胡同

營業中

休息中

喺得呢度食飯，明白個景已經係一種收費，但係收得我呢個價錢，啲嘢食個水準仲衰過屋邨酒樓就搞吾掂囉，成餐飯兩個人食左差唔多五千蚊，拎去求其三聖或者鯉魚門買海鮮冇咁嬲，真係邊食邊X，千祈吾好俾個食物樣呃到，但如果有人係純粹諗住用幾千蚊帶女仔去威下或者打下卡刷流量既，呢度完全符合閣下所求😤

通常啲人嚟「胡同」, 都係食佢哋個 Tasting Menu, 今次挑戰下佢哋嘅 A La Cart 菜單, 睇下係咪一樣咁有水準。個無敵維港景唔使多講, 全港數一數二！好鬼鍾意佢哋個 Wine List, 封面係紅雙喜火柴, 好有懷舊感覺！（暴露年齡系列🧓）「聖旨到」冷盤, 蟶子好粗壯, 啲蒜蓉味啱啱好, 冇蓋過蟶子嘅鮮味！👍🏼「花椒金湯桂花魚」價錢都幾貴, 調味非常之好, 辣味溫和, 花椒麻口嘅感覺啱啱好, 只係略嫌佢啲魚唔係好夠滑, 但鮮味十足！個「鹹肉津白」擺盤真係一流, 成朵蓮花咁樣, 你影完相之後, 侍應先至會切開佢畀你食, 可能因為要做到咁嘅外形, 個菜頭比較硬, 醬汁亦都係比較稀, 唔會好似平時啲奶油津白咁醬壞壞！我反而鍾意咁樣嘅口感！薑米蟹玉蘆筍蛋白炒飯啲飯炒得幾好, 絕對唔油膩, 其實唔係好食到啲薑味, 但蟹肉同蘆筍處理得非常好, 味道令人回味！原來呢度啲甜品都有返咁上下！以為佢嘅酸梅雪葩好鬼酸, 但點知好好食！啲梅味好自然, 配埋啲生果, 感覺輕盈！荔枝雪葩正常發揮；白桃烏龍桂花mousse配烏龍茶雪糕味道都唔錯, 只係略嫌佢哋嘅烏龍茶雪糕茶味唔係太濃；反而個楊枝

📍香港📍尖沙咀📍胡同📍尖沙咀中間道15號H Zentre18樓📍星期一至五 12:00~15:00 & 17:30-00:00 ；星期六及日 11:30-16:00 & 17:30-00:00超好氣氛嘅中菜廳🥢雖然定價比較高，但食物質素穩定好食，望住成個海景環境好靚，真系好岩慶祝影相打卡📸 夜景冇得輸！帶女朋友黎實開心🥳 有Cocktail飲仲有靚女DJ打碟💃🏼 餐廳燈光比較昏暗。如果想坐窗邊位記得要提早book，侍應都有提及坐窗邊位嘅用餐時間係比較少，自行留意。切餅費比較貴，按人頭計$75一位🎂 不過待應都好好，唔夠時間喺窗邊位食埋個蛋糕都安排咗出邊嘅房仔俾我哋👍🏻🦄 火焰胡椒片皮鴨半隻 $490🦄 評分: 9/10基本上每枱都會叫。師傅不停系我地身邊帶住一隻又一隻鴨走黎走去😂 相當有睇頭既火焰片鴨，師傅會系你面前點燃俾你打卡。外皮香脆，鴨味濃肉質嫩，唔會好肥。跟配京蔥青瓜，鴨醬調味岩岩好。餅皮上枱熱辣辣👍🏻添左一次無額外收費😂🦄 聖旨到 $388🦄 評分: 8.5/10呢個名好搞笑，我諗左一陣系咩黎。蟶子新鮮大隻，大量蒜蓉加埋惹味醬汁，好食😋🦄 麻辣蝦 $388🦄 評分: 8/10

裝潢非常漂亮，座位更對正180度無遮擋海景，撇除燈光昏暗，打卡一流。先上兩碗湯，海皇湯味似粟米羹，是日精選湯內含烏雞、椰汁，味道非常清淡，難怪要附上鹽及胡椒粉。黑毛豬叉燒說是用上伊比利亞豬，但吃起來完全沒有橡果味，亦沒有脂肪，而且不脆。黃金蝦香脆、新鮮、彈牙、大量鹹蛋黃牢牢黏在蝦上，是我吃過最好的。招牌的火焰片皮鴨，即場在客人面前用火槍燒幾分鐘，好有特色，可惜over cooked了：皮脆但肉乾柴，配的皮都十分韌，咬不斷。「聖旨到」潮式醃蟶子非常美味、新鮮！肉質醃得軟淋，口感像沒有黏稠感覺的醬油蝦。魚湯浸白菜的魚湯非常濃郁鮮美，白菜沒有汆水，有些苦澀。流心蛋鵝肝的蛋沒有蛋味，鵝肝是用上鵝肝醬，並非原塊鵝肝，而且皮厚又炸得太燶。辣子雞炸得乾身，辣得過癮，味道、肉質一般。甜品方面，試了海鹽朱古力糯米糍、龍井奶凍，及荔枝雪葩，同屬一般水準。