酒鍋 (V Point) (已結業)

火鍋放題也得太多了，始終還是散叫的質素較高。這次特別選了這間有市景及海景的，特別要求坐窗邊，如果多於兩人還是建議坐卡位較為舒適，大沙發坐得更加舒服。這次特別一點不吃牛肉，「豬事如意」每位$388。鴛鴦鍋，分別選了「黑松露什菌鍋」，散發著濃郁的松露飄香味，還有一片片的菇類。「潮州沙嗲鍋」顏色較深，味道較為濃稠惹味。店家將整個套餐擺放在一個圓型的木盤上，設計剛好完美套著火鍋，最後加入乾冰，散發出絲絲白煙，非常美輪美奐，整個拍出來份量極多，配上高樓景色，打卡力一流。豬肉方面，豬柳條脂肪含量少，肉中無筋，逆紋切條，口感更嫩滑多汁；豬頸肉爽脆有彈性，肉味濃郁且油份重；日本黑毛豬腩肉肉味特別濃郁，肉質幼滑，脂肪量高，口感自然特別豐富。海鮮方面，元貝頗厚大，質地鮮甜富彈性，波浪裙邊略帶爽口；大蜆肉較大且味道十分鮮甜不帶沙；海蝦非常新鮮爽脆，去殼極容易。配料方面，黑松露蝦蟹餃內有原隻爽滑鮮蝦，蟹肉增添彈性及鮮味，同時散發黑松露飄香；芝士紫菜蝦蟹餃咬開中間流出半溶化的芝士好香濃；韭菜餃有一種特殊的香氣，口感綿軟；手打蝦丸和手打墨魚丸特別新鮮彈牙，質地紮實；還有脆皮芝士腸、避風塘脆炸鮮魚皮、即炸手工紫菜響

要在銅鑼灣區打邊爐，小編一定推薦「酒鍋」！食過三、四次，覺得質素保持得好好，餐廳環境夠chill，古色古香嘅裝潢，坐窗邊仲可以飽攬維港嘅無敵大海景～😎打邊爐前先混個醬～醬料一如既往有12款之多！火鍋湯底好多選擇！有18款咁多，小編每次都試新湯底！😂😂酒火入鍋（$328）呢個係最啱相機📷食先嘅湯鍋，五格湯鍋中，中間放左一個秘製木瓜盅，店員會等你準備好相機📷😂，然後倒入清酒再點火，再倒入上湯，做成清新木瓜湯來打邊爐，夠晒足料，其餘四格就係：蕃茄波士頓龍蝦鍋、清湯蘿蔔牛腩、四川麻辣鍋、潮洲沙嗲鍋，其中小編最推薦潮洲沙嗲鍋和蕃茄波士頓龍蝦鍋，因為潮洲沙嗲鍋好惹味，蕃茄波士頓龍蝦鍋又夠足料，有半隻龍蝦🦞係裏面，蕃茄味幾清香，四川麻辣鍋香辣，清湯蘿蔔牛腩幾香濃。🌟推薦❗️二人海鮮拼盤（$368）有海中蝦、花甲、蟶子和扇貝，全部都超新鮮！自從在「酒鍋」打邊爐食海鮮，小編每次黎都每點！因為呢度嘅海鮮真係好新鮮！☺️以冰鎮保持着海鮮嘅新鮮，海中蝦肉質爽彈，蟶子鮮甜爽脆，扇貝好大隻，咬開後仲保留一絲絲嘅口感，鮮甜味美！😋是日冇晒花甲，所以轉左做蚌仔，不錯吃！掛架頂級安格斯牛小排（$188）一排整齊地排列嘅牛小

近日天氣開始轉涼，尤其夜晚更加凍。所以最好就係食返個暖笠笠嘅打邊爐。不過如果兩個人ge口味相差太遠，打邊爐要夾食乜嘢就比較困難。今日黎試銅鑼灣啲間酒鍋就絕對幫到我解決呢個問題啦。酒鍋位於銅鑼灣Vpoint,交通方便，加上有一大片落地玻璃，將維港夜景收入眼瞼。食物未到，就先大飽眼福。酒火入鍋(⭐⭐⭐⭐⭐)酒鍋餐牌由4頁紙組成，但淨係湯底就已經有成十幾款。經過一輪心大心細後，我地決定揀signature pot -酒火入鍋。上菜後證明我地絕對無揀錯，因為呢個煲絕對好睇又好食。侍應首先會係中間個格木瓜鍋度加入酒精，然後點火。之後又會向鍋中注入熱湯，個鍋會即時散發出陣陣煙幕，真係仙氣十足。睇完呢個小小ge表演，令人急不及待想試一下湯底。木瓜鍋十分清甜，適合口味清淡ge人。番茄龍蝦鍋入面真係有半隻龍蝦，加上番茄味濃郁，煮蔬菜和麵都一流。麻辣鍋本身已經有豆卜，豬皮同黃豆芽呢d吸味野，嗜辣ge我最鐘意就係呢個鍋。清湯蘿蔔牛腩湯底有濃濃ge牛味，蘿蔔煮到入曬味，居然比牛腩更快被食完。沙嗲鍋係唯一一個無其他料係入面ge湯底，但係一上台濃濃ge花生味撲鼻而來，成為我當晚第二鐘意ge湯底。紫貝天葵 檸檬薏米

