牛精皇

營業中

休息中

屯馬線開通，家人想去宋皇臺站行下，所以搵下九龍城餐廳順便食餐好既，今日去福佬村道的火鍋店牛精皇，叫了二人餐，包了四款湯底，我選了芫茜馬蹄皮蛋湯底，感覺冇咁熱氣，有馬蹄粒，夠下火，湯底滾起先飲碗夠清甜。火鍋配料賣相吸引，用了西式三層架，好聰明，向上發展，平時放極都放唔曬啲餸菜，咁放又靚又實用。店員細心介紹淥的時間，有樣好特別的叫牛白肉，原來係牛的胸部，可以淥，6 -8 秒，初時以為成塊係油脂，原來係白色肉，又唔油膩，口感好爽口，味道清淡。另外推薦係頂級手切牛肉，牛脂分布均勻，好香甜，而極品安格斯牛肉粒，可以淥10分鐘，店員介紹淥得腍身啲好啲。第二層係海鮮，有兩隻蟶子皇，好大隻，淥10秒剛好，爽口鮮甜又新鮮。仲有青口，好彈牙，還有新鮮自製鮮蝦雲吞、鳳城水餃、自製韭菜餃、魚皮餃，喜愛水餃，木耳絲超多，好爽脆，餡料好多。頂層係手打丸類，有鮮蝦丸、墨魚丸，同樣好彈牙，仲有鯪魚球及炸過的黑椒牛丸，這款比較辣。還有雜菜籃及手打烏冬，烏冬煙韌。

早前閉關了太久，現在係時候出關啦！朋友知我近期特別喜愛食牛，特意帶我前來九龍城，這裡有好多新開食店，聽說這間牛精皇的火鍋店經常爆滿，最好是提早預訂枱，咁就萬無一失啦！！而它的門面好容易認，有隻憤怒牛頭做標記，完全配合它的店名”牛精”皇。入到店面，看似細細，只有幾張枱，但唔問唔知原來這店還有樓上，仲有包房服務。喜愛獨立空間或一班朋友來就啱晒。火鍋醬料例牌有蔥碎、香菜碎、蒜碎、辣椒、芝麻油和醬油，不要睇少佢，它是一個很重要的配角，有佢才令主角更出色。 至於湯底 ~~我們就叫咗個簡單又清香的莞茜馬蹄皮蛋鍋，清清地才更可突顯各種食材的鮮味。坐下來便開始研究食物，大部分都係我的至愛，最後揀了二人套餐$548。三層的食物架內有牛白肉、安格斯牛肉同牛柳粒、聖子王，手打蝦丸同墨魚丸，雲呑、水餃，菜同烏冬。服務員好細心地提醒不同的食物要滾多久時間才是最棒進食味道，如牛白肉只需時6至10秒而已， 有少許硬和牛味不算很出，但勝在夠爽。超大的蟶子皇就只需滾10秒便即可入口，因為這才食到它的新鮮甜味，果然非同凡嚮，超正。安格斯牛柳粒就要滾10分鐘以上，真係夠彈，而安格斯牛肉口感又真的是不同，我個人認為什麼醬汁都

​ 是晚到了九龍城吃晚飯。 在九龍城一帶走了幾圈，最後決定了去牛精皇打邊爐。 進入餐廳，空間雖然不算大，但每一桌旁均有一個小架子來放置打邊爐材料，桌面也比平時的二人桌大，因此進餐不會覺得很逼很不舒服。稍看餐牌，除了可以散點看，更有火鍋店少見的二人套餐，經店員 極力介紹下，最後便點了一個精選二人餐$538。 湯底選了轉清淡的莞茜皮蛋湯底，麵有烏冬和公仔麵可選，我們選了前者。 套餐用三層架奉桌，有點像我們吃英式下午茶的架子呢。最底層: 極品安格斯牛柳粒，頂級手切牛肉及牛白肉 極品安格斯牛柳粒: 煮5-10分鐘，時間愈長，質感更淋 頂級手切牛肉: 輕勺幾秒即口，入口牛味濃郁，脂肪分佈平均，油脂豐腴。 牛白肉: 一般火鍋店更少見的部位，白雪雪的一片並不是脂肪，而是牛胸下的軟骨，只需勺5秒就可，不用加任何調味。 吃下，質感些兒的彈性，味道是十分十分的重牛羶味，愛吃牛的孩子必吃！ 中層: 鮮蝦雲吞，自製水餃，韮菜餃，魚皮餃， 青口及蟶子 蟶子大隻新鮮，入口彈性帶爽脆，洗得乾淨沒有沙放入口中口感很好，令人滿足。 水餃: 入邊有豬肉，木耳絲，吃下先是餃子皮的麵粉香，繼而是豬肉脂香，最後

