樂天皇朝 (雅蘭中心)

營業中

休息中

在OpenRice 看到這家餐廳有很多好評打算慶祝朋友生日打電話預約時職員說平日只接受4人或以上的預約2人基本上都可以walk in 我們叫了皇朝小籠包有原味、芝士、川味、黑松露、鵝肝、蒜香、蟹粉和糟滑絲瓜小籠包好吃！多汁而且可以一次吃不同口味的另外我們叫了京醬肉絲看餐牌是餐廳推介的網上亦有推薦但真的很伏說穿了就是炒豬肉豬肉很咸一點都不好吃另外叫了紅油炒手乾麵味道一般沒什麼特別這家可能因為平時人不多沒有限時坐得舒服但是食物除了小籠包外其地食物質素不太好（小食花生粟子也不太好吃）而且吃飯途中發現一隻小小強在旁邊的櫃上衛生欠佳下次也不會再來吃

大概有兩三年冇幫襯過樂天皇朝，當年以新加坡過江龍姿態響銅鑼灣開第一間分店，已經第一時間去試。該店內裝條非常豪華，同旺角呢間差好遠。不過旺角店勝在近我，所以早幾年成日去，最近得炸醬拌麵，叫完一碗再一碗！事隔幾年再去食，已經唔係原本嘅味道了…..用eatigo 訂座食物有八折，點知埋單冇俾折扣，好彩有check 單！

請朋友食生日飯，佢指定想食小籠包，就同左佢黎呢度試下個八色小籠包啦！個主角皇朝小籠包果然係皇牌，幾有驚喜👍🏻。我地一人食四隻唔同味，大部份嘅味都一食就食得出同埋都幾夾個小籠包。佢個小籠包嘅皮做得唔錯，唔會厚又唔會夾起黎好易穿。嚟到一定要食呢個！皇朝擔擔麵比想像中辣，但係差咁啲花生味。個炸饅頭都可以，新鮮炸起唔會好油，然後要點大量練奶😆。甜品就叫左個宮廷驢打滾，又幾好食喎！本來以為係熱嘅，原來係凍嘅好似扁左嘅糯米糍咁，夠煙韌又唔會好甜。飲品我個個薏米水都幾好飲，加左檸檬飲落酸酸地，同埋啲薏米都夠腍。等緊朋友黎嘅時候其實我都食左大半碟小食，係煮過嘅花生加粟子，整得幾入味都唔錯。

食左幾次，終於記得影相寫食評。一次比一次唔好食，退步左，如無意外，係最後一次食呢間野今次都有叫小籠包，8色小籠包$118皮薄，汁幾好味，比較推薦原味小籠包🤣D味正常d外婆紅燒肉 $92唔洗試，唔好味，咁多肥肉都好啦，舊肉都唔稔，偏鞋同硬。椒鹽小黃魚$108出面唔夠乾身，肉質係滑嘅，調味唔夠咸，依個價錢🙄🙄🙄唔得鮑魚炒飯 $118濕炒黎，味道普通，係屋企輕鬆整到嘅野黎。口水雞 $85個醬勁咸好似紅燒牛肉公仔麵嘅醬料包咁嘅味，但點雞食勁咸，食完會口渴。肉質係ok ge, 但敗筆係太咸。撩開醬食都覺咸炒白菜 $65 係啊 炒白菜都要講，因為唔好食🤣菜太老，調味唔得🤣總結：佢係小籠包幾好，其他野全部唔得，今次係最後一次食佢，退步太多。 bye樂天

在旺角附近覓食，太多選擇也是麻煩，最後就近簡單吃個上海小籠包。紅油抄手，看起來以為很辣，但其實並不會，紅油只是香氣比較重，抄手份量都算大粒。李白雞髀，雞肉被砌得的圓圓的上桌，樣子可愛，令人捨不得下箸。皇朝小籠包，色彩繽紛，九種顏色九種味道，很有新意，很多新鮮的口味，不好處也是每款只有一顆，除非每人一份小籠包，不然是不能試完全部的，結果總是好奇人家吃的口味是不是會比較好。上海生煎包，香煎包底有是有，但未夠香脆，以致感覺有點油。菜肉雲吞拉麵，湯底較清，味道較淡，其他沒什麼特別感覺。千層油糕，鬆軟彈牙，當作甜品結束這一餐。總的來說，除了紅油抄手，其他菜色都比較淡口，感覺養生。

