莆田 (美麗華廣場2期) (已結業)

同朋友咁岩去開美麗華行街街到攰攰地夠鐘依肚就諗起莆田米芝蓮一星餐廳的福建菜餐廳叫左個百秒黃花魚果然好出色本身我好怕食魚因爲多骨同埋好怕魚肉好鞋但係呢個「百秒」既烹調煮法非常特別同有特式夠哂賣點之餘完全令我對出街怕食魚大大改觀魚好滑又彈牙用匙羹一不就起到魚肉出來骨肉好分離零腥味酥炒芋芯又一令我對芋頭改觀既一碟呢碟可以當佢甜品又得因為佢外層有層甜嘅薄脆好似冰糖胡佬嘅外層咁樣皮脆芋香福建特色海蠣煎有些似蠔餅既感覺不過呢個係福建風味的別有一番特色香蔥配上海蠣都係一個絕配九層塔香燜海蠣好惹味九層塔既味完全帶出海蠣鮮味一個選料六款選擇可揀兩食都係$188抵食到不得了興化米粉材料豐富中國紫菜好脆米粉竟然係可以好彈牙條條分明蝦又夠大隻白菜又夠新鮮仲有蜆同蝦

其實好耐之前已經係莆田的常客，午餐晚餐, 又或是元朗荃灣店都經常去。想吃中菜，但對粵菜 厭倦，莆田就是我不二之選，而且 以平民價錢 就可品嘗米芝蓮一星餐廳, 實屬抵食。今次去了尖沙咀店用餐，主要係因為海蠣當造,每年冬天到三月上下旬, 是海蠣最盛產季節, 海蠣養了三百多天， 正是最肥美的季節， 而且 興化灣屬淺海區， 海域水質優越， 海蠣的肉質因而鮮甜。 依季節而吃東西是常識吧，所以這天 就是了聞名的莆田海蠣。-九層塔香燜海蠣海蠣輕輕走過油, 再用九層塔以及蒜子乾燜, 上枱時仲係滋滋聲 , 九層塔的香氣 即刻飄入嚟 。第一粒海底除咗有自己鮮嫩嘅味道之外， 仲有九層塔嘅香味cover晒每一粒蠣， 入口q彈滑嫩，好味！-頭水紫菜海蠣煎蛋頭水紫菜來自小麥島。所謂 頭水紫菜 是指第一次長成及頭次采割的紫菜，頭次采割。 比其他紫菜 蘊含 更多豐富營養 ，如多糖、高不飽和脂肪酸等等。 頭水紫菜一向都係蒲田必食之品，加埋 此時當造的海蠣， 原來海裏嘅產品與雞蛋都可以咁match！ 蛋邊煎的香脆，而海蠣與頭水紫菜的份量實在有夠多！ 實在讓人回味.-興化米粉去食茶餐廳早餐通常都係東莞米粉，而 台灣盛產的通

今晚同朋友特別來食海蠣，因為餐廳專門養殖，而且每日直送海蠣到港，非常新鮮。而且其他菜式都是用料講究，會食到當季食材，會定期轉換當季菜式。菊花泡茶清香微暖，味道溫和，仲可消膩。餐前小食的薄脆，有點似脆麻花，甜甜地好酥香鬆脆。酥炸芋芯賣相吸引，芋芯外層脆薄，中間的芋芯粉綿香軟。有點似反沙芋，但唔會好甜亦不膩，外面只是微甜帶咸仲好脆口，味道好好。「莆田海蠣鮮，養足300天」，海蠣有6種食法 $188 (6選2)，價錢吸引，幾款選擇唔怕食到悶，下次再食其他款。今次揀左香口惹味的炆海蠣及煎海蠣。當季主推 NO.1 的 九層塔香燜海蠣海蠣的份量很多，細細粒脹卜卜，養足300日的海蠣好肥美，先炸脆海蠣再加入九層塔及蒜子在砂鍋中乾燜，好香好惹味。海蠣炸過再燜，不但唔會好乾，海蠣仲保持飽滿多汁。頭水紫菜海蠣煎蛋特別矜貴的頭水紫菜，是每年第一次長成的紫菜頭次採割，所以而得此名，產量極少，是紫菜中的黃金。海蠣煎蛋加入了頭水紫菜，味道更鮮甜，每粒海蠣都被蛋汁包著，所以肉質仍嫩滑juicy。百秒黃花魚來自福建的黃花魚，需要180-200g內大細適中，才做到100秒蒸熟魚肉，將魚開邊更易快熟，菜式也好考廚師的技巧

