醉胡爐 (已搬遷) 新店位置

湯底令人驚艷, 職員首先拎個鍋上黎, 然後會加入白酒, 係你面前點火, 炒香海鮮, 十分打卡able湯底仲要勁足料, 有龍蝦, 有花甲,有青口等等, 再配埋少少洋蔥, 食落仲好新鮮, (打緊篇野都忍唔住流口水)炒香海鮮後, 職員加入龍蝦湯, 湯睇落好咸好濃咁, 但飲落一啲都唔係, 係好鮮, 味道適中, 飲完個人唔會好口喝, 係一個好舒服嘅湯 作為前菜, 送酒小食, 黑松露多士十分高分, 本身蝦多士已經係一件好好食嘅野, 加埋個黑松露醬非常夾, 食得出好足料, 而且炸得好好, 好酥脆配菜方面, 我地樣樣都有嗌, 丸啊、菜啊等等款式都算幾多不過重點推介呢個豬拼盤, 3款肉都好好食, 食落好滑, 一啲都唔鞋, 配落海鮮湯都十分match

一入場內，見有唔少人都係兩個人撐枱腳，叫到成檯野食望落很吸引😋。餐廳以白光為主，竟然係有兩層，環境都幾大，同時覺得算是整潔！第一次黎，兩人一鍋的確好好吹水，我地都唔小心坐左成晚🤟🏼😛🔸🦞火焰龍蝦海鮮鍋（$388）💎呢個湯底好架勢! 首先會有個姐姐黎幫你爆炒左d龍蝦、卜卜蜆同洋蔥等等嘅料，跟住佢會加d酒去整個火焰🔥😹先再煲一煲個湯底。龍蝦size比想像中大，斬開都有五、六舊，係有d儀式感😛姐姐特別提醒我地，一滾起可以先飲湯底，唔好浪費食材咁話。結果，我地一開波就飲左兩碗龍蝦湯🦞🦞非常鮮甜而濃郁！！！係幾surprise ，值得一試嘅特色湯底😋🔸🐮牛骨牛汁丸(半份)($48)💎強烈推薦呢個牛骨牛汁丸!!!💦一咬開好多湯汁，好耐未食過咁juicy嘅牛丸喇，彈牙爆汁，而且牛汁係相對濃味，稱得上係一個高分嘅丸子! 完全同瀨尿牛丸有得揮，令我地幾surprise，即刻開心左hehe。🔸 🔲🦑黑松露墨魚丸(半份)($52)💎呢到嘅丸的確幾creative，亦都好多款選擇。呢款丸有切粒狀嘅墨魚係入面，幾有口感，加埋黑松露係無得批評，而同樣爽口彈牙! 覺得2個人真係叫半份就夠，咁就可以貪心小狗咁試多幾款

今日歌手嚴淑明同李健達請左一班工作人員去佐敦醉胡爐慶功，好榮幸都有份出席。這家餐廳裝修好靚，主打養生湯，好重視湯底。今次湯底就有，金湯鴿翅花膠湯，原隻乳鴿湯底，濃湯佛跳牆雞翅鍋及火焰龍蝦海鮮鍋。金湯鴿翅花膠湯好足料，用左全只乳鴿，加上翅及花膠好養生。佛跳牆好足料，鮑魚大大只。我就最鐘意個火焰龍蝦海鮮鍋，好濃既龍蝦湯味，全部湯底都可以先飲左個湯，品嚐完先再吃火鍋，未食火鍋我已經飲左兩大碗龍蝦湯。菜式選擇超多，今次就試左。。。。。手切頂級安格斯肥牛，好有肉味，食火鍋必備。紫菜炸響鈴即點即炸，好香脆必點，跟龍蝦湯超夾。黑松露蟹肉餃，黑松露墨魚丸 ，好重黑松露味，我覺得放落火焰龍蝦海鮮鍋到，超級夾。兩樣都係我最愛。，

今日落左成日雨，街都無得去，攪到心情都差差地。見夜晚停左雨，就約朋友一齊食晚飯。出到尖沙咀，大家行左一陣美麗華，傾下想䭍女啲咩，有朋友想食海鮮，有朋友想食火鍋，why not both?😂😂😂所以我地即刻上網搵下附近有咩好野食，見到呢一間叫醉胡爐，岩晒我地要求，所以就去食呢間。一去到門口，已經有店員接待，等左一陣就入去坐。成間鋪既燈光都好浪漫，好有感覺，哈哈，同女朋友黎岩晒👍🏻呢間餐廳都幾多野食，睇 Menu都睇左一陣。我地叫左兩個鍋底，先椰子雞鍋同埋火焰龍蝦火鍋。店員首先會響我哋面前炒熟啲配料，過程中會加入酒，令到火鍋出現火焰的效果，好睇又好食👍🏻👍🏻過左一陣，兩個湯底就整好，出面啲火鍋店會即刻開波打邊爐，但呢一間，店員會叫我地飲左啲湯先，可見佢地對湯底信心好高。我就聽佢地講，飲返碗先，點知，一飲就停吾到口，勁好飲，試過就知。飲到無晒湯，之後店員會加返湯比我地，係加蕃茄湯同埋雞湯👍🏻👍🏻強力推介大家飲晒啲湯先開波打邊爐😂我地叫左好多野食，最出識既係紫菜响鈴，出面食吾到，好脆但又吾韌，吸左啲湯之後，好好味，但記得吾好放咁耐湯。👍🏻之後重有一碟本地肥牛，好新鮮好有牛味👍🏻其他啲餸都係好新