下午三至五點係下午茶時段，全單六折🤩呢個下午茶只有平日做，星期六日冇㗎！平日下午三點去到餐廳都幾空，唔使等位！一坐低之後就自己剔點心紙！兩個人食，總共叫左七樣野！叫得有啲多所以最後食唔哂要拎走🤪每次嚟到一定要嗌呢個皇朝小籠包，佢總共有八隻唔同嘅味。我覺得做得最出色嘅都係原味，另外芝士同蟹粉都做得好好味🤤每個小籠包個皮都好薄又爆汁，超滿足！另外都嗌左三款前菜，涼拌黑木耳都好推介識落好清新好開胃🤩🤩🤩海蜇頭就比較un咗少少，但味道都算唔錯。醉雞不過不失👌🏻呢個炸饅頭有驚喜👏🏻🤩炸得勁脆仲要係即叫即炸點住煉奶食真係一流😋💯另外都叫咗擔擔麵同炸醬麵，擔擔麵做得唔錯個湯底辣辣地超濃花生味，啲麵亦軟硬適中👌🏻買單四百零蚊兩個人（已經折咗六折）如果原價食價錢真係偏貴🌝但下午茶食個人覺得都幾抵，環境同服務都唔錯，值得一試🤪

疫情之下，有時都要出街抖下氣，食番餐好。😬 不過當然，要揀啲衛生嚴格，乾淨寬敞嘅餐廳，就會比較安全嘞。⁣⁣⁣⁣😅⁣⁣⁣⁣⁣⁣皇朝小籠包（$118）［好味度：8.5/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個係佢哋嘅招牌菜，簡直係嚟呢嘅必食。✅ 八件都係唔同顏色，唔係人造色素，而係卒取自唔同食材。🤓 八隻小籠包都係唔同味㗎。🎱 而佢嘅小籠包，皮都好薄，但又唔易穿，加上入面好多湯汁，豬肉瘦中帶肥，算係食過當中，非常高質嘅小籠包。👍🏻 小籠包分別就係呢啲八隻口味：原味、人參、鵝肝、黑松露、起司、蟹粉、蒜香、麻辣。😗 全部被都好入味，各有特色，但同時又覺得同小籠包嘅味道都幾夾，嚟呢度就真係必食。⁣⁣⁣⁣😁⁣⁣⁣⁣⁣⁣蟹粉炒飯（$128）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣蛋炒飯鋪上超多橙黃食嘅上海蟹粉，感覺已經好正。🥰 入面仲有啲蟹黃添。🦀 將蟹粉同埋炒飯撈勻嚟食，食落啖啖都有蟹肉，真係超級滿足，好難忘。⁣⁣⁣⁣😚⁣⁣⁣⁣⁣⁣沙拉排骨（$92）［好味度：8/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣今次都叫咗啲熱炒小菜去試下水準，果然都唔失望。😝 沙排骨經過炸過，

在眾多的中國菜式中，上海菜是我的最愛，所以收工後便去樂天皇朝吃晚飯～吃正餐，當然要點前菜啦，聽朋友介紹它們家的李白醉雞頗有名氣，想不到真的很好吃！當中的酒味香溢，吃完還有一陣陣酒香在口中醞釀👍🏻 由於朋友喜歡吃香辣的食品，我們另外叫了香辣蒜泥白肉，濃烈的蒜香辣椒味配合清爽的青瓜，為整體口感帶來多層次。至於正餐點了上海菜必不可少的皇朝擔擔拉麵，它的湯汁濃郁，而味道能深深滲透入拉麵中，超香超可口！來到樂天王朝點「 皇朝小籠包」是大家的指定動作，一盤有8種味道，每個味都帶來不同驚喜，而且小籠包有豐富的湯汁，味道超好！我們多叫了一份外婆紅燒肉，甜甜的燒汁配搭鮮美的豬肉，一放入口即溶，真的回味無窮～最後我們飲了蘋果荔枝茶，香香甜甜的，整個晚餐便完滿了～無論和朋友還是家人吃晚餐，樂天王朝是一個不錯的選擇喔～

