大班樓 (已搬遷) 新店位置

無錯, 我係慕名而來. 見人訂晚餐要用半年, 我又走去虐試下book lunch, 最終係4月中book, 接近7月中食. 咁卡張, 當然會有D期待! 睇完佢 a la carte menu 嚇一跳, d價錢唔係一般小菜價. 好彩我訂既係星期五lunch, 有 set lunch. 3個OL 嘆亞洲第一lunch 可以順利繼續門口個樣真係唔似高檔中菜, 仲要有個紅白藍膠袋, 唔爭氣笑左+笑右!內面都係普通裝修, 但係舒服既Set lunch menu -  我地揀左4道菜, $348, 包一個頭盤, 一個湯, 一個主菜, 一份甜品.  3個人叫不同的菜式, 可以試多D野.先上個例湯, 每人一盎, 熱辣辣, 都多料, 幾好飲!椒鹽鮮魷 - 魷 魚係幼身, 好特別! 炸得唔厚粉, 而且唔油, 掂呀, 朋友!七味香脆羊肚菌 - 超好味! 我最鐘意呢碟餱! 一D都唔油, 炸得好脆, 好似薯條, 但裡面羊肚菌軟林林, 真正外脆內軟, 令人愛不惜手! 龍井菊花煙燻乳鴿 - 好入味! 連骨都好好味, 皮又香, 無敵! 慢煮乾蔥滑雞 - 對慢煮有D期望, 但實際就好普通, 雞唔算滑龍井煙燻米鴨配黑糖羅

𝐓𝐡𝐞 𝐂𝐡𝐚𝐢𝐫𝐦𝐚𝐧 - 𝐍𝐞𝐰 𝐌𝐢𝐜𝐡𝐞𝐥𝐢𝐧 𝐬𝐭𝐚𝐫 𝐂𝐚𝐧𝐭𝐨𝐧𝐞𝐬𝐞 𝐜𝐮𝐢𝐬𝐢𝐧𝐞Congrats @thechairmanrestauranthk reward of the Michelin star this year. It’s always the most popular Cantonese restaurant which is local and organic ingredient-driven, definitely not luxurious and overplaying, but emphasizes on original flavors of the ingredient to show the excellent freshness.🎖# 𝟏 𝐒𝐭𝐚𝐫 ⭐ 𝐌𝐈𝐂𝐇𝐄𝐋𝐈𝐍🎖# 𝐑𝐚𝐧𝐤𝐞𝐝 𝐍𝐨. 𝟐 𝐢𝐧 𝐀𝐬𝐢𝐚'𝐬 𝟓𝟎 𝐁𝐞𝐬𝐭 𝐑𝐞𝐬𝐭𝐚𝐮𝐫𝐚𝐧𝐭𝐬 𝟐𝟎𝟐𝟎晚市開放後的第一個星期五晚到訪了新晉一星粵菜- 大班樓。大班樓一直在亞洲五十大餐廳排名第二名，亦是歷史以來亞洲區首間上榜的中菜廳。其以精挑細選食材見稱，真材實料和原汁原

長輩生日，來大班樓食精品中菜就最合適不過。咁啱長輩特別鍾意食魚頭，而香港又冇咩地方整得好食，大班樓真係最佳嘅選擇。今次食左好多個餸，分別有芋泥煙鴨盒，蒸蟶子，九層塔炒蜆，烏雞蟲草花燉湯，秘製叉燒，龍躉魚頭，清炒菜心，自家製臘味番薯煲仔飯，百花雞，同埋甜品。其中最令我驚艷嘅食物包括：九層塔炒蜆：味道非常有特色，有少少辣，同埋好濃郁嘅九層塔同蕃茄醬味，份量亦都好足夠；龍躉魚頭：味道有啲似水煮魚嗰種感覺，但又唔會太鹹太辣太濃，食得出係完全冇味精嘅。而且龍躉魚頭多肉，啲皮又好滑好和味。係我喺大班樓食過最鍾意嘅餸，基本上出邊冇可能食到呢道菜！清炒菜心：呢個真係經典，冇諗過一碟青菜都可以炒到咁好食，入面鮮嫩得黎又有鑊氣，調味剛剛好。真係非一般嘅功夫菜。杞子雪糕：my all time favourite，呢個甜品真係必食，次次嚟到一定要食😋香濃嘅奶味，正！其實其他餸都好食，不過相對來講我會鍾意以上幾個餸。雖然價錢都唔平，但真係食得出一分錢一分貨，全部都係好紮實嘅功夫菜。食材新鮮，冇味精！喺香港食到呢個水平嘅中菜實在難得。