今日係情人節，而且又係我生日，男朋友又知我最中意就係打邊爐，就一早就book左呢間醉胡爐去慶祝！book左6點，時間尚早去到所以方便影一影個餐廳環境，裝修簡約潔淨。職員先放下醬料架給我們，同平時火鍋店ge種類差唔多。火焰龍蝦海鮮鍋依家餐廳做緊promotion，$1有半隻龍蝦海鮮鍋，加$88有多半隻，所以一鍋加埋都唔洗$90，好抵！而且質素一d都唔馬虎，職員先落清酒去個鍋到，再點火燒香去，龍蝦肉質鮮甜仲有d酒香，龍蝦鉗肉真係啖啖肉架，鍋裡仲有好多蜆！一定要讚下個湯底，係我暫時飲過最好味最濃郁ge龍蝦湯，我同男朋友都飲左好多碗先再加湯打邊爐。男朋友仲預先訂左d海鮮，有蟶子、貴妃蚌、鮑魚、基圍蝦、卜卜蜆。全部海鮮都食得出係新鮮ge，尤其蟶子同鮑魚最好味！蟶子大大隻，就算煮完都唔會縮好多，入口爽彈鮮甜！鮑魚質感好有咬口，真係好鮮味！發現依家多左火鍋店有鴨血揀，呢到ge鴨血係厚切架，口感更加好！黑牛柏葉焯一焯就食得，而且吸收左d龍蝦湯，入口唔韌但就偏鞋口。左邊：麻辣牛肉餃，個人覺得根本就係用餃子皮包住一粒辣味牛丸咁，味道一般般啦。右邊：芝心蝦丸，𥚃面芝心餡唔多，但蝦丸好出色，入口爽彈，真心推介

最近心血來潮突然想食龍蝦，收工後女朋友就帶我去咗呢間位於尖沙咀專做火鍋既餐廳。原來佢地有出名既龍蝦🦞鍋做既湯底，初初有職員幫我地較個火候，等一陣之後叫我地試吓啲湯先之後再滾其他野食，我要極力推介既係，佢既龍蝦鍋，佢D個湯做得非常濃郁，好大陣龍蝦膏味，非常好味，之後飲咗兩三碗黎，有職員月就幫我加湯，佢用番茄湯調返味，之後就好似我哋正式嘅打邊爐我地叫咗「飛驒和牛肉眼A5」「手打芝士牛丸」「鱈場蟹棒」「紫菜炸響鈴」「安格斯手切肥牛」我極力推薦大家叫既係 佢個A5牛肉眼 食落超級軟熟 入口即溶我感覺，同埋佢既紫菜炸響鈴 大大件響鈴夾住紫菜簡直係 食一啖同時享有2種感覺呀最後講講環境 入面係乾淨，間隔企理，光線柔和。約埋一班朋友一齊打邊爐就最適合不過

放工想打邊爐，係Openrice 訂座好方便，訂左7:30，早左半個鐘到都有位👍🏻環境新同埋靚，員工服務都好親切好快手👍🏻換碟加湯從來都唔洗叫👍🏻👍🏻👍🏻因為食物黎得好快，所以可以先叫左湯低先，好似我同男朋友今次叫既🦞湯，就要先抄再滾湯，再等你飲下d湯先正式打邊爐，所以唔洗甘快叫哂d野食。醬料最重要既有哂💓推介：🔥火焰龍蝦海鮮鍋🦞（$368）好足料，大大隻龍蝦，仲有勁多蜆，而配菜有蕃茄，紫洋蔥，西芹等。1.先用牛油抄香2.加酒點火 3.加湯等所有野滾起🥘就可以飲佢既湯先同食下d龍蝦同蜆，湯算濃味亦有龍蝦既小小鮮味，唔錯。👍🏻👍🏻👍🏻之後，員工好快手會幫你換碟+加蕃茄湯，加既湯都係好濃既，一個鍋有兩種口味🥳兩個人食唔到太多，因為佢好多都一份一份叫，所以只係叫左3樣野食！全部都好食👍🏻推介：🤟🏻手切頂級安格斯肥牛🐂🐮（大$338）肉質軟熟，厚薄適中，牛味濃郁👍🏻可以試下：☘️紫菜炸響鈴🔔，好大件！好脆！包住一大塊紫菜，5秒岩岩好💓🌿🌱唐山菜（$48）打邊爐必點👍🏻加多兩杯麒麟生啤🍻🍺加埋一埋單要$1100🦞🍻🐂☘️