每次莆田出新主題都心思思想黎，海蠣節感覺幾岩屋企人口味，就帶佢地黎見識下米芝連推介餐廳既新作。酥炸椒鹽海蠣 ($188/2) 六選二海蠣比想像中細粒，酥炸方式有少少似鹽酥雞既整法，甘香酥脆又難得地唔會好厚粉，仲隱約透出蠔仔既鮮味。 太香口既關係，一口接一口好快就清碟。頭水紫菜海蠣煎蛋 ($188/2)上次到訪對頭水紫菜既冷盤一試難諗，今次混入蛋漿中煎熟，紫菜香味反而唔太鮮明，只有淡淡香氣。 反而幾鐘意僅僅熟既煎蛋同蠔仔呢個組合，兩者都軟糯香甜又濕潤，口感同味道都好夾，係簡樸既美味。福建特色海蠣煎 ($188/2)台式蚵仔煎就食得多，福建整法賣相似普通煎蛋，原來內裡好似蚵仔煎咁落左生粉黎黏合蠔仔，口感有點奇妙，家鄉野特色野我唔係咁識欣賞，但材料係新鮮既。九層塔香燜海蠣 ($188/2)九層塔既香味經煲仔燜煮過後完全發揮到出黎，海蠣炸完拌入醬汁同香料猛火快炒，每一啖都係九層塔既香氣。 香就夠香喇，但燜煮做法令炸皮都吸哂汁淋哂，個人鐘意酥炸版本多d。酥炒芋芯 ($89)依然保持到水準，芋芯夠鬆化軟熟，外皮半煎炸至微脆帶甜，食極都唔厭。百秒黃花魚 ($69)雖然屋企食開細條黃花魚，見到king

莆田近年多了很多分店，之前吃過都很不錯，今晚Happy Friday，與兩位友人決去試試尖沙咀美麗華分店。看到最新推介「莆田海蠣節」，$188可選兩款海蠣菜色，友人們都很有興趣。海蠣原來是類似台灣的「蚵仔」，莆田的海蠣是養足300天的，冬天至三月是時令季節，正所謂不時不食，就食這個吧！「九層塔香燜海蠣」味道像中式的燜蠔，口感像蚵仔但更Q彈肥美，十分惹味，很適合送飯～「福建特色海蠣煎」就像台灣蚵仔煎，不過比較乾爽，不像台灣的那種黏口。海蠣煎比想像中要來得大塊，而且海蠣分量很多，每一口都有肥美的海蠣，香脆可口，個人覺得煎的時間如果短一點就更好，因為太燶的話吃得太多會很熱氣LOL之前吃過「酥炒芋芯」覺得很好吃，今次都再點了，外面是薄薄的甜脆感覺，裡面是芋頭芯，所以特別鬆化軟綿，是「莆田十醉」之一。「百秒黃花魚」也是必食菜色，顧名思義100秒便煮熟，剛熟的鮮魚口感好嫩滑！黃花魚出名鮮甜，真的是每次吃都沒令人失望！最後來的「興化炒米粉」，據說是已有千年歷史的「非物質遺產」，利用黃尖米製作及生曬，比一般米粉幼很多，但綿密而帶點彈牙，口感很特別，沒吃過的很值得一試啊。最欣賞莆田提供的不是茶水，而是杞