又到左打邊爐既季節，年年都去屋企附近酒樓食，今次就同屋企人去新地方打邊爐！正所謂新一年，新景象xd我當然有做足功課先去嫁喇，屋企人都好中意食牛！見佢咁出名既牛精鍋同牛皇拼盤，乜都唔洗諗－就牛精皇喇！唔只牛出名，佢地既海鮮都幾有名，隻隻生猛活潑，不過我地咁遠水路黎到就緊係要食佢地既主打拼盤A_A入到黎環境尚算寬敞，有好多大圍枱，好適合一家大細黎依到歡聚一堂！望一望四周，牆上會因應客人方向設置電視機，如同係睇電視送飯冇分別XD所以都幾岩香港人既風格，不過7點入座，餐廳已經就快爆滿，好彩我地早黎左一步除左餐牌睇湯底、海鮮外，仲有餐單可以剔～大多數既材料都齊全，不過飲品就要另外再望望，除左大家最期待既牛精鍋，再會揀其他配料～醬料每位需加$18，大家因應自己喜好落料，不過如果大家食牛精鍋濃湯，可以選擇唔加，因為佢個湯底已經夠晒濃郁入味～招牌牛精鍋濃湯，我地最期待既畫面出現了！！店員會先幫我地落料，再等佢慢慢滾，湯底材料全部都係牛雜，湯底係超濃郁既牛腩汁，加埋牛雜就真係牛味十足～材料都幾多，絕對個個都有份，浸過牛湯既牛雜，每塊都牛味撲鼻，主要係牛腩、牛肺、牛根、牛肚等等，食落帶少少餘香，湯汁啖啖精

小妹是有名的牛精皇，脾氣不但暴燥，橫蠻無理更是我天性。友人相約我到＜牛精皇＞用膳，我在想她是叫我吃自己嘛？！小妹追問下去才知友人從雜誌中得知＜牛精皇＞，所以相約'為食'小妹一同試試。小妹甚少到九龍城的，只知到九龍城是泰國菜美食眾點。所以友人相約小妹來火鍋，小妹也抱持興奮的心情，讓她好好介紹我美食吧！精選二人餐$528 已經包括十三種火鍋配料，可以選擇傳統蕃茄薯仔鍋，沙嗲鍋，清湯鍋，芫茜馬蹄皮蛋鍋。其他則要補回差額。本來小妹想蕃茄薯仔鍋，但友人想要沙嗲鍋，那她帶小妹來的，我也順她意思好了！店員提醒三種牛淥的時間也很重要，最重要的是不要不要沾豉油吃，牛要吃原味，才能享受特級牛的滋味。首先，我們先淥牛柳粒。牛柳粒經過長時間的淥熟，竟保留淋身的口感。牛柳粒一丁一丁，一口就能咬掉。牛汁慢慢溢出，嫩滑至極的牛肉。牛白肉  這塊牛肉呈白色，看似無筋位，外形像脂肪般軟滑。這是接近牛胸骨的軟骨位，名叫白肉，質感爽脆，用來打邊爐食落似脂肪般煙韌煙韌，小妹也是第一次嘗到的。頂級手切牛肉 雪花縱橫交錯，分佈均勻，色澤紅潤的。淥過三兩下便能吃，入口根位帶韌性，牛肉肉質軟嫩，牛味很重。青口x2 青