對上一次食「酒鍋」都已經隔左有一年既時間，但食過之後絕對想再返嚟食，成日都有唔會驚喜，今次試下新既「火爆龍皇」湯底先！環境上次光顧尖沙咀分店，今次光顧銅鑼灣，都係有股古色古香味道，有啲中國風但又加插現代原素，再加上對住維港景色一覽無遺，環境氣氛一流。點餐紙竹蔗茅根/紫貝天葵  各$26都幾大樽，我自己唔太飲洛神花茶，紫貝天葵同洛神花都差唔多味，所以我揀竹蔗茅根下下火。火爆龍皇 $428 (醬料$22/位)酒鍋每次推岀既新湯底都好吸引，今次既火爆龍皇係海鮮湯，會即席係客人面前烹煮，海鮮有波士頓龍蝦、花甲、青口、大蝦及魷魚仔，再加上新鮮番茄同特製麻辣馬拉醬。海鮮份量適中，一呷湯底清甜得嚟又帶龍蝦湯鹹香，因為麻辣馬拉醬仲有少少辣添！幾惹味又唔會覺得肥膩。榴槤造型丸 $98全新既「榴槤造型丸」！其實我就唔食榴槤既，不過朋友食，嗌左一份試下，外型好可愛，模仿榴槤，原來係墨魚丸，仲有加入D24榴槤，但我都試左一件，好彈牙！如果話係墨丸，食落似墨魚滑多啲，我食唔岀有榴槤，可能因為比例唔多，我都成件食哂，每件經烹煮漲大後仲大件，夠哂飽肚。開心農場 $298超級靚同得意！女生必定要影相打卡，同開心農場呢

和男朋友慶祝週年記念，預訂了比較高級的火鍋店，因為這裏有維多利亞港海景和它的火鍋湯底出名很適合打咭。一出門口就看到很多生猛海鮮， 可惜近排敏感不宜吃海鮮。環境方面是結合了時尚和中式，牆壁是塗鴉圖案多，但擺設又有點中國氣氛。餐桌和座位寬躺，每枱之間都有適當的空間，可以讓大家暢所欲言。重頭戲當然是湯底，《夢幻花園》首先鍋底十分大，一路端上來一路冒出白煙， 非常似置身夢境中，視覺效果一百分，有很多乾花碎作點綴，鋪滿了蛋白，蛋白口感我就不太喜歡， 所以店員盡量撈走所有蛋白。由於我不吃海鮮所以其中一個喇沙海鮮湯鍋就變成了鹹酸菜胡椒豬肚鍋、另外有四川麻辣鍋、黑松露雜菌、藥膳花膠雞和中間的木瓜雪耳。每個湯鍋都各有特色，其中黑松露雜菌很西式但是非常濃郁，絕對是成功的新嘗試；木瓜雪耳感覺滋潤，我和男朋友都直接喝；四川麻辣鍋和胡椒豬肚鍋都是傳統最喜愛的湯底，本身亦有很多配料，藥膳花膠雞的雞件都很重味道。醬料選擇很多，但其實我覺得湯底已經很濃郁，所以都不太沾醬油。頂級安格斯牛小排一片片薄牛肉很快熟，比想像中爽口，牛肉味都濃郁，打邊爐必備，不過很好奇為什麼是把它們掛起來，但是冰塊卻放在底下。即炸手工紫菜響鈴卷

