗, 希望之後可以改善, 但仍然是一間高度推介的拉麵店👍🏻

𝑰𝒄𝒉𝒊𝒕𝒐𝒓𝒂 一虎-🍜 一虎拉麵 🥟 餃子位於灣仔囍帖街旁邊，日日都大排長龍( ･᷄ὢ･᷅ )拉麵分2種粗幼，粗拉麵比較煙韌彈牙，而幼麵就爽少少！但幼麵另一特點係含水量較少，所以小麥味較重(⁎⁍̴̛ᴗ⁍̴̛⁎) 2款都好掛湯！出色既拉麵除左湯底，麵質重要，但湯既溫度都好重要！因為食拉麵一定要一啖麵一啖湯既比例！太熱根本咩都感受唔到（苦笑）但一虎既自製豬骨湯底出色，而且湯底溫度可以容易入口，食晒成碗拉麵都keep到個溫度，太出色(๑˃̵ᴗ˂̵) 令人難忘嘅就係佢既蛋， 十分流心！蛋味濃，醃得好入味，完全溏心！高水準！( ̀⌄ ́) 新鮮餃子，皮薄餡靚！煎到脆卜卜，中規中矩，正常發揮( ͡° ͜ʖ ͡°)總括嚟講，當你好肚餓嘅時候就唔使諗可以食到一虎！但始終一日你都要試吓佢嘅一虎拉麵，特別係佢嘅湯底，一試難忘(⁎⁍̴̛ᴗ⁍̴̛⁎)📍 23 Amoy St, Wan Chai#jcfoodgasm @ichitora_ramen_wanchai

臨近聖誕節去左灣仔利東街影相，行行下見到有一間拉麵店排左好長既人龍，聽男友說這家拉麵店在灣仔很出名，咩時段都會有人排隊，次次都食唔到，難得今日唔算好多人，特登早小小去排隊，都排左40分鐘左右.....我地叫左個一虎拉麵我揀左濃味幼拉麵，個湯飲落去有些少失望，個味係唔算好濃，但係好油，豬骨味係有既，不過味道偏淡，幼拉麵口感順滑，叉燒肥瘦適中，不過如果同x蘭或者拉麵joxx仲差好遠，就算同博多別x神大家都係來自博多都係差好遠，可能係我期望太高...而且價錢都唔算好便宜，係可以一試，但絕不會回頭的餐廳餐廳環境比較細，有點侷促，裝修有點舊...所以餐飯環境只係比三星

臨時約左朋友去港島區食飯，未決定食啲乜嘢， 所以上OpenRice睇吓有咩餐廳推介。見到呢間日式拉麵店係openrice灣仔區嘅評分都幾高，所以決定約埋朋友一齊去食。嗰日七點幾到，間鋪唔係好多人，一去唔使等位已經安排左我哋坐低。我就揀咗下面呢款一虎拉麵 $88可以見到碗拉麵放咗好多木耳絲同埋蔥花, 將啲木耳同湯一齊食，超級好味👍🏻👍🏻。佢個湯底應該係用好多種嘅蔬菜再加豬骨去煮嘅，冇平時嗰啲豬骨湯咁油膩。😋😋碗拉麵除左有兩大片叉燒之外，仲有一隻糖心蛋。係香港食拉麵通常都唔會比糖心蛋你，要咋外加錢先有所以佢話$88一碗拉麵真心唔係貴。我朋友就揀咗呢款期間限定嘅檸檬拉麵$92檸檬拉麵其實同上面嗰碗一虎拉麵分別唔大😂，只不過係多咗幾片檸檬🍋同冇左隻糖心蛋。貪新鮮嘅可以一試，但如果之後再黎食我會揀返一虎拉麵😅之後我哋仲叫多咗一碟餃子$42一碟有5隻，餃子皮薄肉汁多😋😋最重要嘅係佢攞到嚟嘅時候仲係熱嘅👍🏻👍🏻

日本拉麵的湯頭有很多款，不過似乎豬骨濃湯最受歡迎，最近我卻開始愛上混合蝦湯底的海老口味。一虎拉麵已在現址多年，曾經亦是長龍店之一，現在非繁忙時間到達沒有這個問題。一虎拉麵 招牌一虎拉麵，湯頭跟從日本獨門秘方，以12小時大火把大量豬骨、新鮮蔬菜濃縮成自家湯底，非常有豬香，但又不會太濃厚，不過我就不太愛見到粒粒肥膏浮面，心裏很有犯罪感，哈哈！溫泉蛋、日式叉燒及麵皆皆有水準冇投訴。海老虎  濃厚海老味噌拉麵更能我心，蝦頭蝦殼熬出來蝦油滋味出眾，配合香脆的櫻花蝦，倍增層次，廚師話事替配上粗麵，咬勁彈牙。周日中午吃個拉麵，份量恰到好處。

