憶食尚臘味煲仔飯

營業中

休息中

成個冬天都未食過煲仔飯，煲仔飯真系大家喺冬天嘅恩物，熱辣辣出煙仲加埋可以自己任揀吾同款式嘅食材，確實好吸引🤤講到煲仔飯佐敦廟街就街知巷聞，但都吾代表其他地方整出黎會冇高質素。以食煲仔飯黎講，環境真系好高級😍深藍色同淺色嘅枱櫈更顯格調。講到呢度最出名嘅就緊系煲仔飯，店名都有得你叫，但除咗煲仔飯當然仲有其他野食，2人餐同4人餐包含嘅菜式尚算豐富，除咗煲仔飯仲有黑松露雞煲，食材高級🤩然後到餐廳嘅招牌菜，煲仔飯，好令人期待！試煲仔飯之前試咗小菜先，本身好鍾意食香口野，嚟到呢度梗係整返個椒鹽一口脆豆腐💥表面有大量嘅椒鹽，好香脆可口，豆腐外皮又系脆卜卜👍🏼入面就好滑。特色臘味煲仔飯，材料系充滿港式風味嘅臘腸、臘肉同埋板鴨，一講到臘腸一定諗起某隻好傳統牌子，xx臘腸，家家讚賞😆甜甜哋真系好可口！臘肉即系五花肉部分，入口較油膩，啱重口味嘅人食😆板鴨口感實在。幾種材料加埋豉油更滋味。

秋風起，又係食煲仔飯嘅時候喇。😜做下資料搜集搵下邊度有好味嘅煲仔飯食嘅時候，俾我搵到佐敦E一間高級煲仔飯餐廳！平時食煲仔飯可能都係啲市井少少好似大排檔咁嘅地方食，配上高級典雅嘅餐廳又係點嘅感覺呢？一於就去「憶食尚臘味煲仔飯」體驗下！😎餐廳入邊格局非常高雅，好似去咗高級嘅中菜館一樣。店員殷勤招呼，令我留下深刻嘅印象。點咗一份特色臘味煲仔飯同一份手工黃金麵。手工黃金麵即整即上，非常脆同香口，賣相金黃色好靚。嚟到主角煲仔飯，由店員奉上並且落醬汁兜勻佢。熱辣辣又香噴噴，又可以試到幾款臘味，痴住飯鍋嘅飯焦都係脆卜卜，唔錯唔錯👍🏼

小妹好鍾意食煲仔飯，但係香港其實除咗陳x記比較好食之外，廟街果啲認真麻麻地，係open rice 搵到呢間評價超高既煲仔飯當然要嚟試吓啦第一次食煲仔飯咁高級好似去咗高級餐廳咁菊花茶超香，每一啖都充滿菊花既香味拔絲菠蘿生炒骨個汁做得好好，每粒都包圍住滿滿既醬汁蒜茸菜心呢度連碟菜心都精緻過人山長水遠嚟到梗係要食佢哋嘅招牌菜特色臘味煲仔飯啦一上枱就已經聞到超香每一粒飯都晶凝通透，每一粒都充滿口感煲仔飯既主角嚟啦（飯焦）每一啖都脆卜卜食完係口入面仲停留香味，呢餐飯真係小妹食過最貴但最好味既煲仔飯

呢排食得太多西餐，今日就去食下港式美食炒小菜！喺佐敦附近發現一間幾有特色嘅餐廳「憶食尚」，雖然有少少西式嘅裝修，但竟然主打煲仔飯！我哋叫咗：椒鹽一口骨$76呢味餸幾有特色，人哋一般都係椒鹽鮮魷，而佢就係豬肉炸完再用椒鹽炒，好夠鑊氣！而且椒鹽好多好香！正❤️特色臘味煲仔飯 $148價錢雖然看似比一般貴，但佢用料都非一般，一排臘鴨，一排臘肉，一排臘腸，令到飯好香，好重油味，加上火力平均，成個底都係飯焦，卜卜脆勁好味！😋食完真係唔覺得貴☺️時令蔬菜 $68今日嘅時令蔬菜係上湯蒜蓉娃娃菜，娃娃菜好入味，湯亦唔喊，幾清甜😉總括嚟講雖然餐廳位置唔係太就腳，但下次我都會特登嚟再食，因為性價比幾高，小菜來講算有質素，煲仔飯亦做得出色，環境又舒適，抵讚👍🏻

