磊犇 (已結業)

火山石上碟嘅牛牛🐂，作為肉食獸必須食番餐勁嘅！鋪頭門外，已經聞到好厲害的牛味牽！門口有售票機🎫，我立即㩒㩒㯲🤏點了牛肩肉和西冷排，個餐包咗沙律、湯、飯同飲品...等牛到！牛排來了，分量夠、肉質新鮮幾靚下！沙沙聲，我忍唔住....落刀了🔪！上枱是一成熟不調味的Rare牛🐃，可以由生食到熟，3成開始食到7成，各有風味！ 西冷瘦D，肉質嫩，有🉐️咬下！牛肩肉會肥D，有油香！我把牛排切成一口牛，每口都係外焦內嫰⋯⋯好正！餐廳預備左好多香料，任我點!有得玩有得食，俾我發揮唯一的廚藝👩🏾‍🍳⋯正斗！

今日黎試下一路都未試過既石燒牛，呢度門口有部機可以點餐好方便。牛肉主打有西冷牛扒，牛肩肉，同磊牛扒，分200g, 300g, 400g. ✨仲可以免費任添白飯，麵豉湯，泡蘿蔔，泡菜，沙律。✨落單果時唔醒起有野飲仲叫左汽水～呢度有幾款凍飲，又有抹茶粉可以沖茶。 試左菊花茶同埋洛神花山楂茶都唔錯，鍾意佢味道清清地唔會太甜。✨個湯好夠味帶點咸鮮，酸蘿蔔我真係好鍾意食，特別係食完肉可以清下油膩感，仲可以任食添😝。沙律如果唔夠味，枱面有胡麻醬可以自己加。✨300g 牛肩肉（$110): 估佢唔到係超大舊，一黎到熱到炸炸聲d 油超勁，記得拎番條圍裙。呢舊牛大到😂鋸到手都軟，要襯佢仲熱整熟晒佢先。 ✨呢個價錢真係超值，個牛牛味超濃，點埋d 醬汁勁好食。呢度幾款醬汁真係好正，特別係黑椒汁同埋照燒汁，用黎撈飯點肉超惹味，加埋玫瑰鹽好好味，添左兩碗飯😝。✨300g 對我黎講實在太多，切切下有成兩個碗咁多既牛，女仔我覺得200g都夠，呢度性價比高～想食牛實再encore.

男朋友收工話帶我食好嘢，於是我哋就嚟咗呢間石燒牛專門店，嘆塊靚牛扒～聽聞開業無耐，已經好多外國遊客過嚟幫襯，皆因佢嘅牛扒出名大件夾抵食！呢度主打自助形式，沙律前菜、麵豉湯、白飯同埋三款唔同嘅凍飲（洛神花山楂茶、菊花茶同埋綠茶）都可以任拎，最啱就係大胃王過黎食！唯一同其他食燒牛專門店唔同嘅地方係，呢度所有嘅石燒牛都要自己去拎，而唔係服務員幫你拎，呢點大家要留意啦！我就叫左牛肩肉300g($110)，肉質較軟稔，雖然牛味相對磊牛扒黎講會淡少少，不過食落就無咁油膩，食多幾舊都唔怕～男朋友叫左磊牛扒400g($130)，油脂比例較多，雖然肉質相對結實，但牛咪十分濃郁，正！

之前一直冇食過自助式嘅石燒牛扒，因為定價唔平，得嚿扒自己燒，先唔講無任何烹調技巧可言，而且仲覺得唔會用上什麼靚肉俾你。但朋友話真係好想試😂，叫我陪佢食晏try try。難得星期五就出去旺角食，上網一search石燒牛就見到”🗿石石石牛牛牛🐮”呢個名，就俾佢吸引咗哈哈，餐廳位置其實都幾近太子始創嗰邊。店員姐姐喺門口落力宣傳，一入去原來就要點餐同比錢先，再搵位坐等取食物。餐廳基本上係全自助模式，老實講都幾方便。餐廳主要就係食牛扒，但lunch time都有提供石鍋飯，多個選擇。不過我哋一早都決定咗要牛扒🥩㗎喇，呢到主要分3種牛，分別係磊牛扒、牛肩肉同西冷牛扒，每隻都可揀200g、300g或400g，我對重量呢方面無乜概念😂。我哋要咗一份300g牛肩肉($110)同一份200g西冷牛扒($128)，西冷就算細嚿啲都貴過大嚿啲牛肩肉👀。而食完後我發現一分錢一分貨係無錯嘅，西冷係明顯好食啲，牛味濃郁！但牛肩肉都幾好，係有少少邊位韌咗啲。兩嚿肉都比我想像中好食，就算無點醬都唔會話無味，但當然有醬好食啲，點燒汁好正，送飯一流😋。300g牛肩肉非常厚身高身啊，好彩牛扒一出時廚已經將外層煎得熟啲，如果唔

