憶食尚臘味煲仔飯

營業中

休息中

講起煲仔飯通常諗起廟街個邊既餐廳，但我想坐得舒適食得舒服，搵呀搵就搵到憶食尚。入到餐廳感覺環境舒服，見到枱與枱之間有屏風隔住，可以保留些少私隱，餐具碗碟又擺得好整齊，成個感覺很良好。我地點左廚師推介既川椒麻辣雞煲，另外點左廣式臘味煲仔飯同上湯菜心。▫️ 川椒麻辣雞煲雞煲以砂煲上新鮮滾熱辣，打開蓋仲見泡泡，聞到辣椒香，爆香三色椒、川椒、紫蔥、大蔥、蒜頭，同雞肉一齊炒好惹味，索哂配料既精華，食落辣度足夠，食得好辣既朋友可能會想加辣添！▫️廣式臘味煲仔飯用鮮肉臘腸、南安板鴨、臘肉、五常大米製成，賣相好靚。店員幫我地加蔥粒、頭抽撈匀，食落味道更香口。臘腸同臘肉有鹹香且帶油脂，板鴨亦有鹹香，肉質乾身有嚼勁。煲仔飯靈魂係飯焦，食落乾香脆口，帶點臘味脂香，的確幾好食😋▫️ 上湯菜心蒜片爆香過，舖係菜心面，菜心煮得剛好，食落爽口又嫩。呢到有菊花茶，可以解膩又清熱😌店員會主動過嚟加茶，仲幫我地換碟，服務態度好好👍🏼

餐廳外觀簡約帶點典雅的味道，玻璃外牆採光度很足夠。門口擺放了一些醬油、臘腸、手工麵給予客人購買。還有一碗碗模型煲仔飯🥘，非常可愛！餐廳樓高兩層，職員安排我們坐二樓，經過一條有掛畫的樓梯到達二樓。看得出餐廳裝修擺設很有心思，雖然是中式餐廳，但沒有傳統中菜館的裝潢，反易使用中菜館少有的配色格調，在擺設、餐具輕輕帶一點中式元素。尤其是用來分隔的屏風，除了更添私隱度外，屏風上的水墨畫和桌上的裝飾花更添清幽優雅氣息。餐桌之間有足夠空間感 ，整個用餐過程都坐得很舒服 ，簡直是顛覆我對傳統煲仔飯餐廳的感覺！食物方面當然必試煲仔飯🥘♡廣式臘味煲仔飯$168職員在遠處拿著煲仔飯走過來，我已經聽到煲仔飯的沸騰聲音。打開煲蓋，蒸氣迎面而來，接下來是臘味和飯焦的香味撲鼻而來。內有臘腸、臘鴨、臘肉和菜。職員加入香葱和豉油後再攪拌。特別喜歡臘腸和臘肉，雖然十分邪惡，但口感和油香配飯吃實在太好味了！個人就不太喜歡吃飯焦，但這裏可以選擇加上湯煮，正合我心意！熱騰騰的上湯配合飯焦，濃郁的上湯味道，容易入口，變了湯飯的感覺，另類口感，相信在冬天進食的話感覺更正！♡山茶鮮准山排骨煲$148用山茶醬烹調的食物比較少見，山茶醬

以前係興冬天食煲仔飯，貪佢食完暖粒粒。其實夏天坐室內開住冷氣食都一樣咁正。今次黎到佐敦呢間餐廳，裝修高級好有格調，卡位又坐得舒適，食物質素仲喜出望外。香菇滑雞煲仔飯 + 廣式臘腸 : 煲仔飯一上枱已經聞到陣陣飯香，侍應會即場加入醬油、香蔥及芫哂攪拌，煲仔飯既餸份量都幾多，細份2個人都一定夠食。雞肉嫩滑啖啖肉，臘腸唔肥而且唔會太鹹。食到一半侍應再將飯焦剷起，焦香甘脆!另外再叫了金銀絲拌銀針同上湯菜心，兩款小菜都做出了高水準，味道非常唔錯。

當日在佐敦渡船街附近發現了這間煲仔飯專門店，與心目中煲仔飯店的感覺截然不同，既乾凈亦舒適，頓時很有好感位置（7/10）：餐廳位於渡船街及佐敦道交界附近，比較偏但卻不難找，由港鐵柯士甸站A出口步行也只需約5分鐘環境（9/10）：與其他煲仔飯店狹窄的感覺不一樣，餐廳裝修更像西餐廳，有一種高級中菜館的感覺，環境及座位讓人相當舒適服務（8/10）：侍應相當有禮貌，入座後會提供熱水清洗碗筷及上茶，不時會幫忙加茶，上菜快，亦會主動收拾食物（8/10）：主打臘味煲仔飯，亦提供多款中式小菜，同時有二人及四人套餐，擺盤精美，適合一家幾口共聚只有我和太太兩個人，除了一定要試的煲仔飯外，點了一碟肉及一碟菜椒鹽一口骨 - $88（例）太太最愛香口的食物，便選了椒鹽排骨。很有避風塘口味，香氣撲鼻，排骨切到細細粒，易入口而肉質鮮嫩上湯菜心 - $78為免整餐飯太熱氣，當然要選上湯浸的，菜心很鮮甜嫩滑，菜心面有大量蒜片及金華火腿絲，一齊食更香更有層次特式臘味煲仔飯 - $158（小份）最後是招牌菜的臘味煲仔飯 ，上枱時侍應會即場幫忙處理，攪拌啖啖焦香的飯焦、香蔥、小棠菜及臘味等，很惹味，份量絕對夠二人份。臘味有鮮甜

