映水芙蓉 (海運大廈) (已結業)

🥒千絲西葫蘆 $88賣相精緻吸引好啱打卡上枱後侍應會俾時間你影完相再淋上醬汁 跟著撕成一條條好似青瓜絲醬汁混合咗豉油 醋 麻油同埋指天椒粒 味道酸酸辣辣特別開胃🌶️敲糖棒棒雞 $188相比之下呢個前菜就更重口味啦！水滴形用麥芽糖塑造 裡面包著辣油打完卡就可以敲穿佢同雞肉混合雞絲嫩滑而且醬汁都好香濃 鹹鹹香香帶啲麻但就略顯有啲油膩

位於海港城嘅映水芙蓉 因為朋友俾咗優惠卷所以食唔到辣嘅我就膽粗粗試吓食川菜因為驚冇位所以用電話早兩日book咗枱 卜咗7月14日星期三嘅晏晝5點半因為清潔時間我哋係第一台人入座 一坐低就即刻送上welcome drink Martini 唔係太飲得酒嘅我飲完呢一小杯就紅都面晒但比我嘅感覺食川菜有Martini 做welcome係有驚喜嘅附送嘅前菜十分之極度鮮甜椒麻南非鮮鮑 ($168)一上枱就有煙霧彌漫嘅感覺 $168有4隻鮑魚價值係超值 雖然鮑魚嘅size唔係太大 但鮑魚底下綠色嘅椒麻醬好好味 夾埋一齊食好match 係另一番風味嘅食法核桃小蕃茄 ($15/粒)擺盤十分之靚之餘 可以睇得出啲蕃茄十分新鮮好靚仔 但如果唔係之前睇過OpenRice食評 都未必會因為蕃茄新鮮而叫呢味餸 呢道菜真係要咬開第一啖先知佢唔係齋得個外表 而係內裏有乾坤 就算一早知道佢裏面有餡 但一咬 裏面嘅沙律汁即刻咇晒出嚟 每一粒蕃茄真係裏面有幾粒合桃喺入邊 三樣嘢夾埋一齊食真係好好味 呢個真係驚艷到小妹 有樣有內涵有心思有驚喜千絲西葫蘆 ($88)一上枱就present得好靚 之後就會有侍應就會倒啲Chili

首先講一講環境氣氛一流落地大玻璃見到維港景色三五知己聚一聚環境唔錯而且店員嘅服務態度十分好每一次上菜嘅時候都會介紹餸菜名稱咁樣就唔會唔知自己食咗啲乜嘢特別推介佢嘅敲糖棒棒雞同埋花椒桂花魚味道相當唔錯，一試回味特別要提一提我哋買咗蛋糕慶祝生日亦都叫咗個紅糖糍粑做甜品點知店員好細心咁樣係個紅糖糍粑嘅甜品上面寫咗祝福嘅字句連埋個蛋糕一齊上令人覺得窩心，感謝店員嘅小驚喜另外仲有一個小甜品送整體來講菜式味道都唔錯，環境服務都唔錯價錢跟服務態度菜式味道成正比不妨一試如果真係想睇夜景不妨預先book位預訂窗邊位置

係朋友介紹之下，今年決定食中菜來慶祝週年紀念，一向唔算好中菜既我，感覺非常有驚喜，簡單介紹下我對幾道菜既感覺。千絲西葫蘆賣想非常吸引，將一份完本非常簡單既食物，變得非常美觀，味道方面，西葫蘆非常新鮮，醬油令到味道更加豐富，而因為切絲關係，原本可以一啖食晒既食物，變得不捨得一啖食晒，慢慢地享受。敲糖棒棒雞這是有點小玩意的一道菜，上面那水滴形既係用麥芽糖造成，待應問我地需唔需要協助，原來食之前用匙羹將那水滴慢慢壓碎，混和後，令到雞絲辣中帶點點甜味，而且變得不太油膩，原本我倆都不太食得辣，都食到停唔到口。宮保大蝦球一般以為咁多醬汁，會令炸出來既皮變得軟化，但食落口果一下，還是帶點脆脆的，蝦肉非常有口感，而最後來一杯雪梨茶，沖一沖之前幾道菜的餘香，為下一道菜作預備。蓉城雞豆花只聽名字估唔到係咩，原來係一道湯水，細看之下有豆腐在其中，但食既時候，有啖啖雞香味，以為係加入雞湯造成既豆腐，但經店員介紹，原來係師傅將雞肉整到好碎，造到好似蓉咁，再造成磚狀，湯既味道非常清甜。還有幾道菜式都非常美味，不能盡錄，在此用相片分享，店員服務態度很好，有笑容，有禮貌，而且環境很好，平時我食完就想快點走，但今次我真

