新蒸武門 (已結業)

✨#中女獨食難肥日誌 ✨#新蒸武門 #Zingmomoon #中女食觀塘觀塘工廈覓食😋新蒸武門主打健康無味精家常菜，最適合無飯家庭😌三送一湯又可以吃到媽媽的味道！一到步店員即奉上八寶茶，內有紅棗、菊花、龍眼肉等等，養生茶清清地💕幾樣小菜水準不俗，味較清淡，感覺健康☺..#豉油皇蝦 $178有驚喜！想不到工廈炒的小菜都幾有獲氣，六隻蝦🦐大大隻而且隻隻新鮮彈牙，蝦先走油炸得香脆，掛上豉油皇汁快炒，味道不死咸又有豉油香，是高水準的一道菜😋..#涼瓜炒蛋 $75翠綠涼瓜新鮮味帶甘，炒得亦不過火，炒蛋很滑👍🏼口味清淡，少油少鹽，好健康的感覺☺..#土魷蒸肉餅 $68喜歡吃土魷蒸肉餅，貪其好送飯，土魷味香，感覺亦完全無味精，媽媽的小菜🥰下次想試試香煎藕餅，應該幾香口！..#淮山杞子海底椰螺片燉雞 $42店員介紹今晚燉湯，好久沒有喝一口靚湯😭淮山杞子海底椰螺片燉雞十分足料，燉湯超熱小心燙口🙈感覺滋補養顏，清潤好喝☺..📮地址: 觀塘開源道60號駱駝漆大廈3座1樓Q室☎電話: 35656121

收咗工同屋企人去食飯，揀咗喺駱駝漆大廈嘅新蒸武門，睇個名以為係蒸爐式嘅打邊爐，但原來佢出名嘅係蒸籠飯。一坐低就梗係要嘆下餐廳出名嘅八寶茶， 每一杯茶裏面都配有菊花紅棗等配料，唔係話一大壺水開到好稀嘅茶， 甘甜可口 ，$10茶芥可謂物超所值。是日燉湯係菜膽花膠燉雞，每碗都非常足料，鮮甜味美，飲完唔覺得口乾，應該冇乜點加味精。時菜炒鮮斑球嘅班塊好腍好滑，西蘭花球砌出嚟嘅大細非常之適合一口一件， 好快就清咗呢啲美食啦！蜜椒炒牛柳嘅牛柳新鮮滑溜，唔係話加咗鬆肉粉嗰啲味道質感，炒埋三色椒配搭更加健康。芝士蝦球伊麵嘅芝士味比較清淡， 即使唔係好喜歡芝士味道嘅屋企人，亦都食到舐舐脷。 本身佢冇跟青菜或者蔥亦都好遷就到揀飲擇食嘅屋企人😅 蝦球比較細，如果可以揀返大蝦，效果加倍理想。濃湯雜菌浸魚滑，雜菌同魚滑嘅比例好平衡，唔係話少少魚滑多多雜菌嗰種偷工減料嘅感覺。加咗黑木耳，清淡中更為健康 健康。土魷蒸肉餅魷魚鮮香同埋肉味都好突出 ，食入口嘅口感好細嫩，配飯食係一流嘅配搭，更加有家嘅感覺。當晚每人揀一道菜，揀揀吓竟然冇人嗌招牌菜，唯有下次再食啦。

最近天氣乍暖乍寒，和家人一起吃晚餐，選擇吃得清淡些。估不到茶芥每位$10，可以提供八寶茶，仲會使用焗盅添！是日燉湯：是菜膽花膠燉雞，每盅燉湯都有半碗湯料。$138的時菜炒鮮班球算抵食，鮮班球的腍滑魚皮是最美味。蜜椒炒牛柳惹味又不上火。這款腍滑好味道土魷蒸肉餅，味道比較濃郁，是配白飯的好餸！濃湯雜菌浸魚滑，有雜菌有菜有魚滑濃湯，清清地更勝炒碟小菜。芝士蝦球伊麵，蝦球爽脆，芝士汁濃度適中，不會太杰身是可取的！上湯伊麵，菜芯腍甜。店鋪標明無味精私房住家菜，所以味道都偏向清淡，但健康飲食為上策，清淡是可以接受。

