三星台菜食堂 (新城市廣場一期) (已結業)

週日下午碰碰運氣試吓呢間三星台灣麵.我哋用Apps攞位, 大約10分鐘就可以入座.我哋坐嘅係靠近門口的兩人座位.都係掃QR code落單點菜. 我哋點了紅燒三星麵 $82，酸菜同蔥可任意選擇多少。麻辣三星麵 $82熱桂花烏龍 $21黑糖奶茶 $26，加珍珠 $5三星麵嘅材料係牛腱、牛筋和牛肚。佢地嘅牛煮得好林，好好食，唔會好重味精，牛肚都選用金錢肚！桂花烏龍茶只係茶包！總結，牛係好食嘅，下次經過都會幫襯。設加一服務收費，套餐只供堂食享用。

襯住公眾假期同朋友去商場行街食飯shopping下，行到七點幾攰攰地就諗住搵間餐廳食飯，突然好掛住台灣嘅牛肉麵，好多其他餐廳又食過想有啲新意，決定試一試呢間三星台菜食堂，解一解呢個去台灣旅行嘅癮。我地大約七點三去到，唔使等位就可以直接入去。坐低之後見到餐牌上面都有好多唔同款嘅牛肉麵，仲有唔少台式小食同飲品嘅選擇。我地唔算太肚餓，所以只係嗌咗兩個牛肉麵同兩杯飲品。- 紅燒三星麵 $82餐牌太多選擇琳瑯滿目，我決定回歸基本步叫翻傳統嘅紅燒牛肉麵紅燒三星麵入面有牛腩、牛肚同埋牛筋，每樣餸有兩至三舊，分量都好合理碗麵黎到第一時間梗係飲啖湯先得啦，一入口就食到豆瓣醬嘅味，之後就有少少嘅辣味走出黎個湯底濃味得黎都好順口，唔食得辣嘅都應該接受到，唔係太刺激嘅辣度黎。湯底好味嘅關係，食到最尾幾乎飲哂啲湯，差啲冇哂湯黎配麵！！麵質方面都算有咬口，煮嘅時間唔會過長煮到爛哂咁，不過個人就偏好再硬少少嘅麵。（順帶一提，落單嘅時候店員冇問到我地要咩麵，我諗default應該係粗麵，下次會想試下刀削麵）之後就到餸喇，牛腩入味又淋身，絕對唔會咬到牙骹軟先呑到；牛肚就非常之彈牙，同樣係好重滷水味；最鍾意嘅就係牛筋，入

五一2人隨意搵間新餐廳試吓，份量唔太大，食量大嘅人一定唔夠飽不過環境、同埋食物質素都有驚喜但係湯底偏甜。叫咗我最愛嘅牛柳，每日限額20份。早起的鳥兒有得食！響熱辣辣嘅石頭上面自己控制幾多成熟

朋友約食飯但又唔想食得太貴，便揀咗呢間半快餐式嘅台灣菜。除咗台灣菜最常見嘅牛肉麵、魯肉飯等，亦有唔少嘅炸物、涼拌等小食。野食好快就到了。先叫咗啲小食 share，個人就鍾意鹽酥雞同麻辣牛腱，鹽酥雞夠哂香口，而麻辣牛腱就絕對啱哂麻辣粉絲嘅口味。紅燒牛肉麵亦不錯，牛肉湯鮮甜而濃，當中有牛腱、牛肚同牛筋，牛腱煮得夠鬆軟。幾個人嗌咗幾款餸已食得好飽。惟餐廳服務員有啲冷淡，有少少感覺被人催趕，所以食完快快就埋單離開了。

我們一行2人，因為有Apps，所以就book這間，其實這間已經唔係第一次食，因之前都食過都唔錯，所以今次就同家人再食。我們分別叫了： 紅燒三星麵（味道都几好，麵質有口感，只係如果每款餸都有兩件就更加好😋）另外叫了麻辣三星麵（食得辣的朋友不妨一試，本人試了一些湯都几辣，而配料跟紅燒那款一樣），最後加了一款小食：蒜泥白肉 （這款都几好味，份量都合理，蒜溶好多好味、白肉肥廋均勻👍🏻）。整體而言：直得一試，味道不錯，價錢在沙田新城市來過差不多，服務方面就一般。