久遺的大班樓，限聚令放寬後又黎大吃一餐。今天lunch set 每位$688, menu如下:除此以外，訂座時還專程預留左叉燒。同埋另外叫咗雪糕做甜品。總體而言，食物質素唔錯。食材新鮮，調味唔會太重。印象比較深刻，係叉燒同埋花雕蟹配陳村粉。叉燒同出邊食到嘅味道同質感都唔同，十分鬆軟，而且沒有肥膩嘅感覺。不過要留意的是，叉燒需要提前預訂！花雕蟹配陳村粉當然係大班樓嘅招牌菜，蟹肉非常新鮮，清理得十分乾淨，個汁更加係成道菜嘅精粹。用嚟送飯一流。另外甜品，不得不讚杞子雪糕真係很好吃。每次來吃都很期待這個甜品。奶味非常濃郁，唔會太甜，杞子很軟儒，同雪糕口感質感非常夾。每次吃起碼要吃兩球才滿足😋

同屋企人食生日飯，食好少少啦，順便試下呢度，平時好少黎呀...我地人唔太，都夠食SET...就叫了個SET....唔好講咁多...以下入正題:九層塔醃小番茄配酒香甜梨 --- 相當合時令，天時暑熱，呢份野真係好MATCH囉~ 味道方面，全部生果甜哂，點會唔好食? 夾雜酒香、香料香，係好好既前菜。龍井煙燻乳鴿 --- 味道會唔會太似煙鴨胸呀.... 茶味唔突出，有改善空間。煎肉餅 --- 有咸香，細細塊，個人頗喜歡。芥末魷魚配豆角 --- 魷魚攻鼻到呢... 我又幾LIKE WOR... 不過D豆就尋常口味雪梨湯 --- 家的感覺... 平時冇湯水既，會LIKE吧...我平時有...要珍惜...雞油花雕蒸大花蟹配陳村粉 --- 重點係D粉... 夠味的，幾好食，死左的蟹大哥係配角....唔記得個名...好似係頭抽雞 --- 味道不錯，但D肉韌到呢... 迷思: 豉油入味..點入舊鐵入面?話梅肉桂糖醋排骨 --- 有層糖衣既一字骨，有梅味，肉質也OK，一人一舊，唔錯的...又唔記得個名... 雜菌少蝦之類... --- 蝦都叫大隻，D菌辣左D...味道一般吧...好似叫咸菜菜心 --- 

這張照片絕對能代表我對大班樓的觀感，白色可以是平平無奇毫不起眼，像是大班樓的選址一樣，稍不留神很容易錯過了。室內裝修則簡單潔白，低調中見高雅，不走俗氣奢華路線，自成一格。而大班樓事實上亦絕對是臥虎藏龍！每道菜都是用心之作，把中菜推至另一高境界，仔細探索得出來的是萬際無邊的彩色空間！ 話梅糖醋排骨是次特地打來預留想試的款式，輕輕一咬肉與骨即分離，話梅糖醋醬均衡的掛在排骨上，淡淡的話梅味酸中帶甜，很開胃！送白飯一流 九層塔辣椒膏炒硯九層塔的香帶著微辣的味道，包著每粒蜆肉，味道有層次，很惹味的一道菜色！ 雞油花鵰蒸花蟹配陳村粉你一定要為這花鵰蒸花蟹而來！未上枱，花雕香氣已樸鼻而來！花蟹鮮甜肉厚，陳村粉柔軟滑溜，陳年花雕味濃而不苦。稍為將陳村粉壓爛，陳村粉吸收了所有由雞油、陳年花雕及花蟹結合之精華！喝酒有酒癮，吃這花雕酒蟹也會讓你停不了口！精神放空！真是人間極品！！讓你流連忘返！  杞子雪糕本身不愛吃杞子，但大班樓這自家製杞子雪糕絕對絕對好吃！！雪糕奶味香濃軟滑，配上杞子那口感竟然會如此匹配！！真想再來多一客！食之藝術，來大班樓你會感受得到

