名館 (已結業)

約咗S&E响銅鑼灣食晚飯，聽聞希慎開咗間名館唔錯，今晚就去試試佢。店內有啲特別嘅2人孖位，單邊向住玻璃窗望街景，好似有個獨立空間咁。店員奉上蕎麥茶，好香。京川汁秋葵顏色新鮮，係微辣嘅涼拌，開胃。濃湯鮮蠔仔肉碎泡飯蠔仔大大粒唔會鯹，加咗肉碎、冬菇、蔥、芫茜，又香又清甜，好食。橋底混醬豬腸粉好耐無食過豬腸粉嚕，淋咗足足嘅甜醬、麻醬、辣醬，賣相已經吸引，加埋炒芝麻，又香又滑，好食。鐵板叉燒扒熱辣辣嘅叉燒扒，軟腍蜜味，超好味！蜂蜜柚子脆蝦球陣陣柚子清香，脆漿內蝦仁爽彈，食落酸甜開胃唔油膩。S最鍾亳食水煮魚，估唔到呢度有得食。鍋面放咗一大堆辣椒，麻辣飄散，香味四溢，微辣魚片滑溜美味，鍋內有寬條薯粉，口感滑韌，吸收咗鍋料精華，好味到呢......材料豐富，份量好多，4個人食極都唔完，好飽。金銀蒜銀魚蒸娃娃菜腍甜娃娃菜上面鋪滿配料，金銀蒜同小銀魚十分惹味。非常滿足嘅一餐。

「名館」已經係我近大半年最喜愛去嘅食店，由第一次好友歡聚到依家嘅家庭聚餐，每一次嚟到會叫到滿枱食物，只因為真係太美味了！尤其佢哋嘅燉湯，真係飲過返尋味👍🏼👍🏼👍🏼，知道最近換咗新餐單，就即刻叫咗個“川貝海底椰炖鷓鴣”呢保養吓氣管，燉湯鮮甜清潤正合依家秋涼天氣飲用。另外佢哋嘅“糖心黑蒜燉響螺”同樣材料豐富鮮甜味美喔⋯⋯ 前菜我都有心水選擇，就係“京川汁秋葵”喇，呢個汁帶蒜香同小小辣👍🏼，好醒胃呀⋯⋯新餐單另一吸引我嘅就係“藜麥菌皇炒飯”，味道唔錯喎👍🏼，藜麥同白米嘅份量適中再加上陣陣菌香，飯又炒得乾身不會油膩，絕對係一個健康好選擇👍🏼👍🏼。而甜品方面，佢哋做得非常精緻，但我同屋企人都係最愛“夠薑千層糕”，糕身煙煙韌韌又夠薑味，熱辣辣上枱真係忍唔住要食多件呀👍🏼👍🏼😋。

朋友一直都好想食呢間中菜館，終於夾到日子黎食！京川汁秋葵其實我唔喜歡食秋瓜，但友人好鐘意，所以決定一試，呢道凍食的秋瓜帶辣、好惹味，一反我對秋葵的不喜歡！和風櫻花蝦炒飯，蝦仔調味令整個飯非常香，而且又唔會很油！讚👍🏻蜂蜜柚子蝦球，係我全晚最鐘意的菜式，酸酸甜甜，非常開胃，而且蝦肉係爽口、唔係平價梅蝦！！翡翠淮山炒素遼參，食遼參即刻覺得好高級，所以我們一試，清清地，有口感！ 銀湖天鵝酥賣相100分！！超靚😍😍入面係紫薯蓉，好鐘意佢的甜度好適中，唔會令人覺得太「流」！ 名館的甜品其實好吸引，仲有款棋子、麻將甜品etc，但因為我地太飽，無再叫到較大份的特式甜品！ 下次大班朋友食的時候，一定要試！每道中菜都好有特色，唔係集團式中菜館的款式，而且價錢非常合理

今晚同媽媽黎到食這間名館，環境好好！好舒服！好光亮！好乾淨！餐牌好靚好有型！好有feel京川汁秋葵：好爽口好清新又涼爽！黏液好多好補胃！微微辣好香好野味，夏天食健康美味之選銀湖天鵝酥：好靚呀！好生動的天鵝！鵝頸是餅干！酥皮一層層，熱騰騰又香脆脆；下面是芝麻底，香味濃郁！原來紫薯好香好軟滑！最愛的！超超超好味！黑金流沙包：好有型的黑色麵包配上金色橫文，好特別的設計！奶黃好香好滑好重蛋味、咬落去要小心流沙流出來（熱辣辣）！麵包結實飽滿！好有水準蜂蜜柚子蝦球：柚子配上青檸，酸酸甜甜好開胃！是我最愛的味道，好適合熱熱無胃口的天氣啊！食完好開胃蝦球好爽口好新鮮！用料十足、炸皮唔會過厚！金黃球泡飯：這個賣相好得意又特別！中間圓圓的是外脆飯焦、內面軟軟白飯；湯中有唔同的材料，豬肉、紅蘿蔔、粟米、香蔥粒，美味清甜又健康的湯飯，配上飯焦，口感好豐富多元化