我們一行二人，好耐冇食台灣菜，上網睇到沙田新開左間台灣麵所以就去試。分別叫了一碗紅燒三星麵（牛腱、牛筋、牛肚）-湯底有少少辣加埋酸菜和牛肉味😋，麵質方面同我預期一樣不會太（琳）有口感，餸方面，都几足料同埋都夠琳和入味。另外叫了一碟台式排骨滷肉飯，排骨熱辣辣不會太厚粉，而滷肉飯的汁調校得幾好不會太鹹和食後唔會口渴👍🏻。最後叫了一個小食：第一鹽酥雞，這個比較特別跟出邊的鹽酥雞不同，他會加了蔥和蒜頭，雞食落唔會太乾，但就唔泰龍鹽酥味。可能比較早食所以就唔多人，但店舖不太大，枱與枱之間都比較逼夾。整體而言：不論飯或者麵都值得推介👍🏻

睇openrice 話係傅佩嘉開嘅三星台菜食堂會多人排隊就早少少黎食 6點幾黎到唔駛等位 但陸陸續續開始多人叫左紅燒三星麵 入面有牛𦟌 牛筋 牛肚 （除紅燒湯底 可揀番茄或麻辣）啲料燘到好腍 好入味 麵都有質感唯一美中不足係紅燒湯底偏甜 （視乎個人口味 我朋友覺得個湯底ok)另外叫左個期間限定小食 冲繩炸魷魚 配沙律醬同甜酸醬 不錯不錯整體黎講覺得$82 有呢個質素嘅牛肉麵 性價比都高 會再幫襯*題外話 佢啲餐具好有質感 雲石紋設計好靚😍

新城市好多嘢食，對於住沙田嘅我一啲都唔陌生但係就成日都好多人，而且食肆一般都定價偏貴。今日經開見到呢間台灣料理好似都新新地，價錢又唔算貴，見又未食過就去試下。七點左右去，唔駛等，即刻有位坐低睇下餐牌都有好多選擇，台灣菜嚟講選擇都算多。見到餐牌有個推介嘅限定海膽魯肉飯，就被佢深深吸引著好似幾得意咁，跟住就叫咗一個 個飯一嚟到同圖片一樣食落去好似fusion咁，有啲日式又有啲台式嘅感覺。海膽超級多，一排排咁排好 有三文魚子，下面仲有啲魯肉，撈埋一齊食，有另一番風味，又幾好食喎而且啲海膽甜甜地，有驚喜 蛋仲係糖心蛋嚟㗎，好味夾起啲海膽一排排，好治癒食台灣嘢梗係要叫返個牛肉麵，叫左紅燒三星麵，有牛肚、牛筋同牛展。可以配粗麵、幼麵或冬粉，店員推介粗麵比較好食，一於試下牛肉湯底都幾濃，而且有少少辣辣地，帶有台式風味 麵質都係煙煙韌韌彈牙嘅，唔錯。而且麵嘅份量都幾多，一定夠飽 重點當然係要叫返杯我最愛嘅珍珠奶茶叫咗少甜，味道剛剛好， 茶同奶嘅比例平均。 去親台灣料理嘅餐廳我都會叫個花枝丸因為我好鍾意食佢呢度嘅花枝丸會預先切成一半，比較容易入口，而且炸得剛剛好，花枝丸灑上淮鹽同埋蒜蓉，呢個推介百頁炸

