何洪記

營業中

休息中

同朋友行完誠品上12樓搵嘢食，個friend話想清清哋食粥麵於是去咗何洪記，感覺幾特別。接待員安排咗近門口嘅卡位位置，好鬼靚，tiffany blue色嘅梳化，有盞小小吊燈，勁襯港女下午茶。呢個位幾好，好似自成一角，唔會嘈可以傾下計。鮮蝦雲吞麵果然係粥麵專家，麵質彈牙，湯鮮甜忍唔住成碗飲晒。雲吞剛好一啖一粒，蝦同肉嘅比例都啱啱好，我勁自私食晒啲雲吞留返晒啲麵畀個Friend哈哈。乾炒牛河開頭都怕肥膩，但聽講就連蔡瀾都推介，咁就試下啦。真係好驚喜，一啲都唔油，食得出夠鑊氣，同埋炒得好勻，唔會有啲咸有啲無味咁。牛肉明顯新鮮，唔係嗰啲腌到變味嗰種。XO醬煎腸粉值得推介，少辣惹味，腸粉唔係厚皮嗰種，最出色係個豉油，一倒出嚟已經好香，食落唔係咸，係鮮味，可惜豉油無得散買，如果唔係都想買返枝~

同朋友喺希慎行完誠品搵嘢食，於是上咗十二樓食何洪記。入到餐廳嚇一跳，咩事裝修得咁鬼靚，一啲都唔似粥麵舖，坐出面嗰排卡位勁似港女下午茶嗰啲feel，tiffany blue梳化再加小小吊燈，不得了。去何洪記一定要食雲吞麵，碗麵熱辣辣好鬼過癮，食到殊殊聲。麵好彈牙，雲吞好得，湯底鮮甜，我成碗飲晒，飲完唔覺口渴。另一個一定要試嘅係乾炒牛河，聽講連蔡瀾都讚好。試完覺得好有鑊氣，每條河粉都炒得好均勻，最緊要係唔油膩，你知啦，乾炒牛河同油係掛勾架，但何洪記嗰碟我又唔覺油喎，最起碼隻碟食完係唔油呀。最後唔夠飽叫多個xo醬煎腸粉。頂呀，係我食過最出色嘅煎腸粉！少辣好惹味，個醬油好香，腸粉唔係嗰啲硬到可以打人嗰種，煙煙un un，好可惜個醬油無得另外買，如果唔係都想買返枝。

每次想食雲吞麵，都會諗起何洪記，雲吞蝦夠鮮味，麵夠爽口，湯底都好好飲炸鯪魚球好新鮮彈牙蝦餃大大粒乾炒牛河係邪惡嘅化身，河粉炒得好香特別要讚的是門口服務員，她非常細心，見同行有長者，會特別安排座椅等候

香港地真係周街都係粥粉麵，要話邊個第一就真係仁者見仁智者見智喇，畢竟青菜蘿蔔各有所愛，何洪記稱為粥麵專家，照計應該唔錯嘅！招牌嘅雲吞麵，傳統嘅雲吞傳統嘅麵，或者我期望過高，諗住吃個驚喜喇，其實麵就一麵啊，都唔知我當時想食出乜味先算驚喜吖雲吞唔錯，蝦好大個，雲吞皮好順滑，麵好有嚼勁吖，哈哈，不過覺得有d咸咯！牛河好味！！牛肉滑嫩有牛味，河粉入味又冇乜油，一d都唔覺得油膩，牛肉仲幾多下，好大塊，真係夠曬抵食。不過牛河幾貴下，成百幾蚊一碟，有d心痛吖。菜心唔知係乜太快撈起身，都未几熟，有草清味……真係敗筆！

店比較好找，而且店裡環境很乾淨，人均100多，還是物有所值的。蝦餃很Q彈，腸粉超級軟糯，裡面叉燒挺多的，乾炒牛河配料不少，牛肉很嫩。最喜歡鮑汁鵝掌，入口即化，骨頭的酥酥的感覺，搭配的冬菇好好吃。