第二次食石燒牛，今次知道要快手切割，因為牛肉比較快熟，熟咗就唔好食😣牛肩肉200g $88勁厚肉！200g雖然係最細嘅份量，其實對於女仔來講已經夠~ 兩邊煎後再切開微調熟度，切開見到脂肪分佈尚算平均，咬落有啲靱，可能係牛肩肉嘅關係，於是我再試吓唔同嘅熟度，切開一粒粒再煎下兩邊原來係會比較好食！牛肩肉牛味比較濃，有嚼勁西冷牛扒300g 西冷牛扒冇牛肩肉咁靱，易咀嚼，而且都係好厚肉，要切開再煎一煎，不過過熟就會好難咬，要注意⚠️有自助沙律🥗泡菜，面豉湯，飲品，飯飲品一般，麵豉湯比較好，泡菜都好食，送飯同牛都好適合😋 $100左右就食到牛扒，都算抵食！

   自從上次食過石燒牛之後，一直念念不忘... 就算去到沖繩都係食石燒牛😂上個星期去旺角做嘢經過又比我見到有石燒牛食，又衝入去食😋 今次食呢間磊犇，分西冷、牛肩、牛扒，有200-400g揀，岩晒細食/大胃王。 同其他可燒牛一樣都係比較自助式形式，呢間就有菊花茶飲😋 差唔多一樣嘅價錢，磊犇件扒就大件d, 相對抵食d, 但就要自己去拎個餐（都幾重），我同朋友都揀咗牛肩肉，肉質軟滑，有濃濃肉汁，配埋佢個燒肉汁，好正😋😋😋 淨食200g已經飽飽😍又一抵食好味之選，下次再定再嚟！！！

石燒牛開到通街都係，誤打誤撞入咗呢間，以自助形式俾錢，又幾好食喎😆！佢有三種牛扒同唔同gram數你揀，包括西冷、牛肩肉同磊牛扒，我就揀咗300g牛肩肉🤤300g一個女仔食啱啱好，肉質比我想像中好而且多肉少肥，一向食得生既我燒到佢3成熟左右，食落真係啖啖肉，建議大家點燒汁，甜甜地幾襯塊扒架！仲有就係佢沙律、白飯、湯仼添，沙律就有d頹既，菜唔算好新鮮。❗️大家記住攞盤既時候小心，啲油會不斷彈出好滾。同埋著白色衫記住去門口位攞件既棄圍裙，如果唔係一定彈到成身係，又臭又污髒❗️

聽講依排興石燒牛🤔隨波逐流嘅我梗係要去一試究竟😌-🥩牛肩肉(300g) $110300g真係唔係講笑 超級厚身🐮牛肩肉係非常之軟腍腍一咬就咬開到啲肉 口感一級棒👍🏻切開見到中間啲肉仲係紅紅地啱哂鍾意食偏生嘅我🤣鍾意食熟啲嘅都可以自己慢慢燒到你想要嘅熟度-🥩西冷牛扒(200g) $128西冷牛扒係依度relatively貴啲嘅選擇🤔(雖然其實都係百幾蚊🤣)但佢嘅牛味係真係重啲 充滿肉汁對比起牛肩肉 西冷比較有嚼勁😗-客人叫完牛扒會有個小自助bar有得任食沙律任添白飯雖然環境唔係咩高級餐廳但以依個價錢可以食到咁有份量嘅牛扒性價比真係幾高🤩

