翠林辣蟹舫

尖沙咀食蟹好去處好朋友生日,但他建議由我挑選吃海鮮的好地方,適逢半年前在尖沙咀吃過一間不錯的辣蟹,又可以預訂座位,所以今晚就去慶祝。上次吃的是新加坡式的黑白胡椒蟹,當然要試其他口味!香片及前菜x11. 話梅涼瓜酸溜溜的話梅與做人沒有苦澀可以嗎的涼瓜,為之後的主菜做好胃部消化準備~香片是相對溫和一些的茶品,個人相當喜歡。主菜x31. 潮式酸菜魚 168元其實有沒有潮式我也不懂,但酸菜魚會用龍躉卻很新奇,每啖都是無骨魚肉,吃得很爽快!偏酸不辣的酸菜龍躉很有驚喜!2. 客家婆碌鵝 188元原來香港還有這道客家菜?!以前曾經在梅州吃過地道的客家菜,有幸見識這道佳品。好食的客家碌鵝最好用半肥半瘦的鵝肉做成,將醬汁融入到鵝肉之中,不咸不淡,剛柔並重地將帶出鵝肉的鮮味。這次吃到幾近正宗的碌鵝,實在難得~3. 黃金流沙蟹 688元等了將近40分鐘的黃金流沙蟹終於上店,拍完相片後,就先吃最多肉的蟹腳和超巨大蟹鉗,附上的工具就大派用場,最後細味脆卜卜的蟹膏,為今晚完美盛宴劃上句號!店家仍然提供8折優惠,座位又坐得舒服,冷氣又夠,人均約500元,可以接受!翠林辣蟹舫尖沙咀亞士厘道24-38號天星大廈1樓A號

奧爾加一向喜歡食蟹，由於家有喜事，於是同媽咪去慶祝一下。我哋揀呢度有另一個原因既，就係一般尖沙咀既餐廳都開到夜晚十點，呢度就開到夜晚十一點半，而且可以最多6人一檯。遲下家姐完婚，叫埋姐夫，我地一家六口可以坐一圍檯咁開心食夜少少都得，唔駛咁趕。呢度專食蟹，有5種主打蟹菜式。避風塘炒蟹$688呢度既招牌菜，喜歡食蟹既我當然要點黎試下。個蟹好新鮮，好好食，周圍既脆炸香蒜同芝麻令成道蟹食出獨特既香辣海鮮滋味。聽老闆娘話，黎緊7月係OpenRice 訂座，叫避風塘炒蟹有8折，有叫呢隻蟹既會再送每人一隻黃金流沙蝦球。黃金流沙蝦球 $38/隻 （2隻起）新鮮既蝦外層塗上一層牛油咸蛋，經油炸，入口外脆內軟，而且咸蛋既濃郁味直逼味蕾，令人回味無窮。磯燒鮑魚 $48/隻 （2 隻起）磯燒汁有蠔油既味，唔太咸，反而有少少甜味，鮑魚肉質軟身，整體入味但又保持到海鮮既鮮度。潮式酸菜魚 $168用新鮮龍躉，酸菜，小辣椒🌶️烹製，魚肉香甜，口感鮮美。酸菜湯比較微辣，但不失暖胃既好選擇。食物賣相一流，同埋隻蟹公仔一齊影，呃like 都得！乳鴿王 $88/隻由於媽咪鍾意食乳鴿，我地叫左一隻食，都幾香脆好食。上海小籠包 $

一去到已經見到好多廚師同明星一齊影既合照，仲有好多簽名。😱另外，疫情原因反而令餐廳推出左半價餐牌，當中包括左一啲招牌菜式例如：蟹，雞煲，酸菜魚，黃金豆腐等等。👏🏼👏🏼👏🏼 當然因為呢個原因所以我地都黎左食😆黃金流沙蟹 $588一黎到已經見到咸蛋黃蓋著啲蟹 金黃色👍🏻，蟹肉好鮮甜 炸衣唔算厚🙈而咸蛋黃雖然唔會痴住左啲蟹 但味道仍然食得出😆潮式酸菜魚 $168湯底酸酸辣辣，非常開胃☺️魚仲用左龍躉魚片，呢個令我有啲驚喜👏🏼 好有誠意👍🏻黃金豆腐 $68整黃金豆腐既師傅幾勁 豆腐超級嫩滑 但炸衣一啲都唔厚 佢不單無整爛個豆腐 豆腐仲炸到正正方方金黃色 味粉亦足夠😋好好食而且又大份（岩同朋友們一起享用）🤤拍薑炒芥蘭 $88芥蘭已經煮得好淋

