波士頓餐廳

營業中

休息中

說到豉油西餐，怎可不提經典波士頓呢？餐包上的時候仍然是溫熱的，皮很香甜，包肉也不乾。要塗上厚厚一層牛油，再浸入紅湯，更加好吃！餐的紅湯鹹鹹酸酸的，湯裡有大量蔬菜及牛肉碎粒。蔬菜主要有紅蘿蔔、椰菜以及蕃茄，濃郁料多。泥狀的薯蓉不似是薯粉開出來的，夠奶油夠牛油，越邪惡越好食！田螺沒有雪味，肉質緊致，汁的鹹度不錯，混入薯蓉同吃，超級可口。火焰牛柳是一場表演，店員在客人面前點火，滿滿儀式感！牛柳鬆軟腍滑，襯著洋蔥汁，絕對大滿足！薯條之外還要加意粉，非常合拍！來多少次，都沒有失望。

今晚 Friday night 又嚟咗波士頓~ 火焰牛柳過程全面睇🔥🥩 夠膽講差唔多每枱都會 order 這一道名菜。這是最喜歡的份量兩件牛柳唔大又唔細帶有少少酒香淋洋蔥汁上鐵板發出嘅咋咋聲好有氣氛成個presentation 充滿儀式感又有視覺效果非常夠氣勢！餐前嚟個熱辣辣足料羅宋湯加軟熟餐包大滿足！波士頓未必係新一代嘅拍拖約會打卡的勝地但食個近60年的歷史情懷懷舊一下揾童年回憶呢度有! #波士頓餐廳 #火焰牛柳

12月31號都無加價，過咗晚飯peak hour ，9:15pm等一陣就入座，意外驚喜，二百幾蚊唔係梳打扒，係鐵板，又坐得舒服，性價比高，服務都唔差（無其他comment講咁差）。除夕，兩個鐵板餐連加一$473，一個火焰牛柳，一個西冷牛扒，我自己鍾意西冷多過牛柳多根。連餐湯（一個白湯忌廉湯無洋蔥正，一個紅湯羅宋湯好濃）配薯菜，曲薯條好好味。仲有餐茶。成餐飯好滿意，懷舊又好味，又唔貴。我會再encore。題外話，9:30pm last order。

星期日同老公去左灣仔，諗緊晚餐食咩好，老師話不如食鐵板扒，我諗起一路都帶佢去波士頓餐廳食火焰扒，於是去左食晚餐。未到六點去到已經要等四張枱，到走時好多人排隊。餐包鬆軟。羅宋湯好飲。鴛鴦扒(牛柳、豬扒)揀左黑椒汁，係你面前咋咋聲甘淋係扒上，兩者肉質都好腍，仲有薯菜同蔬菜，唔錯。火焰牛柳揀左蒜蓉汁，起晒火甘，牛柳好厚身，有輕微酒味，食落高級過鴛鴦扒既牛柳，老公話鬆軟得黎有牛味，好食。我地都揀左意粉，如果唔係可以揀飯。餐飲叫左凍檸茶同熱咖啡，前者好飲，後者麻麻地。

復刻餐廳已所剩無幾，能守住店子又可保持水準的更加不多，波士頓都算其中之一。餐包配以牛油，香甜鬆軟。趁著餐湯來食超級好味。餐湯以蕃茄作為基底，有不少蔬菜之外，更有牛肉粒，十分足料。香脆可口的炸魷魚圈，味道鮮美，口感外面酥脆、裡面彈牙。蘸上沙拉醬一起食用更為滋味。如果突然有超級想吃炸物的時候，這是個不錯的選擇。田螺有八隻，已經剝了殼，咬落肉質算幾彈牙，很好吃，加上充滿牛油香索盡田螺精華的焗薯蓉好綿好滑，連同面層的肉汁一起食好襯，田螺愛好者屬意之物。招牌菜火焰牛柳以一個烈焰冲天的姿態出場，看著店員點火，氣勢磅礡真精彩，現場表演火焰鐵板確實吸睛！牛柳吃下十分鬆軟，有牛肉味，非常有水準。黑椒汁及洋蔥汁都很夠味，用來拌勻意粉，正！英雄莫問出處，美食莫論尊卑，即使不是高級的牛扒，也能令人回味不已。