中菜要做得好吃...是有一定難度真的...真的...很久都沒試過....中菜我會讚...會很滿意這餐真的有驚喜先來個聖子很大的一隻...肉..粉絲味道剛剛好這個真的忘了是甚麼這個雞相拍得不太好對於愛吃辣的人來說這個辣並不辣...只可說用來吊味而已來一個燉湯真心推介..足料...吃魚對皮膚好所以怎能少一條魚呢只能說新鮮好味炒飯就沒甚麼特別之處但這花雕蟹...花雕與這個陳村粉的味道混在一起一流粉已把花雕味緊緊的融合在一起濃烈的花雕味...很香杞子雪糕在外面亦真的很少見到今次一試...味道淡淡....可以令之前吃濃味的東西清一清第一次到大班樓一試...真的跟我標題一樣久違了驚喜的中菜滿意的一餐

我的第1篇食評梗係搵其中1間我喜愛的餐廳-大班樓.3星期前訂好位同家人來個晚飯,侍應安排我地坐樓上,環境都算整潔舒服.我地前菜有酥炸金針菇同清酒煮蜆酥炸金針菇 - 炸得幾香口但無好油既感覺清酒煮蜆 - 蜆好新鮮同入味,襯托既蘿蔔絲亦好有酒味,一流既前菜 主菜梗係有叫雞油花雕蒸大花蟹配陳村粉,呢個簡直係大班樓其中一個亮點,上菜時已經吸引晒我地全家人既目光.蟹肉非常鮮甜,d陳村粉吸收埋雞油花雕更加係我家人既至愛.  除左蟹,當然叫埋蝦先至完滿.大蝦2味(蝦子蝦球同炸蝦頭) - 蝦子蝦球非常爽,炸蝦頭亦好酥脆. 其他主菜仲有話梅肉桂糖醋排骨,南乳三耳上素腐皮包飯後甜品有桂花杞子雪糕同杏仁茶桂花杞子雪糕 - 雪糕好滑同有奶味,加埋桂花杞子,絕配  杏仁茶 - 杏仁茶都好濃店員服務細心同專業,我同我家人食得好滿意既一餐.

今日朋友生日, 一早就訂左呢度同佢慶祝~ 我最早到~ d staff都好好, 見我帶左蛋糕去, 又會主動幫我收起~ 我搵洗手間又會提我鎖門.. XD 個個都好有禮貌^^可能我早左～一入到去未有其他人, 雖然細細地但個感覺好乾淨同舒服～我一坐低d staff就offer 熱水或茶比我啦~ 我話等一陣因為行左一段路有d熱...過左一陣另一位哥哥又過嚟問我同一個問題～佢地好有禮貌好細心啊～ 我地最想試就係呢度既招牌菜之一 - 大花蟹陳村粉特別配埋佢地winelist上的riesling...d蟹肉好軟好新鮮~又有香噴噴既花雕味~ 每次食完幾啖蟹肉再飲一啖～d酒就越fruity同香～大家掛住傾計食野時我就自己係度搭得好開心～！個蟹係最難忘既~有叫其他餸都好食但最緊要都係個蟹^^"~仲有甜品～杞子雪糕值得一讚~(雖然我只食左一啖）我之前都唔知杞子原來係甜甜地~配雪糕係好味r~~好圓滿的一餐 PS, 要預早差唔多成個月book架

