米走雞 (太子藍馬之城)

營業中

休息中

夜晚食飯好想食雞煲，米走雞係一個唔錯嘅選擇鍾意食芝士既你，可以試下佢既芝士雞煲，落單時可以揀個激量芝士，一定滿足到各位芝士控🤭🤭而雞煲份量係非常足料，3個人去揀個二至三人嘅size一定夠食，食完雞煲仲可以打埋邊爐🧀黃金芝士雞煲：芝士控必點，再必點配料公仔麵/烏冬，簡直一大享受🥩澳洲頂級和牛封門柳、🌟手切霜降牛頸脊：肉質鮮甜，好有口感🍡手打五寶拼盤：每粒丸都非常大粒，因手打肉丸丸質鬆軟，非常有咬口酸梅湯勁多

平日食開雞煲都係麻辣雞煲比較多🐥 今次同朋友嚟咗呢間主打食芝士雞煲嘅專門店🫕 當然唔少得叫呢個芝士雞煲啦 呢度用QR code落單 但係都同時提供餐牌👍🏻 方便唔同嘅朋友都可以選擇食咩黃金芝士雞煲有兩個份量可以選擇 我哋得兩個人就嗌咗個二至三人份量嘅細雞煲😚 我哋揀咗激量芝士🥰 雞煲一送上嚟已經聞到香噴噴 當然煮滾咗之後芝士嘅味道更加出啦 見到已經好開心啦 雞肉好嫩滑 而且骨嘅份量好少 每一件都有啖啖肉☺️ 底下嘅配料仲有洋蔥 芫荽同埋中芹 喺落單嘅時候可以選擇要唔要㗎 呢個芝士雞煲真係好輕易就可以做到拉絲效果啦😝 食到咁上下店員有好貼心咁問我哋加咩湯打邊爐 有雞湯同芝士湯底兩款選擇 今日嚟打邊爐我哋豁咗出去啦 我哋揀咗邪惡嘅芝士湯底🫢 淡黃色嘅湯底都好香 不過始終都係芝士雞煲嘅味道濃郁啲手打五寶拼盤呢個係半份嘅份量😉 手打鮮墨丸 手打鮮蝦丸 手打鯪魚丸 手打豬肉丸 手打M5和牛丸各一粒 每一粒都好大粒 個人認為手打鮮墨丸整得好出色 墨魚膠打得好彈牙🦑 手打鮮蝦丸睇得出係真材實料 仲見到蝦尾部分㗎🦐鮮製五拼餃同樣係半份嘅份量🤓 鳳城水餃 M5和牛餃 鮮蝦雲吞 鮮製韭菜餃同菠菜豬肉餃各一粒

火焰麻辣雞煲(小)($168)有五個辣度可以選擇，我點左2隻辣椒，小辣；非常IG-able，侍應姨姨會係你面前落辣醬，然後點着啲雞，真係火焰🔥🔥🔥🔥；雞真心滑，辣味較重，冇咩麻；不過食到最尾會有少少鹹，呢個時候就要加湯，打邊爐味道剛剛好，唔太需要點其他醬料.新鮮牛頸脊($158)次次打邊爐都會點牛頸脊，呢間啲牛頸脊非常好食，好新鮮，雪花均勻，肉質嫩滑，而且好香肉味，而且價錢相對實惠，推介👍🏻👍🏻👍🏻👍🏻👍🏻.手打五寶拼盤($48)蝦丸，牛肉丸，墨魚丸，鯪魚丸，豬肉丸；落好多粉，食到一粒粒蝦肉，墨魚等，新鮮，非常彈牙，一定要試👍🏻👍🏻👍🏻👍🏻👍🏻.點咗好多菜：油麥菜($44)，翡翠苗($34)，芫茜 ($24)，芫茜好正😍😍.丸類，蔬菜，肉類有半份叫，人少少都可以食多幾樣，海鮮種類較少，另外性價比高，服務態度好好，值得回頭，分數：8.5/10