之前寫咗一篇冇批到出嚟而家補寫返第二篇因為真係比較好味，服務比較好，所以值得幫佢寫多次是日係幫女友慶祝生日，試過好多唔同嘅菜式但係川菜真係未正式搵間試過，於是就揀咗呢間「映水芙蓉」1.千絲西葫蘆，擺碟已經好靚，店員好細心咁幫我地撈個汁同分返開一條條，好精美2.敲糖棒棒雞，賣相已經不得了，用麥芽糖黎豐富辣汁嘅層次感，味道非常好3.蒜泥白肉，汁料同豬五花嘅絕對，濃郁而不厭，絕對係必食推薦4.酸菜湄公魚，可能未食個太二酸菜魚嘅朋友會覺得呢味餸都好正，但好可惜我哋兩個都食個太二酸菜魚所以就覺得呢味餸就麻麻哋啦5.螞蟻上樹，唐宮小聚嗰個版本就好食好多，炒到啲粉絲一條條咁又彈牙又入味，呢度啲粉絲可能師傅問題炒到黐埋一舊真係爭左少少整體來講都係一個非常好嘅體驗，無敵嘅維港景觀、殷勤嘅服務、精美嘅食物，加上自家製嘅送嘅免費朱古力——玉桂蘋果、白酒，特別得黎又有誠意，值得一試嘅餐廳

每次行經海港城新翼見到呢間餐館都以為食中菜的~睇真點，原來係成都菜館臨近聖誕又想滿足一下嗜辣既老公，揀左周末既黃昏時間黎試吓! 面對住維港景色，當然要先點杯招牌cocktail : Fu Rong Cosmo呢杯其實係Cosmopolitan既變奏 將Vodka換上中國白酒(小郎酒)，好香又順喉，令桃、cranberry既香味更加發揮出黎!另一杯係Chili Martini 用辣椒調出既Martini，入口時杯邊既糖減了一下辣度，餘韻辛辣感較重且長。但配上食物頓時溫和了~先點前菜千絲西葫蘆像一條條粗絲帶，其實係脆肉瓜，非常精緻店長淋上醬汁再輕輕梳開一絲絲既瓜肉~醬汁沾滿每一條瓜絲，清甜中帶微辣。再來一道手工菜敲糖捧捧雞 融入吹糖既技術，有一泡紅油喺脆糖入面，店長敲碎晶瑩糖衣，入面既紅油流出每一口雞絲竹筍都充滿紅油既香味，而脆糖中和了一下辣度之餘更帶點層次！食川菜老公都指定要點水煮魚，今次就試吓呢度既沸騰湄公魚唔好比一大盤紅辣椒嚇到，薄薄既魚肉香滑而不辣，花椒味道樸鼻想點客熱湯，店長介紹左蓉城雞豆花 雞湯上既薄片融入左分子料理既元素，初嘗以為用豆花或是蛋白制成的，細問之下原來是用人手剁碎

認識了二十多年，難得我們四個好朋友，每次生日即使多忙，都會出來聚一聚，因為我們都不太吃得辣，所以從未試過四川菜，不過既然有朋友介紹<映水芙蓉>，也是時候跳出comfort zone，嘗試一下新事物。 <映水芙蓉>位於海港城新擴建的大樓最尖端的位置，所以享有無敵海景，只可惜今天下雨天色昏暗，後來有次我中午時份再去，坐在露台的沙發上，吹著海風欣賞海景，確實令人心矌神怡。 餐廳裝潢走的是簡約加高格調的路線，沒有太多浮誇的裝飾，每桌之間留有足夠的空間感，故即使坐滿了也不會太嘈雜，桌上只簡單放着一杯辣椒加花椒粒，絕對是最代表四川菜的裝飾品。 點菜後先送上免費的前菜'核桃沙律釀蕃茄'，外觀平平無奇，但釀入核桃沙律後，味道變得特別，更加酸甜開胃。 其他菜式隨後送上，'千絲西葫蘆'我覺得最厲害的是刀工和擺盤，非常吸晴，大家都爭論了好一會，究竟要如何切和拗，才弄成如此形狀，雖然加入醬汁撈勻後，就變成一碟平凡的翠玉瓜絲，不過味道很清新爽脆，亦只是微辣，十分可口。 下一道'敲糖棒棒雞'也是噱頭之作，鮮紅的醬汁放在脆糖內，要自己敲碎再與雞絲撈勻，我嚐了

聽身邊好多人都提過呢間好好食,所以一直都好想去。難得中學同學聚會，一行9人，就決定搵呢間香港少見走高檔路線既四川成都餐廳聚舊。一開始就試試呢粒看似平平無奇但內有乾坤既<<核桃沙津釀小蕃茄>>，小蕃茄咬下去非常清新，裡面既核桃早已與沙津醬混合並從蕃茄底部釀入。蕃茄、核桃、沙津醬味道互相配合，酸酸甜甜，大家都被呢粒蕃茄蕃茄驚喜到。第二道前菜有呢個外型精緻既<<千絲西葫蘆>>。師傅將翠玉瓜刨絲，捲曲成扭結狀，打卡一流!上檯後待應會淋上自家調製既香豉汁拌勻，變左翠玉瓜意粉~翠玉瓜好爽脆，香豉汁味道唔會太濃，唔會搶走翠玉瓜既清新。作為麵控既我，如果唔係要share，我絕對可以一個人KO成碟 XD緊接住有經典菜式<<蒜泥白肉>>，擺盤又係幾靚既一道前菜。每一片五花肉厚道適中,包住一塊青瓜片，可以中和汁醬既辣味。但本人略嫌蒜味唔太夠，如果可以重返D蒜味會更好。之後就到餐廳招牌人氣之選，玩味十足，亦都係我最期待既<<敲糖捧捧雞>>。以吹糖元素，將紅油包在糖衣內，食前將糖衣敲碎