👧🏻Wodafoodie in Jordan佐敦近柯士甸有一間行高檔路線既煲仔飯專門店，成間餐廳由裝潢至食具都有種高級西餐既感覺，好似去左酒店食野咁，第一次係地舖食中菜都食得咁high class😍😍✨🥘特色臘味煲仔飯 $148 (中份)一打開 臘味既香味撲鼻而來！ 三款臘味：臘鴨、臘腸、臘肉，排得好整齊好靚！店員會幫手灑上蔥粒、淋上自家製醬油，再幫你攪拌，好細心的服務！💛臘鴨帶皮肉質較實味道偏鹹，臘腸偏瘦但好入味，臘肉肥瘦適中香口無比，配上已經吸曬臘味油香既白米飯，真心好高質好好食😍😍😍😋！！！要特別一提佢個飯煲得岩岩好，飯粒條條分明，熱度同烹製時間控制得岩岩好，煲底係有香脆唔會燶既飯焦，食落脆到好似食緊薯片咁好正🥰🤤 而且好容易就刮到出黎，成煲飯都食得到唔會浪費煲底既飯，呢樣真係做得好好，值得一讚，真係我食過最好食既煲仔飯☺️👍🏻👍🏻✨🐥川椒麻辣雞煲 $98個麻辣同花椒香味一上菜已經聞到😍😍店員又會細心幫你攪拌，雞件同醬汁配合得天衣無縫，醬汁香濃，麻而不辣，雞件仲要熱左咁耐都仲好滑！配菜甜椒洋蔥都煮索曬d汁好入味但又唔會過分油膩，好好食！😋😋✨🥬白灼菜心 $68唔記得走油，但好彩都

呢間我之前見到有foodie推介 好似好靚咁 已經想去試🤤前幾日黎開呢邊有機會就終於去咗食 我覺得佢環境真係幾舒服 同埋佢煲仔飯個價錢係貴啲 但係其實一個真係可以夠兩個人食 所以除翻開都算OK😎·特色臘味煲仔飯 $148我覺得呢度個煲仔飯都幾值得試😍😍佢啲臘味係真係食得出用料好靚 佢個油脂真係好好🤤我最欣賞佢個臘肉 個調味岩岩好 而且個肉嘅質地都好好 之後個臘鴨 我自己都係第一次食 我就覺得佢好似有啲啲太咸同埋有啲啲un🙊不過我唔係好知臘鴨係咪本身係咁😂😂之後佢個臘腸都超特別 佢係有用茅台黎整 所以食落去真係會有酒香😈我食嘅時候話有酒味 我男朋友仲喺度覺得我亂吹 之後我哋一睇 發現真係有用酒醃🙄🙄·芥菜排骨煲 $98呢一個係個Staff推介我哋嘅 話我哋如果兩個人食一個煲仔飯加個菜就啱啱好 所以我地就嗌左😎我覺得佢個芥菜都整得幾好食 不過入邊啲排骨就肥左少少 好多肥膏🤭🤭個湯我自己幾鍾意 佢係有啲胡椒豬肚湯嘅感覺 超濃郁 我哋飲晒成煲🤤🤤不過又係飲到最底會有啲鹹 果然都係老師傅野😂·#rbyeat#rby港式#rby佐敦·📍佐敦文匯街22-24號地下2-4號舖

天氣有啲凍最啱打邊爐或者食煲仔飯😆呢次就約咗幾個frd去佐敦食呢間比較「骨子」嘅煲仔飯門面係咁嘅，就咁睇仲以為係酒樓入面係咁樣😂 好似cafe咁，仲好好坐辣辣地嘅乾煸四季豆雞髀菇，好惹味呀炒蛋又香又滑本身已經好出色，辣味唔係好明顯，適合初次食辣嘅人試川味臘腸比港式少脂肪，肉質無平時食開嘅臘腸咁鬆，反而多咗啲咬口，味道有啲似西班牙風乾臘腸，好食😍到當晚主角-煲仔飯呢個係特色臘味煲仔飯，有臘肉、臘腸同臘鴨，臘味味道唔會過鹹，食感亦唔會好膩，臘鴨無腥羶味，唔錯店員仲會幫食客用大匙羹刮起飯焦，可以一啖食到富有嚼勁嘅白飯同帶甘香嘅飯焦👏🏻另一煲香菇滑雞煲仔飯😍 都係咁好食，連埋薑絲一齊食真係暖在心頭酸辣湯底夠酸又夠辣，個辣味開頂係香辣，之後會慢慢變成好麻嘅辣 好有層次手工空心粉有啲煙軔，幾香麵粉味，值得試吓

