豐鮪

營業中

休息中

今日針灸後，在附近搵左間小店食個late lunch😗位於銅鑼灣的「豐鮪」是一間由供應商一路發展至創立自己的餐廳，主打日本漁場直送原條藍鰭吞拿魚❣️小店裝潢光猛簡約，環境舒適😉入座後scan QR code落單，十分方便👍🏻小店提供丼飯、魚生燒賣、刺身、小食、清酒等。夢之丼 定食 $168呢個夢之丼一碗有齊大拖羅1切、中拖羅3切、赤身3切及迷你吞拿魚蓉燒賣一齊鋪滿飯面，味道鮮味，賣相吸晴🤩帶子肉餅飯 定食 $148呢個帶子肉餅飯有綿滑細膩的新鮮做手切藍鰭吞拿魚魚蓉鋪滿飯面，還有大大粒北海道帶子放面，賣相相當吸晴🤩🔹️以上定食都包括蟹膏茶碗蒸、和風沙律及味噌湯❣️熱騰騰的茶碗蒸口感滑順柔嫩，蟹膏味道濃厚鮮甜，yummy‼️日本海膽魚蓉燒賣 $78三文魚籽燒賣 $55店內還供應創新燒賣造型的特色壽司，以蒸籠上枱，賣相勁似中式點心燒賣🤩入面其實係手切日本藍鰭吞拿魚蓉壽司🍣，2款燒賣面頭分別放左日本海膽及三文魚籽醬油漬，外邊就用左有機大豆豆紙包住，入口鮮味有層次，而且打卡一流🤗

一間食肆如果只係賣一種食材嘅菜式代表乜嘢？就係代表做得好專！！👍🏻👍🏻朋友介紹呢間鬧市隱世吞拿魚店，果然冇介紹錯～店仔細細，賣嘅全部都係藍鰭吞拿嘅菜式，而且價錢實惠，性價比好高！！🥰🙌🏻👍🏻🍱夢之丼（$168）：話明係夢之丼，即係夢幻嘅吞拿魚定食～上枱有麵豉湯、沙律、蟹膏茶碗蒸，同埋滿滿一碗吞拿魚鋪面嘅丼飯～包括咗大拖羅、中拖羅、赤身同埋一粒迷你魚蓉燒賣～😋拖羅油粉豐富，魚味濃郁，赤身鮮甜～溝埋wasabi同豉油，一啖一塊，十分滿足！！🍱帶子肉餅飯（$158）：都係定食，用新鮮北海道帶子，再鋪上藍鰭拖羅魚蓉～手切魚蓉好有口感，而且油份四溢，實在十分滿足！！🥟佢仲有啲賣相好過癮嘅魚生燒賣，造型好得意，仲搵個蒸籠上枱，玩味十足！！🥰😋蟹三寶燒賣（$55）：有蟹膏、手拆蟹肉、飛魚子……蟹膏非常香濃，蟹肉鮮甜，飛魚子口感一流！三者混合埋一啖入口實在係味覺嘅享受！！醬爆三文魚子燒賣（$55）：一粒粒脹卜卜…好新鮮！响口中咬爆三文魚子～咸鮮味滿載！！店舖地方唔算大，裝修簡潔，但係竟然好貼心地提供自助茶水～仲要係桂花茶！！茶香能夠清解魚生响口中嘅腥味～🥰🥰👍🏻店內仲提供免費充電寶，實在十分貼心！！咁

今日叫左帶子肉餅飯，即係帶子配呑拿魚蓉飯。跟餐仲有個蟹膏蟹肉茶碗蒸、沙律同麵豉湯。呑拿魚都幾新鮮，帶子好甜，壽司飯嘅酸度都啱啱好，唔夠仲可以免費加飯添。值得一提嘅係，呢個跟餐嘅茶碗蒸好有驚喜！蟹味好出，蛋好滑！讚👍🏻呢度點餐同埋單都係自助形式，茶水自取。唔係講笑，個茶超好飲！無估錯應該係白桃烏龍，淡淡嘅白桃好清香，但又唔甜。免費嘅茶水都咁有盛意，值得回頭。由食物嘅出品，食具，裝飾，茶水都feel到係有盛意嘅，價錢都非常合理，值得大家支持嘅小店。

銅鑼灣利園附近，餐廳來來去去都係同一個格調，價錢小貴，主要食個裝修同埋地段。呢間小店位於渣甸坊後街，店舖毫不起眼，經過多次卻從未入去食過。最近喺網上見到食評，話呢間嘅吞拿魚非常之新鮮，有日收工經過，決定入去試吓。店舖面積不大，但係枱都擺放得非常整齊乾淨明亮，枱與枱之間有舒適嘅距離，餐廳提供左自取嘅白桃烏龍茶，好香白桃味之餘並唔甜，非常欣賞。開始落單，叫咗一個帶子肉餅飯，其實係香蔥吞拿魚蓉加1隻大嘅帶子。個飯已經包咗沙律、茶碗蒸、麵豉湯，只係$148 ，我哋叫咗兩個set，仲有折扣。非常鮮美的香蔥吞拿魚蓉，魚脂非常豐富，食得岀非常新鮮肥美。魚蓉冇整得好碎，所以食落仍然有口感，夾起魚蓉下面嘅壽司飯仲見到有一層薄薄嘅魚油。可以話係最近食過最好食嘅魚生飯👍🏻

呢間公司本身係藍鰭吞拿魚供應商 所以開設喺銅鑼灣嘅分店都會採用原條日本新鮮直送嘅吞拿魚 品質一定有保証😍🍴 夢之丼 ($168)套餐包括有和風沙律、蟹麵豉茶碗蒸、味噌湯 (或+$5轉飲品) 蟹麵豉茶碗蒸味道唔錯 蟹麵豉唔會死鹹 同滑溜嘅茶碗蒸幾夾😌丼飯有一片大拖羅、三片中拖羅、三片赤身同埋吞拿魚蓉燒賣😍 飯底可以揀壽司醋飯或者豐漬飯 豐漬飯加入切碎左嘅黃蘿蔔、壽司薑同芝麻 食落去會無咁單調👍🏻 唔夠飽仲可以免費加飯😆大拖羅好肥美 入口即融❤️ 不過得一片真係唔係好夠喉🥺中拖羅脂肪雖然比大拖羅少 但係肉質綿滑 而且完全無筋身為一個平時好抗拒赤身嘅人 呢度嘅赤身我完全ok 一D都唔腥！日本新鮮直送真係唔同D🫶🏻🍴帶子肉餅飯 ($148)呢度嘅吞拿魚蓉刺身丼叫做肉餅飯 玩味十足🤣肉餅飯有四款 今次我地揀左帶子呢款 同樣都係套餐黎吞拿魚蓉每日都新鮮手切 除左魚蓉之外 當中仲有唔少角切嘅吞拿魚 口感好豐富🫶🏻帶子亦都好鮮甜😋🍴鮮香蟹三味燒賣 ($55) 珍寶甜蝦燒賣 ($42) 明太子魷魚燒賣 ($45)除左肉餅飯之外 仲有吞拿魚蓉燒賣 仲會用點心籠盛載 好得意！😍燒賣皮用有機大豆製成 薄薄一片