永順食店 (已結業)

平時都係做帶隊搵好野食個嗰，今次倒番轉頭，由兩老帶我食好野喇—元朗馳名掛汁沙嗲牛肉麵！一見到條隊本身有啲卻步，但香港茶記夠晒快靚正，條隊都消得幾快，等咗10分鐘左右就可以入座。佢仲分左兩邊舖位，主店個邊光潔明亮，另一邊就比較暗，但都感覺乾淨。麵有米粉、米線、烏冬、出前一丁、蟹王麵等選擇，（我食過嘅）個人推薦出前一丁>烏冬>蟹王麵。一丁掛汁一流，相信冇乜人唔同意啦，而烏冬就少咗陣油炸嘅味，特顯沙嗲汁嘅惹味，而蟹王麵對我而言就一般啦，麵身比較淋，冇一丁咁彈牙，但係其他茶記都比較少見，未試過嘅都值得一試～重點黎啦—沙嗲牛肉，濃濃的花生醬，牛肉唔會過鞋，亦冇拿到不似肉形！

今日山長水遠嚟到元朗國做嘢，唔係唔搵返啲好嘢食啊？網上睇到呢間永順食店，有個神級沙爹牛麵，即刻去試一試佢啦。😋😋點零鐘去到門口開始有人排隊，好彩只係排幾個，大概10分鐘到就入到去。一般茶記嘅裝潢，沙爹牛麵冇套餐，咁就散嗌啦加多隻蛋食個豐富啲嘅午餐，再嚟一杯熱奶茶。沙嗲牛麵製作需時奶茶嚟咗先，平時最怕飲啲唔夠熱嘅奶茶/咖啡，呢度熱奶茶用玻璃杯裝，剛剛嚟到果下一拎爭啲辣親手啊🫣真係新鮮熱辣👍🏻佢茶味幾濃，有少少澀，奶味香得來唔會太厚，係我鍾意嘅口味👍🏻好快手沙爹牛麵都嚟到喇，熱辣辣嘅面上面加咗隻荷包蛋，賣相幾吸引。既然係神級梗係即刻試吓佢個湯底啦，沙嗲味真係好濃好濃好濃啊！唔會好似食開嗰啲沙爹牛麵咁樣得面頭嗰浸沙嗲汁，基本上成碗湯都充滿濃郁嘅沙嗲醬，由頭食到落尾都好有罪惡感🤣。香得來得佢味道屬於偏甜，牛肉方面質地亦都幾好，唔係俾鬆肉粉嗱到梅哂嗰種，新鮮有咬口又唔會韌👍🏻麵底我係叫咗蟹黃麵，仲貴過出前一丁少少，食落其實就唔係話好大分別。比出前一丁軟滑少少，無咁爽口，但就食到尾都唔會點發脹🥳呢餐我4.9分⭐️⭐️⭐️⭐️🌟所有嘢都好Perfect，不過真係幾heavy，要做返一個鐘運動先掂囉🫣🫣🫣

整體：整體上都ok既，中意食沙嗲牛既可以黎試下。環境：傳統茶餐廳環境，平日1:00到都爆滿，但都唔洗等。入去都比較逼同趕急，因為多人，但整體都ok既。食物：沙嗲牛（轉蟹皇麵+3$）個沙嗲汁都ok既，但冇想像中咁濃，偏水，但係接受到既牛肉牛肉算係好多舊，而且每舊都大，雖然唔會話咩好靚既牛，但沙嗲牛黎講，算係好好。炸雞翼普普通通，都ok，但$28 四隻偏貴。紅豆+奶茶幾有特色！茶味都幾濃！唔錯！兩個人大概$125，食左2麵、2凍飲、1小食，茶記黎講都係偏貴。主要係餐廳所有野都要分開叫，冇套餐。

