Attic Handmade Pasta (已結業)

今次搵食又黎到尖沙咀，係二訪呢間主打手工意粉嘅西餐廳- Attic Handmade Pasta😄餐廳裝修幾靚，好有fine dining 感覺，侍應服務都非常唔錯，食物上枱都會好用心介紹，仲好有禮貌👍🏻叫得做Handmade Pasta，咁無理由唔試下佢地嘅手工意粉啦，今次就叫咗兩個3 Course Dinner Set Menu，會有頭盤，餐湯同主菜，價錢都幾相宜😎首先黎嘅係每位客人都有嘅手工麵包，法包食落都幾鬆軟，加埋忌廉薯仔煙肉餐湯，薯仔好滑忌廉夠哂香，配埋爆香咗仲有少少脆嘅煙肉，兩樣一齊食都非常唔錯😆頭盤有好多選擇，揀咗法式牛肉他他同法國白露荀😎➡️法式牛肉他他 牛肉好新鮮，加埋鹽漬蛋黃，鵪鶉蛋口感非常嫩滑，面頭仲有魚子醬加多一陣咸香➡️法國白露荀 其實真係第一次試，咬落好脆好爽口，就咁食味道其實比較清淡，但加埋個海膽醬就非常鮮味👍🏻👍🏻主菜嘅意粉終於黎啦，我地叫咗一個卡邦尼手打意粉同海膽醬手打意粉➡️卡邦尼手打意粉 首先手工意粉軟硬適中，非常有咬口，但又唔會太硬，好容易吸收醬汁，真係幾出色😋醬汁同一般香港口味嘅忌廉白汁唔同，佢係傳統意大利風味用左蛋黃煮成嘅醬汁，加上炒到好香脆嘅煙

同朋友喺尖沙咀想搵個舒適嘅地方慢慢嘆個lunch，經過金馬倫道The Cameron已經見到玻璃外牆寫住homemade pasta，「Attic」主打自家製手工意大利麵fusion菜，好想試吓。裝修以深啡、深紅色為主，裝修充滿氣派格調，餐廳係長形設計，面積長嗰邊喺一排落地玻璃，差不多每個座位都能夠享受自然光嘅透入。自選午市套餐組合已經包餐湯、餐包同飲品，加$60仲可以有埋自選頭盤同埋甜品，而家仲做緊兩周年八折優惠，好抵食。ღ 𝒟𝒶𝒾𝓁𝓎 𝓈𝑜𝓊𝓅⊛ 番茄忌廉湯濃郁番茄鮮味，酸酸的，感覺飲緊番茄蓉，加埋忌廉去煮口感好滑好creamy。餐包都有四款，迷你牛角包、奶油包、雜果麵包、mini raisin danish，配撒上海鹽嘅牛油，好有誠意。ღ 𝒮𝓉𝒶𝓇𝓉𝑒𝓇⊛ 凱撒沙律看似簡單嘅沙律，出乎意料嘅好，最緊要個羅馬生菜夠晒新鮮爽脆，配上超脆卜卜嘅麵包方丁，鹹香煙肉碎，奶香微酸嘅dressing份量啱啱好，最後刨上Parmesan芝士，增添濃郁味道。⊛ 意式三文魚薄片，檸檬刺山柑油醋三文魚鮮味，檸檬刺山柑油醋入口酸酸甜甜，配合火箭菜獨特嘅芝麻辛辣味道，一齊食好夾，好開胃嘅前菜。ღ 𝒮𝒾𝑔𝓃