已經差唔多有60年歷史，係一間好平價又有歷史嘅西餐廳，又唔小明星都有去過呢間餐廳食飯，而且2樓窗邊嘅位置可以望到電車街景，好適合節日慶祝食飯😍鐵板餐有九款，當然就叫咗最出名嘅火焰牛柳黎食，條片裏面嘅情景真係睇到我眼都突埋，原諒小編大鄉里🤣🤣牛柳整得啱啱好大概5成熟，肉質好軟糯。但係另外叫嘅炸豬手就比較失望，可能因為本身期望太高，而且屋企人好耐之前都試過呢間餐廳，諗住今次返嚟嘅時候會同以往一樣咁好食，點知佢哋嘅豬手炸得太乾，而且炸粉一般，所以都比較失望😞但係環境同性價比絕對係一級捧👍🏻

波士頓是一間老牌港式牛扒店，新裝修過，價錢也不同了。我哋叫咗兩個火焰牛柳套餐，一個黑椒汁，一個蒜蓉汁。包餐湯和包，仲有一杯飲品。餐湯和包:叫咗紅湯，比較濃味同咸過頭，餐包只係微溫，口感一般。火焰牛柳:賣相十分驚艷！店員先把牛放在一邊，倒上酒精再點火，在熊熊烈火時放在你台面。眼睛先吃！店員會提你先準備好餐紙遮擋濺出的汁，也算貼心。甚本上幾個牛扒餐的牛柳都係一樣，只係煮法不同。建議叫這個比較特別。肉質方面，比想像中軟滑，有肉汁，可以叫三成五成生一點，鐵板會令牛肉再熟點。不過黑椒汁都係比較咸，可能厨師比較重口味。整體來講，用餐過程十分愉快，整潔程度中規中矩。

港式懷舊情懷！幾十年來屹立不倒波士頓餐廳～超過50年既經典！鐵板火焰牛柳🥩🔥|港式扒房鐵板上枱是既啫啫聲相信都係唔小香港人既同拿回憶～火焰牛柳就係小編童年留下深刻印象了～要食火焰牛柳就緊係要去波士頓⋯⋯⋯咁又無禁遠既去灣仔波士頓餐廳就可以啦～～|套餐包括港式牛油餐包港式羅宋湯港式鐵板火焰牛柳港式凍檸茶|牛排上枱時店員拿著專用串架叉住舊牛柳出來～先點火再將牛柳沾沾著左火既烈酒～再放上鐵板上店員再將一羹酒灑到鐵板上立時立花四起越玩越大火😂最後淋上醬汁禮成食得～整個過程都見到紅紅烈火～小朋友見到當然就是又驚又喜啦大過左既小編既係淡淡定定等食啦！能夠屹立禁多年味道自然是不錯～肉質嫩滑既牛柳浸透著絲絲既酒香～當然牛柳就唔係5星級～但食埋份情懷食埋份回憶我比5星！

歷史悠久扒房餐廳，好多人等位！第一次食就叫左個火焰牛柳 $185，侍應在遠處「表演」，將牛柳浸過著火砵酒就放上鐵板，最後砵酒倒在鐵板上，個火焰都幾猛烈！牛柳放鐵板加埋火焰會再熟啲，所以柯打三成已經夠，肉質夠嫩，不過酒味太重，菜同蕃茄好似用酒醃過咁，就唔太啱我口味。友人點美極雞扒 $125，睇相見到塊雞排好似塊鐵板咁大，查實雞排下面仲有一塊雞扒！美極味就食唔到，但都好食既。另一友人點帶子雞扒 $149，有四隻帶子加塊雞扒，感覺好似齋雞扒抵食啲喎。鐵板上扒，侍應淋汁咋咋聲，係堂食先聽到既聲音！另外薯角熱辣辣又夠脆，正！

唔經唔覺都成大半年無同班Asso朋友出黎聚舊啦🙈難得全男班出到黎一於成班做下食肉獸黎呢間有50年歷史既排房啦我地嗰晚都成9點半先到好彩我地可以趁10點last order前快趣叫野食我叫左個個都推薦既火焰牛柳🔥一開始我認為只係純粹名黎但有個師傅拎一大壇野開哂壇作法咁🔥🔥我地成班都俾壯觀場面嚇親睇個師傅喺度玩火都幾過癮玩完我地就開大餐啦我喜歡比較生少少既牛排所以我叫左5成加埋啱啱俾火燒多次 熟度剛剛好而且食落無根之餘仲有啲酒味色香味俱全

