蒸廬

營業中

休息中

呢排病咗，胃口麻麻地一個人食，諗諗吓想食啲暖同望落健康啲嘅飯😂於是走咗去蒸廬已經係回頭客好多次呢間舖頭係似小型點心店有中式點心 甜品 蒸飯 湯印象深刻嘅係佢嘅蒸飯份量好夠食另外價錢親民如果幾個人食 叫幾籠點心 蒸飯比起酒樓食平一半左右入座少不免要搭枱坐低後職員好快手俾咗杯茶用qr code自行落單今次我叫咗以下呢個飯味道係唔錯 就係蒸點加點心嘅味道😆明明我冇乜胃口但係慢慢一啖一啖食 可以食哂整個飯會再返嚟食👏

-分別有喺黃埔同石門食過，黃埔店佢地做到12月15就轉去荃灣🍵抹茶流汁叉燒包（大） $26 (7.5/10)個包係有少少抹茶味，可惜同叉燒真係唔多夾🥧增城蔗糖馬蹄糕 (小） $18 (7.8/10)馬蹄非常之好咬，糕點嚟講，唔算好甜，我自已個人幾鍾意🫔魚湯蟲草花鮮竹卷（中） $22 (7.9/10)正常鮮竹卷，個蟲草花應該係另外落，個魚湯好濃，令到個鮮竹卷好好食🍛南瓜鳳爪排骨飯 $50 (9.1/10)覺得個南瓜同個鳳爪排骨唔夾，但同飯一齊食落都覺得好好食，菜都比得幾多，個飯夠兩個人食🥠醬皇沙嗲金錢肚 $34 (8.5/10)食落唔似沙嗲，似黑椒汁多啲，金錢肚好重黑椒味，咬落啱啱好，佢加左啲豆卜喺底，吸哂啲味，好食😋石門店係下午茶時間去食🍱蒸廬拼美點 $55 (8.3/10)有9件點心，有馬蹄糕、馬拉糕、蝦餃、燒賣2粒、叉燒包、菜苗餃、薑汁糕、粉果，想試哂咁多種點心嘅話叫呢個最好，咩都有，薑汁糕我覺得冇咩薑汁味，粉果皮厚咬落口感十足，叉燒包冇咩特別，馬拉糕食落唔會覺得乾，🍙雲石芝麻包 $22 (8.5/10)賣相勁靚，入面有滿滿嘅黑芝麻餡，唔會覺得好鹹🦑咖喱土魷蒸豆卜 $30 (8.6

度度都係連鎖式茶樓，想安全咁飲啖茶、食個包都難發現石門呢間中式點心店，佢招牌係蒸飯拼燉湯，但我哋覺得點心同甜品比較好有5款燉湯，黨蔘天麻川弓燉魚頭湯係其中一種基本材料含黨蔘、天麻、川弓、白芷、杞子、圓肉、魚頭燉湯以一盅盅上枱，揭開蓋時不斷冒煙，熱辣辣驟眼睇材料豐富，不欺場，只係整體偏油，略帶肥膩燉湯顏色略深，的確係濃郁，入口即時感覺到藥材味超重，藥材有啖啖回甘味但藥材散發出微酸味，估計係杞子，桂圓肉香甜味未能中和魚頭雲滑嫩，但鮮味同香味未能融於燉湯內，就係欠缺魚味最奇怪係湯內有一件魚頭雲，但湯內竟然毫無魚味，只有極濃藥材味欣賞材料夠充足，如果湯名叫黨蔘天麻川弓湯會比較高分套餐仲有荷葉蒸飯，南瓜鳳爪排骨飯放置荷葉表面以大個竹籠上枱，籠仔蒸飯的確幾霸氣除咗鳳爪、排骨、南瓜粒，仲有菜心粒粒，顏色鮮艷吸睛飯粒黏口，偏濕潤，並非乾身，有輕微荷葉清香味油份唔算多，甜豉油另上，可自行添加豉味鳳爪配豆豉排骨份量唔少，掛列整齊鳳爪略有彈性，醬汁幾濃，排骨滑嫩帶酸甜，肥肉唔多，只係略嫌唔夠乾身菜芯粒無咩青味，幾爽甜，但最美味反而係南瓜粒，軟腍香甜，撈飯有啖啖南瓜微甜味晶瑩蝦餃皇喺套餐加小點價錢就有兩粒，出