今日同男朋友嚟到尖沙咀食呢間手工意粉，感覺偏向fine dining，但lunch set價錢都可以接受😆一開始會先上麵包，有三款麵包，枱上仲會放咗灑咗鹽嘅牛油，三款都各有特色，我自己本身比較鍾意食法包，配埋牛油好好味😆餐湯係南瓜湯，好香甜，但質地偏稀，如果杰啲就更好喇🤣如果想要頭盤同甜品可以加$60，我哋兩個餐都有加到～我叫咗個香煎帶子伴椰菜花蓉，帶子內裡仲好嫩滑軟淋，椰菜花蓉比較少，唔太食得出咩味🙈男朋友叫咗意式三文魚薄片配檸檬刺山柑油醋～有三塊，配埋個汁酸酸甜甜幾開胃😆之後就到主菜喇，我叫咗蟹肉大蒜忌廉手打意粉 ($168)，蟹肉非常多，仲要都幾有鮮味，手打意粉好彈牙，配合埋個creamy同充滿蟹肉鮮甜嘅汁，真係好好食啊！😍男朋友嗰個係卡邦尼手打意粉 ($138)，個汁偏向杰身，每條意粉都比汁包圍住，當中亦都有唔少鹹肉，都幾濃味架～至於甜品，我哋叫咗紅絲絨蛋糕同埋伯爵茶意式奶凍～紅絲絨蛋糕蛋糕濕潤，忌廉好香，仲好打卡able😗另外奶凍嘅伯爵茶味直頭湧晒出嚟，入口亦好滑，十分高質☺️當然仲有普通餐飲一杯～整體用餐體驗都好唔錯，食物係精心製作，環境氛圍都同呢個價錢match嘅，lunc

今日行開尖沙咀，去左金馬倫道嘅The Cameron食西餐，午市套餐可以自由組合同選擇，仲要做緊個兩周年紀念優惠有八折，咁抵，一定要食😋🍞餐包及湯 有3款嘅餐包，口感各有不同，有硬有軟有鬆化，涂上綿滑嘅牛油，再配上好creamy好濃郁嘅甘筍忌廉湯，係一個好好嘅開始🍥香煎帶子配椰菜花蓉 $68 帶子好新鮮，自帶清甜嘅海水味，味道鮮甜肉質彈牙，再加上煎熟後嘅香味同鮮嫩嘅口感，一個字：正！椰菜花蓉味道清淡，令味道更加豐富多樣之餘，亦唔會遮蓋帶子本身嘅味道🐟意式三文魚薄片．檸檬刺山柑油醋 $78 非常出色嘅開胃菜，口感清新，味道豐富。新鮮嘅三文魚切成薄片，再淋上橄欖油、檸檬汁，味道好多層次之外口感亦都好豐富🐓香烤雞胸．咸蛋黃．南瓜忌廉手打意粉 $148 香烤雞胸十分嫩滑，口感同食緊雞腿肉完全冇分別，味道上有濃濃嘅雞味，份量亦都足夠，至於南瓜忌廉手打意粉，本身醬汁已經好美味，配上鹹蛋黃撈埋之後，味道昇華左唔少，成個南瓜忌廉汁都好creamy好rich，口感一流嘅手打意粉掛上呢個汁真係絕配🍄法式黑松露蘑菇蓉釀雞卷 $178 擺盤打卡一流嘅菜式，食落都好好味，黑松露醬汁夠哂濃郁，岩哂我呢啲黑松露fa

強調handmade既意大利餐廳，位置方便，裝修也不錯，加上一些燭光，比人感覺舒適，但，張枱太細了，扣左少少環境分。先來3隻生蠔，原價$168，特價$98，但感覺上很「簿肉」，很細隻，像營養不良。一個dinner set, 3course, $388或$488，第一course, 前菜，他他牛肉配魚子醬。味道是相當不錯，我比5星。服務員的態度很好，手腳也快，而且每上一道菜也有換餐具。第二個course, 就是這個是日餐湯：第三個course, 我是雞胸肉蛋黃pasta，感覺份量偏少，味道亦一般。我朋友揀的是黑松露pasta，感覺味濃d.咁就完左3個course,盛惠$388或$488一位，未計加一，偏貴。兩個人連埋其他小食，好易過千。過千的晚餐，其實可以更豐富。handmade pasta方面，尖沙咀附近有比它好吃而且價錢相宜的。最後佢額外送多一個甜品。