做冬太懶不煮飯，既然經灣仔，又聖誕節，決定來吃一份扒吧等了一會兒，之後能夠在窗口卡位，實是愉快，記起小時候父母一定帶我前來慶祝聖誕節。對上一次來是四年前和先生慶祝拍拖一個月，希望再前來會帶我倆的小孩。我們選了火焰牛柳和西冷扒，價錢合理可惜，西冷扒放在先生面前已經灑了黑椒汁，完全不熱，唯有要換一換火焰牛柳不再在面前表演，也是失望了😞更失望是所有汁，也是灑了才放枱希望，可以改一改這些安排吧，雖見其他食評說差了很多，但波士頓也依舊是我愛的扒房。

在7月9日晚上，我和爸爸一起到了灣仔的波士頓餐廳品嚐美味的鐵板扒餐，我是在一個CNN的文章看見的，這篇文章名叫「十大港式懷舊鐵板王」，這文章描述了十間在香港必食的鐵板扒餐廳，而波士頓餐廳是其中一間，因為我很想品嚐這間餐廳的扒餐是甚麼味道，所以就專程來到這裡！在那天，我和爸爸一進入該餐廳，並品嚐了他們的招牌菜--------火焰牛柳以及西冷牛扒，還有忌廉湯、羅宋湯以及牛油餐包，真的十分好吃！！！！ 最後我們一起以一杯高杯餐茶作美味晚餐的句號，我很開心呢！

又係兒時回憶, 每次二話不說就係要火焰牛柳連Menu都唔駛睇每次都係俾個放火show吸引著, 由"劍擊手"攞住把串住食品嘅劍出黎然後喺鐵板度淋酒放火, 再將兩件牛柳沾少少酒同D配菜喺塊鐵板度"蓬蓬聲"咁共冶一爐,最後落埋剩餘嘅酒繼續燒. 成個presentation可以媲美橙酒煮班戟Crêpe Suzette, 睇到我地咿嘩鬼叫. 已經睇過無數次,但係視覺效果每次都好震撼, 所有回憶都好似火焰咁湧上黎.雖然享受過程,但係結果都好重要.因為件牛柳會有2次受熱關係, 所以我會叫5成熟. 被火焰吞噬後啱啱好6-7成, juicy ~!!醬汁可以揀黑椒/蒜蓉/洋葱汁/燒汁, 比較多選擇.牛柳一切就開, 肉汁充足,加上有一陣酒香, 係外面食唔度嘅味 !!

朋友是灣仔老街坊，同時亦是識食之人，是日請客。於是一行三人嚐一嚐這地道灣仔老店：波士頓餐廳。它位於修頓球場旁邊，相當顯眼，據悉不久前裝修過。給我的感覺有點像高級點的花園餐廳。到達之時，樓下已有人排隊，幸好朋友已提早訂檯，所以一上樓即有位坐。窗邊位景致相當不錯。先來餐包和餐湯。不得不說，這裡的餐包微熱的，軟乎乎，有淡淡奶油香，比一般茶餐廳的好一點。羅宋湯亦是真材實料，令我對接下來的菜式更期待了。朋友極力推介這裡的火焰牛柳Beef Brochette Flambé($173)說是鎮店招牌菜。侍應有禮貌地詢問我們：要不要觀看過程？(因為他會先在一旁點火，否則危險)危險？太誇張了吧？後來見到才知道，他一點都沒誇張，那個火焰才真誇張！侍應戴上手套，拿著一個肉架，串著牛肉和配料，底部加上助燃酒。先把酒潑灑在鐵板上，「蓬」一聲馬上著火。然後把兩件牛扒逐一沾上酒再放入火焰中炙煮，最後把剩餘的酒再倒入鐵板上。店員駕輕就熟，淡定中帶點優雅，此刻令我聯想起「執事」(日式管家)。我地睇到咿嘩鬼叫最後火焰熄滅後淋上黑椒汁（可選黑椒/蒜蓉/燒汁/洋葱汁）視覺效果令我很震撼。不知道味道如何？切開牛肉約莫六、七成熟，

今晚我們去咗灣仔盧押道嘅「波士頓餐廳」食晚飯！我們叫咗石斑扒、厚切西冷扒同火焰牛柳！餐湯係羅宋湯同忌廉湯！羅宋湯嘅味道相當濃郁！忌廉湯亦都幾香滑！餐包好香滑鬆軟！石斑扒嘅外層炸得相當金黃香脆，石斑嘅肉質好嫩滑！厚切西冷扒真係好厚切，肉質非常鬆軟，肉味好香濃！火焰牛柳喺上碟嗰陣，店員會喺我們面前將兩大塊牛柳火焰畀我們睇，牛柳嘅肉質亦都係非常厚身同鬆軟嫩滑，火候控制得恰到好處，唔會有好「嚡」同好韌嘅感覺，而且肉味相當濃郁！