呢間舖頭長期排長龍先食到，其中大家常常推介嘅就係沙嗲牛肉麵，作為一個沙牛迷，即使間嘢喺元朗咁遠，我都會專登入去試一試。當日排咗大約廿分鐘左右，已經滿心期待！二話不說叫個沙牛蟹王麵($31)，沙嗲汁真係好稠，但食落其實無乜味，無花生醬及椰香，亦食唔到洋蔥的惹味，我係十分極度之失望，其實同出面好多茶記一樣咁普通的味道，只係佢比較濃，就係咁了，一啲特別都無，唔太理解點解咁多人話好食。另外叫咗同樣出名的炸豬扒配福麵($22)，塊豬扒炸到柴咁...我已經唔太記得個味道，因為只係食到嗰種萬年油味最後亦叫咗個芝士流心蛋鮮牛治($26)，都係普普通通，呢度嘅流心蛋意思，應該係太陽蛋但篤穿咗蛋黃嘅意思。味道就真係一般，唔值得去排隊食，但價錢唔算貴就真嘅，所以我唔會要求佢好好食。

🇭🇰永順食店 超濃沙嗲牛肉麵🍜早前👩🏻👧🏻入左元朗信芯園🌻 搵左依間都幾出名既茶記食🥰第一次黎 Lunch time都幾多人果然名不虛傳 好味又抵食👍🏻🤤🍜沙嗲牛肉麵 (💰$27+2配一丁)‼️必食沙嗲牛肉麵湯底非常濃郁 杰身的 仲有花生醬🥜的味道牛肉🥓份量好多 薄切而且好滑 完全唔鞋牛肉都有沙嗲煮過既味一般沙嗲牛都係落醬煮湯 湯底會好稀呢間沙嗲牛好有驚喜😍😍我地叫左出前一丁 麵好掛湯 每啖麵都有沙嗲味好正 好抵食🥩生炸豬扒 (💰加配$12)首先豬扒係大大塊雖然薄身的 但肉質非常鬆軟☺️炸粉都好薄好脆 即叫即炸 食落易咬唔韌 Juicy 可以一試😆-🍳火腰奄列 (💰$15)對比之下就比較普通不過加分位係 火腿做到微焦 增加左唔少香味

系元朗返工，早起當然要搵早餐食。有人介紹去食沙嗲牛肉麵。去左呢間試下。朝早去無咩人，仲諗住好多人。新裝修，環境舒適，叫左個沙嗲牛肉麵$29。夠味有沙嗲花生醬味。值得推介試下。叫杯野飲$16凍檸茶。加埋食個早餐$45。價錢略貴。

外行人都知道其實元朗都真係幾多好野食😄 平時食得太多西餐，咁見今日咁好天，就諗住不如揸車入元朗食下茶餐廳啦！上網睇到有幾間都好吸引咁樣，最後就揀咗呢間 - 永順食店呢間永順食店最出名嘅係佢嘅沙嗲牛肉麵同埋佢嘅炸雞翼豬扒。首先講佢嘅沙嗲牛肉麵，沙嗲味夠濃，仲有一陣陣花生醬味道，同普通茶記嘅沙嗲牛完全唔同，啲牛肉好淋，淋得黎係有牛肉味，十個推薦👍🏻然後到佢個炸雞翼豬扒麵，講真又冇傳說中咁特別，豬扒係比雞翼好食😋個蟹王麵就真係唔錯嘅，唔係度度有得食👀 最後到個流心蛋牛治，蛋熱辣辣真係流心嘅，要襯熱食

一大早去元朗搵朋友，順手試食沙嗲牛肉麵，網紅餐廳果然人多，平日都高朋滿座，門口泊滿車。裝修環境當然唔係重點 餐廳位置於後街，對面是工廠門口，門口有位泊車 先起飲品 凍奶茶少甜 普通啦！沙嗲牛肉麵 高質架呢個麵由3歲開始起食 ，呢度個湯底是最濃郁，倒入了大量花生醬，仲要係粗粒，食麵有花生粒咬，絕架!我buy 又唔係個個啱食。落單時阿姐會問係咪要一丁，蟹黃麵加2蚊，咁就一丁。牛肉都有5塊左右 少少靭啦！豬扒雞翅膀是加炸粉炸的，熱辣辣幾好味 茶餐廳食物黎講都算高汁，當然濃郁沙嗲湯就是大量加沙嗲醬沙茶醬花生醬，炸物勝在熱。口渴就一定架啦！食完飲下水間間茶餐廳都一樣。不用等位可以一試，要等就要3思下嘞!網紅唔代表好吃，好吃又唔紅就真係難難難搵嘞!