朋友話呢間湯底睇得又食得，這晚終於見識到夢幻花園 $388最面層係打起嘅蛋白同食用花，上鍋時加了乾冰，好似進入仙景， 先放底比你影吓相，取走上面那層，就會見到五格嘅湯底，分別係四川麻辣、藥膳花膠雞、喇沙海鮮、黑松露雜菌及木瓜雪耳，今間個都食唔到辣，所以店員幫我哋換埋黑松露雜菌，而我就最喜歡木瓜雪耳，先吃木瓜，再打邊爐，好清甜。頂級安格斯牛小排 (大) $268一片片掛起的牛肉片，賣相一流，油脂分布平勻，入口肉質滑嫩日本頂級黑毛豬豚腩肉 $188一片片黑毛豬豚腩肉掛刊整齊，一層肥一層瘦，豬肉味濃，而且肉質柔嫩，，海鮮拼盤 $688有扇貝、蟶子、海中蝦、大蜆同是日海魚，而今晚嘅海魚就係沙巴龍，我最愛蟶子同海中蝦，蟶子皇彈牙鮮甜，蝦肉肉質紮實三色鮮制生麵 $58分別係墨汁、菠菜汁同甘筍，顔色好吸引，入口彈牙蜂巢豆腐 $38有8 粒，記得一開始就要放入畼，吸滿湯汁好好味！黑松露蝦蟹餃 $88皮薄餡多，好飽滿，黑松露味剛好，不會搶走蝦肉同蟹肉的鮮甜鵪鶉蛋福袋 $68通常福袋入面都係放年糕，第一次呢款，好特別即炸手工紫菜響鈴卷 ($58)響鈴加上紫菜，好鬆脆，好有口感黃金炸魚 $68加了咸蛋黃嘅魚

夢幻花園 ($388)期間限定嘅湯底靈感來自《愛麗絲夢遊仙境》，一上枱已經夢遊入仙境，散發著陣陣仙氣，影出嚟嘅效果好靚！白色嘅泡其實係蛋白，上面鋪滿食用花，打邊爐試過咁夢幻未？入面有5小格嘅湯底，分別係四川麻辣、藥膳花膠雞、喇沙海鮮、黑松露雜菌及木瓜雪耳。我最鍾意木瓜雪耳，清甜無比，而黑松露雜菌飲落就似西餐嘅cream of mushroom soup，幾得意！大頂級安格斯牛小排 ($268) 肉質滑嫩鮮美，油脂分布均勻日本頂級黑毛豬豚腩肉 ($188)肉質柔嫩，一層肥一層瘦，豬肉味好香濃海鮮拼盤 ($688)有蟶子、帶子、蝦、蜆及沙巴龍躉，全部都好新鮮，尤其是蟶子，就算煮得耐咗都仲好爽口彈牙黑松露蝦蟹餃 ($88)黑松露味唔會太搶，入面有好多蝦蟹肉，成粒都好飽滿三色鮮制生麵 ($58)分別係甘筍麵、墨汁麵及全蛋生麵，可惜煮完之後湯底太濃味蓋過咗麵原本嘅味道蜂巢豆腐 ($38)反而呢款索滿湯汁就非常好味！鵪鶉蛋福袋 ($68)第一次咁樣食福袋，有創意即炸手工紫菜響鈴卷 ($58)炸得好鬆脆，熱辣辣又掛湯黃金炸魚皮 ($68)好邪惡但真係好好味！其實就咁食唔放落湯就更正

已有一段時間未來過，今次再訪果然有驚喜餐廳景色宜人，座擁無敵維港大海景備有十多款醬料供選擇，當中更有自家秘製的醬汁先來一杯檸檬薏米水，用燈泡造型瓶子盛載，金屬吸管十分環保夢幻花園湯底在蛋白上鋪上色彩繽紛的食用花，當中的五格火鍋有四川麻辣鍋、藥膳花膠雞、喇沙海鮮、黑松露雜菌及木瓜雪耳，視覺跟味覺一樣充滿驚喜二人海鮮拼盤有聖子、扇貝、海中蝦及花甲，用料新鮮頂級安格斯牛小排肉質結實帶油筋且油脂甚多！日本頂級黑毛豬豚腩肉滑潤有彈性，肉質微甜而不膩開心小企鵝及黑啤熊造型可愛黑松露蝦蟹餃入口有淡淡的黑松露香味, 饀肉彈牙又有鮮味黃金炸魚皮爽脆口感配上咸蛋風味再加上淡淡的魚鮮味，令人忍不住一口接一口蔬菜拼盤也色彩繽紛，不愧為網紅打卡熱點即炸手工紫菜響鈴卷將蛋黃夾在兩片紫菜之中再捲在響鈴之內，同時吃到三種味道

