K2 Kitchen (已結業)

近來經常去觀塘搵食，皆因平靚正…每次打開OpenRice，觀塘工廈既選擇係多到眼花，個個食評都好似幾好，有D食評係堅、有D係流…真係睇你好唔好彩！今次呢間K2，係近期係觀塘搵食中伏既一間…入去地方算幾寛趙，有窗但係唔開亦睇唔到出面，變左有少少局促，環境就好一般。待應有禮有笑容，餐牌選擇都唔少，左度右度，叫左個威靈頓牛柳Set。北海道甘蝦伴蘆薈沙律﹕無咩難度既一款菜，最緊要隻蝦夠新鮮大隻鮮味，就無得輸。好少食到蘆薈做既沙律，對我黎講，幾清新！牛肝菌榛子茸湯﹕牛肝菌一向菌味濃郁，呢個湯論菌香都好正，就係唔知佢點解用榛子茸………..食唔出榛子味，榛子本身味道唔突出，唔知佢係呢個湯既角色係咩！個湯口感就麻麻地，滑就滑但有少少稠過頭。仲有佢個Bread Stick.......韌既，極唔新鮮，又唔番焗！ 威靈頓牛柳﹕Well，呢個絕對係有少少難度既菜色，出面好少有得食，又好多有得食但做得唔好，呢間都唔例外，牛柳過熟，少少韌，牛味欠奉，墊底酥皮亦都濕透，處理得唔好。配菜又比佢裝飾一輪，好睇唔好食。黑白朱古力慕士﹕賣相係好靚，但慕士食唔出有朱古力味，應該都唔係用靚朱古力！餐飲熱朱古力，當然係大路朱古

之前食過 I Kitchen, 都覺得幾好食, 今晚黎試埋佢既姊妹餐廳 K2 Kitchen, 仲要有人請食飯, 期待呀...餐廳裝修以黑白灰為主色調, 燈光較暗, 走型格路線的~~也很喜歡掛在牆身既白色動物頭掛飾, 感覺好特別又不浮誇, 不竟是在工廠大廈內的餐廳, 坐位份外寛敞, 還有舒適既皮梳化, 坐得非常舒服~~ 牛肝菌榛子茸湯很喜歡飲較 Creamy 既湯, 入口陣陣香濃既牛肝菌味, 還食到細細既榛子粒, 非常有嚼口, 上面還配上鬆脆既餅乾條, 點小小湯食仲正~~北海道甘蝦伴蘆薈沙律認識我既人也知我是一個海鮮控, 特別鐘情於蝦蟹的, 見到甘大隻既蝦, 我影左一張相已經一啖食左佢落肚了, 蝦不單止大隻, 而且肉質仲超鮮甜又爽彈, 但得一隻真的到喉唔到肺, 好想食多幾隻呀!!原隻波士頓龍蝦龍蝦開成兩邊, 龍蝦肉上塗上薄薄一層牛油及配上小小松露去烤焗, 賣相吸引, 肉質厚實又彈牙, 蝦膏又夠肥美, 好滿足呀~~焗墨汁海鮮飯呢個海鮮飯非常豐富, 底是黑黑的墨汁飯, 上面放滿了帶子, 蝦, 扇貝, 青口及魷魚, 旁邊還有沙律醬用作增添鮮味, 碟邊還配上伴菜, 視覺感一流~~我試了帶子,

近年工廠區內的西餐廳興起得十分快，以官塘黎講每棟大廈都可以找到西餐廳。之前朋友試過K2 KITCHEN就跟我介紹。今日放工就黎試試係咪朋友形容咁好味。牛肝菌榛子茸湯第一口飲落去牛肝菌既味道已經湧入口腔之中，牛肝菌濃郁細緻既味道恰到好處，配合了榛子茸令到湯十分幼滑，不單豐富了口感亦沒有搶了牛肝菌既味道。黑魚子鮮蝦忌廉蛋十分精緻的一道前菜，蛋白上滿滿的黑魚子，黑魚子本身有點咸，但加上幼滑既蛋白就可以互相溶合，達到了一個十分理想的效果。蛋中還有鮮嫩的鮮蝦跟半熟的流心蛋黃，食完上層的蛋白再食中間的蝦和蛋黃，味道更加鮮美。甘蝦蘆薈沙律沙律的蔬菜十分新鮮，已是沙律最重要的部份。要讚一下的是甘蝦好大隻，而且肉質十分CREAMY鮮甜，食完真係想叫個甘蝦刺身既衝動。有骨黑豚豬鞍有骨黑豚豬鞍近骨部份的肉亦料理得十分幼滑，但我更喜歡的是旁邊有肥肉的部份，燒完之後沒有一絲的油膩感覺，加上瘦的部份一起食，油脂的部份令肉質更加香濃滑漏，而且更加豐富了口中的質感。這是要厚切才可以感受到的滿足感覺，就算唔喜歡食肥肉既朋友食完都會愛上佢。