元朗出名多美食大家都知，永順係其中一間經常排隊的街坊食店，位於大榮華後面，世宙隔離，店舖細細，經常坐滿人，門口亦有幾張檯，逢星期六日下午必定大排長龍，之前已經黎食過，已經覺得好好食，今日難得地唔洗等位，仲可以直入有位坐。雖然沒有套餐，但價錢一d都唔貴，店內選擇亦都唔算多，主要食麵、米線、三文治和飲品，一碗沙嗲牛肉麵都只係$28，沙嗲湯底超濃，麵底選用出前一丁，唔需要加錢，而飲品要另外叫，凍柑桔$16，柑桔味非常濃。

其實住左附近都有一段時間, 咁遲先發現同去呢間店, 我係有少少覺得對唔住自己既.我食完之後就會問自己 點解我之前唔早D去?一到附近就見到店外有好多人等緊外賣, 同開左幾張細枱. 入到去店面細細坐滿曬人, 好好彩岩岩有人走所以唔使等位.坐低即叫:「兩個沙嗲牛肉麵 一個加蛋, 加2蚊轉蟹麵 茶走!!!」「一件西多 加紅豆冰!!!」D野食超快到左呢個真係....冇得輸...個湯底好濃!!!但我見好多人都加豬扒, 但應該食唔曬, 所以都係留番下次啦.佢係真係沙嗲味唔係沙茶味. 大愛 但個西多就冇咩特別, 同出面既茶記咁上下(我有一刻諗過佢係好厚果種,點知唔係.)不過個邊炸得好脆, 同真係有花生醬響入面就已經好滿足.但個紅豆冰就唔合格, D紅豆好硬同冇咩味 (唔抵唔抵)下次再去我都係食番佢個麵算!!!整體感覺都唔錯, 街邊小店黎講算乾淨, D亞姐又唔係太惡, 唔見佢地有催人落單.一番到公司已經介紹左好多同事, 佢地睇相就已經覺得個湯好味喇! 誇張

住元朗嘅朋友推介我去元朗一定要試下永順食店，話嗰到嘅沙嗲牛麵係元朗名物！好味之餘仲好抵食！講到咁一定要去試下啦！呢間嘢有2個門口入嘅，不過都要等啲阿姐安排坐位先可以入去，我三點幾去到嗰陣都有少少人龍，等咗五分鐘左右就入得，呢到唔做晚市，晏晝五點半鐘就收鋪，我估計通常兩點至三點最多人食！鋪面唔大，所以啲人都要逼逼哋咁坐埋一枱，btw如果有潔癖千期唔好嚟，因為環境都唔算好乾淨！講返嘢食先，超多沙嗲，勁濃，牛肉分量都多嘅，肉質正常偏軟身！我加冇兩蚊叫蟹黃麵，因為之前食過同出前一丁都冇乜分別，呢到叫一丁係唔使加錢嘅！

很多人讚永順的沙嗲牛肉麵好吃，我便慕名前來光顧好不容易才找到這茶餐廳，在內街，不容易找，好彩最終在5:05分入內，因5:30便準備收工關門😅招牌沙嗲牛肉麵(一丁)，整碗麵都鋪滿沙嗲汁，重口味的沙嗲汁，對我來說，越吃越鹹，牛肉嫩，讚👍🏼，一丁正常心想💬，如沙嗲汁調教淡一點，那就更好由於餐廳是老鋪，有點殘舊，當日地下的衛生也不理想；坐滿人時，都會擠迫下次有機會，一定品嚐招牌豬扒雞翼麵，或者會轉蟹皇麵