好幾年前便開始到天文台道的酒鍋吃飯，這次提前慶祝母親節，便打算到銅鑼灣分店試試看。一向也是麻辣火鍋的忠粉，這次看到五月期間限定的騰雲菊花五小鍋，外相甚是精美，便決定一試。騰雲菊花五小鍋 $288火鍋上面原來是一層層厚厚的蛋白還有食用花，共有五款湯底，包括藥膳菊花湯、黑松露雜菌湯、四川麻辣湯、養生藥膳湯及鮑魚雞粥。什麼類型的鍋底都有，適合選擇困難症又想什麼都試一下的我們。拍完照，店員會問我們想不想吃那些蛋白，不吃的話他們也會幫忙把蛋白撈走拿回到廚房去。點了一堆平時比較少見到的。黑松露蝦蟹餃很是惹味，手工紫菜響鈴卷是新鮮炸的，超級香脆，很好吃。難得的還有吸睛又美味的海膽杯，吃火鍋的時候還可以吃上刺身，實在太幸福了！人多又不想選擇火鍋料的可以選擇騰雲菊花五小鍋套餐（四位起），除了鍋底外，有菊花墨魚丸、金豬報喜、黑松露蝦蟹餃、鵝肝醬匈牙利鬈毛豬肉丸、掛架頂級安格斯牛小排或日本黑毛豬腩肉、精選海鮮拼盤、台灣空運鴨血、肥媽墨汁腸、三色鮮製生麵、蔬菜拼盤、即炸手工紫菜嚮鈴卷、金沙鹹蛋炸魚皮及加拿大海膽杯，下次人更多的時候一定要再來！

又到一年一度的母親節，現在雙親節都變得越來越被受重視，不過趁此機會向雙親表達謝意、盡一點孝心，花費多少也不要緊吧。因時間關係我們提早慶祝母親節，早前看到酒鍋在做母親節餐單，名字是”ChrysantheMUM”，是看中菊花的英文串法中有媽媽一字，加上菊花是清朝慈禧太后喜愛用來入饌的花，非常高貴養生。餐廳裡面裝潢特別，既走傳統中國風，放大燈籠和燭台；在漆紅大鐵門兩旁的牆壁也有現代油畫。餐廳位置非常好，居高臨下，我們預早訂座，坐窗邊能夠飽覽夜景。先來每人一支飲料，這裡的紫貝天葵和竹蔗茅根均用燈泡器皿盛著，好看又好喝。前者味道較濃和酸，後者則較清甜，生津解渴，比喝汽水更健康。先來每人一客加拿大海膽杯作前菜。海膽份量非常多，口感綿滑；配以完熟牛油果，更添滑溜口感。下面放了爽脆海藻，中和膩感。醬料是一貫的豐富，我最喜愛的是炸紫洋蔥碎，比炸蒜多了份甜味。家人則推介XO醬，瑤柱很多很足料，香辣濃郁。我們點了這個五月限定的騰雲菊花五小鍋，包括了藥膳菊花湯、黑松露雜菌湯、養生藥膳湯、四川麻辣湯，以及中間的鮑魚雞粥。藥膳菊花湯比想像中更濃味，鹹味來自藥膳材料，但仍能吃到菊花的清香。黑松露雜菌湯質感厚實，似是

三月底即將迎來香港年度世界級藝術盛事Art Basel，想不到就連打邊爐也受藝文界風潮所啟發，因為酒鍋剛於這個為藝術喝采的季節，特別呈獻天馬行空的夢幻花園五格湯底，激發藝術繆思之時令滋味。酒鍋以漁巿場為裝潢主題，散發中式懷舊的東方韻味之餘，卻又可新舊融合，注入摩登時尚氣息。銅鑼灣分店坐擁維港景致，落地玻璃可以一邊望著無敵大海景，一邊品嘗火鍋美食，迷人景色盡入眼簾。於黃昏時間入座，親眼目睹夕陽西下，華燈初上，看著維港在餘暉與霓虹燈交替中的多重變化，棟棟摩天大廈投射出的璀燦燈光，倒映在遼闊的海港裏，熠熠生輝。一入門口就見到缸水清澈的魚缸，海產看起來夠新鮮。餐牌選擇繁多，看得我也眼花瞭亂 @@除了湯底之外，其實火鍋醬料也決定了味覺，這裡提供多到數不清的各式醬料，自行混出最適合自己的口味。夢幻花園湯底 $388期間限定的夢幻花園湯底創作靈感來自童話名著《愛麗絲夢遊仙境》，一上枱已彷如步入仙境般煙霧瀰漫，飄逸著夢幻柔美的仙氣，可說是眼睛與味蕾的感官盛宴。煙霧效果其實是由中間的木瓜雪耳鍋放上乾冰塑造而成，點綴著奪目繽紛的可食用花，如此吸睛的藝術美饌，讓中式火鍋將美食與藝術微妙地融為一體。五合一的火