想試呢間餐廳嘅手工意粉一段時間，見唔少人嘅留言都話餐廳係走fine dining路線所以dinner都唔平，今次就趁平日出開尖沙咀去試試性價比較高嘅set lunch~餐廳走優雅路線，L型面積唔大，近大玻璃嘅位置serve比較大group嘅客，感覺chill d。近正門走廊則為一/兩位客人而設，冇咩景觀但靜靜食飯都ok~ Set Lunch 嘅Main揀左卡邦尼手打意粉 $138，包餐湯同飲品，另+$60就有 starter 同 dessert，好豐盛都幾划算。先嚟餐包配牛油海鹽，小法包超乎想像地硬，有d失望，甜包則不過不失。餐湯係南瓜湯，好有質感加好香嘅牛油味，唔錯唔錯。Starter 揀左香煎帶子伴牛油果醬，擺盤精美，唯獨帶子係處理上可以再加d工夫，出水有d誇張。Main 卡邦尼手打意粉 $138嘅手打意粉質感特別，好煙韌有咬口，係出色嘅。採用煙肉粒，一層厚厚嘅油脂令鹹香更突出，更香口。煙肉粒自身已經重鹹味，所用嘅芝士如果可以淡口返少少會更好，整體感覺有d太鹹。Dessert 伯爵茶意式奶凍真係好重奶味，好滑而且伯爵茶味慢慢散發出嚟，甜度適中，perfect~Latte都唔錯~個人

為朋友慶生而選了Attic Handmade Pasta，看相片覺得餐廳的環境不錯啊！平日來晚飯，餐廳的入座率不高，7pm來到的我們是晚市的第一枱客，可以拍一拍照才開始點餐。點了兩份不同價錢的3-Course Dinner Set Menu，分別是$488及$388的餐，3道菜是餐湯、前菜及主食。點餐後，侍應先送上一盤麵包及餐前小吃。微暖的麵包有3款，方形那款是蕃茄麵包，由於本人不吃蕃茄而沒嚐，朋友說味道不錯。圓形的軟包富牛油香，長形的那款是法包口感，適合蘸湯吃～餐前小吃是煙三文魚忌廉芝士脆餅，煙三文魚鹹香，底下墊有忌廉芝士及脆餅，口感豐富得來又不覺膩。是日餐湯為椰菜花忌廉湯，味道香滑，加入少量脆麵包粒，增添口感！先介紹一下$388那份餐，前菜選了法國鵝肝慕絲那款，但侍應落錯單，所以我們多了法式鴨髀肉肝醬批可吃。法式鴨髀肉肝醬批，熱烘烘的上桌，切開酥皮面後，鴨香四溢，肉肝醬中混有一絲絲鴨髀肉，作為前菜，味道不會太濃，幾好食！法國鵝肝慕絲伴無花果啫喱、焦糖無花果及焦糖榛子，凍食的鵝肝，將鵝肝製慕絲質感，中間夾著無花果啫喱，入口軟滑即化，帶有鵝肝香，無花果啫喱有助進食時不覺得膩。焦糖無花果

今日係尖沙嘴附近見客，選擇左一間比較體面嘅fine dining，價錢非常相宜，客人食得超級滿意！侍應服務非常細緻，盤碟都係暖的，先來一盤麵包，有原味、香草味等等。接住叫左個前菜，帶子伴牛油果醬，擺盤非常精緻，絕對有法式大餐嘅感覺～緊接住就係主打嘅手工意粉，不得不提佢地嘅意粉真係非常煙韌，好有口感掛汁嘅明太子忌廉醬香濃又唔膩，醬汁味道係一絕，份量亦都岩岩好。另外一個main course 叫左黑松露雞捲，呢度除左主打嘅手工意粉之外仲有法式fusion除左擺盤IGable之外，黑松露醬汁濃郁有口感，岩曬黑松露迷！雞捲嫩滑熟得剛剛好，意料之外地飽肚。好彩甜品仲有另一個胃，見到openrice大推呢個甜品好彩試左，聽聞大廚係個醬汁度落左唔少功夫，一入口有蜜糖伴隨花香味，伯爵茶奶凍啖啖嫩滑，真係一試難忘！三個Signature Cocktail淨係試左兩款但都好有驚喜～第一杯清甜解膩，侍應特登燒過個條草，聞落有清新嘅味道，好易入口！第二杯濃郁Tiramisu加手指餅，咖啡同酒精嘅味道恰到好處，感覺好似食左第二個甜品咁，非常有飽足感～問左侍應話呢度會提供畫碟服務，睇黎慶生週年紀念個啲又可以再黎過