放假最好同屋企人歎一盅兩件，奈何好多酒樓都係藍嘅連鎖店，除左早排告急嘅富東閣外，沙田友可以考慮下蒸廬。雖然店仔細細，但點心燉湯甜品樣樣齊，屋企人都幾滿意食物質素，今次已經第3次到訪。每逢六日都人頭湧湧，好彩我11:30前到，無幾耐已經有十幾人排隊。.南瓜鳳爪排骨飯:籠仔荷葉蒸飯係佢地嘅拿手菜，阿爸每次可以食晒一個，啲排骨嘅蒜香同淡淡嘅荷葉香滲落飯粒度，排骨唔梅但有少少肥，個飯仲有南瓜粒同菜心鋪面，配搭均衡。鮮蝦菜苗餃:菜苗餃有滿滿嘅豆苗，鮮蝦無雪味，可惜今次塊皮太軟，一夾跌晒啲餡出黎，上次無呢個問題，應該一時失手。.魚湯蟲草花鮮竹卷:呢個有啲驚喜，腐皮厚薄適中，魚湯煮到奶白色清清地，無蠔王/上湯咁油膩。綠茶豆沙煎軟餅:呢款喺其他酒樓無見過，嗰皮綠色好搶眼但有色無味，口感煙煙韌韌，豆沙餡稍甜，但作為飯後甜點都唔錯。之前食過佢嘅黑金流沙包同其他點心都有一定水準，不過近廚房位置嘅衛生情況欠佳，喺客人坐嘅地方附近倒水同垃圾，幾次黎地下都係濕嘅，希望店家改善下。

一入到店內已經聞到燉湯既香氣，加上店內有詩意既掛牆畫同特色圓凳，令我同朋友食指大動！我地點左兩個套餐，再散叫點心～落單冇耐主角就登場啦！栗子蟲草花花膠燉雞湯（後）淮山牛蒡木耳燉烏雞湯（前）寫左係餐牌上既湯料，全部都可以係盅入面揾到，好足料！而且冇落多餘調味，飲到湯料本身既味道，好健康！我就中意飲原味，朋友就落左少少鹽，味道更豐富～一盅燉湯，可以飽腹又可以補身，絕對係幸福既滋味❤❗有一個小貼士，最好就飲完個湯先食點心，因為點心味道比燉湯濃郁，而且燉湯適宜趁暖飲～蒸廬拼美點：點心拼盤最適合有選擇困難症既我🤗樣樣都有d，兩個人一齊食，剛剛好～蝦餃燒賣菜苗餃好食不在話下，特別想讚下叉燒包同馬蹄糕～叉燒包既包皮同餡料比例適中，啖啖叉燒；馬蹄糕甜度剛好，馬蹄新鮮爽脆，好食！南瓜鳳爪排骨飯原籠蒸既鳳爪排骨飯散發陣陣荷葉香，鳳爪爽脆，排骨肥瘦適中，配埋南瓜菜心，味道同營養都100分！魚湯蟲草花鮮竹卷有驚喜！一食就知與別不同，個湯係魚湯之外，仲有鮮竹卷腐皮既黃豆香，我地連個湯都飲埋！鮑菇棉花雞未試過叫碟棉花雞，係棉花多過雞！一般茶樓既棉花係林patpat既，而蒸廬既棉花係又大件又爽滑既，索左鮑菇雞既精華

其實小妹已經好幾年無去過石門，今次去石門亦都係因為去要某某石門酒店睇婚宴場地，所以到此一遊！睇完場，經過見到京瑞廣場原來開左好多各式各樣嘅餐廳！！！😱發展得超快😯行下行下，就見到間小店，賣手工點心同燉湯，而價錢想當貼地！小妹一向係湯怪，勁鍾意飲湯水❤️所以叫左套餐有飯有湯有點心💪🏻個佬見隔離枱個點心拼盤好吸引，就叫左個試下！湯水超足料，仲勁大碗😱小妹個五味子首烏瘦肉湯，好重藥材味，甘甘甜甜👍🏻雞湯，男人話好香雞味！而且真係有花膠係入面🤣🤣無呃人小妹個飯黎到嘅一刻，真係嚇親！！！超大個，小妹覺得絕對可以三個人食！！！而且個飯一d都唔hae你，南瓜好甜，仲有菜心粒，排骨並唔係一舊舊肥膏扮大舊，而係真係肉！超抵讚👍🏻點心拼盤$55，但就有2個叉燒包、2粒菜苗餃、2粒蝦餃、2粒燒賣同一件糕！！！ 燒賣勁好味🤤有蝦肉係入面架🙈真係不得了！！一開始完全無諗過餐廳嘅份量咁大量，所以叫左鮮竹卷🤦🏻‍♀️🤦🏻‍♀️🤦🏻‍♀️ 而鮮竹卷嘅份量並無令小妹失望，一樣超大量，仲有蟲草花係面，等你食得健康😂😂鮮竹卷勁足料，足料到小妹唔食嘅香茜都有😖唔食香茜嘅朋友要注意啦！無錯！食左咁多嘢都係2百，而質素同服務都幾好，係座

