沙田18

營業中

休息中

朋友極度推介呢間中菜廳, 話呢度出名 傳統北京烤填鴨🐥 講咗好幾次, 呢日終於嚟咗. 勁搞笑, 因為個中菜廳係overbooked, 所以我哋被安排到旁邊的bar度食, 見到bar裡好多枱都已經食緊中菜🤔 完全沒有食西餐嘅客人.片皮鴨(半隻$398)嘅片胸皮係好脆, 點糖食好邪惡😈 胸肉&腿肉 係都好味嘅. 但我覺得未去到傳說中嘅超級好味level😅生菜片鴨鬆(半隻$128)好特別, 好似冇喺其他地方見過🙈 但其實就係用生菜包住一堆雜糧😅 唔係好食到鴨味…燒肉 & 臘味煎魚餅 都出色嘅😚特色甜品拼盤($275)非常豐富. 紅棗貝殼蛋糕 & 紅棗腐乳芝士蛋糕 都頗特別的☺️ 泰式珍珠奶茶雪糕 都唔錯🍨 柚子桂花紅荳糕 & 蘆薈雜果杏仁豆腐 就顯得比較普通🤔全晚嘅焦點 係最後超飽都仲要加單叫嘅 五糧液朱古力雪糕🍨($45) & 花雕話梅雪芭🍨($42) 一開始聽到以為自己聽錯😮 第一次食中國酒味嘅雪糕, 估唔到味道係超級夾😋值得推介👍🏻

星期日諗起第二日要返工就抑鬱，所以要對自己好啲食好嘢！山長水遠今次來到大學火車站旁邊嘅凱悅酒店沙田18中菜廳。網上評價不錯，主要讚嘅係片皮鴨，作為新界人嘅我哋一定要來試一試。餐廳位於凱悅酒店4樓，佈置典雅，唔算豪華得太浮誇。部分廚房係開放式，食客可以係外面睇到入邊師傅烤鴨、蒸餸、整甜品，中菜餐廳比較少咁做，都算特別。因為兩個人食飯嘅緣故，片皮鴨淨係叫得半隻一食。「一食」就係傳統包住餅皮你食，首先片皮鴨皮加砂糖食，入口即溶，嗰陣油香係不簡單，比好多出名食片皮鴨嘅餐廳更好。除左鴨皮之外，餐廳仲好貼心地片了一碟鴨胸肉、一碟鴨脾肉，鴨胸肉可沾甜麵醬，但因為鴨脾部份比較羶，餐廳建議係加上蒜泥一起吃，之前未試過夾蒜泥，一試之下不得了，的確非常好味，必試！人多可以叫一鴨二食或三食，分別係鴨鬆生菜包同鴨湯，但同行友人非常渴望飲湯，一問之下，原來餐廳好 flexible ，可以skip 鴨鬆部分，直接order 湯，而每位收費$62，同行友人當然興奮啦！季豆松子仁炒豆乾清清地唔肥膩，「季豆」即係四季豆，切粒炒好有口感好爽脆，而豆腐乾嘅鹹香加上松子仁嘅濃郁，呢道素菜送飯簡直一流，所以同行友人亦都唔執輸叫咗

由大學站行過去需時5-7分鐘，餐廳位於酒店嘅4樓。入到餐廳雙眼好唔得閒，因為餐廳左右兩邊都有設有開放式廚房，一路行一路欣賞廚師準備食物！經過開放式廚房後立即又見一排落地大玻璃，外面雖然冇咩景色可言，但係整個空間好整潔光猛，配上木製嘅餐桌，優雅舒適。食物方面我哋叫幾款點心同燒味叉燒係好靚嘅半肥瘦三層肉，咬落去肥肉融化，瘦肉嫩滑，好好食。如果唔係因爲自己最近戒食澱粉質，一定叫翻碗白飯嚟送下！厚街臘味煎魚餅，呢個係我非常期待嘅一道菜，除咗係因為平時食中菜好少食到之外，鯪魚同臘腸係我嘅至愛。魚餅上枱時脹卜卜熱辣辣，而且有陣陣咸香味，咬落去唔係死實，而係外皮脆，入面鬆軟，不過魚味略嫌淡咗少少。最值得一讚係腸粉！真係好好食。腸粉外皮又薄又滑，餡料豐富。瑤柱味突出，配合花蚌，非常鮮味！x 100 服務方面有待改善，部分職員未有留意顧客需要，舉手好耐都無人睇到。另外一個疑似較高級嘅黑色西裝職員態度不太友善，無笑容不在話下，無論落單埋單佢都無任何回應。