放工後和友人，來到旺角磊犇，店外已經聞到香濃鐵板牛味。先要在門口位自助售票機買飛，可以選擇適合自己的牛肉類型同重量。牛肉類型總有三款，分別是：磊牛扒、牛肩肉和西冷牛扒，重量由200-400g可供選擇。除了牛扒餐之外，還有石鍋拌飯餐可以選擇。餐廳只會收餐價，而自助沙律、飲品、飯、麵豉湯都是免費任飲任食。我選牛肩肉200g，而友人選了200g的西冷牛扒。買飛後就可以拿提示機入內坐，可以穿上店家細心準備的圍裙，以免彈到成身都是油。飲品方面有洛神花山楂茶、菊花茶、綠茶，而我自己就選了菊花茶，有淡淡的菊花味，可以清熱解毒又解渴~枱面上有三款醬汁：芝麻醬、燒汁、黑椒汁，還有胡椒粉和海鹽，調味料齊全！取完餐時發現鐵板牛上會有一張紙蓋住， 可以讓客人覺得沒那麼多油彈起才揭。我吃的牛肩肉厚身，肉質軟淋，牛肉味重。切開牛扒後更可以利用石板熱力，煎至自己喜歡熟度。友人的西冷扒:比起牛肩肉更腍身易切一點，入口亦不會韌，牛肉味濃，油香強烈。而且自己更可以利用枱面上不同的調味料，配搭自己的牛肉，讓自己味蕾得到多重滋味﹗這是自己第一次嚐試鐵板燒牛，餐廳牛香氣撲鼻，感覺有趣過癮。

最近大熱石燒牛扒，各區都有多間不同品牌的專門店，今日早利亞就到旺角磊犇試試。首先到門口的自動點餐機選擇你喜歡的牛扒，分別有磊牛扒，牛肉有嚼勁，雖然中間有條筋，懂得切法都一樣美味，牛肩肉，比磊牛扒多點油份，肉質腍滑，有肉味，最後是西冷牛扒，油花最多，肉味最濃郁。每份重量分200g，300g 及 400g，價錢由 $70 至 $220，任君選擇。早利亞點了牛肩肉 300g $110，取提示器後便入內搵位坐。飲品及沙律盤也是自助形式，沙律新鮮爽脆，加點日式芝麻醬更可口。飲品方面有洛神花山楂茶、菊花茶及綠茶，而不喜歡凍飲的可以用綠茶粉沖熱茶，濃淡自己控制。取餐處附近有餐具及圍巾供應，本來早利亞都唔想用一次過的紙圍巾，但因為200°C高溫火山石板真的會煎到牛扒彈油，為了保護自己同件衫也無辦法。海帶麵豉湯鹹味中帶有點味噌的豆香，入口不過鹹，白飯當然也是任添。不一會兒，牛扒已準備好，醬料也有三款，燒汁、黑椒汁、芝麻醬，還有即磨粉紅岩鹽同黑椒。牛扒以1成熟上石板，由食客利用熱石板煎熟牛扒，可自由控制牛扒的生熟度。快手影完相，早利亞便開動了，先切開牛扒，煎熟牛扒表面鎖住肉汁，要手快喔，怕太慢牛扒會過熟。

石燒哩個玩意其實好耐之前已經出現過，不過興咗一排就消失咗。最近又捲土重來，遍地開花。磊犇舖頭位置都幾方便，喺最旺嘅旺角同太子站之間。招牌紅噹噹咁都好易見到，行近門口就有位好熱誠嘅姐姐問：「唻唔唻試吓石燒牛扒？」好，就試吓啦。一入門，坐低前有部自座落菜機，揀完要嘅牛扒後，就去收銀度俾錢。塊牛扒準備好就會要你去出餐處度拎。但一坐低姐姐ss已經好熱情咁提醒可以拎圍裙、另外自助吧有白飯、麵鼓湯、沙律同飲品，都係任你添加。搞掂晒牛扒都已經拎得，因為舊石係超熱(應該比鐵板更熱)，所以塊扒都燒/煎到吱吱聲，餐廳都好貼心咁用張紙蓋住，唔係都唔知點拎番位。調味(粉紅鹽、黑椒)、燒汁同黑椒汁都喺位對上調味架，好方便。牛扒本身兩面都煎過吓，諗緊會唔會overcooked時，切開中間仲係好生，即係要幾熟都可以自己話事。牛肩肉就比較好咬，牛味都還可以，磊牛扒係最抵食夾大件，400g連牛魔王都夠食。講真百零蚊包咁多嘢，同石燒個份氣勢，絕對值得唻玩吓！題外話，大熱天時，同埋個個煎牛咁大味，難得餐廳冷氣個火力好足，唔會滴住汗食之餘仲唔會成間舖都一陣味咁，哩點抵讚。