天氣轉涼，最適合打邊爐，呢間餐廳推出火焰龍蝦鍋優惠，當然諗都唔使諗就去食返隻龍蝦先。侍應首先會將新鮮嘅龍蝦炒一炒，再用酒燒一燒，跟住再用佢哋特制嘅龍蝦汁去煮。煮滾之後我哋先試咗一啖湯，龍蝦湯非常甜好有龍蝦味，之後就試一試個龍蝦肉，好彈牙好新鮮。我哋order左好多火鍋配料，例如有安格斯牛肉，鱔片，好出名嘅黑松露手打墨丸，黑松露蟹肉餃，雜菇拼盤同埋魚蓉面。安格斯牛肉好大碟，而且牛肉嘅脂肪比例均勻，雪花一般，焯一焯就熟，咬落去好冧，好有牛味。鱔片分量唔算多，但係都好爽，好好味。黑松露蟹肉餃只需煮40秒就可以撈黎食，蟹肉餃好有松露味，入邊嘅蟹肉都好鮮甜，好特別。手打松露墨魚丸非常彈，入面有一粒粒嘅墨魚肉，口感好豐富，松露嘅味道好香。食到最後一次過將所有嘅雜菇盤拼盤同埋魚蓉面放晒落個鍋度，變成一品鍋，食得非常飽，人均消費都係二百幾，又飽又好味。

預早咗大概一個星期Book台，可能因為天氣開始涼啦Book好台後，餐廳會提前打俾你問吓有無咩需要落定Order，海鮮，肥牛等都可以先Hold定鍋底揀咗火焰龍蝦海鮮鍋火焰龍蝦海鮮鍋 $368一嚟到見到都嘩一聲，啲料好多，佢會加少少酒，先炒一炒，呢個時候個個都拎電話影咗先炒到咁上吓，就加濃湯入去煮吓，鮮甜濃郁嘅龍蝦湯就做個開胃菜啦其他配料都好新鮮加拿大象拔蚌刺身好甜好爽口，真係個個食唔停口，可以完全唔點醬油，就咁食已經好正貝類一隻$48蟶子好大侵同好厚肉，個桂花蚌都有手掌咁大隻手切肥牛呢個係真心推介，口感好似和牛咁，係滑口，唔洗點咬架整體成餐都係好正完全值架，材料好新鮮，份量都正常，服務又唔錯

近排醉胡爐推出呢個訂枱二人同行食滿$400送火焰龍蝦海鮮火鍋，好似好抵食咁，今晚就去試一下。餐廳燈光柔和，座位寬敞，唔會好似其他打邊爐既餐廳咁嘈雜同煙霧濔漫，如果唔係知道係打邊爐，仲以為自己係入左一間高級西餐廳。我地俾安排去卡位，呢度既卡位都係屏風隔開，隱敞性高，有個私人既小空間可以傾計。首先打邊爐最重要就係混醬，都係一般既莞茜，金銀蒜，麻醬，但呢度既沙嗲醬特別好味。龍蝦煲既海鮮好新鮮，店員先過黎炒一炒D食料，爆香佢，之後就加左酒，點火，原來火焰就係咁解。燒左既海鮮就會鎮住入面既水份，保留本身既鮮味，加上蕃茄湯再滾一滾就可以食。趁佢滾緊既時候，食住個黃金炸魚皮先。兩樣咁邪惡既野配合埋一齊係幾咁天衣無縫，咸蛋的香，魚皮的脆，令人愛不釋手。水滾之後店員叫我地先試一口湯頭，好鮮，好重龍蝦味，同西餐廳既龍蝦湯一模一樣。龍蝦好大隻，個鉗好厚肉，蝦肉好爽好彈牙，一食就知係游水龍蝦，份量好足。墨汁墨魚丸好彈牙，丸入面有墨魚粒，增加口感。蝦丸和墨魚滑一樣好彈牙，唔洗點醬汁已經好鮮甜。冬瓜好甜，龍蝦湯滲入左冬瓜入面，好入味好夠味。芋頭好粉，點埋醬汁仲好味。總括而言，所有既食材都好新鮮，湯底煮極都好有龍蝦