平常不多吃小菜，不過看到Hysan有家裝修有現代風格的名館，環境優美，感覺舒適，所以來一試啦~它還有高檯，可自成一角，挑望外面景色。它的餐牌設計精美，選好後在另一張餐牌紙上寫好，交給店員就可以啦~聽說它們的燉湯不錯，選了糖心黑蒜燉響螺試試，湯色因黑蒜比較深色，味道有響螺的鮮味和肉的甜味，但是黑蒜味不是很突出。湯內有好多湯渣，響螺大大顆好煙靭，還有藥材和肉等等，非常足料。我喜歡吃川辣的東西，所以選了個京川汁秋葵來試試。酸酸的醋汁混了辣椒碎和蒜末，酸辣的好惹味。因為是冷盤的關係，秋葵不會太黏還有點爽口，洽到好處。黑松露炒蛋是fusion吧，把平常的蝦仁炒蛋換了黑松露，香味甚濃，蛋也好滑，如果沒有蔥更好，哈哈。重點是這個西式主菜，鹹豬手！168元的價錢甚至比西餐館還要便宜，但它卻是大大隻的啊！還配了調味粗薯條和茄汁及芥末醬。把豬手切開時聽到清脆的聲音，就知道外皮香脆，皮下連著點脂肪柔軟，不過不敢吃太多，大都只吃最外層的脆皮。豬手的肉量頗多，呈粉紅色，肉質軟且嫩，完全沒有乾柴感，鹹鹹的味道配啤酒最好，不過今天身體有點不適不能喝酒。這種高質素的豬手，就算在德國菜餐廳都未必做到。豐富的肉類過後需要

上星期同好友中午去左呢一間位於銅鑼灣嘅餐廳食中餐。嗰度環境非常優雅，而且仲有景睇添。座位都非常舒服，侍應揀咗一個對窗口嘅座位俾我哋。我覺得中午對住呢個景食飯，真係有一種好舒適嘅感覺。我哋叫咗以下嘅食物，總括來講我覺得食物非常之好味，而且賣相都好好。真係值得再來。京川汁秋葵$42-個秋葵嘅汁做得非常之好味呀。有點帶酸，又有蒜香味，仲有d辣味，好開胃。咖喱手撕餅$33-手撕餅ok,但咖哩一般。午市竹筒點心套餐$751.京川滑餃子-好滑，皮薄，汁都好味。2.大澳蝦乾豚肉蒸飯-蝦乾好香好鮮甜，豚肉幾爽口，加上有薑絲的薑味，好好味。個蒸飯係藜麥蒸飯底，好健康，而且比較上有不同嘅口感。黑松露炒滑蛋$65-個炒蛋做得好滑，而且蛋味濃，有一啲半生熟嘅滑蛋，同好香嘅黑松露一齊食，真係一絕。鮮肉一口小籠包$56-熱辣辣，個皮都薄,仲好多肉汁，肉味足，好好味。

因為室內環境吸引左我入黎食，場內景觀開揚。窗前亦有望二人窗位，不旦適合情侶在黃昏欣賞日落，亦非常適合我這些toxic縮在一角看風景飲一個人的荼，絕對不感尷尬。食物方面，我地點左以下點心：厚切叉燒皇宜家香港嘅半肥叉實在係買少見少。雖然呢個都唔多肥，但肉質十分嫩，就算厚切都唔會乾肯肯。 糖心黑蒜燉響螺基本上啲黑蒜都無乜味，因為已經落哂個湯入面，好甜！螺片亦好冧，正！ 京川汁秋葵適逢當造時節，秋葵爽脆鮮嫩，加上辣辣哋嘅醬油汁，絕對係消暑涼伴。飯焦鳳凰蝦飯焦炒飯真係第一次食，飯焦好香，而且同炒飯撈得好混，如果再灑少少松子，口感同層次會更加豐富！蜂蜜柚子蝦球本來最期待呢個餸，但個柚子醬並無驚喜。勝在蝦球鮮炸鬆脆，唔覺油膩。總括黎講，呢間餐館所售既菜式都很健康及美味，若然下次想獨自品茗，呢度會係我的首選。