2018年12月9日 13:10 到三星台菜食堂，開了一段時間，今次同亞姨就試吓佢地嘅牛肉麵啦。雖然星期日但食飯時間，都不用等多久就有位了，但是入坐前説明一小時後要交還枱。安排我們坐的位置都不錯👍🏻，坐下來也事不延遲的點了兩碗紅燒三星牛肉麵（包括有牛筋、牛展、牛肚各兩件），很快麵就端上來，下單時説明酸菜另上（原因我本人不吃，給予亞姨，她說不想破壞牛肉湯底，所以另上），先試一口湯底，很濃的牛肉湯，再喝多幾口覺得好咸，不斷叫待應添水。湯頭有大量䓤花，再試麵條🍜我們都選擇粗麵，麵條煙韌有彈性，沒有打散開。牛展兩大嚿又厚切，咬落好有口感，唔硬有牛味，值得一讚👍🏻。牛筋同牛肚好淋，炆得夠時候，另附上小唐菜一條。整體來說，不過不失，但略嫌咸了些。此餐$180每人$90。有朋友睇到本人出post説食麵略嫌貴，貴與不貴見仁見智。

國慶日的下午來到了沙田新城市廣場, 原以為商場會被同胞攻陷, 怎知食肆的等侯人潮比平時假日還少, 於是便選擇了平時人龍不少的三星台菜食堂一試。 由於餐牌內的小食和配菜並不吸引, 於是只點了魯肉飯和牛肉麵。 阿嬤魯肉飯 $52 魯肉飯的醬汁調味還可以,但比起平時吃慣的少了份甜味。溏心蛋的賣相普通, 但味道卻不錯。附送的酸菜酸酸辣辣,口感爽脆,用以伴飯很開胃。可惜,魯肉飯的靈魂,魯肉本身肉質非常的乾, 使整個飯都扣了不少分。 紅燒三星麵 $82 （轉幼麵） 幼麵條似是中式拉麵, 可是煮得太腍,麵條亦黏在一起,進食上有點困難。湯底味道不夠濃郁,不太吃得出紅燒的味道。牛筋煮得夠腍夠膠,雖不太入味,但也算不錯。金錢肚和牛展都正常質素。 三星花雕麵 $98 粗麵吃下去的感覺像超市賣的台式包裝拌麵,口感比幼麵好很多,至少是有彈性的。湯底有淡淡的花雕味, 吃下去的感覺很清新,比紅燒三星麵的湯底好多了。至於牛的部與紅燒三星麵是一樣的,就不再重覆了。 總結而言,有不少比這間好吃和便宜的牛肉麵,除非你剛好在新城市廣場又很想吃牛肉麵的話,否則我覺得不試也沒有損失。

好耐冇同媽媽行過沙田新城市廣場，見好多店舖都轉晒尤其是地下d食市都轉左好多，後來見到呢間係我好想試好耐既台灣牛肉麵聽聞佢哋既威士忌三星牛肉麵好正，居然來到這裏開店，而且知道係歌手傅珮嘉開既，就入去試吓同其他店既台灣牛肉麵有乜分別先入到去侍應熱情地招呼，介紹除左可散叫餐牌上食物，還有午市套餐可以點選都一一詳細講解最後我哋選左一個午市套餐：三星麵，湯底本來選蕃茄，但剛剛賣晒唯有轉紅燒，麵要左粗麵，小食要左溏心蛋，飲品加$12轉特飲（烏梅汁）另加$5珍珠，加$20要左個花枝丸。另外點可以唔試呢個：三星噶瑪蘭威士忌麵，還有叫左杯香芋奶茶烏梅汁，入囗酸酸甜甜，珍珠大細適中，煙煙韌韌香芋奶茶，好香香芋味，入囗好滑三星噶瑪蘭威士忌麵，當侍應送上麵來既時候，好細心講解，話呢個麵同三星麵一樣有：牛筋、牛展、牛肚，不過就多左樣安格斯生牛肉，然後侍應灑d麥芽落個麵，用火槍燒一燒d牛肉和麥芽，等佢散發出獨特香味跟住再倒威士忌落湯殼再點火，之後倒落麵中，使香味更加濃郁醇厚，這時我哋就可以食麵首先我試吓個湯先，味道好濃郁，滲出淡淡威士忌味粗麵爽囗彈牙，掛滿濃湯更加味美。牛筋咬落腍腍滑滑，牛展軟軟腍腍，牛肚都一樣軟