一入門口就有成排酒擺正正喺度迎接你，不愧為「醉胡爐」。Singha $38 & Coke $18啤酒同可樂係打邊爐嘅良伴！除左酒之外，餐廳仲有一浸好香濃嘅龍蝦湯味一直飄入我個鼻，原來隔離枱食緊龍蝦湯火鍋呀，二話不說，即跟！火焰龍蝦海鮮鍋 $368大大隻龍蝦生上，下邊仲有好多隻蜆同蕃茄、洋蔥、西芹等配菜。店員會過來幫手，先開火炒勻。跟住就到玩火環節，倒入少量酒再點火，提升香味。最後加入龍蝦湯再煲滾，開蓋嗰下嘅香味真係不得了。龍蝦湯除咗好香之外，仲非常濃郁鮮味，每人都飲咗兩大碗！龍蝦鉗非常大隻，而且啖啖肉。餐廳預先將龍蝦破殼，兩三下手勢就能取出龍蝦肉。龍蝦肉彈牙爽甜，蜆肉鮮甜無沙，淨係食個鍋都食到停唔到。和牛舌心 $45/串牛舌厚切，調味適中，牛味香濃而且充滿肉汁，點少少蜜糖芥末醬都好夾！食完龍蝦同埋串燒，就到下半場打邊爐。店員為我們添加蕃茄上湯。安格斯手切肥牛 $188牛肉雪花分佈均勻，賣相很吸引。肥牛焯一陣就食得，牛味香濃，肉質鬆軟，正。黑松露蟹肉餃 $68外皮很薄而且很滑，黑松露味滿溢。芝心墨魚丸 $52芝士多好爆出來！手打墨丸爽口彈牙，芝士帶一點點咸味，好過癮。萵筍 $48萵筍片很

女友喺佐敦放跳舞，諗住行下睇下有咩食。行到近尖東呢間鋪有得食日本野，再睇睇下又有埋火鍋，仲要做緊優惠。入到去，我地最後剩係揀左打邊爐，諗住食食下再睇下食啲咩串燒或者壽司，但最後已經好飽了。叫完野食，職員就會放醬油調味料上黎，款式都係大路野，所以都幾岩口味。同一時間會放埋個龍蝦海鮮鍋上黎，等我地整完兜豉油之後，職員會幫我地炒香啲海鮮，再落酒點火炒，香味撲鼻！然後會倒龍蝦湯一齊再滾下，龍蝦鮮味出哂黎。啖湯超好飲，同出面西餐廳飲既湯無分別，可以話更加好飲。有4隻大花蛤，好鮮甜。龍蝦已預先整過下啲殼，所以好易拆肉，當然隻蝦都好有肉食！魚皮即炸，非常鬆化。佢有黃金魚皮，不過唔想食太喊。水餃同雲吞（好似差唔多樣），皮夠哂薄，亦好足料。魚蓉麵，好少地方有得食，所以女友指明要食。始終係新鮮做，所以好難唔斷，不過味道搭救。牛肉拼盤有5款牛，剩係知牛舌同牛粒，其他牛剩係知好淋好軟，牛味好重，值得叫黎食！

其實我真的真的很喜歡打邊爐的🤗收到姊妹信息要補足返朋友生日飯,所以即刻提議打邊爐啦！網上得知有$1$1$1$1$1🤩的湯底，二話不說就決定了它而且之前未光顧過的關係便增加了新鮮感🙂🙂訂了晚上6:45，去到的時候餐廳剛剛開始營業一會所以人數也不算太多，我們是第一輪入坐的！餐廳的色調以深色實木為主要的顏色，還配懸掛天花的金色燈球裝飾會令到餐廳感覺是較高貴一點！先看餐牌發現有很多吸引的食物但是感覺價錢算是偏貴的！餐牌上的配料嗌夠100蚊就可以加一蚊有個火焰龍蝦海鮮鍋😍原價是388所以我對這個火鍋十分期待啊！火鍋未到的時候先叫了一份老友鬼鬼！應該是蝦膠加上油炸鬼落鍋即烤！香脆鬆軟！但油味有點重海鮮鍋入面有半隻龍蝦、卜卜蜆同海鮮！火鍋一上枱後侍應便加入濃郁的海鮮湯底然後倒入一些會易燃的食用酒精！嘩！火焰隨即看見湯底都熬了一段時間！飲落真係超級鮮甜！先飲龍蝦湯，飲夠了便可以加入配料啦🤓手打蝦滑先到！份量不多但是十分嫩滑而且食落口感細膩呢再來黃金墨魚丸！十分有驚喜！因為裡仲面是有咸蛋黃的啊 好喜歡💓💓💓是次晚餐另一個重點胡蘆牛拼盤到啦！打邊爐不能沒有牛吧！拼盤多選擇😶牛柳粒好好食，軟軟腍身！好滿足呀