呢間係小店係轉角位，店面唔大唔起眼，但好多人係外面排隊，今日就同同事提早去等位試一試。店面比較細，坐得比較逼，繁忙時間要搭枱都在所難免。餐單選擇有唔同點心，蒸飯同埋燉湯。我今次單點左南瓜鳳爪排骨飯，$45，每個飯嘅份量都好大，就算男仔食都一定夠。個飯係用蒸籠裝住，下面用荷葉鋪底，上面鋪住菜粒，中間有南瓜，同主角鳳爪排骨。菜粒令成個飯多左口感，鳳爪同埋排骨份量多，味道適中，佢唔會好似外面點心好多味精，不過就食完個飯見到荷葉上面有好多油...同事叫咗燉湯話味道偏淡，下次可以試埋點心同燉湯。

在沙田石門找到一家點心專門店家庭式小店服務特別熱情以老火燉湯作主打我們就不客氣地點了兩客天麻川弓白芷燉魚頭湯非常香獨特的氣味我很喜歡味甘帶苦很順口朋友則點了花旗蔘石斛烏雞湯湯頭清澈但要自行加鹽巴調味點了南瓜鳳爪排骨飯份量絕對夠二人食用灑上甜豉油美味就是這樣簡單煎腸粉一直是我的最愛晶瑩蝦餃皇和蟹籽燒賣皇緊接蝦餃皮稍厚但餡料豐富咬下去就見到兩大隻蝦仁燒賣做得相當出色肥瘦肉比例不多不少一席好點心加上好服務請繼續加油為沙田人煮出好味道

今日和太太晚上往石門京瑞廣場蒸廬食dinner, 我們點了兩份全日套餐, 一份是蝦子榨菜肉餅飯+猴頭菇螺片燉瘦肉湯+蝦餃, 另一份酸棗仁茯神燉瘦肉湯+南瓜鳳爪排骨飯+杏仁霜薏米露, 另外我們點了燒賣, 鮮蝦豆苗餃和叉燒包。蝦子榨菜肉餅飯賣相一流, 用一個蒸籠盛載著, 蝦子食落惹味, 榨菜食落爽口, 菜粒切成一粒粒食落口感清新, 肉餅好腍有嚼勁, 食落啖啖肉, 飯好軟綿, 配上豉油一起食, 食落惹味醒胃；猴頭菇螺片燉瘦肉湯, 湯好香濃, 有濃香乾螺片和猴頭菇味, 乾螺片和猴頭菇食落香濃, 瘦肉好腍, 蜜棗好清甜, 養生的燉湯；蝦餃皮薄餡靚, 蝦好彈牙, 食落惹味；酸棗仁茯神燉瘦肉湯飲落味道清甜, 桂圓肉食落清甜, 酸棗仁和茯神食落好開胃, 瘦肉好腍啖啖肉；南瓜鳳爪排骨飯很有特色(好少見南瓜放在蒸飯上, 可見創意), 南瓜食落清甜能中和鳳爪排骨飯的油膩, 鳳爪辣度適中, 排骨肥瘦均勻, 食落去啖啖肉；杏仁霜薏米露食落有點似麥米粥,杏仁霜味道香濃, 薏米露好足料, 連杏仁霜一起進食食落好爽口, 好香滑, 甜度適中；燒賣大大粒, 蝦肉彈牙, 瘦肉肉質均勻, 食落惹味；鮮蝦豆苗餃賣相好靚, 蟹籽

馬鞍山鐵路沿線的石門站，越來越多食肆，吸引不少區外和區內的人來用膳，人流也因此而增加。石門站以往只是工貿中心，但自從站外兩座廣場開幕後，各種形式的的食肆陸續進駐，今天就本來想到這裡的大型中式酒樓用膳，但經過商埸見到有人派傳單，是一間標榜著現場即製點心和燉湯的食肆，便行上去望望，見到門外都有不少人等位。這𥚃除了單點外，還有套餐供應，我們三人各點了一個套餐。套餐有主食、飲品或燉湯、及甜品選擇。價錢比單點實惠。套餐一：蝦仔榨菜肉餅飯 （$50）👍👍👍👍肉餅飯以籠仔上，size 都很大，較普通的點心籠大。籠上先舖上荷葉，然後一層白飯，白飯上是一大塊肉餅，上面再舖了蝦乾仔菜心粒，肉餅旁邊放上榨菜。肉餅質感軟滑得來又有點咬口，亦沒有那種死實的感覺，蝦乾仔比起蝦米好吃，不硬也不㑹過鹹，把肉餅加入蝦乾仔、榨菜、菜心粒把白飯拌勻，多重口感盡在其中。有不少蝦亁仔在肉餅上套餐一： 天麻川弓白芷燉魚頭 （$33）👍👍👍👍這個燉湯單點$48，套餐價$33。配料有天麻、白芷、川弓、杞子、圓肉、黨蔘和魚頭，是養腎之湯水，對頭暈頭痛亦有功效。材料很多，藥材味濃烈，真材實料。店家在燉湯內沒有添加鹽，保証原汁原味，如果想