天氣這麼冷，為了能暖暖身，當然要吃雞煲或火鍋。為了能一次過滿足兩個願望當然要來雞煲專門店，以前聽朋友說過米走雞的雞煲十分出名，所以跟朋友來一起試一試這間餐廳。米走雞出名於芝士雞煲,可惜同行朋友對芝士不太感興趣。所以我們點了火焰麻辣雞煲一作嘗試,我們點了半辣來挑戰一下!點菜途中服務員也把調味盤拿過來。雖然種類不多,但最基本的芫荽、濕蒜、干蒜等等都應有盡有。 菜單上的火焰麻辣雞煲，我一開始以為是指味道,原來除了味道外他亦真的有火焰!果然名不虛傳! 雖然我們點的是二至三人份量，但是鍋中的雞肉亦十分大件十分多。外表看來好像不太辣，但原來真的十分麻辣!這裏的雞肉不但十分滑，而且雞煲不會只有辣味。外面的雞煲只有單純的辣但這裏讓我十分驚喜的是他真的有很重的麻味!細看一下，原來他們也放了不少花椒去帶出又麻又辣的雞肉，朋友果然沒有介紹錯!雞煲過後，我們便開始加了豬骨濃湯來吃火鍋。我們首先點了清熱銀菊露。銀菊露用料不會吝嗇，而且份量亦十分多，足夠我們喝一整晚! 清甜的銀菊露有助清熱解毒，十分適合吃雞煲和火鍋的我們。手打丸亦是他們有名的火鍋料，為了能每樣也吃一點，我們便點了手打五寶拼盤。拼盤包括墨魚丸、鮮蝦

第一次食會點火煮的麻辣雞煲除咗視覺上不同之外，味覺上亦真的跟普通雞煲有不同之處經過明火燒一燒後，雞件真的感覺上有比較的香口的。而且，那些雞件的嫰滑真的令人覺得只要食雞煲都足夠令人滿足。其中一個原因是雞煲裡的洋蔥實在太好味太出色了，經過雞煲煮過的洋蔥甜到不得了，十分推薦！當然，值得推薦的不會只有雞煲。還有特級雪花肥牛，一樣值得推薦。看到雪花肥牛上的那分佈清楚的的脂胙跟鮮色的牛肉，就知道物有所值，亦一如所料的可以嘗到高質的肥牛。

男友生日正日, 要趕做Project第2日交~唯有佢生日前夕同佢食餐好先啦~我地2個都好中意打邊爐, 又中意食雞煲, 今次我帶左佢來食 - 米走雞!!來到米走雞,其實都有幾多鍋底可以揀~但來到呢度, 當然試佢個黃金芝士雞煲啦!!我地2個人, 叫左個(小)嘅, $178。另外佢都有好多唔同嘅火鍋配料可以揀~我地就叫左手切特級霜降和牛(小)($308),雞子($53), 午餐肉(全份)($46),手打五寶拼盤($88)。醬料 ($14)叫完野等食嘅同時,可以混自己嘅醬料~有沙茶醬, 辣椒, 芫西, 炸蒜, 生蒜同蔥~雖然後來食落我覺得其實都好夠味唔洗點醬豐富黃金芝士雞煲(小) ($178)食之前, 我有d擔心..因為我之前唯一一次食芝士雞煲..是在某連鎖快餐店食的..好難食...但呢度! 超好味!!唔好睇佢係(小), 其實都勁大煲!!其實食雞都夠飽芝士味香濃, 配埋洋蔥好好食!雞件全部都係雞脾來~舊舊都啖啖肉,滑, 一d都唔鞋~順帶一提, 芝士雞煲嘅芝士碎份量可以揀的~可以揀無/小量/普通/激量。我地揀的是普通, 但都好香濃了~勁中意芝士的人, 可以挑戰下激量食完D雞, 就可以加湯打邊爐,

今日落雨而且有少少轉涼，最啱就係去食雞煲，見米走雞好多好評兼入選《 優秀開飯熱店大賞》2017，就一於同老公去試一試。店內都幾大，店員見我們二人也給了我們一張四人坐位，枱與枱之間亦都唔會太迫，坐得舒服。似乎米走雞有兩大雞煲，黃金芝士雞煲及火焰麻辣雞煲，兩樣都想試，魚與熊掌下選了火焰麻辣雞煲(細)小辣。店員在我們等候鍋滾途中放上調味架給我們自行調味，鍋底滾起的時候店員就用火槍燃點煲內的酒精造成火焰效果，真係又睇得又食得。雖然係細雞煲，但份量也不少，煲內全部都係雞脾肉，食落啖啖都係肉，很滿足。食完雞煲就開始打邊爐，米走雞好正丫可以加麻辣湯或清湯，為保持麻辣味我緊係揀加麻辣湯。五香駝鳥肉很滑，味道香濃，與鮮牛肉味道很相似，唔講都分唔到是牛肉定是駝鳥肉。脆鯇片新鮮爽口，無草腥味，與麻辣湯底也好夾。手打五寶拼盤，包括墨丸、蝦丸、鯪魚丸、豬肉丸、牛丸。手打丸足料，墨丸內有墨魚粒，蝦丸內有蝦粒，而且爽口彈牙，推介。最後叫了稻庭烏冬吸盡麻辣湯底，鳥冬又滑又吸味，非常滋味。米走雞的火焰麻辣雞煲唔錯，下次再幫襯可以試埋黃金芝士雞煲。