送別移民的朋友，既羨慕又妒忌。選上中菜作道別，希望他只記得香港的好。沙田18位於大學站的凱悅酒店內，以北京烤填鴨聞名。餐廳廚房位於主廳中間，透視了大廚們忙碌烹調的實況，外面還有露天部分，感覺開揚，相信也是個午間消閒的好去處。最初知道要到「偏遠」的地方晚膳，心裏總是低聲埋怨，但事實是酒店就在火車站旁邊，一點也不難找。加上那讓我一試難忘的鴨胸皮和創意十足的甜品，我定會再來試試其他菜式。預先訂的是「一鴨三吃」的北京填鴨，首先是以白砂糖沾伴的鴨胸皮，入口即嘗到其香脆，油份亦恰到好處，沒有半點過膩之感。接著是嫰嫰的鴨胸肉和鴨腿肉，配上大蒜、青瓜、黃麵漿、蒜泥及薄餅一起吃，又是另一番味道。最後還有生菜片鴨崧和鴨骨豆腐湯，可謂十分豐富。其餘點的都是推介菜式，如沙田18錦繡拼盆 (包括明爐烤蜜汁叉燒、脆皮燒五花腩肉、雲川辣拌牛肉粒、涼拌芝麻拍黃瓜、小蔥舟山海蜇和陳醋木耳拌烤夫)，最深刻的要算是首兩款，叉燒肥瘦恰宜，腩肉則皮脆肉香﹔其餘前菜的味道也相當不錯。乾蔥鮮竹撈芥菜：賣相吸引，芥菜鮮甜，撈伴的效果別具特色甜醋青芒炒燒肉：青芒味道帶酸，充滿泰國風味厚街臘味煎魚餅：真材實料，若魚餅減薄相信能更香口最後

幾個月前，奶奶萌起一嚐北京填鴨的慾念，可惜在港的京菜菜館不多，而且要找到出色的北京填鴨確不是易事，所以奶奶的填鴨一度被放涼了！某天突憶起幾年前，特意選在「沙田18」為弟弟慶祝生日，因為北京填鴨是他喜歡的菜式。就這樣，趁在復活節假期裡，讓奶奶的北京填鴨「重生」！「沙田18」房間的最低消貴並不昂貴，若用餐人數較多的話，不妨選擇私隱度高的房間。當天我們一共十二人，房間裝潢雅致、寬敞，要比大廳的座位更能迎合大夥兒的需要。第一道便送上傳統北京填鴨，皮層油潤飽滿、色澤均勻，騙不了人的新鮮製作！由於十二人用餐，經理建議我們選擇一食，即片出填鴨的胸皮、胸肉及腿肉分別品嚐。另有二食及三食之選擇！鴨胸皮纖薄，入口香脆而不油膩，彷彿在咀嚼著北京填鴨味的薯片，蘸上點點沙煻，更能將鴨香進一步提昇！平日都不愛吃雞胸，一看鴨胸肉明顯要比鴨胸皮厚身，總對它懷有偏見！侍應建議以青瓜、大蒜和黃麵醬，包在薄餅內進食。光試了一片純鴨胸，雖然算不上滑溜，但卻沒有預期的粗糙感，肉質只是稍為緊密而已，相信這有賴大廚的手藝！鴨腿肉包含了香脆的鴨皮與幼嫩的鴨肉，油脂感是三者中最豐盛，不過相比廣東的燒鵝或燒鴨，這純屬小兒科而已！能將兩種

那天要返中大工作，因一直想試試沙田18，平日也不會有機會走到老遠入新界，便一個人來吃午飯了。一個人很難點菜吧，不甘心就隨便點個炒粉麵，叫菜的話大概吃不下吧。正煩惱之際，經理走了過來給我介紹建議，未等我開口，他已醒目地說可以叫半份或四分之一份的菜，那我便可以多試一些菜色。妙得很。於是在他的recommendation下，我點了1／4份（即兩塊）厚街臘味煎魚餅，以及籠仔糯米蒸腩排，加了個白飯，剛好。魚餅煎得脆，味鮮而甜，還有臘肉增加香味與口感，是樸實又精繳的一道菜。糯米蒸腩排好惹味，不過以糯米來用飯吃，點菜是失策了…持中大信用卡有折，大概等於免加一。儘管有點遠，這地方還是值得湊湊人腳再來，試試填鴨和各式甜點也好