朋友最近轉左去灣仔返工，今日就約佢係灣仔食個lunch聚一聚依條街好近電車站，好方便仲有好多唔同類型既餐廳，我地今次就揀左食拉麵Lunchtime都預左要排下隊寫到明依到既規矩：無得book枱、無得外賣、人齊先可以入座、只收現金都係正常拉麵店既做法亦都好似其他拉麵店咁，排隊既時候可以睇定食咩同落定單Menu選擇唔多，專注拉麵拉麵有7款1. 一虎拉麵 ($88) 豬骨湯底2. 一虎特選 ($128) 有晒所有配料3. 黑虎 ($82) 豬骨湯底加黑蒜油4. 赤虎 ($82) 豬骨湯底加辣醬5. 白虎 ($78) 豚骨湯底加關西醬汁6. 海老虎 ($92) 海老味增海底7. 期間限定，我地今次去就係秘制鹽味拉麵興趣不大通常去拉麵店，我都會傾向揀返以間鋪命名既拉麵所以今次我同朋友都揀左一虎拉麵($88) + 紫菜 ($10)依到好細心仲會解釋埋幼麵同粗麵有咩分別我鐘意啲麵可以痴多啲湯，所以每次都係揀幼麵枱面都有齊芽菜依啲配菜芽菜辣辣地幾惹味，用嚟配拉麵一流唔使等好耐就有得食湯底味道好濃郁叉燒係偏瘦，唔會食落成口肥膏木耳份量好多好爽甜最後就係食溏心蛋有淡淡既酒味，流心程度好高一咬落去，啲蛋黃就

一向有耳聞「一虎拉麵」，身為日本控的我今晚終於來到灣仔店！灣仔店的挺受歡迎的，晚上七時去到也差不多滿座，不過我們大約等了5分鐘就可以入座啦～我最喜歡的就是豬骨湯底，所以就叫了招牌的一虎拉麵。湯底十分濃郁，充滿豬骨香味，流心蛋也十分美味，一咬裡面的蛋汁就迸發了來的～友人叫的是黑虎拉麵，賣相也十分吸引呢！另外也叫了一客餃子share，外皮可煎得十分金黃香脆，內餡肉汁不少，是不錯的小吃選擇。肚子也是十分滿足了！

夜晚係灣仔行完街，朋友提議不如食拉面，咁我地就去左附近的一虎拉麵。我地8點左右去到，正值比較多人食飯的時間。舖頭座位唔算多，我地等左大約10分鐘就可以入座，都算快。入到去，見到舖頭間隔、裝修同日本的拉麵舖好相似。望下餐牌，我就揀左黑虎拉麵，朋友就選左招牌的一虎拉麵，另外我地仲叫多左一客煎餃子share食。 黑虎拉麵 8/10分 黑蒜味好香，配合豬骨湯一流，個湯底想一飲再飲。叉燒肥瘦適中，拉麵彈牙，唔會太軟身。最值得讚係溏心蛋，好好食！ 一虎拉麵試左個湯底，好濃的豬骨湯，好正！ 煎餃子 皮薄，煎得好香，入面充滿肉汁。

喺利東街玩完逛完影夠相喇, 肚餓又想食拉麵, 其實附近都有好多選擇架, 喺正隔離街既一虎拉麵就係其中之一睇睇價錢, 都尚算合理啦坐左斟番杯冰凍檸檬水解下渴先😍泡菜牙菜好鬼正架, 辣辣地好開胃, 仲要係食晒佢會refill 架😂😂唔清楚粗麵幼麵有咩分別佢都有介紹, 仲會建議番如果想加麵應該點食, 好貼心呀😍食拉麵最緊要有得揀! 麵既種類同硬度, 湯既油度, 要唔要蔥呀木耳呀都可以任你自己揀👍👍一虎拉麵 - $88蔥, 木耳, 叉燒, 蛋都擺放得好整齊好有心思, 湯係用左好濃既豬骨熬製而成, 好厚好濃郁木耳好爽口, 叉燒薄切盡吸湯既精華, 好美味🤤揀左硬身既幼麵, 食落有口感之餘, 吸湯力比粗麵更強呀😍個流心蛋原隻上, 咁樣就可以保留住流心既蛋黃唔洗整得太熟啦👍👍黑虎拉麵 - $82同一款濃厚豬骨湯底, 不過佢係加左黑蒜令個湯底變黑, 蒜味亦都好足夠, 食完要食番粒香口珠先得😂替玉 - $12份量都幾多既替玉, 只係加$12 咋, 記得留番d 湯食到一半果陣叫佢上呀😚