作為一個偽術家，餐廳除了食物味道外，食物賣相絕對能左右我會否光顧她。見到賣相精緻的食物，正所謂先入為主，未吃已感到賞心悅目。當然如果味道跟外觀有太大差距，最後只會落得敗絮其中的評價，食客受騙了一次，下次也不會再上當。但最近在友人介紹下，就發現了一間食物賣相吸引，味道也沒有令人失望的西餐廳。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊K2位於觀塘巧明街，距離港鐵站僅五分鐘路程，穿過APM就到，非常好找。由於餐廳隱身在一棟工廈內，而該工廈於晚間時段都要登記訪客身份證的。甫步出電梯，左手邊就見到從黑暗中發光的食店招牌。餐廳裝潢雖簡單，黑色牆身配上白色動物頭造形的裝飾，天花簡單掛上黃色紗巾，但半明半暗的環境卻顯得頗有格調。店內座位也算寬敞，約可容納60位食客。每張枱上也有蠟燭以增加氣氛。晚餐有六款選擇，包前菜、湯、主菜、甜品和餐飲，價錢由$188至$258，價位尚算合理。如果六款晚餐仍然不合心水，餐牌內也有數十款主菜可單點，只要加$48亦可轉配套餐。 北海道甘蝦伴蘆薈沙律前菜有兩款選擇，我跟朋友就各點了一款交換試試。北海道甘蝦蝦身粗如成人手指，入口非常鮮甜，肉質帶點爽彈，蝦只

同朋友慶祝生日， 因為朋友係觀塘返工， 佢就提意去觀塘d工廈到食。佢搵左呢間都近地鐵站，行左幾分鐘就到。由於一早book左台，所以唔使等就有位。其實我地平日夜晚黎，間餐廳都唔full。呢到有得散叫同set dinner，每個set大概200 ﹣ 250蚊到，同朋友慶祝生日所以食豪d，我同朋友一人叫左個set dinner。頭盤我地要左北海道帆立貝同北海道甘蝦沙律： 帆立貝好新鮮好大粒，用牛油煎得好香，加埋d芝士，好好食﹏（個紅菜頭汁唔重味，我唔好紅菜頭都覺得幾好食）甘蝦好甜好彈牙，差d忍唔住自己食曬一隻，唔留比朋友另外，因為我地太愛三文魚，所以加左20蚊食個三文魚。去三文魚好新鮮，又夠厚身， 真係令作為刺身迷既我慾罷不能。食完頭盤，仲有個湯。我地叫左個牛肝菌湯同南瓜湯兩樣一齊試下：個牛肝菌湯好夠味，有少少榛子碎，幫個湯加番少少口感。個南瓜湯好甜。主菜我地叫左威靈頓紐西蘭牛柳同埋焗原隻波士頓龍蝦。威靈頓牛柳係普通西餐廳比較少有， 令同樣係嗜牛既我地都想試下， 出面個酥皮比較薄身，配埋塊牛食岩岩好，不過個人覺得塊牛有點兒生，我鍾意熟少少既牛。個龍蝦真係不得了， 一眼睇落去以為甘細隻，無咩肉

係觀塘工厦四圍找找、梗有一間合心水餐廳。友人最近發現了一間食物高雅而價錢平宜的介紹給我了。我一向行動最實際、馬上出動了。装潢不算豪華、有舒適感覺。翻看餐牌、總覺得散叫太麻煩了、套餐最方便、懶人之選。燒有機紅菜頭伴羊奶芝士、北海道帆立貝、檸檬泡沫帆立貝鮮嫩的口感涌上舌尖；清甜的紅菜頭跟羊奶芝士配搭一流。但鮮奶打的檸檬泡沫沒有多大作用。黑魚杍鮮蝦忌亷蛋賣相高雅、香濃嫩滑的温泉蛋、混入濃郁黑魚杍和鮮甜爽脆的鮮蝦肉粒、口感層次複雜、太棒了。牛肝菌榛子茸湯細膩濃稠的湯底、牛肝菌獨有的香氣浸入其中、還有粒粒碎榛子的口感、控制不了、全喝清光。焗原隻波士頓龍蝦、配牛油松露醬龍蝦Q彈鮮嫩、芝味濃郁、可惜牛油松露醬被蓋過了。蘋果批伴雲呢拿雪糕蘋果批皮如再酥脆一點點就更完美。玉桂的香味帶出了蘋果的清甜、讚不絕口。Cappuccino整體食物水準中上、價錢又合理、難怪基乎爆場…啦！

去工業大廈開飯最擔心是摸錯門釘, 門口牆身貼上所有的餐單, 一入門已見到一塊搶眼的光管招牌, 知道一定沒有搵錯, 可放心, 哈! 內裏燈光柔和, 裝上數盞不同款式的壁燈, 還掛上一串閃閃的燈串, 而每枱也點上蠟燭, 蠻有情調。店子沒有花巧的擺設, 只是牆身掛上三幅有趣可愛的油畫, 感覺平實舒服。內裏地方寬敞, 預設多張四至六人枱, 亦有數張二人枱, 情侶、三五知己至大家庭也適合, 配上闊落的椅子, 亦有一排長梳化座, 坐得舒適自在。急不及待細看餐牌, 分散點和套餐。散點分門別類, 有前菜、湯、小食、多款主菜、甜品和飲品, 而晚巿套餐共有五道菜, 包前菜、湯、六選一的主菜、甜品和餐飲, 價錢視乎所挑選的主菜而定, 介乎$188-$258, 再加$20還可從三款小食中選一款, 以此定價足足有六道菜, 價格相當合宜, 那一於齊齊點套餐吧!******************************各選心頭好之後, 店員向我們極力推介新鮮運到的托托蜆, 其實一早已在門口的黑板上看中此菜式, 那一於先來一客白酒者紐西蘭托托蜆 ($108/6pcs)。一客六隻, 隻隻肉厚肥大, 很有份量。托托蜆