今期莆田又有新食材 - 莆田海蠣節!莆田的海蠣會養300日才推出市面, 而且係富有微生物及由山上流下的山泉水的海洋中養殖, 無污染! 仲會減少腥味添!今次莆田海蠣節有1個價錢食到2款不同的海蠣美食! 優惠價$188可以六選二! 我揀左福建特色海蠣煎 & 九層塔香燜海蠣.福建特色海蠣煎 - 用海蠣加蛋煎香, 十分似台式的柯仔煎, 海蠣有大有小的, 粒粒都飽滿脹卜卜, 海蠣先調味煎香, 再倒入蛋醬, 可以食到海蠣的原味, 好鮮甜, 蛋又岩小朋友食!九層塔香燜海蠣 - 十分香, 十分野味!!! 九層塔把海蠣帶到另一境界!! 海蠣用粉包好炸香, 再加入九層塔去燜, 味道濃郁, 海蠣更有口感! 食唔停口呀!!!除左海蠣, 仲有其他名菜:酥炸芋芯 - 睇落好似甜品, 外脆內軟, 口感特別, 只取芋芯部份黎做, 原來係莆田家鄉風味代表作之一!百秒黃花魚 - 黎莆田必食, 十分鮮滑, 魚肉滑不留口, 飲埋魚湯先識食, 精華所在!興化炒米粉 - 莆田米粉被譽為「白如雪，細如絲」, 極幼細的米粉, 有煙韌的口感, 再加上十分豐富的配料, 有蝦/蜆/肉/花生/蛋/菜/紫菜等等, 回味!

好耐之前係銅鑼灣食過一次，尖沙咀開左分店，就去試下。星期日中午時段人流好多，差不多滿座。先上杞子菊花茶，要多浸一會更出味，清清的茶香。前菜是香菇豆，很少見的豆，質地是淋身粉粉的，味道像瓜子。酥炒芋芯，外脆甜甜的，內是粉的芋頭，由於我很喜歡芋頭，很快便吃光了。百秒黃花魚(1條)，沒有魚腥味，肉質也嫰。興化炒米粉，和平時吃的炒米粉不同，米粉很幼身，不錯的。莆田海蠣節，6種吃法，一次點倆，$188 6選2。我們點了九層塔香燜海蠣和福建特色海蠣煎。福建特色海蠣煎，有好多海蠣、蔥和蛋。與潮洲式的蠔餅很不一樣。九層塔香燜海蠣，香香的九層塔味道，海蠣細細隻，醬汁較黏口。

今晚放左工約左朋友交收，順便黎到尖沙咀就品嚐一下福建既菜色：米芝蓮一星既餐廳到底係點架呢？去到餐廳🍴都幾滿下，好彩仲有一張梳化位，店員就安排左我地去坐，有茶水供應同埋有一碟涼拌，酸酸地幾開胃，睇完menu 就叫左5碟菜式！分別有：海蠣叫左2款因做緊promotion ;福建特色海蠣煎，咁岩係海蠣旺季，所以海蠣都特別好味道，用海蠣配煎蛋整到好似pizza形狀，煎得好甘香；而九層塔香燜海蠣好惹味，九層塔帶出種味同海蠣都幾match,仲有d蒜頭爆香埋一齊炒出海蠣既鮮味！😋😋 百秒黃花魚來頭就勁啦！統計過每一百秒就賣出一條，真係條黃花魚肉好鮮甜同好滑，又唔會有太多碎骨，仲可以飲埋係底既魚湯！而個興化炒米粉就係呢度既招牌菜色，米粉比新竹米粉更幼細，一定要配埋辣媽秘製醬一齊食，酸酸辣辣咁，略帶少咸焦香味道，米氣十足！最後就有酥炒芋芯，外表有層焦糖，外脆內軟，芋頭味香濃，不過食左2-3舊就開始有d飽既感覺！唔怪之得咁多人慕名而來食下出色既福建菜！👍👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