應承左朋友同佢食蟹好耐了，之前因為疫情關係取消了飯局，今日終於可以跟她敍敍!這間餐廳朋友一直都想試，位於尖沙咀鬧市上樓的餐廳，估唔到中午時段有這麼多人，原來除了食蟹，中午時段會有平價碟頭飯吃，吸引不少人來吃，而我們便吃了這裡的招牌菜。避風塘香辣蟹，足足有一隻大大隻既蟹，蟹殼炸到脆口，不會很難弄出!辣蟹味道非常惹味，少少辣，炸蒜脆卜卜，好香口!蟹肉都有著炸蒜的味道，而且很多肉，令人回味!潮式酸菜魚，因為我其實不太食蟹，所以搵了這個也是招牌菜的酸菜魚試試。魚片肉質嫩滑，沒有骨，份量都幾多，有大量酸菜，而且湯底夠酸，好開胃，如果配飯食一定吃惹味!蜜桃咕嚕肉，第一次食不是菠蘿的咕嚕肉，原來都幾夾!咕嚕肉不會好多骨，以肉為主，醬汁酸酸甜甜，味道剛剛好!而蜜桃甜甜地可以中和咕嚕肉的酸味，又是一個下飯的菜式!這裡的食物味道不錯，下次要帶屋企人來試試!

呢間辣蟹與另不同，地點好，香辣味道適中，炸蒜茸不會太多，地方寬敞，服務細心。朋友介紹總有驚喜，我們大家都喜歡食蟹，每次講起 Singapore 的黑白胡椒辣蟹，非常懷念。辣蟹之外的小菜，也很有特色，樣樣都想試，叫咗一味潮式酸菜魚，好味到不得了，湯都飲清光。仲有碟豉油皇生煎五花腩，女同事都話脆皮香口唔覺肥，又食清光。在香港食辣蟹，灣仔/銅鑼灣 嗰啲店舖都係劏客，貴到嚇死人，服務又差。可惜無糖水供應，但係......最重要係結帳，唔係化，真係全部......我投降！

避風塘炒蟹喺香港都係歷史悠久嘅代表作，好味夾大件，未必真係有，成日聽朋友講話呢間好味，一直都未有機會試，尋日行過尖沙咀突然間見到佢招牌，個肚又餓到都打鼓，於是膽粗粗去試吓。因為實在太肚餓，兩個人叫咗好多嘢食。招牌避風塘炒蟹：一嚟到已經賣相出眾，肉蟹非常多肉，佢嘅炸蒜蓉唔會好辣，辣味少少恰到好處，不過有啲鹹。紫羅炒牛仔肉：牛肉都好滑，子薑酸酸甜甜咁，幾開胃。不過子薑如果多啲就好啦。潮式酸菜魚：同一般我哋食開嘅酸菜魚唔同，佢都好酸，同埋有潮州既辣。食神炒飯：夥計話係最出名嘅炒飯，佢有幾種米炒埋，真係好好食，同埋健康嘅穀米，食落唔會好肥。黃金蝦球：食落去先知係鹹蛋黃味，好脆口。飽到頂上心口，整體都唔錯。