依排都係收早，三點就可以收工，但係唔代表可以周圍去，個個行街都人心惶惶……之但係點都要釋放一下自己，所以今日約咗朋友仔收工先去happy hour🍺然後再去食好東西😋7:30準時去到依間樂天皇朝，依段疫情嘅時間，講得衰啲就可以去食一啲平時好多人排隊嘅餐廳，依間樂天皇朝就係其中之一🤭入去坐低之後，就交俾朋友仔發板🤷🏻‍♂️佢嘅餐前小食係栗子加花生，成碟係我食晒，又幾好味喎，栗子做餐前小食有幾特別喎😙八種顏色嘅小籠包，我記得係有原味、松露、芝士、蟹粉，另外四隻味道比我朋友食咗😭蟹粉炒飯，蟹粉汁好好味😋鮮蝦雲吞，唔係普通雲吞麵鋪咁嘅味道，大大隻鮮蝦非常爽口，豬骨湯非常濃郁🤩糖醋魚片，識我都知道我最鍾意食糖醋汁，有依個咕嚕汁加菠蘿，我就一定會叫，果然冇令我失望🥰麻醬油麥菜，我朋友問我係唔係已經淥熟咗啲菜，我同佢講，如果啲菜淥熟咗仲會咁爽口咩？🤣雖然係生食，好爽口、好清新，配搭麻醬非常之合適👍🏻👍🏻驢打滾，我第一次食，我朋友極力推薦，感覺似雷沙湯丸，糯米煙煙韌韌，正喎🤩食甜品就當然唔可以少得豆沙鍋餅啦，完美結束！

【上海菜•皇朝小籠包】𝙋𝙖𝙧𝙖𝙙𝙞𝙨𝙚 𝘿𝙮𝙣𝙖𝙨𝙩𝙮 • 𝙎𝙥𝙚𝙘𝙞𝙖𝙡𝙩𝙮 𝘿𝙮𝙣𝙖𝙨𝙩𝙮 𝙓𝙞𝙖𝙤 𝙇𝙤𝙣𝙜 𝘽𝙖𝙤💰價錢：$118(+10%)———————終於食到傳聞中嘅八色小籠包😍香港好食既小籠包唔多呢間的確做得幾好皮薄多汁🤤跟返由最淡到最濃味嚟食真係可以食出由淡到濃嘅層次原味係我比較推薦要試芝士就比較普通 同小籠包唔太夾🤨而川味就只有麻 一啲都唔辣整體嚟講 個人比較推薦原味同鵝肝如果鐘意食小籠包 呢間可以一試👍🏻

樂天皇朝是來自新加坡的前三大中餐集團，今次約咗老師聚餐，想搵一啲中菜同埋坐得舒服嘅餐廳，所以就選擇左樂天皇朝！大約11點嚟到，唔係太多人，環境十分安靜，適合溫馨小聚服務態度亦都很好！早已久聞這裡經典的八色小籠包，所以一定要點返過八色小籠包試下！⭐️八色小籠包8色小籠包有8種口味，分別是原味、人參、鵝肝、黑松露、起司、蟹粉、蒜香、麻辣，口味非常特別，餐廳用心的連吃的順序都幫你想好了！原本以為八色小籠包只是外皮顏色較特別而已，其實內有乾坤，內饀都好有料！小籠包肉汁甘甜，一口咬下去仲會爆汁，而且小籠包內餡調味十足，再添加薑絲醬油十分正，每個味道都有唔同嘅感覺。仲嗌咗其他前菜同埋小菜，味道都唔差，三、四個人食啱啱好。樂天王朝仲做緊優惠，提前訂咗仲有六折優惠，很超值！每道都好好吃，非常推薦一起來用餐

週末來雅蘭中心找吃的，常常要等位子。第二次來這家主打新式中菜的中餐廳，店內寬敞，桌與桌有一定距離，約朋友聚餐是個不錯的環境。招牌菜皇朝小籠包｜點了這款一籠八味的來試試看，皮薄有肉汁是有水準的手工菜。但八種口味這款試一次就夠了，除了黑松露和麻辣以外其他都沒太大驚喜，芝士小籠包有點不倫不類，下次點回原味划算得多。芝麻醬油麥菜｜油麥菜煮得清爽脆口，卷成一卷卷的容易入口。冰冰的蔬菜配芝麻醬有解膩醒胃，喜歡雞絲粉皮的人可以一試。