📍憶食尚臘味煲仔飯 秋天到咗 係時候又到食煲仔飯嘅季節😬食完煲仔飯成身都暖笠笠🥰 今次小編就同大家介紹一間位於佐敦嘅餐廳 佢哋另外都有賣唔同嘅臘味 如果係嗰度食完飯 覺得啲臘味唔錯嘅話 可以買返包返去整都得😆-廣式臘味煲仔飯 $158小編好耐未食過煲仔飯🤭 熱辣辣上枱 已經聞到好香嘅臘味味🤤嗰飯有小棠菜、臘腸臘肉等都好豐富🤤不過臘肉就咁食嘅話會偏鹹咗少少 但係撈勻連埋啲飯食就啱啱好😝 飯嘅份量適中 兩人啱啱好夠甜蜜咕嚕肉 $88有三色椒、菠蘿、咕嚕肉加醬一齊炒🤤食落酸酸甜甜 外脆內軟 咕嚕肉嘅份量都唔少 好味😋上湯菜心 $78有一啲生蒜放左係菜上面🤭食落會有少少辣上湯菜心個湯底幾好味🤤 食落又唔油 而且都幾大條🙆🏻‍♀️✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ . 8回頭率：★ ★ ★ ★ ☆抵食指數：★ ★ ★ . 7✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎

入秋後，晚上天氣有點清涼，忽然好想食煲仔飯，朋友介紹咗我去位於佐敦文匯街的憶食尚臘味煲仔飯。有別於傳統餐廳裝修，這裏裝修別緻、優雅，每張枱都有屏風隔着，感覺到有獨立空間而且闊落，屏風上圖案清雅脫俗！首先我哋叫了一壺玄米茶，非常清香。侍應介紹了川椒麻辣雞煲，的確惹味十足，上菜後，侍應會親手為我們撈勻，芫荽同配料撈勻之後更覺惹味，一陣陣嘅辣味撲鼻，而且撈勻時聽到撲撲聲，色香味俱全，真係流晒口水。另外，上湯菜心好好好味 ，蒜片同金華火腿調出上湯美味，菜心大棵卻清甜冇渣。嚟到怎可能不叫煲仔飯，因為樣樣臘味都想食，所以點了秘製臘味煲仔飯，同樣上菜後，侍應會為我們加上醬油撈勻，油香撲鼻，最難忘是臘腸味道，豬肉多汁又不是成口油，而且有酒香味道，望望餐牌，原來臘腸是選用黑豬並以53度茅台酒來醃製，怪不得一試難忘！這間餐廳不錯，下次要帶家中長輩來試試！

今晚請一個對餐廳環境同裝修都“好有要求”嘅朋友食飯🙊 記得幾個月前黎過呢度食lunch覺得環境非常正而且私隱度高，經佢過目同允許之後我就即刻book檯😂我地叫左個中份特色臘味煲仔飯，蔥爆雞煲同埋上湯菜心～黎呢度必食既一定係煲仔飯😋 佢混合左三款招牌臘味：鮮肉臘腸，臘肉同埋板鴨😁店員會幫手撈勻配料，而且佢地經驗豐富可以確保飯底有香口又唔會太燶既飯焦😝臘腸係用左三分肥七分瘦既黃金比例，入口香得黎唔會太膩👍臘肉同板鴨鹹香味十足，配煲仔飯真係無得頂！😋我同朋友都唔太食得辣所以叫左唔辣既雞煲，一黎到香噴噴😍雖然唔辣但啲薑蔥依然好惹味，雞肉肉質亦好滑～菜心面頭有啲蒜同金華火腿帶出香味令個菜味道無咁寡👍 菜心口感非常爽脆～難得呢個咁"高要求"既朋友都好滿意，我真係覺得好欣慰😂😂😂

👧🏻Wodafoodie in Jordan邊個話夏天唔可以食煲仔飯，怕熱既其實揾間環境舒服d既一樣可以食😝自從食過呢間之後，每次有fd話想食煲仔飯我都會帶佢地黎😌環境好舒適，優雅，服務又好👍🏻呢到既🍵茶可以揀烏龍/玄米/菊花茶。✨🥘川味臘味煲仔飯(中份) $148醒目既店員會俾你相機食先📸再幫你落豉油蔥粒撈😆今次試川味臘味，有臘腸臘肉同臘鴨，臘腸切成薄片，帶少少辣辣地唔錯喎😋臘鴨同臘肉既油脂俾白飯吸曬，鹹味有層次。用瓦煲上，好容易就刮到脆口飯焦，又唔會燶曬，有種煙燻味，搞到我朋友一路食一路讚好食🤣🤣比起傳統既臘味我會覺得川味帶微辣更加有驚喜同出色🥰👍🏻👍🏻✨🍍🐷甜蜜咕嚕肉 $76咕嚕肉炸得好脆，個汁唔會太酸較得岩岩好，每一粒都比甜甜酸酸既汁包住，好好食，送飯一流😋好鍾意佢有好多菠蘿好甜🍍😆👍🏻✨ 🥬上湯菜心 $68出去食飯我都會想健康d，上湯清甜，清淡又解膩，健康之選～📍 憶食尚臘味煲仔飯 (佐敦)佐敦文匯街22-24號地下2-4號舖