話說我老豆睇咗段片介紹避風塘炒蟹覺得我呢個蟹怪一定會鍾意食6月份仲做緊半價蟹/小菜所以就即刻訂檯嚟食！——————————————半價嘅避風塘炒蟹的確令我內心有少少期待嘅門口圍住勁多人訂咗位好彩我哋等左10分鐘左右就被派一張卡位卡位好舒適😌——————————————餐牌只有一頁兩版一版正價，一版半價半價嘅菜大多都好啱食😋4個人叫咗8個餸，包括避風塘炒蟹——————————————潮式酸菜魚$168 半價酸酸辣辣 好重胡椒味 斑片好彈牙 無揸流攤喎我哋飲哂啲湯😋😋😋薑蔥蠔煲 $128 半價 大約有6隻蠔 以呢個價嚟講都算大隻薑蔥收乾哂汁 好惹味👍🏽完全唔夠喉🙈 好後悔冇encore 蜜糖咕嚕骨😍😍😍 $98 半價呢個咕嚕骨好靚仔！蜜桃同咕嚕肉份量好慷慨🍑正呀！！好多酒樓而家都做唔到咁大方呢個真係性價比極高！有驚喜！XO醬炒龍躉 $188 半價味道幾好，龍躉份量略嫌少咗啲 黃金豆腐 $68 半價豆腐似係8福豆腐，滑得嚟酥脆鬆軟，好食又抵食！順德小炒王 $128 半價認知小炒王有九菜花裡面有蓮藕、鯪魚肉條、西芹、臘肉一舊係冇九菜花.....味道ok 不過材料一般 以$80 嚟計就小貴重點來

同朋友慶祝生日當然要食好野，今次一於食辣蟹！食神炒飯有驚喜。飯底加左糙米，多左咬口仲多左健康。加埋卜卜聲飛魚子，口感豐富有層次！唔好講笑，可以加埋避風塘炒蟹既炸蒜一齊食，多左蒜香又可以食左碗飯。食神炒飯有驚喜。飯底加左糙米，多左咬口，仲有卜卜聲飛魚子，口感豐富有層次！潮式酸菜魚夠酸夠辣，魚肉大片有厚度，屬於有咬口既魚，而且魚皮都勁厚，好似幾成塊骨膠原食落口咁。百合蓮藕炒雞柳夠鍋氣，蓮藕爽口雞柳夠嫩，出色！避風塘炒蟹平時屋企食蟹都係食蒸蟹多，要食惹味果然要出街食。一入口果種滿足感真係超正。先唔提蟹鉗啖啖肉，連蟹身都切到size岩岩好，勁容易食哂啲肉。炸蒜都一流，炸得夠脆又勁足蒜味！推！

剛剛有半價優惠,立刻約朋友過來試一試。地道的海鮮菜式，好有風味。今次試了時曰招牌燉湯，韓國朋友讚不絕口，枇杷花膠燉龍躉骨，十分清甜。避風塘炒蟹是他們的招牌菜,是必食之選。加上半價優惠，簡直是超值! 我們更點了陳皮蒸鮑魚，好大隻，十分鮮味，一d都唔韌。 啱啱看見水煮魚,便叫了潮式酸菜水煮魚，魚則是用靚的魚肉，和一般用桂花魚的魚肉不一樣，很有鮮味，朋友們爭着吃。跟住還叫了避風塘豪餅，都ok. 侍應更介紹這個芝士龍蝦烏冬，朋友們吃不停，芝士味十分濃郁，沾了烏冬後，嘩！一絕。最後更叫了他們的招牌食神炒飯,這個炒飯是用意大利米炒的，十分煙韌，及有好濃郁的蟹子，好多咬口及好好味。後來更加了椒鹽白飯魚，可惜今次炸得太窿，有點兒乾。但係總括來說，菜式好有水準，值得一讚!!!

有朋自遠方來，陪她逛完一輪海港城之後，晚餐我們決定到亞士厘道的一間中餐館，位置方便之餘人流亦相對較少。尖沙咀分店門外掛起了不少老闆跟明星的合照，聽聞連謝霆鋒都有來拍攝過呢。除了合照以外，還有一大堆簽名，看來人氣十足，非常受歡迎。大約八時餐廳的大廳已經差不多滿座，職員安排了2人房給我們，私隱度比較高，而且坐得舒適～潮式酸菜魚－用上新鮮龍躉，職員還介紹用胡椒雞湯熬製在配上酸菜，酸菜鹹酸味濃，魚片厚切之餘肉質彈嫩。廚師已經將魚肉去骨，啖啖肉。飛天芥菜－本來點了飛天介蘭苗，但店員說介蘭苗有點老，所以建議改芥菜，意想不到味道很夾，加上肉碎和蝦乾，十分惹味。避風塘炒蟹－賣相已經很霸氣，原隻肉蟹拼好上碟，非常吸引。避風塘單純用蒜蓉已經香氣四溢，沒有加上麵包糠等，果然真材實料。肉蟹肉質厚實而且鮮甜，用料新鮮。家鄉炒米粉－米粉炒得乾身，條條分明，完全沒有油膩感。加上香蔥，雞蛋和肉絲，雖然材料簡單，但很香口。海苔脆脆酥－脆脆酥大概就是蛋散，炸得非常鬆脆，糖漿不會太甜，也不黏牙。飲品方面除了一般啤酒汽水，還有奶茶咖啡之外，餐廳還有一系列特飲供應，應有盡有。整體而言，餐廳小菜鑊氣十足，用料新鮮而豐富，性價比高