上星期和男朋友去誠品買書，之後到希慎廣場晚飯，想吃中菜，於是去了名館。名館主打京滬菜，也有其他fusion菜色可選擇。先選擇頭盤，見到有京川汁秋葵($38)，秋葵這種血糖剋星我們當然不可放過。馬上叫了一碟。秋葵做得很爽脆，我很喜歡這裡的京川汁，微微的辣很惹味，是一個很好的開胃菜。惹味胡椒鳳尾蝦($68)道菜以鐵板上，鳳尾蝦以黑椒洋蔥調味，熱辣辣的想果然很美味，蝦肉爽口鮮味，會令你吃了一隻又一隻，整碟蝦我吃了大半碟。另外，又叫了半隻海南文昌雞 ($88)這裡的文昌雞真的值得一讚，上桌時見雞皮薄薄，皮下幾乎不帶脂肪，可能是用嘉美雞吧；吃下去雞肉滑溜，很有雞味，其實有時很難得在其他中菜館吃到這麼優質的雞，今晚幸好有點這雞，得嘗美味。金銀蒜蒸勝瓜金菇 ($42)吃了肉類海鮮類，當然需要點一些蔬菜，就叫了個金銀蒜蒸勝瓜金菇。可能伴以大量金銀蒜的關係，本來平平無奇的一道菜，也變得非常美味。最後叫個甜品作總結，選擇桃膠香芒西米露 ($28)。第一次吃桃膠，聽說很滋補的，又充滿骨膠原，跟花膠有同異曲同工的效果，女性可多吃可，以保持青春。西米露以椰汁作底味，裡頭有芒果肉和桃膠，椰汁底非常濃郁，很美味，比

難得星期一早放，一個人嘅我决定吃好西！今次我黎到希慎入面嘅名館，小女子是好辣之人，唔辣唔吃lol~可能早到，店內人不多， 坐低左， 店員好快端上了一杯蕎麥茶，好易入口，唔錯。menu d 食品真係花多眼亂！ 竟有廣東老火靚湯，廣東菜猪腸粉， 川菜嘅水煮系列，京菜嘅生煎包，凉伴菜，竟然有pizza, high tea set? 甜品蛋糕？！(囧？) 明傳其實的多菜菜~唸左陣我都係决定點左' 沸騰水煮活生魚', '京川汁秋葵', '糖心黑蒜響螺湯' ,'生煎牛肉包' 同埋自制豆漿。沸騰水煮活生魚($148)- 黎左先知， 呢碗水煮魚好-好-好 多魚片！！！！！！水煮魚辣椒多過魚肉係常識吧！但呢個相反，佢真係好多魚片，成碗應該有20 多大塊，碗內仲有魚骨，娃娃菜， 菇， 木耳，青瓜。。。好足料。。。佢應該係出面街d 水魚2-3 倍！極推！糖心黑蒜響螺湯($52) - 滿滿地湯料一d 都唔刻薄，湯底好好味， 超飲媽媽煲嘅湯 ~呢個都推~京川汁秋葵($38) - 超鐘意呢個汁。酸酸甜甜加蒜蓉淋上爽脆秋葵，very good~ 呢個都推~生煎牛肉包($32) - 價錢唔貴，味道ok 但覺

個人喜歡中菜館或茶樓的其中一個原因是這類餐廳比較少限時，跟朋友邊吃飯邊聊天又不用看錶，在繁忙的香港這已經算是一件賞心樂事。金石斛花燉鷓鴣（$48）很有老火湯的味道，一盅已足夠兩人份，激讚位是骨都已經燉到化。京川汁秋葵（$38）秋葵吃起來感覺很新鮮，加上擺放得像盆景裝飾一樣，份量也可以。酸菜活生魚（$148）個人受不了水煮牛肉或水煮魚等的菜餚，因為真的太辣了，這味菜我覺得既能滿足不能吃太辣但又嗜辣的人，罈中浮著全是花椒籽，偶爾吃酸菜時吃到口裡就有陣痳痳的感覺，而且魚也是很滑很滑，其次是沒有骨，可享受啖啖魚肉！菌皇醬蒸鐵棍淮山（$52）這道菜很特別，因為沒有很多餐廳是有以淮山做的菜色。淮山我比較喜歡吃爽的，上面的醬汁也是開胃的味道，不過這是熱盤，不知道改成冷盤又會是怎樣的味道？咖哩手撕餅（$32）手撕餅吃到最後還是挺脆口，不會因為放涼了而變軟，而且盛菜的盤子也是頗新潮。西瓜雜果花茶（$38）以為是酸酸的那種生果茶，但這個茶茶味很濃，生果也蠻多，絕對能解膩！有機豆漿($18)，外型就是靚!我那天去是閒日，沒有時間限制，雖坐在外面，但因為商場範圍沒有很多人行來行去，造就了吃飯聊天的好地方，值