一直好想睇利東街既大月亮都唔得閒睇，終於係佢既last day黎到睇佢啦睇完又影完相就係附近睇下食咩好，咁岩想食拉麵就決定入去食啦！佢有幾款湯底既拉麵，全部都好吸引，連叉燒飯都好吸引不過仲有最特別既就係......呢個夏季限定既檸檬拉麵雖然望落好奇怪，但最鐘意試新野既我就緊係要試下啦因為鐘意食叉燒，所以另外加左3塊叉燒叉燒偏瘦，不過都好淋，唔會又乾又鞋檸檬湯底酸酸地，好特別好開胃！中和左豬骨湯既膩，正呢碗一虎拉麵都唔錯，豬骨湯味濃，但又唔會太油膩，拉麵幼身夠滑，又掛到湯汁，好好食啊鐘意食拉麵既朋友如果係附近一定要入黎試下

「一虎」的名字聽進耳內好一段日子，碰巧有空再往書展，離場後便步往夏門街去。一如很多拉麵店的情況，是藏身於橫街內，「一虎」尚不算難尋，就是在利東街購物商場往金鐘方向多走一條街便是。門面不大，店內尚算寬敞，大約十九席左右，有一張二人檯，一張逼夾的六人檯，其他十九席就是吧檯，並圍繞著中央兩位主廚的拉麵師傅。獨個兒的我被安排坐在吧檯，正好看到師傅煮麵。第一次來，還是吃招牌拉麵「一虎拉麵」好了，看到夏日推介檸檬拉麵，本想一試，但怕中伏，有緣才再試吧。下了單，便吃杯冰水，走了半天書展，累極，好一杯冰水除解喝外，同時清洗味蕾。煮麵的師傅是健碩的年輕人，雙擘也有復習的紋身，如果雙擘也紋上老虎頭樣，那就能與店名匹配了！年輕師傅同時間處理三個拉麵，這是我並不欣賞之處，年輕人旁邊是一位女師傅，聽她說話的語氣，敢肯定她才是主廚，年輕人將拉麵瀝水後，便將麵交到女師傅那碗中，女師傅將麵一弄，再整理配菜等等，然後交到我前方的檯頂上。我慢慢取下拉麵，這下動作，個人認為對女生是有一定危險性，不過，這就是吧檯的風味。下單至麵上桌，用了十分鐘左右的時間，這絕對可以接受，始終，晚飯時間，店內剛滿席。「一虎拉麵」，已包括了兩塊

曾經走遍灣仔各處找有「日本的味道」的拉麵，一虎是我心目中的首選。每當午飯時都會排了一條人龍，可見質素一直都有保持到。今日帶朋友再到來，希望介紹給她試一試，果然不負所望。當我們去到在店外等了15分鐘，排隊差不多到的時候，店員會給一張落單紙，讓你選擇吃什麼，他們能做到的是日本一向兼顧到客人各色各樣的口味，拉麵種類及麵質，需不需要固有配料或加其他配料，都一一為你準備好，以客人意願去完成他們理想的拉麵，這點我最為欣賞。今次我點了招牌「一虎」，上檯後，熱烘烘，湯底是非常重要，不要太滾，因為第一啖嚐的一定是第一口湯，湯底很濃郁，不油不膩，香濃豬骨味很出色，每次都差不多把湯飲完。我個人喜歡幼身及較硬的拉麵，口感都較有彈性，而且掛湯都相對比粗麵好。叉燒不肥膩而且好大塊，不會有一大肥膏的。溏心蛋，一口咬開就是流心的，很滿足的感覺。

猶記得一虎的前身神虎拉麵，曾幾何時乃本拉麵控的最愛，今勻造訪，未知會否承傳神虎的精髓。跟神虎開張時先試神虎拉麵的情況一樣，小人先試個一虎拉麵。不管湯底、麵質還是配料都與神虎有著九成相似：湯底是極濃厚的豚骨湯，入口黏黏的有膠著的感覺，直身麵條爽滑，掛湯力還可以。惟叉燒十分瘦弱，好像沒有脂位，溏心蛋亦太熟，蔥亦不及以前的香，影響了整碗麵的質數。若然未試過神虎拉麵的話，作為一碗普通水平的拉麵尚可收貨的。