老字號嘅店好多，港式早茶。早上起身心思思想食河粉，同F兩條友又來食牛河。去到9樓誠品書店，再轉個LIFT再到12樓。12點幾來到，唔使等位。整翻個乾炒牛河先（$105）。唔知點解，我就系好中意食牛河。NEE度D牛河，好夠火候，你覺得賣相唔夠好，其實系系炒得有D隆香。但係又唔會好老 ，牛肉都系好嫩口。夠油水，但係又唔會食到一嘴都系油。分量夠曬。如果鐘意食辣嘅F，可以加辣椒醬咯。鯪魚粥（$68）好鮮甜，D粥都系食落好甘，鯪魚無咩骨，加D炸過嘅花生，好香。唔會好咸，就系因為唔咸所以覺得特別有魚鮮。流沙包，一啖咬落，好有流沙出來噶感覺，暖粒粒，中意。D包夠軟。芝麻糊（$48）芝麻糊就中規中矩，不會好甜，不過好濃芝麻味。吃完一定要飲水，因為好容易有黑芝麻留系牙齒。hahaha...Just a joke.

自己好想食乾炒牛河,就決定去何洪記了.$105 乾炒牛河,不能不食!炒得乾身,碟底無油,牛肉鬆化肉味天然(相信無用鬆肉粉),河粉上色均勻,機本上無咩可以挑剔!當然要配埋余均益辣醬.其他食物水準不過不失,點心唔算上品.但呢一道牛河,已經無敵了.

下班時間掛紅雨，炎熱氣溫頓時回涼；懶人午餐的後續就是晚餐想吃滿足一點，千迴百轉，踱步希慎何洪記進店的第一目標是為乾炒牛河牛河上桌，滿大一碟；河粉炒得好，夠鑊氣，上色均勻，條條分明，碟底無油；牛肉份量也很適中，有肉味，有嚼勁；配上余勻益的辣椒醬，就是美味！如果問我，百元一碟是否值得，我也不能回答，只是如果吃東西也有分霸氣與否的話，吃著這盤牛河的我，確是感覺很有霸氣 (猶如$128 餐蛋飯？)換角度想，如果是進店點意粉的話，標價百多元我們也不驚訝吧？更甚者，百多元一碟的意粉，味道一般也屬常事 ，既是如此，就請公平一點，不要因為是過百元的牛河，就奢望它會給你此生無遺的味道牛河之外，雲吞麵也屬我的目標，雖然過份，也要任性點下去細蓉上桌，SIZE正宗，恰如其份，竹昇麵條下，覆蓋著的是四小顆鮮蝦吞雲；先呷一口湯，以韮黃配大地魚熬成的湯，喝起來相當清爽，味道對辦，口味比中環麥奀記溫和親民得多；再試麵條，麵條爽滑，鹼水味幾不可辨，入口有質感，爽彈好吃！而雲吞也幾無可挑剔之處，皮薄口感滑，用料足，蝦肉大顆，新鮮爽口！吃著雲吞麵，想起兔斯基的插畫：單身就是一個人吃餛飩麵…… 實是有深深之感… 不過，我唔止