👁‍🗨 黃金芝士雞煲 + 手打五寶拼盤 + 魚皮餃 + 鮮炸響鈴 + 雜菇拼盤 + 竹蔗茅根（壺）💲158（小=2-3人）+ 88 + 20（半份）+ 48 + 42 + 68係想試好耐既米走🐔今次我地叫一個雞煲加四個餸再加野飲，叫四個餸黎打邊爐好似好少咁，但係個雞煲既份量絕對唔野少，兩個大食既人最後都覺得好飽😚講返個雞煲先，其實我地已經係叫激量芝士碎，但係芝士味都係唔太濃，不過雞既份量真心多同埋都頗滑🤔食完雞之後加芝士湯就可以十下十下，但係就算加左湯之後仍然係無咩芝士味既，莫非味覺失調🤥最推介🌟手打五寶拼盤（手指掃去左邊睇五寶丸👈🏻）包括墨丸、蝦丸、鯪魚丸、豬肉丸、牛丸，全部真材實料，又夠曬彈牙👻個人覺得當中既蝦丸同豬肉丸好味，至於黑椒牛丸就辣辣地，不過都好味😽六條超級大既鮮炸🔔嚇親我地，因為每條都長過一隻手掌同埋粗過一個拳頭😱但係可能因為太巨型既關係，入面索左好多汁，食到尾會覺得小許漏🤤而雜菇拼盤就有冬菇、蘑菇、秀珍菇同金菇菜，食完太多肉類之後又係要平衡下，同埋喪飲竹蔗茅根清清熱🔛 整體評分（7/10）

凍凍地總想打邊爐，本想普普通通打個湯底邊爐，男友卻用長靴貓的眼睛望著我說要食芝士雞煲......都係果句「食唔哂，你包底」先上桌的是調味料盒，有芫茜、指天椒、蒜泥、蔥等等，加上豉油混出自選混醬。芝士雞煲一如以往的足料大份，芝士碎選了普通份量，男友說下次要點極多芝士碎，我卻覺得普通份量的芝士碎很剛好，不會太膩。不聽話的男友點了全份生菜，上桌時如同一個森林，「有半份叫架咩？」有呀！點菜重任還是應該交給細心女士，以免食到肚大如蘿。生菜盡吸收芝士濃湯，不吃菜的男友亦主動吃了數把。牛粒比我想像中小巧，大概尾指指頭般大小，好處是快熟，肉味濃、不會韌。我喜歡十數粒一次放入口，很滿足。五寶拼盤有墨丸、蝦丸、鯪魚球、豬肉丸、牛丸，鮮打肉丸吃到肉的質感，豬肉丸混有香菇，惹味濃郁；墨丸沒有混太多肥肉，吃到墨魚爽口的質感；牛丸富黑椒香氣，男友最愛；鯪魚球混有陳皮；蝦丸仍食到粒粒蝦肉，足料！豬潤是軟滑質地，沒有過份啤水到爽硬，男友讚不絕口。吸收上次過飽經驗，是次點菜份量很剛好，不大食的話，拍拖吃雞煲點四份料剛剛足夠！

