No Money So Lonely

營業中

休息中

到左下午茶時間，同朋友黎到呢間玩味十足既餐廳嘆下。餐廳地方好大，有唔少地方可以俾你打下卡影下相。我地叫左喇沙掛天使麵配石班大蝦、咖央窩夫同黑芝麻豆漿沙冰。喇沙掛天使麵配石班大蝦好特別，有一個茶壺裝住喇沙湯汁，湯汁屬於稠身既，都辣辣地架，配天使麵無乜違和感。咖央窩夫雪糕係雲尼拿味，窩夫係軟身個種，味道唔錯，幾濃蛋味，咖央醬幾重椰子味，第一次見同窩夫呢個配搭，可以一嚐。黑芝麻豆漿沙冰好似飲緊芝麻糊甘，飲得到有豆漿味，兩者都幾夾，甜度適中，幾好飲又消暑。

Mamaday 嘅姊妹店~ 當然質素都一定咁高質啦~ 同Mamaday一樣都係好重視環境裝飾~ open area 嘅cafe環境充滿外國風情，周圍都有乾草裝飾，牆上顏色都好豐富配合返東南亞嘅感覺，仲有個復古燈箱係Cafe嘅正中間~ 雖然位於商場嘅上層，但係就好似去咗第二個空間咁（╹◡╹）嘢食當然係更加打卡able ~ 如果想影下靚想但係又唔想下下食Cafe，呢度都幾推薦~ 不過非常多人記得book位啊！ 打卡friendly(*ﾟ∀ﾟ*) Food /Dessert : 📸📸📸📸/5 Environment : 📸📸📸📸/5 (好鍾意Cafe外牆嘅霓虹燈！ )Price 💰啖啖蟹肉擔擔飯 —— $136真係啖啖蟹肉！飯有好濃冬陰功嘅味道，加埋蟹肉一齊食，冷暖嘅口感勁match~ 而且上面仲放咗啲沙律菜轉下口味，份量亦都非常足夠，推薦！ 喇沙掛天使麵配石斑大蝦 —— $126 玩味100分~ 之後送上叻沙湯底，影靚相就一流啦！ 不過比較常味道就冇上面嗰度菜咁出色~ 咖央窩夫 —— $68 係我近期食過最推介嘅窩夫！ 首先價錢都幾抵食，跟住就係吉士醬濃度剛剛好，重點係雪糕竟然係荔枝味！

呢間係喺T.O.P 商場好受歡迎嘅餐廳😍想去好耐 所以終於約好時間同朋友去食返個tea😆蘋果咖哩飯配香煎鴨肝 $138呢個咖哩飯一嚟到就已經好香 上面仲有一大塊既鴨肝 望落去都好吸引🙉呢個飯薯仔味比較濃 有少少似薯片咖哩 因為呢個特點我哋都不停咁食🤣個飯有少少辣 所以令到我哋好開胃🤓 上面既鴨肝都好香好淋 入口即溶既感覺 呢個配搭都幾好食😋咖央窩夫 $68平時好少見呢一個組合 所以就揀咗呢一個做我哋嘅甜品😆 原來佢有四大片窩夫🧇 每件都好香牛油同蛋味 都幾大份咖😗 咖央醬比較甜 略為過甜 重椰奶味 所以撈返球藍色海鹽雪糕 又甜又鹹 撈埋一齊食幾得意☺️蘋果雪梨桂花茶 $42呢杯茶都比較大杯 仲好熱 佢倒出嚟個陣仲有啲桂花 所以好香🤤不過蘋果雪梨味就比較淡 如果佢濃啲應該更加好飲 但食咗咁多嘢飲番杯茶都唔錯🤤👍🏻