最近好友因為韓文考試，連續幾個星期也在圖書館中渡過。但是忙裏也要偷閒，趁著星期日，特別讓他到尖沙咀吃一餐蟹宴，為他家加油。翠林辣蟹坊位於尖沙咀亞士厘道。尖沙咀地鐵站A出口出發不用十分鐘便到。地點十分方便就腳。我們一行二人共點了幾樣小菜一起分享。 香辣醬油蟹(⭐⭐⭐⭐⭐)一場嚟到當然叫了這裏的招牌蟹。由於之前試過了避風塘炒和黃金流沙這兩種烹調方法，於是這次便叫了小辣香辣醬油蟹。餐廳用的是越南大肉蟹，大隻而且新鮮。一份大約有六至七件，兩個人分享剛剛好。而且師傅十分細心，事先已經將蟹肉斬件和把關節敲碎。這一來令蟹更加入味，另外也方便了我們品嚐。一吃上口便知道上等貨，肉質結實，啖啖肉，絕無欺場。相比起避風塘和黃金流沙兩種烹調方法，香辣醬油炒沒有那麼乾身，但依然那麼惹味，有點兒像XO醬，又有點鹹香，層次感豐富。雖然這是肉蟹，但是蟹蓋的蟹膏也不少，吃起來較為結實。唯一美中不足是我們花了太多時間吃這個醬油蟹，吃完的時候其他菜也涼了。下次一定要記住先吃蟹，之後才點其他餸。潮式酸菜魚(⭐⭐⭐⭐⭐)相比起近來大行其道的深圳酸菜魚，這個本地菜明顯更勝一籌。首先，廚師是用龍躉片，吃起來肉厚而且彈牙。相比起常用

今日有朋友喺佛山嚟咗香港， 三個人晚飯又唔想食西餐，朋友應該唔係咁鍾意食生嘢所以日本餐又唔啱。 於是俾我起一個discount app度搵到翠林， 真係好驚喜！ 首先， 係有七折嘅 然後坐低嗌餸發現呢間星期四都全場爆滿！ 證明出品應該唔錯🤞 然後開始點餐啦！佢最出名嘅避風塘炒蟹一定走唔甩,，發現佢除咗有一隻蟹居然仲有龍蝦！ 炒蟹送龍蝦真係第一次見 ，你可以揀大中小辣，我哋揀左小辣，完全可以接受。 避風塘色香味俱全， 食完又唔覺得咸，非常好然後到酸菜魚- 以前成日以為呢啲係川菜一定好辣， 抖膽食一嚿，嗰嚿魚非常之滑，同酸菜好夾！又唔係好辣 好正！跟住老闆介紹藥膳精雞-我哋叫咗半隻，但係廚房唔小心蒸咗一隻 唯有打包啦！不過呢個蒸雞又係冇得頂， 有金針雲耳紅棗一齊蒸，隻雞亦都整得好滑！最後金沙蝦球又係老闆話一定要食嘅。我哋嗌咗三隻， 好重鹹蛋黃味 正呀好邪惡呀最尾既蒜蓉炒豆苗亦都冇失望仲未夠飽嘅朋友可以嗌佢嘅蟹油炒麵 絕對好食過出面嘅茶餐廳總括嚟講呢間餐廳嘅經營模式同尖沙咀專食避風塘炒蟹嘅興X差唔多 ，但係啲員工比較有禮貌，出品亦唔錯一定返嚟。 最重要食完唔覺得頸渴唔使飲水!!! 而且唔收開