今個星期唔計星期六日，仲有兩日公眾假期， 好爽爽 家姐就嚟生日 ，趁機會去我好想去嘅米走雞我哋揀咗太子分店 ，交通方便 ，搭地鐵同火車都就腳， 因為要就齊人，book咗枱9:30， 唔緊要啦，返多一日又放假啦!估唔到咁晏仲咁多人，去到差唔多滿座， 好彩book咗枱， 仲編排我哋坐窗口卡位， 望到出面嘅街景 ，景觀唔錯 先點咗個火焰麻辣雞煲， 有四種辣度， 我哋揀咗一隻辣椒嘅辣度。 店員先用火槍點火， 然後再炒幾炒 ，雞煲充滿辣椒乾，洋蔥，唐芹，芫茜， 香氣撲鼻。其實仲有一小碗辣湯， 我哋怕辣， 店員提議唔好放湯落去先， 唔夠先落雞件好多又好滑 ，呢個辣度啱曬我哋差唔多食曬啲雞，佢哋會幫你加清湯喺個煲度，開始打邊爐啦! 我哋四個人都嗌咗唔少嘢食，火煱必叫: 特級雪花肥牛， 大大碟肥牛， 雪花夠分明 ，未淥 都已經想食秘製牛坑腩 ，應該先炆淋咗， 未試過打邊爐食牛坑腩， 好淋好味越南虎蝦 ，虎蝦大大隻， 又新鮮， 食落好爽甜手打五寶拼盤， 有五款唔同嘅手打丸， 墨丸，蝦丸，鯪魚丸，豬肉丸，牛丸， 每款兩粒 ，手打真係特別好食， 口感零舍好。仲有鮮制四拼餃， 水餃，牛餃，雲吞， 韮菜餃 ，每

之前有食過米走雞的黃金芝士雞煲, 今次再有朋友仔約我嚟, 就一於試下另一款雞煲啦! 火焰麻辣雞煲 (中辣) - $148 for 2~3人起初以為"火焰"只係形容食完麻辣雞煲好似噴火咁辣, 原來真係會有"火焰"的, 服務員端上雞煲後會在雞煲內點火, 將雞件炒香, 之後再加入麻辣濃湯, 再煮多一陣讓辣味繼續發酵, 變得更香更濃雞煲配料包括洋蒽、芫茜, 多汁惹味, 每件雞件都沾滿辣汁, 越辣越想食以2~3人份量來說, 雞件份量不少, 吃完成煲雞已經7~8成飽 (幾抵食), 雞件較大舊, 但肉質夠嫩滑雞件食得七七八八, 就可以叫店員加湯 (有清湯 / 辣湯) 吃火鍋鮮炸響鈴 - $48上次有食過呢度的炸響鈴, 真係即叫即炸, 所以好鍾意食, 響鈴的卷數較多, 吸湯能力高手打五寶拼盤 - $88手打系列 ~ 每款兩粒...鮮墨丸、鯪魚丸、豬肉丸、鮮豬肉丸、鮮牛丸, 鍾意食手打丸,因為必定係新鮮, 唔係雪咗N世一陣雪味的丸類,每粒手打丸都大大粒, 仲打至起膠,夠彈牙

天氣凍約埋成班朋友一齊食雞煲火鍋打邊爐。 呢間係太子藍馬之城嘅「米走雞」， 主打特色黃金芝士雞煲， 點可以唔試， 好彩我哋人多勢眾， 一共8人， 分別叫咗一個細嘅黃金芝士雞煲同細嘅火焰麻辣雞煲， 鴛鴦煲試勻曬兩種滋味。黃金芝士雞煲一上枱啲芝士仲係原粒形狀未溶嘅， 一打開 煲蓋 個個都“嘩”咗聲， 全煲都係芝士，唔係唔“嘩”一聲呀嘛？ 真係急不及待好想等佢快啲煲滾快啲食落去。 火焰麻辣 我哋叫咗個微辣， 兩個煲都係要煲滾咗先食得， 不過叫得火焰麻辣緊有個特別之處， 過咗五至十分鐘到， 個待應拎咗支火槍過你喺我哋面前點火， 成個雞煲即刻火花四濺， 之後個侍應仲幫我哋將個雞煲翻炒再翻炒， 佢話原來個雞煲除咗料配了外仲落咗啲酒， 所以一點火就 澎澎聲咁燒起上嚟。雖然我哋叫咗兩個細雞煲， 驟眼望上去都有好多雞件，同埋份量都唔少。兩個煲滾咗之後我急不及待咁即刻試咗個芝士煲， 其實佢一路煲一路聞到好大陣芝士味， 雖然佢成煲都係芝士，但夾起雞上嚟冇乜芝士絲， 食落去個味道似 忌廉芝士汁， 雖有芝士味但不太濃味， 味道好似出面食焗飯嗰啲忌廉芝士醬咁， 但鍾意食芝士嘅朋友不妨一試。兩個煲比較，我比較喜歡火