位於香港中環九如坊的大班樓是由一班愛吃的朋友合股而設的一家中餐館他們堅持用上優質材料去做最美味的粵菜有幸被邀參與飯局, 樂於做一晚大班出席蝦子琵琶蝦驚艷的一道頭盤~! 琵琶蝦肉質彈牙極鮮甜, 加上蝦子鮮味加倍琵琶蝦本身肉沒有很多, 所以這樣的一碟十分可貴, 鮮甜的味道超好吃的! 九層塔辣椒膏炒紐西蘭蜆用上牛尾精華, 九層塔跟辣椒膏炒蜆, 十分惹味的菜式蜆肉雖小但不失鮮, 醬汁充滿了三種材料的香氣, 如果這醬用來拌意大利麵也非常合適 蟹肉沙葛春卷春卷皮爽脆夠薄而不油, 裡面有蟹肉和沙葛, 鮮甜與爽脆的組合配搭這樣新穎的組合還是第一次吃呢 古法金錢雞配饅頭是晚我們最期待的一道, 也是大班樓的名菜之一以雞潤, 叉燒肉, 冰肉配以底下的饅頭, 肝香豐腴幼滑, 又有點酒的香氣饅頭炸得很乾脆, 配以上面的金錢雞一起吃好吃到不得了除了得龍, 相信大班樓也是我吃過最好吃的金錢雞 木瓜杏汁大蜆湯湯頭入口甘甜, 木瓜, 杏汁跟蜆肉等材料相得益彰一喝就知道很足料, 各種食材的天然味道都混入在湯頭之中了 一斑兩味: 蜜豆炒老虎班球斑球新鮮魚味濃郁, 最欣賞用蜜糖豆衣拆出來的豆, 每顆豆都是手工豆粒吃起來非常甜

屈指一算,能令自已在一年之內光顧四次的食肆,必定有過人之處.早前跟食友聊起,大家都有點興趣,幸得主理人幫忙,終於可以成事.餐單是主理人代為打點,自已是樂得清閒.先上場的小食是日本子薑,今次件頭比以往大,但都不失嚼勁,清爽微酸,脆嫩可口,真是一個不錯的前菜.........月前曾經試過,用煮完牛尾後的醬汁炒蜆,已覺帶牛肉味醬汁是精華所在,今次九層塔辣椒膏炒紐西蘭蜆在味道上更濃郁,醬汁收得夠結實,香味凝聚得更強,比上次好味得多.............蝦子琵琶蝦又是一個新菜,新鮮琵琶蝦不單貴,而且難搵,每隻肉量又少,一共二十六人的飯局,要找想起亦覺困難,師傅用店方自製的蝦油用上SLOW COOK方法以80度油溫去煮,避免蝦味流失,最後輕輕灑上少許蝦籽來提鮮,單靠蝦肉本身的咸味,與及蝦籽的鮮味,完全是另一種感受,但這道菜是可遇而不可求,食到是大家有口福..................新菜中蟹肉沙葛春卷外表最平平無奇,顧名思義餡料用上蟹肉及切成幼條的沙葛,雖說是炸物,但食落又不覺得油膩,可能是沙葛的作用罷.古法燒金錢雞配饅頭可說是今晚的重頭菜之一,從新鮮雞中挑出黃沙潤已經是時間的問題,如不