雅蘭覓食，見到呢張大 poster, 就即刻俾佢吸引左入去。時間未算晚，我地在食飯人潮擁到之前入座，仲有大大張枱，好 lucky !皇朝小籠包$108有八款八色八味的小籠包，分別係芝士、鵝肝、蒜蓉、川辣、人參、蟹粉、黑松露同埋原味。一眼見到已覺得賞心悅目，即刻影多幾張相先 呢粒「黑蚊蚊」係黑松露味，味道幾濃郁。而「青BB」果粒係人參味，幾得意喎！原來人參同小籠包係夾到架，味道有驚喜。小籠包雖然五顏六色，但佢標榜顔色由全天然食材提煉，令人食得安心。豬骨湯鮮肉卷拉麵 $70湯底好清甜，估計用左靚火腿煲，啖啖鮮味。而拉麵的口感幾好，清爽而不會糊爛，係傳統的上海拉麵。餸亦好足料，有豬肉片、雞蛋、小棠菜同紫菜等，大堆頭，好抵食。蒜蓉炒菠菜$65菠菜算幾嫰，蒜蓉炒起都幾香。而且夠大碟，呢個價錢，算抵食。水煮魚片 $188小辣都好辣，唔算太麻但幾嗆，小心小心。一大盤上，除了魚片，底層仲有好多芽菜、腐皮、木耳同埋薯粉。魚片鮮且滑，幾好味。辣得過癮，索性用水煮魚片來撈麵，又一新食法檸檬蘆薈桂花蜜 $28朋友叫的，試左少少，檸檬汁襯托蘆薈粒，仲有少少杞子粒。第一次食呢個甜品，凍冰冰又酸酸地，好消滯。桂花酒

黎自新加破既樂天集團.. 之前係大角咀返工時已經食過一次Lunch~對佢印象極好呀.. 除左環境靚, 服務好同野食質素高.. 佢仲有一樣好正既野..就係好多款菜式都有 (大) (細)之分~ 符合到唔同食量既人~大角咀個一間係叫”樂天經典”… 今次黎呢間係位於旺角既”樂天皇朝” 唔知有無唔同呢~晚上7:30左右黎到.. 已經見到要等位喇.. 好彩我地一早訂左位 : D食物真係好多款… 多到唔知點揀好>v< 不過呢度無分大細Size… 唔知係咪經典先至有分呢~環境都幾有氣派呢~!! 而且好光猛…不時見到充滿中國風既設計~食物既上菜速度都幾高呢~~有8隻色既 皇朝小籠包$108 基本上係一定會叫的~~因為係呢度首創, 有成8款口味既小籠包~!!分別係:: 原味, 人參, 鵝肝, 黑松露, 芝士, 蟹粉, 蒜香同麻辣平時食小籠包食到悶悶地既你.. 食呢個真係幾岩~ 咁多款味 好新鮮!!而且唔好以為佢淨係得個樣… 其實真係分得出邊隻打邊隻架 (食入口個陣XD齋睇樣就有D難分XDD)我同屋企人一共4位~ 所以… 我只係獲分配試得2隻 T___T分別係鵝肝同芝士!!! 芝士食到中間先

上次去雅蘭中心食飯，見到商場另一邊有間吃中菜的樂天皇朝，門面有大大幅小籠包圖片，餐廳老闆是新加坡人，以新加坡的製法做中菜，對於我來說就更有興趣啦！所以我們一於入去品嚐下最喜歡的特色小籠包，相信肯定會好好味。進入餐廳裡，裝修帶有古代 + 時尚的設計，感覺懷舊同摩登結合而成，這裡地方寬闊，環境整潔，坐在這裡用膳舒適舒服，享受的感覺！餐廳屢獲殊榮的小籠包，共八款口味 : 1. 原味  2. 人蔘  3. 鵝肝   4. 黑松露   5. 芝士   6. 蟹粉   7. 蒜香   8. 麻辣，以天然食材提煉而成，色彩繽紛的小籠包，賣相非常吸引。餐牌上除了特色小籠包，還有湯拉麵、小炒、蒸餃、涼菜、甜點等，款款吸引，有特色，真的很不錯。皇朝小籠包  (8 pcs )     $108共有八款口味  :  1. 原味    2. 人蔘    3. 鵝肝    4. 黑松露    5. 芝士    6. 蟹粉    7. 蒜香    8. 麻辣皇朝小籠包色彩繽紛，個個面積一樣，賣相已經非常吸引。侍應說由淡味開始食，由1號至8號順序，每個小籠包味道不同，外皮很薄，餡料新鮮，肉嫩多汁，先吸入小籠包的湯汁，