近期非常流行的石板燒 其實又係少人手 減低成本 如果有良心老闆就會將人手成本轉到食物成本 就對於我只是想食好嘢但又想經濟些的人至愛首選。這間店是否做到我的要求要试過才知道结果是完全做到的。牛扒没有seasoned 最怕用化學成份。又唔係份子料理 越Raw越好。不過取餐要小心石板非常之熱而且有油彈起穿圍裙保護吓 ，牛肩肉價錢合理可以講超值所以有機會sold out

過海前喺太子醫飽個肚先近排真係要有氣有力先可以撐到最後💪 太子新開左間石板牛，好似日本咁喺塊人咁高既電子屏幕落單，一目了然👍除左食牛外，仲有免費任飲、沙律、白飯及味噌湯任食😋-☆ 牛肩肉 300g HKD$120上枱超級澎湃，差唔多有2個拳頭咁大，高度有成3隻手指😲😲 超！級！震！撼！大大舊放喺石板上，熱力唧唧聲好好聽🤗 見到表面四周漸漸變成褐色，但切開內裡仲係生嘅，明顯見到肉既紋理，感覺十分療癒💕 牛肩肉質地厚實，富有彈性，煎至7成熟剛剛好，中間未熟部分軟綿綿，切開見到超級多油花，肉汁亦非常澎湃湧出，超正性價比極高👍👍-☆ 西冷牛扒 200g HKD$110石板既高溫將牛肉表層急速收縮，令肉汁牢牢鎖喺肉既裡面，肉質鮮嫩而且爆汁，非常好味！西冷既油脂比牛肩肉更多，每食一啖成個口都充滿牛脂香味💕-▪小小建議：因為石板keep住一路燒一路高溫，塊肉會好快表面變老但內裡又未熟，所以將巨型牛肉親開逐小塊燒，就唔怕越食越老越乾，生熟程度更加平均。自己慢慢控制生熟度，其實只要加少少黑胡椒同海鹽，就最能食到牛肉既鮮味。

旺角有新開 「石燒牛」店，据扒新體驗！.走過西洋菜南街，見到有好多花牌，想必是新店開了，喜歡到處尋寶的我當然去試試看。.噢，原來是石燒牛店（有人知道磊犇讀音是什麼嗎？lol）是一個新特別的据扒經驗，一塊牛扒在很熱很熱的石板上煎，隨你喜歡多熟、怎樣切、如果調味...... 簡單來說，是好玩又好食的「下廚」。.首先是選牛排及重量。有三款牛選，最便宜的是「磊牛扒」、然後是「牛肩肉」，最貴的是「西冷牛扒」。可以選200克、300克或400克的。最便宜的$70港幣就有，而且不收加一，又任食飯、麵豉湯、沙律和飲品，it’s a good deal!.付了錢，當然快快去拿免費的湯、沙律及飲品。以自助形式去，食多點都 no problem，而且質素都很不錯呀！.飲品有三款，包括有-洛神花山楂茶（I like this，很特別，酸酸地甜甜地，開胃）-菊花茶-綠茶.我點的是牛肩肉和西冷，都是最少的200克。全都很香牛味，很juicy，感覺新鮮，是用上高級的肉呀，與出面高級扒房的質素差不多（高質）。.扒扒「出世」已散發陣陣肉香味，用紙蓋著，防止油彈出來。記得先拿一個圍裙！.已經忍不住偷看牛牛... 嘩，厚切