Lunch hour落到街都覺得好凍...同事話不如試下間臘味煲仔飯~望住個餐廳名, 心諗:唔叫臘味煲仔飯都過意唔去啦~所以問左店員有咩推介之後就叫左"特色臘味煲仔飯"、"一見鍾情(海鯧魚)" 、"清蒸土豬"~我們坐係地下個層~有個落地玻璃可以望住出面~Lunch hour個陣,陽光輕輕咁曬入黎~都幾舒服清蒸土豬幾得意, 不過有層脂肪係中間, 配個豉油好好食, 我覺得個豉油好出色!雖然食唔出除左豉油仲有咩, 不過相信唔只係豉油, 應該有溝其他醬油!~"一見鍾情(海鯧魚)" 絕對係因為個名得意而叫, 條魚應該係有醃過, 因為食得出有咸味, 有D似未抽乾水的鹹魚, 質感又食得出魚肉!幾得意~重點來了~特色臘味煲仔飯~臘味有臘肉,臘腸, 臘鴨; 煲底有少少飯焦~其實食飯除左"食物"之外, 我覺得餐廳氣氛都重要; 原本以為食煲仔飯的地方都是大排檔多, 但今次呢間餐廳係行高檔路線~開壺菊花茶, 晒下太陽咁食住飯都幾寫意, 算係忙裡偷閒~埋單臨走, 見到有賣下臘味, 同事忍唔住買左包臘腸

朋友住渡般街，去探佢，佢話帶我去間煲仔飯專門店食晚飯坐低後，先送上前菜-醃菜，其實刀功很好芥菜排骨煲 - 芥菜湯濃味得嚟又帶清甜，是整個煲的精華，而且菜吸收湯的味道，肉又淋，正川味臘腸炒蛋 -滑蛋嫩滑，配上川味臘腸，些少麻辣味，開胃又惹味清蒸鮮腌海鯧魚-海鯧魚醃過夜，類似日本一夜干的方式，所以好入味，師傅加了些少蔥絲拿去蒸，簡單一蒸味到已經好好味，不會太鹹，很易入口，醃過後反而更帶出鯧魚的鮮味特色臘味煲仔飯 -有臘腸、臘肉、臘鴨，幾種蠟味令整煲飯香氣四溢蠟鴨鹹度適中，不用伴飯直接食用也非常可口，臘腸油香很重，而且鮮味；送上煲仔飯後，店員幫我們加豉油，再撈勻，食到最尾的時候，店員又會幫我們起飯焦，當然亦可自己動手起，服務真的是一流檸檬薏米水-清涼解渴又順喉，薏米吃落口感很好，健康又可口御髪膳粥 - 粥內有大量不同穀物，清甜而且有咬口，口感非常好，用來結束這一餐，可謂完美食物同服務也是極高質，有自家製煲仔飯售買，可以買返屋企試下自己煮

某些食物，雖一年四季也可吃到，但總要到某些時節最能勾起食慾；煲仔飯便是一例，冬天吃著暖笠笠，最是窩心。單看門面又怎猜到是吃煲仔飯的地方？倒似是Tea House多一點吧？要食物有保証，當然要由源頭著手，憶食尚在國內擁有自家農場和工場，養殖/種植及生產各種原材料，令質素得以保証。而佐敦店內更設有零售部門，售賣自家製古法瓦缸頭抽、原萃花生油、鮑魚XO醬、廣式鮮肉臘腸、川味臘腸、陝北手工空心掛麵、五常大米、廣式臘肉、南安板鴨、鮮腌海鯧、臘味煲仔飯和御髪膳，全部食材真空處理及包裝，方便顧客帶回家慢慢享用。牆上多張照片便是國內的自家生產基地。食肆樓分兩層，下層適合三數知己共聚，上層則是大夥兒的聚餐區及VIP房。特色臘味煲仔飯（小～$148，中～$398）～除菜蔬外，食材基本上也是自家出品 - 米飯、臘肉、臘腸、南安板鴨，米飯吸收了臘味的油潤甘香，再配自家製醬油，相得益彰！用瓦煲煮出來的飯也較為香口，飯焦味香又脆、色澤金黃，滋味悠長！川味臘腸($78)～以四川花椒製作，口感麻香中帶微辣，配生蒜片同吃，更有風味。鮑魚XO醬撈麵(原味/勁辣/麻辣)$88～麵條用上「中空設計」的「陝北手工空