6月1日, 呀菲呀比倆口子就快變三口嘅日子快將來臨, 所以最近都加緊節奏狂食埋最後嘅舒服餐~ 今日抽起條根好想食乾炒牛河, 而云云餐廳中對乾炒牛河比較有信心保證嘅要數何洪記!::: 乾炒牛河 ::: $88果然係名不虛傳! 乾炒牛河色水均勻, 河粉炒得夠光澤但唔會黐埋一舊舊, 條條都煙煙韌韌有米香. 牛肉味道係新鮮既~ 咬落唔會好似比梳打粉腌到軟淋淋, 而係有d嚼勁既! 其他配料如芽菜、韭菜、蔥絲都落足料兼炒得有鑊氣~ 好味!::: 正斗鮮蝦雲呑麵 ::: $35黎何洪記又點能夠唔叫碗細蓉試下呢? 秉承傳統風味, 細蓉真係好細的, 三兩啖可以食晒! 當然, 除咗係傳統細細碗之外, 雲吞都係傳統一口size, 雲吞皮剛好似條金魚尾巴, 淥得剛好滑溜. 皮薄餡靚, 用上鮮彈蝦仁做餡, 咬落彈牙有鮮味~ 竹昇麵亦十分爽口~ 值得一吃.::: 黃沙鮮豬膶腸粉 ::: $40豬潤腸皮薄餡靚, 用料勁足! 晶瑩剔透既腸粉皮下可見粒粒大粒既豬潤~ 豬潤爽嫩味道濃郁, 配上有米味嘅腸粉十分相配! 鐘意食豬潤嘅朋友一定要試!由以前喺跑馬地放學行出銅鑼灣必經既何洪記地舖時代已經好想試, 不過細個成日以為佢

從前我認識的何洪記，是一間有人情味的小店，簡單的裝修和實而不華食物風格，是我喜愛這裡的一個重要原因。在霎東街的那個小店鋪租都十份有份量，就算其粥品雲呑麵是比外間一般的貴，我卻也是十分喜歡的，記得在那個擠迫的卡位搭抬吃著六十多元的乾炒牛河我也沒有所謂，這應該也是食物的魔力，我喜歡的就是其真。自知道那鋪易手後，他們在去年那個如君臨天下般紅得發紫的新銅鑼灣地標Hysan place開了新鋪，我大概也估到是什麼回事。知道價錢必會貴了一翻，而且在這些大商場進駐，總會覺得是像那些連鎖式經營的鋪頭般，失落了的是他們的靈魂。是故，開張咁耐，我也從未試過幫襯。這天和客人午飯，由於他們想吃地道食物，我二話不說便想到來這裡朝聖一番，探一探我的老朋友乾牛河和雲呑麵。在未吃飯之前，難得來到Hysan place ，當然要去到誠品來一杯天仁名茶朝聖一番。飲到一半便入座，我當然想一路吃一路飲。誰知道坐下之際，有個幾粗魯的男侍應走過來說:你杯野唔好擺枱面，然後拂袖而去。而家乜事，你可以話唔俾我帶野入黎飲，可以說請不要飲，點解唔准我擺枱面？難道這裡的租金太貴你唔想用唔知幾錢的尺租去同其他鋪頭賣廣告？呢個動作的確令我幾唔

團購瘋系列 – 從沒去過「何洪記」位於霎東街的總店，怕的就是這些名店不單止要大排長龍，連服務水平亦叫人受不了，當然還有那絕不便宜的定價。不過近日從網站發現「何洪記」為慶祝銅鑼灣希慎新店開幕，推出了一個 $128 二人套餐，當中還包括店裡的招牌鮮蝦雲吞麵和被蔡瀾譽為全香港最好吃的乾炒牛河，見店子平日單點一碗細雲吞麵都已經要 $34，而乾炒牛河更高達 $80 一碟，也二話不說，立刻買了一客來試試。為咗避開人潮，兩口子特意選了個平日的下午到訪。原來座落於希慎廣場 12 樓的「何洪記」，店子面積頗大，看起來超過二千呎，而且裝潢更摒棄傳統粥麵店的一貫老氣，以一室摩登時尚作打扮，閃色綑花牆身，金銅色波型大吊燈，再配襯上燈光火著的純白色用餐區，十分 trendy。據悉這間希慎新店是以重金七百萬元打造的，難怪整個設計望落去咁豪華醒目啦！其實筆者對這次的套餐都頗有期望，皆因店子向來評價不俗，尤其是被受追捧的雲吞麵和牛河，而且怎麼說也是米芝蓮一星食肆。出示完優惠券後便靜待開餐，等候期間，細看墊檯餐紙介紹，原來店裡的雲吞餡料，是以三分瘦肉七分鮮蝦的比例製作，而湯底則選用了大地魚、鮮豬骨、蝦角、蝦籽等