今日係觀塘睇完戲雖然時間尚早, 我地呢對懶惰couple都係唔想煮飯, 但老婆又想食住家菜, 結果搵到係駱駝漆大廈呢間私房菜館: 新蒸武門。新蒸武門標榜提供無味精嘅住家菜式, 尤以蒸煮食物出名, 啱哂鍾意健康菜色嘅老婆。我地到餐廳時未到7點客人唔多, 不過7點後客人愈來愈多。餐廳裝修簡樸, 以鮮色的椅子最奪目。餐牌設計都簡單, 以私房菜黎講, 價錢都幾抵。每位客人都會有一杯八寶茶, 材料好豐富, 味帶甘甜, 好清香。😚冷盤薰蹄份量都幾多, 唔會太感而且唔肥膩, 沾上微酸的醋汁, 非常醒胃。👍蜜椒炒豬柳啖啖肉, 豬柳好爽口彈牙, 蜜糖汁配豬柳好惹味, 配料除左椒類仲有菇片, 以黑椒調味, 味道香濃, 配白飯食一流。😋梅菜蒸菜芯有驚喜, 菜芯超軟腍, 而且好甜, 配既咸且甜嘅梅菜, 味道好夾。土魷蒸肉餅唔知係咪餐廳招牌菜, 非常出色, 肉餅鮮嫩多汁, 肉味濃, 加了馬蹄粒增加口感, 味道調配得好好, 不需添加豉油已經鮮味十足, 鍾意食肉餅嘅老婆都非常滿意。😆埋單每人都唔駛$200, 以私房菜計真係好抵食。Menu

唔知由幾時開始，食「住家飯」對我呢啲窮忙香港人黎講，好似慢慢變成左一件奢侈既事……出街食住家菜，聽落有點諷刺，但何嘗都係想收工可以食餐安樂茶飯而已。驟眼睇見餐廳名「新蒸武門」，仲以為食既都係蒸煮為主既功夫菜式。原來午市先係食健康蒸飯為主，晚市主打一系列健康無味精既住家菜。未點菜，店員先為我地泡了八寶茶 (有甘草，菊花，雛菊，紅棗、杞子等)，據講有去膩消滯功效呢。既然如此，一於先叫半隻「招牌宮廷香辣雞」(由於我地本身都唔係好辣之人，所以同左店員講叫少辣)。香辣雞炆得都夠入味，經過走油，本身已相當香口，只係雞肉稍嫌有啲乾。重點係加埋爆香左既蔥蒜炒埋一碟，最啱用黎餸飯食！半隻雞份量其實不少，絕對夠我地兩個人食。另一道家常「蒸選」係「土魷蒸肉餅」。呢度蒸肉餅都係即叫即蒸，唔似出面有啲預先蒸完攤係度，所以食起黎一啲都唔覺得乾。只係略嫌有點油，如果再少油啲我個人覺得更住家菜feel。呢個時候飲番杯八寶茶就再適合不過。食完較重味既家常菜，最後都叫番碟「翠玉瓜雲耳炒百合」。味道雖然平平無奇，但咁先可以番百合雲耳本身既原味，亦令人記掛住家菜味道……今夜難得同好友食餐安樂飯，享受相聚時光，滿足矣。

每次跟朋友出去食飯，食完都會覺得食左好多油同醬料，今天特別地挑選了呢間新蒸武門食晚飯，食得健康一D。餐廳的環境都十分整理同埋舒適，顏色配搭也不錯。茶是一杯杯的，坐低就沖水浸泡，茶味都幾香同幾好味。土魷蒸肉餅土魷蒸肉餅的肉十分鬆軟，一口咬落去就有好香的土魷味道，用黎送飯真係一流，肉味濃郁及土魷的香味配合得十分得宜。蒸三刀魚每天新鮮的菜色之一，新鮮的三刀魚蒸完的肉質仍然十分鮮嫩，而且骨不多，可以大口大口咁將肉放入口，只用了少少醬油來調味已經足夠發揮了魚的味道。香菇杞子北芪銀山焗雞用焗的形式令到配料的味道可以更加地跟雞肉混和在一起，一拆開已經聞到雞味四溢，雞肉保持到嫩滑，蒸完的雞汁配飯食更加一流。