呢排睇YouTube，見到好多youtuber都有介紹呢一個人店，去食過都話係好好味，係咪浪得虛名就要今日親身去試試就知啦。講緊既係呢間元朗「永順沙嗲牛麵」。.沙嗲牛肉麵是常餐或早餐的經典，但不是每一間茶餐廳都能煮出一碗令人回味的濃郁沙嗲牛肉麵。「永順」有別於一般茶記稀淡的湯底，這裡用的是濃厚沙嗲醬！加了錢換上蟹王麵，每條麵都沾上沙嗲湯，超好吃！.🔹沙嗲牛肉麵🍜 $27 - 有出前一丁/蟹王麵（另+2）熱辣辣，牛肉麵既沙嗲醬係幾乎鋪晒係上面沙嗲湯非常濃郁稠身‼️食到小小花生既香味帶點甜不會太咸，牛肉方面好食 量多，肉質也算軟稔但可能比較薄冇咩口感。蟹王麵就偏淋個人比較喜歡硬身麵條，因此出前一丁比較合我心意。整體來說，重口味的人應該會很愛！🔹火腿西多士 $25性價比不錯啊，裡面花生醬夠多，夾心有塊火腿，麵包外脆內軟😋肥都肥得值得，但未到很吸引的地步🧐咁出名，都值的一試架！起碼人地問起係食過丫。

其實元朗真係好多好野食，食極都食唔哂咁，呢一間一直想黎試，但有時就係懶，加上佢收得比較早，一定要早啲過黎，今日終於黎朝聖沙嗲牛肉麵既老店！餐廳內外唔洗講，當然係好多人啦！以茶記黎講佢唔算大但又唔可以話佢細，佢仲有出面座位，所以其實都坐到唔少人，茶記當然係自己搵位坐，幫襯當日好FULL，好好彩地去到既時候岩岩有一枱人走！食物選擇老牌茶餐廳就係要無餐牌，自己仰高個頭望睇食咩先係架嘛～而食物選擇方面都係茶餐廳會有既款式。沙嗲牛肉麵 $27超多沙嗲汁，望到質地好濃稠，一呷湯底沙嗲味好岀，帶花生味香，味道偏重口味啲，而麵底本身已經係配岀前一丁(以前係配蟹皇麵，依家來貨貴左，要加$2先有蟹皇麵)，條條掛汁，啖啖都咁濃厚沙嗲味！牛肉都鬆軟，質素正常，但佢個湯真係冇得輸！招牌豬扒雞翼麵　$33店內另一招牌，豬扒好鬆化，但外層炸過又不失其香，雖然唔知佢有冇用好多梳打粉/生粉令佢咁鬆軟，不過我收貨既，而雞翼炸得夠哂香口，肉質就正正常常，湯底可以免費加沙嗲汁，正！呢間老牌店果然冇令我失望，因為有好多出左名既茶餐廳會每況愈下，愈做愈Hea，雖然我係第一次食呢間店，唔知佢之前係咪仲好食，但對我黎講，我覺得已經好

人人都話元朗好多好嘢食，但其實我真心無乜點試過，所以好多人會話我枉為元朗人（哈哈）。而家我宣佈，我要做番個元朗人喇！今次介紹嘅呢一間，係住係香港區嘅朋友都話，入泥一定要試！如是者，我地就一早特登行去試呢碗人人食過都讚好嘅「沙嗲牛肉麵」。雖然一早就去到，但都需要排隊等位，果然並非浪得虛名。等咗大概十分鐘左右，侍應姐姐問我地，可以入座但要坐逼啲。餓咗一段時間，當然立即話好啊好啊入去坐低先。睇一睇餐牌，呢度無提供早餐或常餐，只可以單點。太餓了，所以二話不說柯打咗兩碗沙嗲牛肉麵、一份餐肉蛋三文治同一杯凍檸茶。因為人多嘅關係，食物似乎要等耐啲。最先到係飲品，其後係三文治，即叫即整、味道不俗，唯一不足之處係唔記得叫烘底，所以口感上好似缺少咗嘢，所以記住烘底喇！坐多咗陣，沙嗲麵到了！話說麵有兩款選擇：分別係蟹皇麵同出前一丁。事關同朋友柯打嘅麵款都唔同，所以試完後，個人覺得蟹皇麵係好食啲，因為麵身比較嫩啲，容易入味，比較夾沙嗲牛肉汁。至於呢度既湯汁真係好濃郁，沙嗲嘅香味令人好開胃，一啖湯一口麵，瞬間就食完一整碗。 胃口較大嘅朋友，建議你一係叫多份三文治或者麵加底。總結，雖然價錢比同區嘅茶餐廳貴，但質素