十二月是名符其實的蟹月，每個星期平均吃上兩三頓蟹，今天晚上朋友聚會，一行四人又再吃蟹。首先有蒜茸粉絲蒸刀貝，刀貝每隻很大之餘火喉控制剛好，貝身彈牙，而且粉絲的量把整隻刀貝蓋過，粉絲愛好之人如我實在很高興。然後是潮式酸菜魚，酸菜量多，跟辣椒的比例放得剛好，不會一味的酸，有層次。龍躉魚肉嫩滑，實在夠開胃。每人加點了一份黄金流沙蝦球，球裡面是真材實料的越南大蝦，沒有混合多餘的肉或菜碎，蝦球面鋪上滿滿的咸蛋黃碎，咸香十足。這一次我們試的大蟹是醬油蟹，蟹肉嫩滑，沾上秘制辣醬，辣度夠以外很香口，而且連蟹肉都已經非常入味，喜歡吃辣的我們實在不能抗拒這個醬汁，師傅的手藝真的厲害。美食加上一群好友，這個晚上大滿足。

位處尖沙咀的翠林辣蟹舫,應是區內少數以中式辣蟹為主打的食肆之一;以出品平靚正之高性價比,引致我與幾位好友約局了這次12月之星的晚餐!其實對上一次來過已留下極佳印象,至於路線如何走還有少少記憶,但是用Openrice大神的地圖功能,清晰的指引下很快就來到了今次的主場;店名的招牌較為搶眼,而且有強烈的空間感;店內的裝潢走簡潔舒適路綫,而且偏向西式風格;配合以灰白色為主調,燈光也夠明亮的;而抽風與冷氣也俱足,沒有種油膩的味道,帶來清爽感!菜單的選擇都是主打的菜式,尤其是店名所稱謂的辣蟹,除了避風塘式,還有似乎是新近推出的香辣醬油蟹,確是集中了精華菜式!大家看了菜單,交換意見後很快有了定案,就馬上落單了;第一道前菜--黃金豆腐,在友儕間的歡聲笑中突然出現,一陣油香味已飄散在空氣中;炸得酥脆的外皮一點都不膩口,而中間幼嫩細滑的豆腐,有股清清的豆香,外濃內淡形成美妙的平衡!黃金流沙蝦球,若是喜愛煎炸食物的,基本上也是非點不可!以中式炸物來說,此物那種脆口感差點比得上日式的天婦羅;外層的鹹蛋脆粒與粉漿,以極之脆嫩的質感在牙齒與舌尖上輕輕磨擦,傳來是'索索'的聲音!以輕度的油份,帶動著鹹蛋的鹹鮮,為爽

星期一亞女預約星期三食飯﹐當然一定打開我好幫手 openrice apps 搵食喇！發現尖沙咀開左間食辣蟹喎！辣蟹係老公至愛﹐一定要去試下﹐於是訂左3位枱﹐當日老公叫埋伙食一起去﹐便4人行了﹐正確位址不太清楚﹐便按照 google map 路線揸車去。按地址都幾難找的﹐招牌不是太起眼﹐問了管埋員才找到。進入餐館了﹐服務員很有禮貌的招呼還介紹這店幾款的招牌菜﹐有黃金流沙蝦球、避風塘拆肉瀨尿蝦﹐當然5少得鎮店之寶避風塘炒辣蟹喇﹐我哋3款招牌菜全下單了﹐老公還點了我喜愛的潮式酸菜魚﹐再加碟飛天芥蘭﹐到左上菜了﹐大家都好期待﹐先來是黃金流沙拆肉瀨尿蝦﹐賣相已好吸引﹐看得出廚師的心思﹐黃金流沙是用咸蛋王做的﹐咬一口好香的咸蛋王味道但並不咸的﹐而瀨尿蝦並沒有比黃金流沙搶了肉鮮味﹐這種瀨尿蝦食法是第一次﹐對想食瀨尿蝦又5想用手拆肉的懶人﹐這個你一定喜歡。跟住上枱的是黃金流沙蝦球﹐賣相也是很吸引﹐我們4人每人1隻﹐中間放了一碟沙拉﹐好有食沙拉蝦角 feel, 這款黃金流沙同剛才的一樣做法﹐而換了蝦球又有不同的口感﹐蝦球爽口彈牙配埋沙拉一起食﹐口感同味覺配合得很好﹐跟住到左主角避風塘炒辣蟹﹐上枱看見隻蟹