是晩約了友人聚餐，選址是甚少到訪的九龍城。說實話，九龍城其實有點不就腳，幸而駕車而達還算方便，餐廳門外及附近亦設有大量錶位。到訪的餐廳名為牛精皇，招牌上掛上一只立體牛頭飾品，甚有氣勢。店內地方不算很大，約放有九至十張餐桌，舒適度普通喇，整潔度則算不錯。餐廳名為牛精皇，牛肉生料固然是招牌菜之一。另外，從櫥窗魚缸看來，象拔蚌應是另一名物。為了删卻麻煩，大家同意先點一份精選二人餐「打底」，再追加其他美食。套餐包普通湯底一個，如點選特色湯底可考慮補回差價。今趟選了一個平實的蕃茄薯仔湯底，頭湯酸感較強，及後經過多次添加（上）湯及煮過火鍋生料後，湯汁甜度增強了不少，味道更見平衡。精選二人餐內含多款生料，擺盤以 High Tea 層架盛載，既美觀，亦省卻不少放置食材的位置。最上層放有多款丸物，手打蝦丸及墨魚丸用料認真無欺場，口感彈牙，蝦香墨魚味皆出眾可口。黑椒牛根丸及手打鯪魚丸質感略實身，食味一般。及後追加一份招牌手打蝦丸及芝士墨魚丸雙拼，芝士墨魚丸的芝士含量不算多，給力不突出。中層放有兩款海鮮食材及雲吞水餃，海鮮分別是聖子及青囗各兩只。聖子體型中等，用料都算新鮮，清甜帶爽，只是吃到少量沙粒，有點美

平時食開一個價錢任飲任食既火鍋店，而今日就入到黎九龍城，同S先生就入左呢間名叫「牛精皇」既火鍋店打邊爐!.店內環境唔大，坐位唔多，不過有LCD大電視，一邊打邊爐一邊睇電視都唔錯。而家既火鍋店，大多數都提供埋各款身拼盤，不過呢度連生蠔都有呢。.睇左陣餐牌，可以選擇散叫或套餐，套餐分別有「優惠2人餐」$328、「精選2人餐」$528。研究左一陣就決定左要後者，對比散叫，感覺比較化算，再散小妹至愛既既芝心丸同響鈴。.「精選2人餐」$528，包括11款食物，另包一款$68既湯底 (沙嗲、清湯及芫茜馬蹄皮蛋鍋)，要其他湯底就要再補差價。其中一款招牌牛精鍋 $198，鍋內已經有金錢牛肚、牛肺、牛尾、牛腩、牛孖筋和牛膀，真係第一次見呢款湯底，感覺相當特別。.醬料費，每位$18，收費稍高。.火鍋材料用上鋁盤三層架，感覺慳位之餘又特別，材料都擺放得美美的。.沙嗲鍋呢度既沙嗲湯底係小妹食過最濃味既，就算唔點任何醬料，所淥既食材都已經好夠味，個湯底真係好香好惹味，仲見到入面有埋蝦米一齊熬，好足料。.頂級手切肥牛色澤紅潤，紋理分別，淥一淥就食得，牛味濃，肉質頗嫩，唔錯。.極品安格斯牛肉粒店方話牛肉粒會愈淥愈腍

食物除咗好食之外，賣相同樣非常重要，尤其想要喺云云食肆當中，要突出自己真係要多花一點心思。經朋友介紹之下，今次來到了九龍城的「牛精皇」，對我來說地點不算方便，由中環坐101到九龍城，基於塞車的關係也需要一小時了，而餐廳離車站亦比較遠，加加埋埋也要花個半小時才到達。來到門前，招牌還真霸氣呢，大大個牛頭突了出來，絕對是方便易認店內環境不大，好像有上下兩層，用了梳化型的椅子，雖然環境較窄，但尚算舒服看看餐牌，共有15款湯底，最具特色的必定是招牌牛精鍋，當中包括了：牛肚、牛肺、牛尾、牛腩、牛孖筋及牛筋。超多配料呢！另外還有蕃茄牛尾湯、海底椰豬肺、松茸豬肚雞及冬蔭公湯等特色湯底2人套餐有兩款，分別是$328的優惠套餐及$528的精選套餐。一看之下，高下立見，明顯精選套餐比前者吸引多了～除了特色牛肉外，還有各款手打丸、海鮮及餃類～就選這個吧～可多試幾款食品～當然還可以散叫，有牛精皇、海鮮、刺身、丸餃類、蔬菜、豬肉及麵食類飲品方面，有18款選擇，當中有啤酒、汽水及涼茶。記得記得！即場like佢地facebook可以免費送野飲！兩個人都節省到$30蚊㗎啦！！落單後，店員再取出一個木𣕧字，有生蒜、炸蒜、