蠔迷的我近日知道甫田舉辦海蠣節，以蠔為主題煮出六款不同菜色，於是興高采烈地建議一眾愛蠔同事們中午飯一同前往品嚐，實現中午飯蠔宴不是夢！鋪面同樣以大家熟識甫田的天藍色與金色為主，鋪位設計與商場成半開放式，幸好兩者皆寧靜，不會有嘈吵聲互相影響對方環境純白色的餐具，雲石檯面及象徵甫田的天藍色，總帶給我恬靜與遊閒的感覺，茶壺內載著非一般的香片壽眉普洱，而是淡然的菊花茶，添加了一份清幽心曠神怡感。菜牌已附有甫田海蠣節的宣傳廣告，標明海蠣被養在鹹度低之海水足300天，直此提升海蠣鮮甜，而且現撬現發不泡水，見似信心保證的養殖方法與步驟不禁令大夥兒期待不以炸海蠣有香濃九層塔味，並以紅蒜爆過所以頗野味，用小蠟燭座著令餸菜仍覺微暖，但略嫌海蠣尺寸偏小，令炸粉比例較多，同時削弱了蠔的口感與鮮味質感如羹，內裡食材豐富包括海蠣、番茄、枝竹、椰菜花及芫茜，味道清淡但反而可突出蠔鮮，內藏大量蠔，差不多每喝一口也會有一隻蠔，而且小蠔非常適合用於烹調羹，大小可以隨流質入口，番茄與椰菜花質感爽口，非煲至腍身，冬天嚐羹確實是不錯的選擇，為剛從公司走來受寒風吹襲的我們添一份暖意烹調方法與台灣蚵仔煎相似，同樣使用粉漿煎蛋，但該

去莆就梗係去甫田啦。之前有朋友推介依間米芝蓮一星餐廳，今日順路行開就試下新加坡style既福建菜。海蠣原來係蠔既意思。有個餐係188蚊6選2，蠔全部都係蠔，用左唔同福建煮法，岩晒鍾意食蠔既朋友。我地揀左九層塔同紫菜煎蛋果個試下新加坡新鮮既海蠣菜。紫菜海蠣煎蛋，份量同賣相都唔差。比我想像中多蠔，並唔係出面一碟得果幾隻，直情係每一啖都有幾隻蠔。而且d蠔好鮮，加埋炒蛋好食。炒得唔會太乾身，加埋紫菜濕濕地有d汁，唔錯。另一款係九層塔香燜海蠣，好香既九層塔味，岩晒鍾意九層塔香味既我。依個係用燜既煮法，平時好少見，d蠔係炸過再燜，入晒九層塔既香，仲帶點趣趣地即口感。另外，叫多左一味小食酥炒芋芯。有小小似反砂芋頭即感覺。外趣內鬆，用糖漿炒到黃金色，睇得之餘仲食得。份量又係多到兩個人食唔曬。原來蠔都可以有咁多種食法，未食過新加坡福建菜真係要去嚐一嚐d蠔，鮮味十足!

早幾日同朋友行街，見到莆田剛推廣海蠣菜式，$188 可6款選2款特色海蠣菜。 媽媽同我也是海蠣fans，當然即帶媽媽去試一試。 江口家鄉海蠣湯好足料，大大隻海蠣好鮮甜，加咗番茄及醋，帶少少微酸好開胃。九轉小腸這個好多工序，先去掉肥膏再連續穿入小腸。 好少吃到整到咁完美，又有個燭台暖着它，好花心思又美味菜式。九層塔香燜海蠣海蠣炸熟後，放入已燒熱鍋中。 加上新鮮九層塔香葉，放上枱即時在熱鍋內炒拌。 令九層塔受熱慢慢散發香味滲入海蠣中。