能在味精充斥市場當中,勇於力排眾議,敢在食物原味作出發點,店主不是傻的,就是對食物充滿熱愛.在成本狂飆的日子,大家都在力求節衣縮食,主理人卻依然拼命搜括食材,可以說是一條不歸路,孤單又不好走.這份勇氣及承擔,個人是衷心佩服.在半年內可以多次品嚐,實在是味蕾的福氣,而每一次都會有新菜式出現,更是令人期望.一個麻甩夜,在坐有一半男仕竟然拋妻棄子出席,有趣.先呷一口2005 Napa Valley 的 Cabernet Sauvignon, 來頭不少的酒莊,加上一個好年份,入口感覺頭段比較強,單寧未算重,個人喜好更強烈一點,果味香濃,易入口,大概是美國酒的特性吧!至少讓大家有少許酒意,更加可以暢所欲言.嚐一口日本子薑,用的是子薑嫩芽部位,切成丁方大小,微酸,脆嫩多汁,自家出品,這種花時間又賺不到錢的餐前小食,難得.流浮山九節蝦配苦白菜 : 打頭陣的是流浮山九節蝦配苦白菜,九節蝦可以說是個人喜好的蝦種之一,坊間從未見過有養植貨出現,全是海蝦,冒充不來,肉質鮮甜爽脆蝦味濃,絕不會因件頭細而無味,其實蝦膏更加是嫩滑,不過已經脫去,有點可惜,蝦仁亦是切成丁方,食落有少許台式肉燥味,而苦白菜又帶有微甘

大班樓，大名在之前已聽過，要知香港中菜何其多？一直未有機會一試。在某場合之下認識了爐兄，是次得到爐兄的邀請有緣相聚，二話不說馬上答應，做一晚大班跟班。是次飯局由爐兄做攪手，菜單訂位一手包辦。說真的，參加過數個飯局，不計算食物味道，我對飯局攪手真是十二分尊敬，要知道攪個飯局真的不易，我連攪個屋企生日飯局都頭痕，有人攪埋那有不到之理？說實在的，很多地方如果兩個人來吃真的不知吃到甚麼，叫隻蟹？叫隻雞？太過份了，一圍的飯局是最好不過的人數，遺憾的是太座未能參與，但飯局長有，留待下次相聚吧。是日香港正受「本世紀最強颱風」：鮎魚影響而懸掛三號風球，還好香港有「李氏力場」，唔駛驚有八號波影響飯局。是日菜式新舊交替，但我是第一次來到，對我來說全都是新的，但我對於大班樓時不時有新菜式，勇於嚐試的作風，的確非常贊同欣賞。也謝謝爐兄對餐單作出數次改動，才有今天的完美飯局。前菜先來一碟酥炸金菇，金菇炸得香口不油膩，因為是菜類，吃起上來也不會很飽，如果不是憑外型我真的估不到是金菇，結果是要求encore。頭盤是陳醋九節蝦伴青邊鮑魚凍，賣相精美，一人一羮。飽魚凍在底，上鋪九節蝦粒，比起啖啖肉的海鮮，這一味吃的是層

一直很想來大班樓吃晚飯，之前曾說過和朋友一起來，不過原來訂位已訂到個多兩個月後，結果是晚終於有機會來吃晚飯了，真的非常非常非常高興，因為實在期待已久呢。是晚一行五人來這裡吃晚飯，由於一早訂了位所以來到當然立即有位置，安排了我們坐在近樓梯的一張檯。是晚所見果然滿座，這裡環境也算不錯，起碼檯與檯之間不會打擾到大家，可以自成一角吃晚飯。是晚食物不少，以下繼續長話短說好了。吃主菜前先送來一碟炸金菇作為前菜，結果這碟最受歡迎，大家也很喜歡。因為它炸得香口又不油膩，有淡淡的鹽味，是會令人忍不住一吃再吃的。炸獅頭魚是其中一位朋友愛吃的，店員會為我們分配好上碟，不用自己動手。這個炸獅頭魚真的炸得想找滴油也難，非常乾爽，脆口又好吃。內裡的魚肉的鮮味沒有被蓋掉，再點上陳醋，當然是可口好吃。另外也叫了龍井菊花燻BB鴿，店員見我們有五個人就幫我們叫了兩隻。BB鴿細細隻的，吃下去有很香煙燻的味道，肉質嫩滑又有肉味，再帶點點茶香，也是不錯的一道菜式。點了是日例湯是竹庶茅根燉竹絲雞，這個湯來到已覺得色水很對辦。喝下去味道真的香濃到極點，感覺到真的是落足料燉的! 超濃味的湯帶著點點清甜的味道，好飲好飲~~~重點菜式當