小編不嗜辣，所以很少會主動尋找川菜品味。最近在機緣巧合下，隨好友往一間新川菜館用餐，體驗比預期優越。 「映水芙蓉」位處海港城 OTE 區域。要不是隨友而行，小編也不知悉商場新建了這個延伸部份，內有為數不少的高質食肆進駐。這些餐廳的最大優勢，是被敞闊的維港景色環抱。從古雅的正門步入，一步一景已可感受到一份雅緻的中式風格。細心留意，又可發現當中揉合了西式原素。 踏出餐廳的露台，那份西式酒吧餐廳的感覺轉趨明顯。在黃昏時份可欣賞夕陽；在晚上時間則可在現場樂隊的伴奏下，邊嚐佳釀邊賞夜景。 點過美食，喝口清茶，首道前菜小吃已出現在大家眼前。這小碗「核桃沙律釀小蕃茄」是免費的餐前小吃，每人一顆。紅潤的車厘茄在喑黑色的瓷碗中尤其搶眼。不要少看這顆車厘茄，其中心部份早已被偷空釀入了核桃沙律醬，核桃味美味出眾，為平凡的車厘茄帶來新的味覺衝擊。 接下來是「蒜泥白肉」及「千絲西葫蘆」這道賣相精緻的自選冷盤。特別是「千絲西葫蘆」，廚師先以精巧的刀功把西葫蘆切至似斷還未斷的狀態，再以立體型態擺盤，甚富美感。吃前店員會在食客面前澆上特製醬油添味，再拌勻才侍客。清爽悦目是小編的評價。 「香芒山葵蝦球」以爽甜的

新年假期還未完,好友想約試新店. 我想起這家是內地最大川菜集團旗下在海港城有海景的川菜館很想試,就一行三人來了.  環境一流,全海景,也坐得舒適.在等人中先點了幾款涼菜千絲西葫蘆其實是翠玉瓜切成絲帶般,吃時淋上醬油汁,再拆散成一絲絲來吃,原來生的翠玉瓜是如此爽脆帶甜味,比起用青瓜更好!蒜泥白肉的醬汁偏甜,但都有點辣味,夾著青瓜片吃就沒太肥膩.敲糖棒棒雞 最別緻是用糖做成水滴形狀盛載紅油,吃時把糖和紅酒混和雞肉一起吃,味道都可以,但辣一點更好!酸漬熗腰片點菜時問清楚店員豬腰會不會有異味,他說是比較重味但沒異味,我就說信他. 果然有豬腰味但不是那種腥臭味,每片切得薄薄的,還吃到點點爽口,淋上面的酸汁夠麻,但辣就不太重. 但如果說是酸漬吃下去就不太像,就是醬汁是酸辣吧! 但都是值得一試!沸騰湄公魚是傳統做法用熱油把魚肉浸熟,所以吃下去魚肉就會十分滑溜. 但可惜油不夠香,只吃片片魚肉,不香又不辣有點失了意思. 這道菜就失手了.毛血旺 材料很豐富,最重要有午餐肉,牛肉,菇菌,海帶,牛拍葉,很入味的豬紅等等,有麻有辣,但還是可以重手一點,味道總覺未到位.蝦膏泡瀘湖紅米飯說是招牌菜但又有點失望. 加

香港的川菜館子越來越多，水準亦越來越高，早已不再只講求極麻極辣的刺激，而是精緻、創意、賣相及美味的組合，例如今日中午走到海港城，在剛開張只有數天的"映水芙蓉"，嚐了幾款可能在成都是地道、但對我來說是大開眼界的佳餚，例如招牌蝦膏泡瀘沽湖紅米飯及敲糖棒棒雞，溫和香辣滋味回味至今！亦驚嘆蓉城雞豆花、千絲西葫蘆及椰汁素燕的刀功與烹調技巧！ 來自中國成都的過江龍集團" 幸香滙"，據說在國內已有70多間分店，創辦人是廚師出身，入行已經30多年，擅長香辣味道較溫和及賣相精緻的成都菜，聽來已經合心意。 位於海港城 OTE 地段，即是靠海旁的位置，用餐的同時可以飽覽迷人維港景色，陽光普照下寒冷的一天，實在又是一種生活享受！ 面積頗大，佔地4000呎，門前以一道真材實料的古董雕花木門作擺設，有置身成都古宅庭園之感覺。 店內裝潢高雅大方，以紅、黑、啡為主調，放置了不少古董、花瓶或刺繡。 設置兩間貴賓房，8人及10人房最低消費分別為$4000及$5000，即是平均每人洗費$500，相當合理。 取價並不進取，性價比超高，套餐每位$498，一次過品嚐8款招牌菜，但如果人馬夠多，如有4位的話，我建議散